Всех Святых

В первое воскресенье после дня Святой Троицы Православная Церковь празднует день Всех Святых.

Иже во всем мире мученик Твоих, яко багряницею и виссом кровьми Церковь Твоя украсившися, теми вопиет Ти Христе Боже: людем Твоим щедроты Твоя низпосли, мир жительству Твоему даруй, и душам нашим велию милость.

День всех святых – словосочетание знакомое и в то же время странное. но вошло в обиходную речь в одной обёртке с британским Хэллоуином (чьё название означает All Hallows Eve – Вечер Всех Святых) – кельтским началом года которое в средневековой Британии отмечалось с поминовения Всех Святых. Первое упоминание об этом празднике встречается в IV веке, а в 609 г. римский папа Бонифаций IV в день Всех Святых освятил римский Пантеон в честь Богородицы и всех мучеников, чтобы, по выражению великого английского историка Беды, «память всех святых могла в будущем совершаться в месте, где почитали не богов, а демонов».

Все святые неслучайно вспоминаются через неделю после Троицы – на Троицу была установлена Церковь, это день ее рождения, посажен росток в землю. И вот мы видим, каким ярким цветом расцвел посаженный цветок – святые мученики и исповедники, преподобные и пророки, юродивые и святители. День Всех Святых соединен с первым воскресением после Пятидесятницы, этим показывается, что святость – это плод Духа Святого. Этот плод созрел не в каких-то полубогах, великанах или инопланетянах, а обычных людях, сделанных из того же теста, что и мы с вами. Святыми не рождаются, ими становятся (как стал раскаявшийся разбойник Опта, основавший знаменитую Оптину Пустынь), «стяжая Духа Святого», по словам св. Серафима Саровского. В святых мы почитаем не безгрешность (безгрешен только Бог), не творимые ими чудеса, высказываемые предсказания, подвиги аскетики или ратного дела, а ту благодать Божию, которая в них просияла, сделав их «чистыми жилищами Божиими», по словам св. Иоанна Дамаскина.

Как писал апостол Павел, “одному дается Духом слово мудрости, другому слово знания, тем же Духом; иному вера, тем же Духом; иному дары исцелений, тем же Духом; иному чудотворения, иному пророчество, иному различение духов, иному разные языки, иному истолкование языков” (I Кор. 12. 8-11) Согласно словам Апостола, церковь почитает самых разных людей, получивших бесценный дар Святого Духа через свою жизнь или через свою смерть. При этом надо понимать, что почти никто из святых не становился таким мгновенно, но никто не обретал «помазание Божией благодати» внезапно и без своего сильного желания быть с Богом. Но помимо помазания благодатью святые всегда оставались обычными людьми со своими привычками, сложными моментами в биографии, за которые они горько каялись, и человеческими немощами. Интересно, что в церковных канонах есть строгое предупреждение, запрещающее православному считать что святые безгрешны.

Апостол Павел называет святыми всех верующих христиан. И понятно – человек сотворен Богом по образу и подобию Божиему и смысл жизни христианина состоит в том, чтобы от образа, заложенного в каждом из нас, перейти к подобию Божию: «будьте святы, как Отец Ваш Небесный», говорится в Библии.

К святости, по учению Церкви, призван каждый. История знает немало парадоксов: нередко святыми становились, казалось бы, совершенно потерянные для общества люди.

Первым вошел в рай… разбойник. Тот самый, который висел на кресте справа от Христа. Распят он был за свои «заслуги» сам это признавал. Но искреннего покаяния в последнюю мину жизни и слов, обращенных к распятому Христу «Помяни мя, Господи, когда приидеши во Царствии Твоем» оказалось достаточно для того, чтобы войти в рай.

Мария Египетская– еще один парадоксальный пример: с ранней юности она предавалась разврату, утопала во грехе соблазняла всех окружающих мужчин. И вдруг она захотела войти в церковь, куда ее не пустила сила Божия. Тога Мария и поняла весь ужас своей жизни и до конца дней каялась о своих прегрешениях.

