прмц. Мария (Лелянова), Гатчинская, монахиня

В миру Лидия Александровна Лелянова, родилась в Санкт-Петербурге в 1874 году. В шестнадцать лет её поразил тяжелый недуг - болезнь Паркинсона, которая стала следствием заболевания энцефалитом. На выпускные экзамены в женской гимназии, которую она заканчивала, Лидию привезли в инвалидной коляске.

Не помогли долгие курсы лечения, в том числе и заграницей. Болезнь продолжала неумолимо отнимать у девушки телесное здравие: у нее стали сохнуть руки и ноги, все тело ссыхалось и уменьшалось в размере. Она не стала владеть ногами, и всегда вынуждена была лежать, так как сидеть ей не давала постоянная страшная боль во всех тканях. Постепенно и руки отказали, и все тело ссохлось. Только голова и лицо оставались без всякого изменения. Лицо оставалось благообразным и светлым. Однако, болезнь протекала необычно: тяжелый недуг не приобрел тех форм, которые обычно бывают неизбежными и, кроме поражения телесного, приводит также к разрушению личности.
В 1913 году семья Лидии переехала в Гатчину. Здесь в 1922 году страдалица по благославлению священномученика Вениамина Петроградского была пострижена в монашество с именем Мария. С этого времени она понесла подвиг непрестанной молитвы, терпения скорбей и духовной помощи болящим и страждущим. Ровно десять лет продолжалось служение матери Марии. Прикованная к постели, она принимала десятки людей, среди которых были крестьяне, ремесленники, "бывшие люди," священники и даже архиереи. Слава её святости уже при жизни распространилась далеко за пределы Гатчины и Петрограда.

В 1927 году после выхода Декларации митрополита Сергия, матушка приняла сторону митрополита Иосифа Петроградского, сохраняя при этом верность местоблюстителю священномученику митрополиту Петру (Полянскому).

В конце жизни физическое состояние матушки настолько ухудшилось, что любое прикосновение вызывало нестерпимую боль. Несмотря на это, она по-прежнему принимала тех, кто нуждался в ее молитвенной помощи и духовном совете.
19 февраля 1932 года матушка Мария вместе с сестрой были арестованы в ходе акции по "Изъятию монахов и монашек," которая проходила по всей стране. Матери Марии было предъявлено стандартное обвинение, причем в вину ей вменялась, в том числе, и проповедь Евангелия. По воспоминаниям современников, ее тащили со второго этажа дома под руки два чекиста, не обращая внимания на ее крики от боли, после чего бросили в кузов грузовика и увезли в Ленинград.

В следственном деле, по которому в числе других монашествующих проходила мать Мария, было зафиксировано немало свидетельств о благодатных матушки.

Её поместили в больницу Дома предварительного заключения, где она и скончалась 17 апреля 1932 года, будучи уже осужденной на три года ссылки. Тело мученицы было отдано невестке с требованием похоронить его без огласки.

Сразу после мученической кончины матушки Марии, ее могилка на Смоленском кладбище неподалеку от часовни блаженной Ксении стала местом непрекращающегося паломничества верующих.

В 1981 году матушка Мария была прославлена в сонме новомучеников и исповедников Российских Русской Православной Церкви Заграницей. Спустя 25 лет такое прославление произошло и на Родине. В течение трех лет Гатчинское благочиние Санкт-Петербургской епархии собирало и обобщало материалы, связанные с жизнью святой. Написанное в результате этой работы житие матушки Марии стало основанием для ее канонизации, которая последовала 17 июля 2006 года.

А 26 марта 2007 года на Смоленском кладбище Санкт-Петербурга были обретены святые мощи преподобномученицы Марии Гатчинской, которые затем были торжественно перенесены в Гатчинский Павловский собор.

Тропарь, гл. 4

Агница Твоя, Иисусе, Мария,/ утешение рабом Твоим в годину лютую явися,/ крепость веры и благочестия показавши,/ мучения претерпе от богоборцев.// Тоя молитвами, яко Милостив, спаси души наша.

Кондак, гл. той же

Страдалице и благовестнице пречудная,/ молитвеннице за всех скорбящих и страждущих,/ преподобномученице Мати Марие,/ молися Господу Богу со всеми новомучениками Российскими// спасение нам даровати и велию милость.

