Икона божией матери "Игумения Святой Горы Афонской"

Икона Божией Матери “Игумения Святой Горы Афонской» создана в начале ХХ века, по заказу греческого губернатора Афона, одним из мастеров в бывшей келии Св. Николай Чудотворца на Афоне. В ковчеге иконы помещены частицы Креста Господня и мощей Святых.

Предание повествует, что в І веке, через несколько лет после Вознесения Господа нашего Иисуса Христа, Божия Мать, спасаясь от гонений, воздвигнутых Иродом в Палестине, готовилась по выпавшему ей жребию оправиться в Иверскую землю. Но ей явился Божий Ангел и сказал, что дар апостольства ей предстанет на другой земле. Корабль, на котором Богородица с Апостолами направлялась на остров Кипр, к епископу Лазарю, попал в бурю и причалил к Афонской горе, населенной язычниками.

Пресвятая Дева, видя в этом указание воли Божией на данный Ей Жребий земной, вышла на берег и возвестила евангельское учение.

Народ языческий принял Божию Матерь и слушал Ее проповеди, затем уверовал и крестился. Силой Своей проповеди и многочисленными чудесами Богородица обратила местных жителей в христианство.

Она поставила там начальником и учителем одного из Апостольский мужей и сказала: «Сие место буди мне и жребий, данный мне от Сына Бога моего».

Потом, благословив народ, присовокупила: «Благодать Божия да прибудет на месте сем и на пребывающих здесь с верою и благоговением, и соблюдающих заповеди Сына и Бога моего. Потребные к жизни на земле блага будут им с малым трудом в изобилии, и жизнь небесная уготовится им, и не оскудеет милость Сына моего от места сего до скончания века. Я ж буду Заступница места сего и теплая о нем Ходатаица перед Богом».

Кондак 1

Избранной от всех родов Божией Матери и Царице, приявшей от Сына Своего и Бога в жребий Себе Гору Афонскую, и давшей ю в вечное достояние православных иноков, похвальное сие возглашаем пение. Ты же, о Богомати, Заступнице сущи подвижников благочестия, спасай и избавляй от всяких бед, скорбей и напастей, и к Царствию Небесному руководи ны, духовная чада Твоя, умильно Тебе вопиющия: Радуйся, Верховная Афона Правительнице, и наша Наставнице и Покровительнице.

Икос 1

Ангелы святынею и чистотою превзошла еси, Пречистая, от юности ангельски поживши: темже ангелоподобнаго иноческаго чина изрядная Наставница и Покровительница явилася еси, путеводящи к Царствию Небесному рачителей девства и чистоты, от нихже достойно слышиши таковая: Радуйся, начало и освящение девства. Радуйся, светлейший образе целомудрия. Радуйся, праведными родительми Твоими, прежде зачатия на службу Богу обетованная. Радуйся, от неплодных ложесн по благовестию Ангела рожденная. Радуйся, в трилетнем возрасте в храм Божий введенная. Радуйся, от руки Ангела небесною пищею воспитанная. Радуйся, лествицею сочетавшихся в Тебе добродетелей на высоту духовнаго совершенства возшедшая. Радуйся, образ богоугоднаго жития в молитвах, воздержании и послушании нам явившая. Радуйся, первая в женах девство Свое Богу обещавшая и сие соблюдшая. Радуйся, к водительству иночествующих свыше избранная и предуготованная. Радуйся, в лице Иоанна девственника при Кресте Сына Твоего всех верных в сыновство приявшая. Радуйся, наипаче чину иноческому, яко житию Твоему последующему, Благая Матерь явльшаяся. Радуйся, Верховная Афона Правительнице, и наша Наставнице и Покровительнице.

Кондак 2

Светом Божиим, по вознесении на небеса Сына Твоего Христа Бога нашего, паде Тебе Владычице, жребий Апостольскаго служения в земли Иверстей, извещением же ангельским откровенно Ти бысть, яко оный просветится в последния дни: Ты же потрудитися имаши в земли, юже Ти Бог изволит. Темже, яко Раба Господня, смиренно повинулася еси Того воли, образ нам подающи, да и мы всегда и во всем творим волю Создателя нашего, вопиюще Ему: Аллилуиа.

Икос 2

Разум Божественнаго промышления Своего о жребии Богоматере открывая, не к Кипру, но к Горе Афонстей путь Ея управи Господь, идеже проповедася Его Евангелие, и тако явися земный жребий Ея. Темже молимся: управи, Богомати, и наш путь к Небесному Отечествию, да Тебе, Наставнице нашей, хвалебно вопием: Радуйся, Своим пришествие Афон освятившая. Радуйся, веру истинную в нем насадившая. Радуйся, в жребий Себе Гору сию от Бога приявшая. Радуйся, милость Сына Твоего до скончания века месту сему обетовавшая. Радуйся, благодати Его неотступней на месте сем быти предрекшая. Радуйся, яко предречение сие доныне зрим делы исполняемо. Радуйся, теплая Ходатаица о живущих в жребии Твоем. Радуйся, всех врагов их устрашение. Радуйся, обитающим зде земных благ Подательнице. Радуйся, вечнаго их спасения Споручнице. Радуйся, яко вси христоименитии людие жребий Твой почитают. Радуйся, яко местом святым и раем монашеским той нарицают. Радуйся, Верховная Афона Правительнице, и наша Наставнице и Покровительнице.

Величание

Величаем Тя, Богородице Дево, и чтим Тя, яко Верховную Афона Правительницу, и нашу Благую Наставницу и Покровительницу.

Молитва

О Едина Пречистая и Пресвятая Владычице Богородице, палато Духа Святаго, всемогущая Заступнице и Ходатаице рода христианскаго! Не отрини мене недостойнаго, грехми душу и тело осквернившаго, очисти ум мой от помышлений суетных, углебающих в пагубе мира сего прелестнаго. Укроти моя страсти и избави мя от грех моих. Подаждь же бодрость и рассуждение уму моему помраченному, да заповедей Божиих делатель искусен явлюся. Огнем любве Божественныя воспламени оледеневшее сердце мое. Паче же Тя молю, Благая Мати, якоже Максиму Кавсокаливиту, испроси и мне непрестанныя молитвы дарование, да пребудет сия во мне потоком, от зноя страстей и скорбей находящих, прохлаждающим и наполняющим, да стяжав мир сердечный помощию Твоею и очистився от скверн греховных покаянием слезным, сподоблюся в будущем веце радости и блаженства причастник быти всех преподобных отец Афонских и всех святых от века Богу благоугодивших. Аминь.