Сколько всего святых в христианстве – неизвестно. Жития и описания святых не вмещаются в самые толстые тома Четьих–Миней, о подвиге тысяч никогда не будет известно… Мы не узнаем о мучениках первых веков христианской церкви, разорванных дикими зверями на арене цирка за веру в Христа, сокрытыми от нас останутся имена подвижников и монахов, живших в удалении от мира и так горячо молившихся за мир, не счесть и имен верующих, расстрелянных в годы безбожия в лагерях.

Церковная канонизация не определяет прославление святого у Бога: для судьбы человека неважно, прославлен ли он Церковью, ведь это лишь признание факта, официальное благословение на всенародное почитание.

Основными условиями для канонизации являются праведное житие, православие безукоризненное, народное почитание и чудотворения, совершаемые по молитвам святого.

Для канонизации святого важно и то, что со дня смерти должно пройти определенное время. Иначе слишком велик риск податься сиюминутным влечениям и увидеть святость там, где ее нет, как происходит, например, с кампаниями по прославлению Ивана Грозного или Распутина – несмотря на неоднократные заявления церкви о невозможности их прославления, некоторые люди упорствуют и пытаются собирать документы в поддержку.

Обычно канонизация совершается не раньше, чем через 50 лет поле смерти святого, так, например, благоверный князь Андрей Боголюбский или Димитрий Донской были прославлены только в год тысячелетия Крещения Руси – то есть много веков спустя после смерти.

Святые почитались с самых ранних веков христианстваВначале это были апостолы, а затем мученики, принявшие смерть, но не отрекшиеся от веры (таковым являлся римлянин Леонид, чью память мы празднуем тоже сегодня, 18 июня). За ним последовало почитание выдающихся церковных деятелей, прославившихся дарами Святого Духа (все мы знаем самого почитаемого у нас святителя Николая Чудотворца). С укреплением христианства начали чтить благоверных правителей и правительниц (таковыми были благоверный князь Александр Невский, сын его Даниил Московский, святой покровитель столицы) и преподобных монахов (таких как Сергий Радонежский и Серафим Саровский).

В наши дни, когда нам известны имена тысяч россиян, пострадавших за веру Христову в годы советской власти, святые нам близки как никогда. Они практически наши современники, они обитали на соседних улицах, слушали радио, ездили в автомобилях, ходили в магазины и жили обычной, нашей с вами жизнью. Тем самым они показывают нам, насколько близко от нас находится благодать Божия, стоит лишь захотеть и обожение, теозис, — главная цель жизни христианской – оказывается достижимой. Поэтому мы празднуем сегодня память тех обычных людей, кто стяжал Духа Святого и обрёл помазание благодати.

Тропарь всех святых
глас 4
Иже во всем мире мученик Твоих,/ яко багряницею и виссом,/ кровьми Церковь Твоя украсившися,/ теми вопиет Ти, Христе Боже:/ людем Твоим щедроты Твоя низпосли,/ мир жительству Твоему даруй// и душам нашим велию милость.

Кондак всех святых
глас 8
Яко начатки естества, Насадителю твари,/ вселенная приносит Ти, Господи, богоносныя мученики,/ тех молитвами в мире глубоце// Церковь Твою, жительство Твое Богородицею соблюди, Многомилостиве.

Молитва

К вам, о святии вси, яко путеводным светильником, деяньми своими осветившим путь небеснаго восхода, аз, многогрешный, смиренно колена сердца моего преклоняю и из глубины души взываю: умолите о мне Человеколюбца Бога, да не попустит ми еще блуждати по распутиям греха, но да просветит мой ум и сердце светом благости Своея, яко да тою озаряемь и подкрепляемь, возмогу прочее время земнаго жития правою стезею непреткновенно прейти и ходатайством вашим ко Всеблагому Господу сподоблюся поне вмале причастник быти духовныя вашея трапезы в небеснем чертозе Царя славы, Емуже со Безначальным Его Отцем и Пресвятым, Благим и Животворящим Духом буди слава, честь и поклонение во веки веков. Аминь.