АКАФИСТ

Кондак 1

Избранней Предвечным Господом и Возлюбленной Богоматерию, преславней и пречудней невесте и страстотерпице Христовой, наставнице, защитнице, утешительнице благодатней и небесной покровительнице нашей, благодарственная восписуем ти, молитвенницы твои, святая и всехвальная мати наша Марие. Ты же, яко имуще дерзновение ко Господу, от всяких бед, зол и болезней свобождай нас, с любовию, радостию и надеждою тебе ныне зовущих: Радуйся, святая преподобная мати наша Марие, мученице Христова и наставнице богомудрая!

Икос 1

Ангелов и человеков Творец Всемудрый Господь Наш, дарова тя, блаженная мати наша Марие, яко многоценное сокровище, людем российским, во дни великия смуты и мятежа братоубийственнаго, да видяще равноангельное житие твое и выну текущий источник исцеляющей благодати, не погибнут до конца во гресех своих и обратятся в покаянии к Создателю своему, тебе же благодарственно воспоют похвальную песнь сице:

Радуйся, голубице, под кровом Всевышняго вогнездившаяся;
Радуйся, с мудрыми девами в брачный чертог радостно возшедшая;
Радуйся, звездо, во мраце безбожия светло возсиявшая;
Радуйся, житием твоим Солнце Правды, Христа проповедавшая;
Радуйся, страдания Его ради добропобедно претерпевшая;
Радуйся, венец нетленный от Подвигоположника приимшая;
Радуйся, достойныя плоды покаяния приносити нас научающая;
Радуйся, печали наша в умиленной радости растворяющая;
Радуйся, святая преподобная мати наша Марие, мученице Христова и наставнице богомудрая!

Кондак 2

Видя Господь благое сердца твоего изволение, яко издетска послужити Ему восхотела еси, призва тя на тесный и прискорбный путь подвиг многотрудных, к Царствию Небесному ведущий: Ты же всем сердцем, всею душею и всею крепостию твоею Бога возлюбивши непрестанно взывала еси: Аллилуиа.

Икос 2

Рaзумом богопросвещeнным в познaнии истины Евангелия Христова преуспевaла еси от утра жизни твоея, достоблажeнная мати, мудростию духовною обогащaяся, исполняяся крепости божеcтвенныя, в добродетелех христианских невозврaтно душу твою утверждая. Темже мы, покланяющеся милоcердному Богу, такова дивна сокровища тебе даровaвшему, во умилeнии глаголем ти:

Радуйся, добраго корене отрасле благородная;
Радуйся, лозо винограда Христова многоплодная;
Рaдуйся, плaменем божеcтвенныя любве от юности возжжeнная;
Рaдуйся, многими добродетельми от млaдости украшeнная;
Радуйся, светом твоим нашу тьму греховную разгоняющая;
Радуйся, теплотою любви твоея наша хладная сердца согревающая;
Радуйся, козни вражия предстательством твоим разрушающая;
Радуйся, сладостию молитв твоих скорби наша растворяющая;
Радуйся, святая преподобная мати наша Марие, мученице
Христова и наставнице богомудрая!

Кондaк 3

Силе духовней, от тебе исходящей, дивляхуся людие, наставницу добрую и милосeрдную утешительницу в тебя обретше: любовию твоeю согревaеми, к тебе благодарeнием простирaхуся, рaдостию воспевaюще Богу: Аллилуиа.

Икос 3

Имела еси едино попечение, святая мати, да спасеши душу твою и представиши ю Христу. Благий же и Человеколюбец Господь, видев таковое твое произволение, призывает тя быти наставницей людей страждущих и в вере колеблемых, наставницей благой и утешительницей богомудрой, и безбоязненной проповедницею слова Божия в годину смут и гонений. Мы же тебе, яко верной служительнице Господней, вопием:

Радуйтеся, плач пред Богом и умиление блаженное обретшая;
Радуйтеся, смирением своим высокая, нищетою же богатая явившая;

Радуйся, правду, мир и радость о Дусе Святе стяжавшая;
Радуйся, милосердием и любовию к ближним своим исполненная;
Радуйся, сердца наша благодатию Божиею, тебе данною, очищающая;

Радуйся, очи наши духовныя к зрению Бога изощряющая.
Радуйся, к терпению бед, лишений и скорбей нас воодушевляющая; Радуйся, в пренесении испытаний и гонений нас укрепляющая;
Радуйся, святая преподобная мати наша Марие, мученице Христова и наставнице богомудрая!

