свт. еп. Нектарий Эгинский, Пентапольский, митр.

Святитель Нектарий Эгинский, митрополит Пентапольский (Άγιος Νεκτάριος Αιγίνης; в миру Анастасий Кефалас Αναστάσιος Κεφαλάς), родился в семье благочестивых родителей в 1846 году в Селиврии Фракийской, недалеко от Константинополя. С детства полюбил храм, Священное Писание, научился молитве. Бедность родителей не позволила учиться на родине, и в 14 лет он уезжает в Константинополь, чтобы поступить на работу и оплачивать учебу.
Жизнь в Константинополе была нелегкой. Мальчик устроился на табачную фабрику, но средств не хватало, и однажды отчаявшись, понимая, что помощи ждать не от кого, Анастасий решил обратиться с просьбой к Тому, кого так любил и на Чью помощь уповал всю жизнь. Он написал письмо Господу: “Христос мой, у меня нет фартука, нет обуви. Прошу Тебя послать их мне, Ты знаешь, как я люблю Тебя.” На конверте написал адрес: “Господу Иисусу Христу на небеса” и попросил отнести письмо на почту своего соседа торговца. Тот, удивившись необычной подписи на конверте, раскрыл письмо и, увидев такую просьбу и силу веры, отправил мальчику деньги от имени Бога.
В возрасте 22 лет Анастасий переселился на остров Хиос и начал работать школьным учителем, здесь он не только преподает, но и проповедует. Его влияние на учеников было таково, что те, а через них и все взрослые, вскоре прониклись к нему любовью и глубоким уважением. Он создал из учеников прекрасный хор и сам пел с ними в сельской церкви, но душа его тянулась к монашеству. Анастасий посещал Афон и беседовал со старцами, и в конце концов ушел в монастырь, где принял постриг и сан диакона с именем Нектарий, что означает «бессмертный».
Получив возможность продолжить образование, Нектарий оканчивает богословский факультет в Афинах, и тогда же его приближает к себе Александрийский Патриарх Софроний (Меиданцоглу).
В сорокалетнем возрасте патриарх рукополагает Нектария во священники в Александрийском Саввинском монастыре. С ревностью и самоотвержением принял он новое послушание и назначение в Свято-Никольский храм города Каира.
В 1889 г. Патриархом Александрийским Софронием хиротонисан во епископа Пентапольского. Епископское достоинство никак не изменило образа жизни и поведения Нектария.
Быстрое возвышение, любовь Патриарха и народа, а еще более добродетельная и чистая жизнь святителя во многих вызывали зависть и ненависть. Влиятельные люди патриаршего двора опасались, что всеобщая любовь к святителю приведет его в число претендентов на место Святейшего Патриарха Александрийского, так как Софроний был уже в преклонных летах. Они оклеветали святителя, обвинив не только в посягательстве на патриаршество, но и в аморальной жизни. Митрополит Пентапольский был уволен в отставку и должен был покинуть египетскую землю. Он не пытался оправдываться и защищаться. Враждебная настроенность тенью следовала за ним и в Афинах, куда он перебрался. Тщетно он ходил по инстанциям, его нигде не хотели принимать.
Однажды, в очередной раз приняв отказ в министерстве по делам религии, святитель спускался по министерской лестнице со слезами на глазах. Увидев его в таком состоянии, мэр города заговорил с ним. Узнав о бедственном положении, в котором находился Нектарий, мэр добился для него места проповедника. Славный митрополит Пентапольский занял место простого проповедника в провинции Эвбея.
Любовь народа сопутствовала Нектарию. Но до конца жизни он должен был нести крест изгнания и имя опального митрополита, не принадлежащего ни к одной автокефальной Церкви. Он вынужден был находиться в непонятном каноническом положении, подписывая все свои бумаги “путешествующий епископ”.
Постепенно тьма клеветы отступала от имени опального святителя. Люди, видя его чистую и добродетельную жизнь, слушая вдохновенные проповеди, стремились к нему. Слава Пентапольского митрополита из провинции скоро дошла до столицы и до греческого королевского дворца. Королева Ольга, познакомившись с ним, вскоре стала его духовной дочерью. Благодаря ей он назначается директором Ризариевской богословской школы в Афинах, в этой должности он пробыл с 1 марта 1894 г. по 16 апреля 1908 г. В богословской школе готовили священнослужителей и светские церковные кадры. В период управления святителя школа пережила годы подъема.
К этому времени вокруг Нектария стали собираться его духовные чада, многие едут к нему за советом и благословением. Тогда же начинают проявляться в старце-святителе дары Божией благодати: прозорливость, дар исцеления.