АКАФИСТ СОБОРУ ВСЕХ СВЯТЫХ

Кондак 1
Избранным угодником Божиим, всем святым, от века во всем мире просиявшим и на небеси венцы славы приявшим, похвальное приносим пение. Вы же, яко имущии велие дерзновение ко Господу, от всяких нас бед свободите, да зовем вам хвалебно:
Радуйтеся, вси святии, теплии о всем мире Богу молитвенницы.
Икос 1
Ангельский собор, умаленный падением гордых ангел и вами, всеми святыми, восполняемый, светло торжествует в день памяти вашей, и всю вселенную созывает на веселие духовное. Мы же, им подражающе, зовем вам радостно:
Радуйтеся, святии, от века Богом предуведеннии и предуставленнии к славе небесней.
Радуйтеся, от всех родов, мест и времен в служение Господу избраннии.
Радуйтеся, избрание ваше подвигами благочестия оправдавшии.
Радуйтеся, образом добрых дел ваших правый путь к небеси нам показавшии.
Радуйтеся, прежде писаннаго закона Божия по закону совести праведно пожившии.
Радуйтеся, в законней сени благочестно житие свое совершившии.
Радуйтеся, в новей благодати светло добродетельми просиявшии.
Радуйтеся, в последняя сия времена Богу благоугодившии и мзду с первыми получившии.
Радуйтеся, от земных скорбей прешедшии к небесному покою.
Радуйтеся, сподобльшиися зрети неисповедимую славу Божию.
Радуйтеся, с лики безплотных непрестанно хвалящии Пресвятую Троицу.
Радуйтеся, всегда молящиися Ей о всех почитающих вас.
Радуйтеся, вси святии, теплии о всем мире Богу молитвенницы.
Кондак 2
Видящи Православная Христова Церковь, многочисленными лики святых, яко прекрасными райскими цветы себе украшену, светло почитает память их и Пречистую Богоматерь с Рождшимся от Нея Христом Богом величает, вопиющи Тому хвалебную песнь: Аллилуиа.
Икос 2
Разуму нашему просвещение у Господа испросите, святии угодницы Божии, да отрясше земное пристрастие, вознесемся сердцем и мыслию в наследованная вами и нам обещанная селения райская, и возопием вам радостно:
Радуйтеся, ветхозаветнии праотцы и патриарси, родоначальницы по плоти Христа Сына Божия.
Радуйтеся, яко благословением Божиим умножишася роды ваша, яко звезды небесныя.
Радуйтеся, среди мрака древняго нечестия правую вашу веру во истиннаго Бога сохранившии.
Радуйтеся, с надеждою чаявшии обетованнаго Искупителя.
Радуйтеся, яко от вашего племене возсия пресветлая свеща — Богородица Мария.
Радуйтеся, яко от Нея родися Победитель смерти и ада.
Радуйтеся, верою во грядущаго Христа спасение улучившии.
Радуйтеся, вместо древния клятвы благословение Тем получившии.
Радуйтеся, и во аде Христова пришествия ожидавшии.
Радуйтеся, адских мучений Им избавленнии.
Радуйтеся, на небеса со славою возведеннии.
Радуйтеся, с лики Ангельскими в вечныя обители Отца Небеснаго вселеннии.
Радуйтеся, вси святии, теплии о всем мире Богу молитвенницы.
Кондак 3
Силою Вышняго осенени бывше, святии, дерзновенно ополчистеся противу начал и властей злобы поднебесныя, и победивше тех коварства, вся благая начинания ваша добре совершисте, воспевающе Всесильному Человеколюбцу Богу: Аллилуиа.
Икос 3
Имуще, святии пророцы, преславная селения во обителех дому Отца Небеснаго и присносущным светом лица Божия просвещаеми, неизреченнаго воистину со всеми святыми наслаждаетеся блаженства, егоже мы, земнии, причастницы быти желающе, воспеваем вам сице:
Радуйтеся, святии пророцы, Богом избраннии прежде вашего рождения.
Радуйтеся, верно поработавшии Ему прежде Христова воплощения.
Радуйтеся, от младенчества благодатию Святаго Духа освященнии.