Кондaк 4

Буря беззаконий поколеба держaву российскую в годину испытaний лютых: злоба и уныние, скорбь и рыдания исполниша многострадaльное отeчество нaше. Тобою же, святая мати, и тебе единонрaвными, церковь русская враты адовыми не одолена сохранися. Людие же, видяще непоколебиму веру твою, и светильник твой присно горящ, наставлениями твоими укрепляемы, с надеждою воспевaху Всемогущему Богу: Аллилуиа.

Икос 4

Слышаша людие града Гатчины боговдохновенныя поучения твоя, богоносная мати, к покаянию и исправлению жительства своего устремившеся, от грехов и страстей отвращающеся, в разум истинный прихождаху, отчаяния и скорби своя верою и надеждою на Милосердие Божие досточудно побеждаху; и твоею учительною беседою назидающеся, образом же жития твоего умиляющеся, глаголаху:

Радуйся, в помрачении страстей пребывающих просветительнице;
Радуйся, в суете и самозабвении жительствующих вразумительнице;
Радуйся, в недоумении и заблуждении сущих руководительнице;
Радуйся, добре жити начинающих управительнице;
Радуйся, малодушием и унынием колеблемых укрепительнице;
Радуйся, в небрежении спящих возбудительнице;
Радуйся, бодрости и трезвения предобрая учительнице;
Радуйся, чистаго и непорочнаго жития неусыпающая хранительнице;
Радуйся, святая преподобная мати наша Марие, мученице Христова и наставнице богомудрая!

Кондак 5

Боготечную звезду зрим тя, угоднице Божия, тя бо, восприимшую великия страдания, прослави убо тя Господь, яко сбышаша на тебе словеса апостольския «сила Божия в немощи совершается», ты бо благодать Духа Всесвятаго восприяла еси и Его дарами ближним твоим с любовию послужила еси, в вере, надежде и любви богомудро их утверждая. Мы же, вся сия ныне поимнающе, взираем ныне с любовию на честный образ твой, приклоняем колена, со умилением поя: Аллилуиа.

Икос 5

Видеша тя, угоднице Божия, ближния и други твоя, яко воистинну сосуд избранный Божия благодати, егда богомудрым святителем Вениамина наставляема, чин ангельский восприяв, подвигов твоих богоугодных не оставила еси, святая Марие, но многообразными деяньми плоть твою усмиряя, в молитвах за церковь и отечество и трудех преуспевала еси. Мы же таковым подвигом твоим дивящеся, не престанем славити тя:

Радуйся, монашеского жития истинный ревнительнице;
Радуйся, иноческих обетов пламенный исполнительнице;
Радуйся, никогоже от приходящих к тебе отвергавшая;
Радуйся, любовию твоею вся покрывавщая;
Радуйся, яко тобою ум наш в Богомыслии научается;
Радуйся, яко тобою мрак неведения прогоняется;
Радуйся, от плевел ненависти сердца наша очищающая;
Радуйся, заповеди Евангельския исполняти нас подвизающая;
Радуйся, святая преподобная мати наша Марие, мученице Христова и наставнице богомудрая!

Кондак 6

Проповедницею быв житием твоим евангельских добродетелей, мати блаженная, плоть твою постом и молитвою поработила еси, своими великима подвигами всезлобнаго врага посрамила еси, и ко свету Христовой истины многия люди града Гатчины привела еси, поучая непрестанно молитися друг за друга и выну благодарити и славословити Милосерднаго Господа нашего, поя Ему: Аллилуиа.

Икос 6

Возсия немеркнущий свет Богопознания, в боголюбивой душе твоей, святая мати Марие, вознесе тя на высоту духовнаго совершенства, яко на некий таемный Фавор, отонюдуже и наша затемненным души твоим молитвенным пред Господем предстательством просвети, во еже глаголати тебе сия похвалы:

Радуйся, исполнение заветов пастыря кронштадтского явившая;
Радуйся, многих святых добродетели в себе совокупившая;
Радуйся, яко солнце, в Царствии небесном сияющая;
Радуйся, в радости Творца благодарити нас побуждающая;
Радуйся, безвестная и тайная премудрости Божия нам открывающая;
Радуйся, благия мысли и чувства в недоумении нам сущим внушающая;
Радуйся, святыя желания и намерения ко спасению нашему в сердца нам влагающая;
Радуйся, от всея души и сердца возносимая к вам прошения наша исполняющая;
Радуйся, во всех нуждах, бедах и обстояниих нам помогающая.
Радуйся, святая преподобная мати наша Марие, мученице Христова и наставнице богомудрая!