В числе многочисленных духовных чад возле Владыки собрались несколько девушек, желающих посвятить себя монашеской жизни, но не решавшихся идти ни в один монастырь, чтобы не лишиться духовного руководства своего наставника. Как пастырь добрый, заботясь о них, Нектарий стал присматривать подходящее место и останавливает свои поиски на острове Эгина. Найдя здесь развалины древнего монастыря, он на собственные средства покупает эту землю. Сюда приезжают первые насельницы. Так возник женский Троицкий монастырь на Эгине.
К концу жизни еще один удар обрушился на Святителя. В монастырь пришла 18-летняя Мария Куда, убежавшая от деспотичной матери-свечницы. Святой Нектарий принял ее в монастырь. Тогда мать девушки подала жалобу на святого, обвинив его в совращении девушек и в убийстве рождаемых якобы ими младенцев. Следователь, прибывший в монастырь, обзывал святого кентавром и таскал старца за бороду, а тот смиренно отвечал ему и сам готовил еду обидчику, запрещая монахиням плакать и роптать. Девушку обследовал врач и подтвердил ее чистоту; “убитых” младенцев тоже, конечно, не нашли. После этого мать девушки сошла с ума, а следователь заболел тяжко и приезжал просить прощения у святого.
Святитель предсказывал своим послушницам, что монастырь их будет богат, если они будут усердно трудиться. Вся жизнь нового монастыря проходила под руководством святителя Нектария, с которым сестер сводила постоянная переписка. Какой отеческой любовью, заботой и нежностью наполнены его письма. Некоторое время святитель одновременно руководил школой, пребывая в Афинах, и своим новоустроенным монастырем, но Господь распорядился так, что Владыка уходит в отставку из школы и навсегда переселяется на Эгину.
Двенадцать последних лет жизни провел он со своими инокинями, воспитывая их для Небесного Царствия. Много скорбей и искушений пришлось пережить им, но это были и годы благодатные. Обитель за это время приведена в порядок, налажено хозяйство. Годы земной жизни святителя тем временем подходили к концу. Чувствуя это, он молился, чтобы Господь продлил отмеренный срок для завершения всех дел в монастыре, но как и всю жизнь, смиренно прибавлял: “Да будет Воля Твоя!”
Долго скрываемая болезнь наконец взяла свое. В сопровождении двух монахинь его отправили в больницу. Глядя на маленького, одетого в рясу старичка, мучившегося от страшной боли, дежурный служащий спросил: “Он монах?” “Нет, — ответила монахиня, — он епископ.” “Впервые вижу епископа без панагии, золотого креста, а главное — без денег,” — заметил служащий.
В больнице пробыл недолго, у него оказался рак. Святителя уложили в третьеразрядную палату для неизлечимых больных. Два месяца провел он в муках.
Чудеса происходили и в больнице, медсестры заметили, что бинты, которыми обвязывали раны Святителя, благоухают. Вместе со святым в палате лежал парализованный человек, и когда душа святого покинула этот мир, то он получил полное исцеление через рубашку святого Нектария.
Скончался 9 ноября 1920 года. После кончины его тело начало мироточить. Когда гроб привезли на Эгину, то весь остров вышел проводить своего святого со слезами. Люди на руках несли гроб святого и потом заметили, что одежда, в которой они были во время похорон святителя, благоухает. Руки и лицо угодника Божия обильно мироточили, и монахини собирали миро ватой.
Погребен святитель Нектарий в склепе монастыря, несколько раз склеп открывали по разным причинам и каждый раз убеждались, что тело нетленно. Даже фиалки, положенные в гроб девочкой, не были тронуты тлением.
20 апреля 1961 года Патриаршим и Синодальным указом Константинопольской Патриархии митрополит Нектарий был причислен к лику святых, были подняты его святые мощи. Оказалось, что остались только косточки. Как сказали духовники, мощи истлели, чтобы их можно было разнести по всему миру на благословение от святого Нектария.
В Греции он почитается повсеместно как прославленный чудотворец. По молитвам свт. Нектария совершены неисчислимые знамения Божия милости. Сохранилась народная поговорка: «Нет ничего неисцелимого для святого Нектария». Многие храмы и часовни посвящены ему

Преподобнически пожив, яко мудрый иерарх,/ прославил еси Господа/ добродетельным житием, Нектарие преподобне./ Темже, Утешителя прославлен силою,/ Божественными мощми твоими,/ демоны отгониши и болящия исцеляеши,/ верою приходящия ти.