Радуйтеся, посланнии от Господа вразумляти заблуждшия сыны Израилевы.
Радуйтеся, предвозвестившии Христово от Девы славное рождение.
Радуйтеся, звезды, предварившии пришествие истиннаго Солнца.
Радуйтеся, законопреступных царей Израилевых дерзновенно обличившии.
Радуйтеся, всякое людское нечестие мечем слова Божия нещадно посекшии.
Радуйтеся, вернии раби Господни, вся хотения Его исполнившии.
Радуйтеся, истину небоязненно пред властьми вещавшии.
Радуйтеся, многи скорби в мире претерпевшии.
Радуйтеся, со всеми избранными торжествующии на небеси в славе вечней.
Радуйтеся, вси святии, теплии о всем мире Богу молитвенницы.
Кондак 4
Бури житейския избавльшеся, вси святии, преидосте в небесный покой, на места злачна и прохладна, идеже потоцы сладости неисповедимыя, пища славы Божия нетленная, пения и гласы празднующих; тамо убо торжествуете со всеми Ангельскими силами, поюще Богу: Аллилуиа.
Икос 4
Око не виде, и ухо не слыша, и на сердце земнаго человека не взыдоша радости и сладости, ихже вы ныне наслаждаетеся, Апостоли святии. Сего ради благоговейно взываем вам:
Радуйтеся, святии Апостоли, с Предтечею Иоанном ближайшии друзи Христовы.
Радуйтеся, по Пресвятой Деве Марии, первостоятелие у Престола Святыя Троицы.
Радуйтеся, возвестившии миру таинство нашего искупления.
Радуйтеся, светом веры Христовы омраченныя люди просветившии.
Радуйтеся, семя слова Божия в сердца человеческая всеявшии.
Радуйтеся, плоды трудов ваших в небесном вертограде пожинающии.
Радуйтеся, святии отцы, седмию Вселенскими Соборы исповедание Православныя веры утвердившии.
Радуйтеся, утишившии бурю еретическаго нечестия.
Радуйтеся, изъяснившии нам догматы Православныя веры.
Радуйтеся, и доныне учением вашим ограждающии Церковь Христову от ересей и расколов.
Радуйтеся, святии иерарси, словом и житием светло просиявшии.
Радуйтеся, во свете невечернем с духовными вашими чады ныне обитающии.
Радуйтеся, вси святии, теплии о всем мире Богу молитвенницы.
Кондак 5
Боготочною, Спасе, Кровию Твоею искупленнии и верно Тебе на земли послужившии вси святии, ныне на тверди церковней яко звезды пресветлыя сияют, и всех нас, по морю страстнаго сего жития плавающих, на путь правый, к небесному отечеству ведущий, наставляют; о сем убо с радостию благодарно поем Богу: Аллилуиа.
Икос 5
Видевши, святии мученицы, яко в мире сем вся суетна суть и тлению причастна, потщастеся Предвечному Богу благоугодити и претерпением лютых мук тленная на нетленная пременити, за еже сподобистеся предстояния у страшнаго Престола Владычня в славе вечней, в нейже не забудите и нас, память вашу совершающих и вопиющих вам таковая:
Радуйтеся, святии страстотерпцы, кровию своею запечатлевшии правую вашу во Христа веру.
Радуйтеся, не убоявшиися убивающих тело, души же не могущих убити.
Радуйтеся, претерпевшии страшная мучения.
Радуйтеся, явльшии на себе Христовых страстей изображения.
Радуйтеся, победившии лютых мучителей свирепства.
Радуйтеся, чрез огнь и воду прошедшии и в покой вечный вшедшии.
Радуйтеся, исповедницы и священномученицы, пострадавшии за благочестие и почитание святых икон.
Радуйтеся, преподобномученицы, в молитве Богу собеседовавшии и страданием диавола поправшии.
Радуйтеся, за славу и честь Царя Небеснаго мужественно воинствовавшии.
Радуйтеся, победную почесть от Христа на небеси приимшии.
Радуйтеся, велию благодать от Господа получившии.
Радуйтеся, многая и различная чудеса в славу Божию в поднебесней содевающии.
Радуйтеся, вси святии, теплии о всем мире Богу молитвенницы.