Кондак 7

Хотящих восхвалити подвигов трудов твоих и чудная деяния, вразуми нас, святая мати наша Марие, недоумеем бо изрещи достойныя тебе хвалы. Обаче во всех трудех и подвизех благодать Божию в тебе видяще, воспеваем о тебе Христу Богу: Аллилуиа.

Икос 7

Новую тя исповедницу и мученицу Христову, на небесех и на земли Всеблагим Господем Нашим прославленную, позна многострадaльная Россия, рaнами безчисленными изъязвлeнная, кровию мученическою обильно напоeнная, увенчaнная слaвою множества святых мужей и жен своих. Почитaюще тя, богоблаженнная Марие, яко единую от сих достойнейших и слaвнейших дщерей российских, пение хвалeбное приносим ти сице:

Радуйся, в неизреченной славе Творца миров созерцающая;
Радуйся, со всеми ангелы и святыми хвалу Ему воспевающая;
Радуйся, милосердие Бога-Отца к нам приклоняющая;
Радуйся, о вечнем спасении нашем Христа - Спасителя умоляющая;
Радуйся, плоды (дары) Духа Святаго стяжати нам помогающая;
Радуйся, свято и праведно Всесвятую Богородицу почитати научающая;
Радуйся, кающимся слезы утешительныя низпосылающая;
Радуйся, пламень злобный струями любве твоея угошающая;
Радуйся, святая преподобная мати наша Марие, мученице Христова и наставнице богомудрая!

Кондак 8

Странницу и пришелицу помышляла еси в себе быти в мире сем, преблаженная мати Марие; темже грядущаго града Иерусалима Небеснаго взыскуя, вся помышления твоя к небеси непрестанно возносила еси, и яко в тимпане, во умерщвленнем телеси, сладце воспевала еси победную песнь Христу Богу: Аллилуиа.

Икос 8

Всю себе воли Господни предaв, страдания Его рaди за чeсть почитaла еси, досточудная мати, егда нечестивии, видя плоды просвещения духовнаго, взращенныя тобою, взяша тя купно со сродники твоима и в темницу ввергоша; ты бо узах суще, от гонителей веры Христовой оскорбления, надругания, заушение и лютыя биения незлобливе прияла еси, молящее Всеблагаго Спасителя о даровании ти в муках терпения и во страдания – укрепления. Мы же, покланяющеся мужеству и долготерпению твоему, хваления приносим ти таковaя:

Радуйся, последовательнице верная Распятаго Учителя;
Радуйся, споспешнице всеусердная ада Разрушителя;
Радуйся, страстотерпице, Христа безстрaшно исповедавшая;
Радуйся, боязни и стрaха человеческаго не ведавшая;
Радуйся, крилами богомыслия сети вражия сокрушившая;
Радуйся, злобные умышления того доброславно посрамившая;
Радуйся, прощати и благословляти ближних нас научающая;
Радуйся, в кротости и смирении нас укрепляющая;
Радуйся, святая преподобная мати наша Марие, мученице Христова и наставнице богомудрая!

Кондак 9

Всякия болезни душевныя и телесныя, всякия беды нужды плоти и духа нашего избави нас, всехвальная Марие, да веру твою в Подателя жизни вечныя видевше, в вере нашей да укрепимся невозбранно и дерзновенно с тобою пети крепость дающему Богу: Аллилуия!

Икос 9

Ветия многовещанныя не возмогут по достоянию воспети страдания твоя за Христа, святая преподобная мати наша Марие, яко в темнице заточенная, угоднице Божия, николиже возроптала еси, поминающе глаголы Господни: «Блажени есте, егда поносят вам, и ижденут, и рекут всяк зол глагол, на вы лжуще Мене ради, радуйтеся и веселитеся, яко мзда ваша многа на небесех». Мы же, сии глаголы почитающе, поем:

Радуйся, врeменныя жизни покой, прaвды Божия рaди презревшая.
Радуйся, за Христа узы и темницу всерадостно приявшая.
Радуйся, истинную рaдость во страдaниих о Господе обретaвшая;
Радуйся, сими страдании в подвизе Христовы любве возрастaвшая.
Радуйся, враги твоя в незлобии евангельском простившая.
Радуйся, образ терпения и себе отречения добльственне явившая.
Радуйся, тихий свет любве на всех обильно изливaвшая;
Радуйся, множество людeй окрест себе спасaвшая.
Радуйся, святая преподобная мати наша Марие, мученице Христова и наставнице богомудрая!