Молитва святителю Нектарию Эгинскому, митрополиту Пентапольскому

О мироточивая главо, Святителю Нектарие, Архиерею Божий! Во времена великаго отступления, нечестию мир пленившу, благочестием просиял еси и главу прегордаго Денницы, уязвляющаго нас, сокрушил еси. Сего ради дарова ти Христос врачевати язвы неисцельны, за беззакония наша нас поразившия. Веруем: возлюби тя Бог праведнаго, да тебе ради нас, грешных, помилует, от клятвы разрешит, от недуг избавит, и по всей вселенней страшно и славно будет имя Его, Отца и Сына и Святаго Духа, ныне и присно и во веки веков. Аминь.

Молитва святителю Нектарию

О Богомудрый и всесвятый отче Нектарие, святителю Христов, чудотворче великий и преславный. К тебе ныне прибегаем верою и любовию чтущии тя, похвалы сия приносяще от всего сердца и помышления. Ты, угодниче Божий, явился еси ныне яко звезда утренняя, озаряющая мира сего помраченныя концы светом благодати Христовой, юже стяжал еси неложно смиренным житием твоим и кроткими нравы, нетленных и премирных обетований сподобльшеся. Сего ради мы, недостойнии, молим тя прилежно: отче святый Нектарие, не забуди нас, к тебе усердно притекающих. Свет сый ныне, просвети души наша, помраченныя страстьми, озари наш ум и обнови помышления во еже поучатися нам Божественным и священным образом и нектому о суетных пещися. Утверди нас, преподобне отче, в вере, надежде и любви ко Господу Богу нашему, исцели болезни душевныя и телесныя, буди нам покров и прибежище в скорбех и напастех, вразумление и исправление во гресех, благодать независтную подающе всегда, яко да прославим Единаго Истиннаго Бога, дивнаго во святых Своих, Отца и Сына и Святаго Духа, ныне и присно и во веки веков. Аминь.

АКАФИСТ СВЯТИТЕЛЮ НЕКТАРИЮ, МИТРОПОЛИТУ ПЕНТАПОЛЬСКОМУ, ЭГИНСКОМУ ЧУДОТВОРЦУ

Кондак 1

Православия звезду новосветлую и Церкве новозданное ограждение воспоим в веселии сердечнем Нектария богомудраго. Прославлен бо Духа действом, исцелений точит благодать независтную вопиющим:
Радуйся, Нектарие, Эгинский чудотворче.
Икос 1

Человек небомудренный явился еси в мире, Нектарие, святителю Христов: житие бо преподобное исправив непорочно, свят и богоприятен во всем нареклся еси; сего ради слышиши от нас:
Радуйся, от юности Бога возлюбивый;
Pадуйся, во юдоли плачевней светлое восхождение положивый.
Радуйся, мудрости сосуде златозданный;
Pадуйся, проповедниче благодати невозбранный.
Радуйся, доме святейший действа Божественнаго;
Pадуйся, книго богоизваянная жития новаго.
Радуйся, яко ныне поревновал еси святым;
Pадуйся, яко ангелов исполнил еси веселия.
Радуйся, преподобных отцев прекрасная доброто;
Pадуйся, иерархов Христовых благое украшение.
Радуйся, имже Церковь Христова ликовствует;
Pадуйся, имже остров Эгинский радуется.
Радуйся, Нектарие, Эгинский чудотворче.
Кондак 2

Взором духовным, еще сый юноша, прозрел еси Божественную благодать, еюже объят в душе, свету заповедей Господних, преподобне, избрал еси последовати от юности, Христу поя: Аллилуиа.
Икос 2