Кондак 6
Проповедуют христианстии роди славу вашу, вси святии: вы бо яко рай насажденный явистеся посреде Церкве, имущии древо жизни Самаго Господа, от негоже вкусивше сладости райския, вся скорогибнущая в мире сем презресте, и радостно в небесный вертоград внидосте, поюще: Аллилуиа.
Икос 6
Правоверие и добродетели преподобных отец, яко солнце, всему миру сияют и нам мрачный путь жизни сея просвещают, да не заблудим в пустыни греха и душепагубных ересей. Сего ради хвалебно им воспеваем:
Радуйтеся, преподобнии отцы, мир и яже в мире любве ради Божия волею оставившии.
Радуйтеся, преподобнии матери, в подвизех дневных и нощных земное течение совершившии.
Радуйтеся, пустынницы, в пещерах и горах со зверьми пожившии.
Радуйтеся, постницы, в алчбе и жажде временное житие препроводившии.
Радуйтеся, столпницы, мраз и зной Царствия ради Небеснаго претерпевшии.
Радуйтеся, затворницы, в сердечней тишине Бога взыскавшии.
Радуйтеся, девственницы, целомудрие сохранившии и непорочному Агнцу Христу пoследовавшии.
Радуйтеся, послушницы, Христово смирение стяжавшии.
Радуйтеся, в общежитиих во взаимной братской любви ангельски пожившии.
Радуйтеся, мудрии и кротции монахов наставницы бывшии.
Радуйтеся, вси трудолюбцы, добродетелей совершенство стяжавшии.
Радуйтеся, в покой Господа своего вшедшии.
Радуйтеся, вси святии, теплии о всем мире Богу молитвенницы.
Кондак 7
Хотя Всеблагий Господь явити миру, яко не всуе труждаются вси благоугождающии Ему, но яко велия мзда уготовася им в Царствии Небеснем: сего ради прослави сонмы святых угодник Своих, различне Тому на земли послуживших, да и мы поревнуем тех житию, и тоя же вечныя славы чающе, поем Ему: Аллилуиа.
Икос 7
«Веруяй в Мя, аще и умрет жив будет»,— рече Господь. Вам же, святии вси, изрядно приличествуют сии Владычни глаголы: вы бо аще и умросте на земли плотию, но душами в вышнем селении всегда живи суще, многая и неизреченная совершаете в мире чудеса, и теплым вашим к Богу ходатайством пособствуете нам, сице возглашающим вам:
Радуйтеся, горняя мудрствующим вашим умом истиннаго Бога познавшии.
Радуйтеся, правую вашу в Святую Троицу веру непорочно сохранившии.
Радуйтеся, Христа Сына Божия, истиннаго Бога и совершеннаго человека исповедавшии.
Радуйтеся, в спасительныя Его страсти несумненно веровавшии.
Радуйтеся, Православием, яко звезды, блистающии.
Радуйтеся, праведностию, яко финикс процветающии.
Радуйтеся, плотию на земли, умом же на небеси пожившии.
Радуйтеся, временною смертию на безконечную жизнь прешедшии.
Радуйтеся, тесным путем евангельски шествовавшии.
Радуйтеся, узкими враты Царствия Небеснаго достигшии.
Радуйтеся, вечных благ наследницы.
Радуйтеся, о спасении нашем теплии к Богу ходатаи.
Радуйтеся, вси святии, теплии о всем мире Богу молитвенницы.
Кондак 8
Страну ону горнюю, идеже вси святии по трудех земных почивают, умным очесем своим представляюще, аще и не можем постигнути сущаго тамо блаженства, мы земнии и плотию обложеннии, обаче, верою сие проразумевающе и сердцем предвкушающе, поем дивному во святых Своих Богу: Аллилуиа.
Икос 8
Исчитаяй множество звезд и всем им имена нарицаяй, Вседержителю Господи, Ты един веси по имени всех благоугодивших Тебе. Мы же, дело суще руку Твоею, якоже песка морскаго исчести, сице и всех святых по имени нарещи не могуще, токмо изряднейшия рабы Твоя, от начала мира Тебе благоугодившия, именуем, глаголюще:
Радуйтеся, Адаме и Ево, праотцы всего рода человеческаго.