Кондaк 10

Спаcти хотя душу свою, Богомудрая Марие, смирeние крестное вкупе со иными добродетельми в дaр Господу принeсла еси, уничижaющым, мучащим и гонящым тя николиже противляяся; пристaнище последнее земнaго жития твоего в мрачней лечебнице темничней обрела еси, идеже ты вслед апостолу помышляла еси «аще бо живем, Господеви живем, аще бо умираем, Господеви умираем» (Рим. 14:8); благодатию Христовой вспомошествуема путь страданий добропобедно прошла еси, неустанно воспевая всечастно укреплявшему тя Господу: Аллилуиа

Икос 10

Стену необориму стяжала еси благодать Господню, блаженная мати Марие, защищaюшую тя от враг невидимых, не могущих души твоея погубити: достойна бо тоя благодати явилася еси богоугодными труды твоими и умилeнными молитвами и велиим упованием на Распятаго Спасителя, веровала бо еси несомненно, яко смерть тела не есть конец, что Сам Христос есть путь в святыне веры и в лице Своем - истина, и в таинствах благодатных, и в существе своем - жизнь безконечная. Мы же, неизреченное величие любви твоея к Богу воспеваем и велией вере твоей подражати желая, таковыя похвалы смиренне приносим ти:

Радуйся, во испытаниях своих веру крепку, яко Авраам, явившая;
Радуйся, в злостраданиях терпение твердое, яко Иов, показавшая;
Радуйся, не суетному унынию, но Божьему благоволению себе предавшая;
Радуйся, Христу Богу в кротости и смирении подражавшая;
Радуйся, во гласе пения ангельскаго на небо душею твоею воспарившая;
Радуйся, мученический полк и праведных лики на небесех возвеселившая;
Радуйся, с девствующими, яко девственница возвеличенная;
Радуйся, венцем нетленным от руки Христовы увенчанная;
Радуйся, святая преподобная мати наша Марие, мученице Христова и наставнице богомудрая!

Кондак 11

Пение хвалебное приносим тебе, богоносная мати наша Марие, и с любовию припадающе ко изображению честнаго лика твоего, восхваляем ангелоподобное житие твое и мученическую кончину. Ты же, предстоя престолу Пресвятыя Троицы, не престай моляся о нас, ублажающих тя, купно со всеми новомучениками и исповедниками российскими, да сподобимся небеснаго селения достигнути и гласом радования воспети Богу ангельскую песнь: Аллилуиа.

Икос 11

Свет Христов, просвещаяй и освящаяй всяческая, озари душу твою, cстрастотерпице богомудрая, темже и по кончине твоей честныя мощи и иконныя подобия лика твоего неоскудно источают исцеления, утешение и радость всем болящим, скорбящим и унылым, подвизая оных подражати тебе во исповедании, терпении, мужестве и крепцей любви ко Христу, еюже пламенея, дивный образ терпения в злостраданиих явила еси и нас научаеши воспевати тебе тако:

Радуйся, телеса наша прикосновением к раце мощей твоих врачуеши;
Радуйся, души наши молитвами твоими к райскому блаженству возводиши;
Радуйся, любити Бога и творити волю Его нас наставляющая;
Радуйся, от заблуждений духовных нас свобождающая;
Радуйся, всех молящихся тебе под покров Всевышняго приводящая;
Радуйся, из пучин отчаяния к свету надежды нас возводящая;
Радуйся, от закваски фарисейской нас ограждающая;
Радуйся, от праздности и слабости духа исцеляющая;
Радуйся, святая преподобная мати наша Марие, мученице Христова и наставнице богомудрая!

Кондaк 12

Благодати обитaющей в тебе дивящеся, величaем тя, преподобная мати нaша Марие: веруем, яко дела Божия на земли совершив, и страдания велия претерпев, ныне с Господем во обителех Его почивaеши, призирaя на нaс с высоты небеcныя, и приклоняя к нaм вышнее милоcердие. На твое заступлeние надеющеся, и на благодaтную помощь твою уповaюще, поeм Дивному во Святых Своих Богу: Аллилуиа.