Притекше во град Константина, Нектарие, Божественным направляем страхом, в нем лучшым поучашеся. Темже Божественнаго разумения преисполнен явился еси, возвеселяя во учениих твоих вопиющия ти таковая:
Радуйся, Солнца мысленнаго палато благоукрашенная;
Pадуйся, рая словеснаго древо досточудное.
Радуйся, Христа Спасителя служителю богоприятный;
Pадуйся, отцем древним единонравный.
Радуйся, каменю новосечный умнаго наздания;
Pадуйся, венче новоплетенный Святыя Церкве.
Радуйся, непостыдное наше упование;
Pадуйся, светлая наша надеждо.
Радуйся, яко безплотный бывый в телеси;
Pадуйся, даром богомудрия просветивыйся в дусе.
Радуйся, образов небесных сокровище;
Pадуйся, добродетелей ангелоподобных озарение.
Радуйся, Нектарие, Эгинский чудотворче.
Кондак 3

Славныя Божественныя мудрости всеобразно возжелев и тоя измлада взыскав, Христа моляше теплыми слезами улучити краснейшаго желания и, достигнув онаго, верно вопияше: Аллилуиа.
Икос 3

Веселил еси душу твою, якоже древле Отцы Василий со Григорием, стяжанием наук, во Афинах учився, Нектарие; темже твоими богоблагодатными даровании наслаждающеся тебе вопием:
Радуйся, верное послушания чадо;
Pадуйся, твердое благочестия основание.
Радуйся, мира суетнаго превышший;
Pадуйся, миру неложному приложивыйся.
Радуйся, ум богоносный, исполнь Божественных разумений;
Pадуйся, угль, воспламеняяй Божественнаго Духа огнь умный.
Радуйся, началосветлыя образы воистинну прозревый;
Pадуйся, плоды учения земнаго Богу Небесному вознесый.
Радуйся, любовь Христову исполнивый житием;
Pадуйся, добродетелей цветение возобразивый духом.
Радуйся, верных новоутвержденная оградо;
Pадуйся, врагов смертоносное поражение.
Радуйся, Нектарие, Эгинский чудотворче.
Кондак 4

Ревностию исполненный ко Господу Богу нашему, блаженне Нектарие, преподобных Отцев равноангельнаго жития вожделев, на Хиосе облечеся благочестно во иноческий образ небесный и врага низложи во еже пети присно Господеви: Аллилуиа.
Икос 4

Услыша твою молитву Владыка небесе и земли, егда взываше к Нему из сердца, и повеле морю, — и преложися в тишину морское волнение, преподобне: дивящееся же вси спасеннии, верно вопияху:
Радуйся, источниче чудес неисчерпаемый;
Pадуйся, исцелений реко приснотекущая.
Радуйся, света духовнаго преозарение;
Pадуйся, благодати Божественныя доброзрачное сияние.
Радуйся, сосуде многочестный даров небесных;
Pадуйся, саде новосажденный добродетелей райских.
Радуйся, яко морское треволнение утишаеши;
Pадуйся, яко словом любве всякое зло изобличаеши.
Радуйся, Христов новый избранниче;
Pадуйся, благодати усердный провозвестниче.
Радуйся, Духа Истины обретый познание;
Pадуйся, Источника Жизни напоенный струями.
Радуйся, Нектарие, Эгинский чудотворче.
Кондак 5

Дивен явился еси в последния дни, святителю Христов, отче Нектарие, в житии праведнем изобразив явственнейше нравы твоими житие древних богоносных святых, и, прославлен чудесы, от напастей спасаеши всех, вопиющих Богу: Аллилуиа.
Икос 5

Избранием богоразсудным иерарх богомудрый воистинну показался еси во Египте и Пентаполю пастырь явился еси Божественный, аки Павел великий; темже убо житию твоему дивляхуся вернии людие, вопиюще:
Радуйся, за законы отеческия твердо подвизавыйся;
Pадуйся, на камени заповедей Господних стопы твоя утвердивый.
Радуйся, во Египте учение истинное возвестивый;
Pадуйся, паству твою от Египта мысленнаго спасый.
Радуйся, палато кротости и любве сокровище;
Pадуйся, просвещение разума и мудрости вместилище.
Радуйся, яко явился еси Церкве земныя украшение;
Pадуйся, яко показался еси верных благое утверждение.
Радуйся, правило изряднаго жития;
Pадуйся, образе благочестия и мудрости.
Радуйся, иерарше, веру православную возвысивый;
Pадуйся, писаньми твоими зловерие обличивый.
Радуйся, Нектарие, Эгинский чудотворче.
Кондак 6