Радуйтеся, Авеле и Сифе, первии в мире благочестия рачителие.
Радуйтеся, Ное, вторый рода нашего родоначальниче, и Аврааме, завета Божия приемниче.
Радуйтеся, Моисее Боговидче и Аароне, первый ветхозаветный священниче.
Радуйтеся, Еноше и Илие, плотию смерти не вкусившии и на небо восхищеннии.
Радуйтеся, Исаие, Давиде и Данииле, зрителие таин Бога Вседержителя.
Радуйтеся, Иоакиме и Анно, родившии Деву Марию - Матерь Христа Бога нашего.
Радуйтеся, Петре, Павле, Иакове и Иоанне, избраннейшии Апостоли Христовы.
Радуйтеся, Николае, Василие, Григорие, Иоанне и Афанасие, непоколебимии столпи церкве Христовы.
Радуйтеся, Антоние, Пахомие, Евфимие, Иларионе и Савво, великие монахов наставницы.
Радуйтеся, Георгие, Димитрие, Евстратие и Пантелеимоне, велиции мученицы Христовы.
Радуйтеся, Варваро, Ирино, Параскево, Екатерино и вси мученицы, кровию своею торжество веры возвеличившии.
Радуйтеся, вси святии, теплии о всем мире Богу молитвенницы.
Кондак 9
Вси святии Твои, Господи, ангельский подражая чин, безпрестани славят Пресвятое имя Твое на небеси, «Свят, Свят, Свят», — вопиюще; с нимиже и мы, грешнии, на земли бренными устнами вопием: Аллилуиа.
Икос 9
Витии суемудрыя недоумеют глаголати: како вы, вси святии, подобострастни нам бывше человецы, непреодолени страстьми бысте, мужеством вашим безплотныя враги победисте. Мы же, прославляюще укрепившаго вас Господа, хвалим доблести ваша и умиленно вопием:
Радуйтеся, святии, вседушно Господа возлюбившии.
Радуйтеся, любве Его ради живота своего не щадившии.
Радуйтеся, мир и миродержителя победившии.
Радуйтеся, вся сети древняго змия, яко паучину, разорившии.
Радуйтеся, смирившиися под крепкую руку всеблагаго Промысла Божия.
Радуйтеся, покорившии волю свою воле Отца Небеснаго.
Радуйтеся, прославившии Господа в душах и телесех ваших.
Радуйтеся, возвеличившии Его во всех делех ваших.
Радуйтеся, воздвизавшии руце ваши на творение дел благих.
Радуйтеся, направлявшии стопы ваша на путь правый.
Радуйтеся, не приложившии сердец ваших к земному богатству и наслаждению.
Радуйтеся, всегда помышлявшии о благах небесных и вечном веселии.
Радуйтеся, вси святии, теплии о всем мире Богу молитвенницы.
Кондак 10
Спасения путем право шествующе и о судьбах правды Божия поучающеся, вси святии, явистеся яко древеса благоплодная при исходищах вод, и принесосте Богу плод добродетелей ваших во время свое. Ныне же в горнем Едеме неизреченнаго наслаждающеся блаженства, помяните и нас, чад ваших, отеческое ваше о спасении нашем попечение восхваляющих, Богу же поющих: Аллилуиа.
Икос 10
Стена тверда нам противу лица вражия вы есте, вси святии, и теплии молитвенницы ко Христу о всем роде христианстем. Темже от стрел невидимаго борителя присно вами защищаеми, радостно взываем:
Радуйтеся, рода человеческаго велие украшение.
Радуйтеся, в странствии земном присная нам отрада и утешение.
Радуйтеся, в брани со врагами спасения нашего сильнии нам помощницы.
Радуйтеся, от меча гнева Божия молитвами вашими нас защищающии.
Радуйтеся, сами искушени бывше, и нам во искушениих помогающии.
Радуйтеся, покаянию нас грешных зело радующиися.
Радуйтеся, на различных местех земли во вся времена праведно пожившии.
Радуйтеся, аще и согрешившии, обаче истинным покаянием и слезами скверну грехов омывшии.
Радуйтеся, от Адама даже до днесь в надежди жизни вечныя скончавшиися.
Радуйтеся, от Востока и Запада пришедшии и на лоне Авраамли почившии.
Радуйтеся, яко сонм ваш новыми с земли пришельцами всегда умножается.