Икос 12

Поюще твоя крепкия подвиги, почитаем страдания твоя, хвалим долготерпение твое, ублажаем твою кончину, прославляем твое, в женстем естестве показавшееся непобедимое мужество, имже на земли и на небеси прославилася еси, святая преподобномученице Марие, и твоих ради победоносных подвигов и страданий похвальная восписуем ти и просим тя, мати святая, укрепи в житии добродетельнем и научи нас, да возможем святому твоему житию подражатели быти и благодарственно восхвалим тя сице:

Радуйся, тяжкия и неисцельныя болезни телес наших исцеляющая;
Радуйся, внутренний мрак душ наших светом Христовым озаряющая;
Радуйся, пламень молитвы в сердцах наших возжигающая;
Радуйся, подлинной любви христианской всех научающая;
Радуйся, друг друга тяготы носити нас наставляющая;
Радуйся, к небесам умы и сердца наши обращающая;
Радуйся, от вражды друг к другу христиан исцеляющая;
Радуйся, радостию духовней души наши наполняющая;
Радуйся, святая преподобная мати наша Марие, мученице Христова и наставнице богомудрая!

Кондaк 13

О, всехвальная святая преподобномученице Марие. Нынешнее наше моление приемши, от всякия болезни, напасти, клеветы человеческия и от враг видимых и невидимых нас избави, да тихое и мирное житие поживше во юдоли земной, блаженство райское на небеси наследим и купно с тобою сподобимся Святых Святейшему Слову выну воспевати песнь: Аллилуиа.

(Этот кондак читается трижды, затем икос 1 и кондак 1)

Автор сего акафиста Евгений Владимирович Храповицкий

Молитвы к преподобномученице Марии Гатчинской

МОЛИТВА ПЕРВАЯ

О святая преподобная мати Марие, молитвеннице за весь род христианский! Се мы, грехми и треволненьми житейскаго моря обуреваеми, от глубины сердечныя взываем ти: не остави нас, немощных, печальных и унылых призрением милостивнаго твоего заступления!
Во дни земнаго жития твоего явилася еси болящим безмездная целительница, заблуждшим наставница, скорбящим и обидимым утешительница милосердная и всем притекающим к тебе скорая помощница и чадолюбивая мати. И ныне вемы, яко дана тебе от Господа и Пречистой Богородицы благодать молитися за ны.
О верная слуго Христова, сторицею возрастившая данный тебе талант, уврачуй страсти душ и телес наших, укрепи в добродетели и настави на путь покаяния: умягчи наша злая и хладная сердца, да паче всего возлюбим Христа, в Немже и ближняго своего. Умоли Господа сил низпослати милость Свою многострадальному Отечеству нашему, да тихое и безмолвное житие поживем во всяком благочестии и чистоте: и тако достигнем в немятежное пристанище Небеснаго Царствия, идеже ты в незаходимей сияеши славе, воспевая со всеми святыми хвалебную песнь Отцу и Сыну и Святому Духу, ныне и присно и во веки веков. Аминь.

МОЛИТВА ВТОРАЯ

О достоблаженная старице наша, преподобная мати Марие, недужных и скорбных скорая утешительнице и целительнице! Приими ныне моление недостойных чад твоих и донеси сей малый плод сердец и устен наших ко престолу Божию, да предстательством твоим низпослет нам Милосердный Господь щедроты Своя: подаст благоденствие Отечеству нашему: избавит от труса, огня, меча, нашествия иноплеменник и междоусобныя брани: недужным дарует исцеление, скорбящим утешение: гордых смирит, нерадивых к покаянию обратит, монашествуюших дух в горении к Богу укрепит: всем Христианом подаст, яже ко спасению потребная: наипаче же явит нам милость на Страшнем судище Своем и вселит в обители Небесныя со всеми святыми: Емуже подобает хвала и слава, честь и держава, Отцу и Сыну и Святому Духу, ныне и присно и во веки веков. Аминь.

МОЛИТВА ТРЕТЬЯ

О, святая преподобная мати Марие! Подвигом добрым подвизалася на земли, восприяла еси на небесех венец правды, егоже уготовал Господь всем любящим Его. Темже предстояще пред образом твом честным, радуемся о преславнем скончании земнаго жития твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойнии есмы, видети благая на земли живых, славяще дивного во святых Своих Бога, Отца и Сына и Святаго Духа, ныне и во веки веков. Аминь.