Украшение Христовы Церкве во Египте явился еси, Нектарие, яко Евангелия делатель истинный; сего ради стяжавше тя водителя Божественнаго, отче, верных лицы лучшему поучахуся, вопиюще с тобою Господеви: Аллилуиа.
Икос 6

Возсиявый яко Апостол иный во стране Эллинстей, озаряеши благочестивых сердца сиянием Божественных учений и светом жития твоего, преподобне; темже убо светлостию твоею световодимии верно вопием:
Радуйся, таинство Триипостаснаго Божества прославивый;
Pадуйся, апостольскую ревность стяжавый.
Радуйся, силу Божию в немощи явивый;
Pадуйся, исцелений благодать показавый.
Радуйся, витие боговещанный глаголов жизни;
Pадуйся, водителю премудрый слова Благодати.
Радуйся, яко очищаеши душевная расположения;
Pадуйся, яко сообразуеши сердечная смотрения.
Радуйся, верных учителю великий;
Pадуйся, Христа таинниче преизрядный.
Радуйся, тайноводителю во Обители Небесныя;
Pадуйся, стяжавый в мире обогащающую нищету.
Радуйся, Нектарие, Эгинский чудотворче.
Кондак 7

Велий во иерарсех и премудрых учителех яко таинник смирения явился еси, Нектарие: твоя богомудрая писания оставил еси Церкви, святе, имиже верно услаждающеся, Прославльшему тя Богу вопием: Аллилуиа.
Икос 7

Нектар праведности и благодати Божия росу, чудотворче святый Нектарие, аки облак духовный во время бездождия нам даровал еси, веселя души наша и подвизая вопити тебе:
Радуйся, росо утешения;
Pадуйся, дыхание нетления.
Радуйся, воду благодати нам источивый;
Pадуйся, исцелений струй отверзый.
Радуйся, весно святости в зиме духовней;
Pадуйся, сияние новопросвещенное во мраце ветсем.
Радуйся, даром чудес обогащенный;
Pадуйся, духом разсуждения преосененный.
Радуйся, исцелителю недугов всехвальный;
Pадуйся, наставниче во благодати преизрядный.
Радуйся, демоны аки пламень пожигаяй;
Pадуйся, страстей душепагубных свобождаяй.
Радуйся, Нектарие, Эгинский чудотворче.
Кондак 8

Странная чудеса, отче, рака твоих мощей источает и спасает яже в трудех скончавающих житие свое: сего ради во обитель твою святую отвсюду стекаются людие, цельбы и избавления многоразличная от тебе получающе и вопиюще Богу: Аллилуиа.
Икос 8

Пристанище необуреваемое, блаженне, на острове Эгинстем явил еси обитель твою Божественную, в нейже инокинь честных окормитель мудрый соделался еси, о Христе сия, преподобне, мудро наставляя, вопиющия:
Радуйся, похвало девства;
Pадуйся, образе монашескаго жития.
Радуйся, смиренномудрия гроздие преукрашенное;
Pадуйся, долготерпения сокровище Божественное.
Радуйся, священнаго безмолвия преосенение;
Pадуйся, трезвения духовнаго благорастворение.
Радуйся, воздержания святилище чистое;
Pадуйся, богоподобия одушевленное изображение.
Радуйся, святолепное осияние целомудрия;
Pадуйся, богоизбранное изваяние чистоты.
Радуйся, оросивый душу твою слезами покаяния;
Pадуйся, тех струями обновивый зрение духовное.
Радуйся, Нектарие, Эгинский чудотворче.
Кондак 9

Исполнена есть благодати Божественныя и обоняния небеснаго рака мощей твоих, Нектарие, угодниче Христов: имже не токмо обитель твоя, но и весь остров Эгинский радуется, и вси освящаются сих благодатию, вопиюще Богу: Аллилуиа.
Икос 9

Струй Божественныя источают многоцелебныя мощи твоя, чудотворче святый Нектарие, богатым даром небесным исцеления многим подают и недугов скверну омывают: темже дивящеся славе твоей, юже стяжал еси, усердно вопием:
Радуйся, проповедниче благодати невозбранный;
Pадуйся, возвестителю истины нелицемерный.
Радуйся, скорый помошниче в бедах;
Pадуйся, велие утешение в напастех.
Радуйся, источник многотекущий милосердия Отчаго;
Pадуйся, гроздие сладчайшее веселия духовнаго.
Радуйся, яко раковаго мучительства прекращаеши недуг;
Pадуйся, яко демонскую разрушаеши дерзость.
Радуйся, мудрецов суетных смущение;
Pадуйся, верных нерушимое единение.
Радуйся, щите веры, имже вернии ограждаются;
Pадуйся, вещание истины, имже буесловы обращаются.
Радуйся, Нектарие, Эгинский чудотворче.
Кондак 10