Радуйтеся, яко вами место падших духов в соборе Ангельском восполняется.
Радуйтеся, вси святии, теплии о всем мире Богу молитвенницы.
Кондак 11
Песни наша хвалебныя, аще бы и тмочислени были, не довлеют к прославлению добродетелей ваших, вси святии; и нам немощным удобее любити молчание: но да не явимся лениви и неблагодарни за полученныя вас ради милости и благодеяния Божия, поем прославльшему вас Владыце: Аллилуиа.
Икос 11
Светильницы света невечерняго вы есте, вси святии, у Престола Пресвятыя Троицы с Ангельскими чинми в молитве о нас присногорящии, и на светлую спасения стезю наставляющии вопиющих вам сице:
Радуйтеся, светильницы огня невещественнаго.
Радуйтеся, насельницы обителей Отца Небеснаго.
Радуйтеся, гроздие винограда Христова.
Радуйтеся, благоуханнии цвети райстии.
Радуйтеся, животочнии реки, в жажде духовней нас напояющии.
Радуйтеся, дожденоснии облацы, в знои искушений нас прохлаждающии.
Радуйтеся, духовнии ветри, зиму уныния от сердец наших прогоняющии.
Радуйтеся, сладкопеснивии славии, духовную весну вечнаго блаженства нам возвещающии.
Радуйтеся, мысленныя горы, к небеси нас возводящии.
Радуйтеся, умнаго Солнца лучи, милость Его на нас изливающии.
Радуйтеся, добрии кормчии, от потопления греховнаго нас спасающии.
Радуйтеся, вернии путевождие, в небесное отечество нас путеводящии.
Радуйтеся, вси святии, теплии о всем мире Богу молитвенницы.
Кондак 12
Благодать от Бога данную вам, в воздаяние многих добродетелей ваших, кто от земнородных исповести возможет, о святии! Якоже бо капли морския по единой исчерпати, сице чудодействий ваших и подаваемых вами нам благодеяний несть мощно исчести. Сего ради радостно совершаем славное ваше торжество, и вся действующему в вас Господу зовем: Аллилуиа.
Икос 12
Поюще Тя, Владыко Вседержителю, восхваляем вси Пресвятое имя Твое, яко от начала мира в различная времена явил еси приснопамятныя святыя Твоя, Тебе единому в Троице славимому Богу благоугодившия, ихже молитвами от всех зол избавляеши вопиющия к ним:
Радуйтеся, святии Божии угодницы, с Пресвятейшею всея твари Приснодевою Мариею.
Радуйтеся, и вы, безплотнии Ангели, хранителие рода человеческаго.
Радуйтеся, святии царие и князи, на земли благочестиво царствовавшии и Небесное Царствие наследившии.
Радуйтеся, добрии градоправителие, в небесном граде обитати сподобльшиися.
Радуйтеся, нелицеприятнии земнии судии, у небеснаго Судии оправдание и милость получившии.
Радуйтеся, ревностнии словесных овец пастырие, от Пастыреначальника Христа похваленнии и прославленнии.
Радуйтеся, праведнии земледелателие, в простоте сердца и незлобии Богу послужившии.
Радуйтеся, терпеливии странницы, небеснаго отечества достигшии.
Радуйтеся, юродивии, поношения и укорения Христа ради претерпевшии.
Радуйтеся, безсребренницы, туне болящим исцеления подававшии и на небеси мзду приявшии.
Радуйтеся, во всяком возрасте и звании угодившии Богу мужие и жены, яко вы едино есте о Господе и души ваша в руце Божией.
Радуйтеся, яко в будущем веце купно с душами и телеса ваша вечныя славы причастны будут.
Радуйтеся, вси святии, теплии о всем мире Богу молитвенницы.
Кондак 13
О всеблаженнии угодницы Божии, вси святии, приявшии наследие благ вечных! Приимите сие наше хвалебное пение, и благоприятными вашими к Богу молитвами испросите нам грехов оставление и вечных мук избавление, да с вами в Небесном нашем Отечестве поем Богу: Аллилуиа.

Этот Кондак читается трижды, затем Икос 1 и Кондак 1