Покров тя и предстателя всяк верный именует, улучая от тебе помощь: кто бо, призвав тя с верою, не получил еси твоея, отче, благодати? Всем бо скоро просимое подаеши, внегда звати: Аллилуиа.
Икос 10

Многих твоих чудес во вся концы изыде вещание, богоносне и всеблаженне Нектарие, ты бо ближним и дальним поспешаеши на помощь, святе, и спасаеши бедствующия, и предстательствуеши вопиющим:
Радуйся, чудотворяй предивно велия и преславная;
Pадуйся, подаваяй всем яже ко спасению благопотребная.
Радуйся, древняя исполнивый во дни наша;
Pадуйся, пророчески предреченная показавый ныне.
Радуйся, истинныя веры торжество;
Pадуйся, спасительное христиан прибежище.
Радуйся, яко являеши истины славу;
Pадуйся, яко заграждаеши беззакония уста.
Радуйся, радосте верных и утверждение;
Pадуйся, душ смятенных веселие и крепосте.
Радуйся, имже Христос прославися;
Pадуйся, имже сатана посрамися.
Радуйся, Нектарие, Эгинский чудотворче.
Кондак 11

Песнь благодарственную тебе воспеваем, блаженне Нектарие, угодниче Христов, спасаемии твоими предстательствы, во всякой бо нас нужде от нашедших свобождаеши скорбей: темже твое заступление проповедуем, Христу поюще: Аллилуиа.
Икос 11

Попаляеши демонское лютое неистовство огнем священных чудес твоих, чудотворче Нектарие, и скоро помогая верным, тяжких болезней угашаеши зной, исцеляя страждущия, вопиющия ти во умилении:
Радуйся, пучино щедрот неистощимых;
Pадуйся, море чудес недомыслимых.
Радуйся, болящих исцеление;
Pадуйся, разслабленных скорое исправление.
Радуйся, унынием плененных основание;
Pадуйся, отчаянных прибежище.
Радуйся, возстание падших и вразумление;
Pадуйся, заблуждающих наставление.
Радуйся, источниче, благодарования источаяй;
Pадуйся, светильниче, омраченныя просвещаяй.
Радуйся, благочестия богодарованная сило;
Pадуйся, утешителю всех приходящих к тебе.
Радуйся, Нектарие, Эгинский чудотворче.
Кондак 12

Благодать Утешителя богатно излияся от раки честных мощей твоих: гроб бо твой святый, Нектарие, яко приснотекущий источник точит непрестанно исцеления и напояет Божественными струями благодати всех, вопиющих Господеви: Аллилуиа.
Икос 12

Воспевая всесовершенно Трисвятую песнь Богови с лики ангельскими, Нектарие, воззри свыше на нас и даруй, всесвяте, вся потребная верою к тебе притекающим и не престающим вопияти:
Радуйся, отрасле Силиврии благословенная;
Pадуйся, Эгины известная похвало.
Радуйся, Эллады велие украшение;
Pадуйся, чудотворче, во всем мире прославивыйся.
Радуйся, образе иерархов честных;
Pадуйся, монашествующих покрове и спасение.
Радуйся, Церкве светило новосветлое;
Pадуйся, Православия неколеблемое утверждение.
Радуйся, имже страстей очищение приимем;
Pадуйся, имже к Богу восхождения улучим.
Радуйся, возсияваяй в сердцах наших свет Господень;
Pадуйся, и о мне ходатаю ко Творцу.
Радуйся, Нектарие, Эгинский чудотворче.
Кондак 13

О Божественный отче, православных христиан верное упование, Нектарие, святителю Христов, престолу Господню предстоя ныне, испроси нам у Христа Бога прегрешений оставления и всемилостиваго снизхождения, яко да возопием Ему всечестно: Аллилуиа.
Этот кондак читается трижды, затем икос 1-й и кондак 1-й