свт. еп. Стефан Пермский (Великопермский)

Святитель Стефан, просветитель Перми, апостол зырян, родился около 1340 года в семье устюжского причетника Симеона. Под влиянием своей благочестивой матери Марии, обладая большими способностями, он с юных лет проявлял необыкновенное усердие к служению Церкви: в один год выучился читать Священные Книги и помогал отцу в церкви при Богослужении, исполняя должность канонарха и чтеца.

В молодости святой принял иночество в монастыре в честь святителя Григория Богослова в Ростове. Монастырь славился богатым книжным собранием. Святой Стефан хотел читать святых отцов в подлиннике и для этого изучал греческий язык. В юности, помогая отцу в церкви, он часто беседовал с зырянами. Теперь, овладев богатой церковной культурой, святой Стефан горел желанием обратить зырян ко Христу.

Для просвещения зырян он составил азбуку их языка и перевел на него несколько церковных книг. За подвиги благочестия Ростовский епископ Арсений (1374 - 1380) посвятил его в сан иеродиакона. Приготовив себя к миссионерской деятельности, святитель Стефан явился в Москву (1379 г.) к Коломенскому епископу Герасиму, который управлял тогда делами митрополии, и просил его: "Благослови меня, Владыко, идти в страну языческую - Пермь. Хочу учить святой вере неверных людей. Я решился или привести их ко Христу, или сложить у них за Христа голову". Епископ с радостью благословил его и посвятил в сан иеромонаха. Он снабдил его антиминсами, святым миром и Богослужебными книгами, а великий князь Димитрий Иоаннович дал ему охранные грамоты.

Из Устюга святой Стефан спустился по Северной Двине до впадения в нее Вычегды, откуда начинались поселения зырян. Много трудов, борьбы, лишений и скорбей вытерпел проповедник веры Христовой, живя среди язычников, поклонявшихся идолам, "огню, воде, деревьям, камню и золотой бабе, и кудесником, и волхвом, и древью".

Особо благоговели зыряне перед так называемой "прокудливой березой". Громадная по толщине и вышине береза росла на возвышенном месте. Зыряне собирались к ней и приносили в жертву добытых зверей. Святой Стефан поставил свою келлию невдалеке от березы и использовал собрания суеверных язычников у дерева, чтобы учить их святой истине. Затем святой Стефан срубил и сжег березу для искоренения суеверия. Зыряне собирались убить его. Святой обратился к ним с проповедью: "Судите сами, сильны ли боги ваши, когда они не могут защитить себя от огня? Боги ли они, когда так немощны, да и не имеют не только смысла, но и слуха и зрения? И от меня, слабого, не сумело защитить себя ваше божество. Не таковы же ли и все другие боги ваши? Не таков Бог Христианский. Он видит все, все знает и Всемогущ, ибо создал весь мир и о всем промышляет. И как Он благ, особенно к знающим Его! Я желаю вам добра, проповедуя вам Истинного Бога. Он будет любить вас, будет благотворить вам, когда станете чтить Его искренне". На месте "прокудливой березы" святой Стефан построил храм в честь Архангела Михаила, низложителя духов тьмы.

Крестившиеся зыряне сами стали истреблять то, чему раньше поклонялись: рубили священные деревья, сокрушали идолов; богатые дары, предназначенные для языческих жертвенников, они приносили святому Стефану. Он велел служившему при нем зырянину Матфею все предавать огню и лишь дозволял употреблять полотно на обвертывание ног.

Но окончательный перелом в зырянах произошел после того, как святой Стефан посрамил их главного жреца Паму, который восстал против распространения святой веры. Жрец вступил в спор со святым Стефаном. "У вас, христиан, - говорил Пама, - один Бог, а у нас много помощников и на суше, и на воде, подающих нам счастливую ловлю в лесах и ее избытками снабжающих Москву, орду и дальние страны; они сообщают нам в волхвовании тайны, недоступные вам". Святой Стефан отвечал, что Истинный Бог - один; Всемогущество - одно, а бессилие богов-идолов очевидно по опыту. После долгих споров жрец Пама в оправдание своей веры вызвался пройти сквозь огонь и воду и того же потребовал от святого Стефана. "Я не повелеваю стихиями, - смиренно отвечал святой Стефан, - но Христианский Бог велик: иду с тобой". Пама затрепетал и молил избавить его от верной смерти. "Вы свидетели, - сказал святой Стефан собравшемуся народу, - сам он потребовал решить спор о вере огнем и водой и однако не хочет креститься. За кого считать теперь Паму? Что с ним делать?" "Обманщика предать смерти, - ответил народ, - если отпустить Паму, он наделает тебе пакостей". "Нет, - ответил святой, - Христос меня послал не предавать кого-либо смерти, а учить. Пама не хочет принять спасительной веры, пусть его упорство накажет его, но не я". Пама был выгнан. В благодарность Господу за победу над главой язычников, святой Стефан построил на Вишере храм в честь святителя Николая. После этого проповедь святого о Христе стала идти все успешнее.

В 1383 году святой Стефан был поставлен епископом Малой Перми. Как любвеобильный отец он неустанно заботился о своей пастве. Для утверждения в вере новообращенных святитель Стефан при храмах открывал училища, где Священные Книги изучались на пермском языке. Святитель присматривался к учащимся, учитывал их способности с тем, чтобы из них ставить священников и диаконов. Некоторых учеников святитель Стефан научил писать по-пермски. Святитель строил церкви, в которых ставил священников из зырян, ввел Богослужение на зырянском языке.

Святитель Стефан перевел на зырянский язык Часослов, Псалтирь, избранные чтения из Евангелия и Апостола, Паремийник, Стихирарь, Октоих, несколько праздничных служб и Божественную литургию.

Во время неурожая Святитель снабжал зырян хлебом, много раз избавлял их от насилия и взяток тиунов, облегчал им подати, защищал от нападений других племен, ходатайствуя за них в Москве. Плодом его подвигов и добродетелей стало обращение всей обширной Пермской земли к христианству. Это великое дело было совершено силой веры и христианской любви. Жизнь святителя - это победа веры над неверием, любви и кротости - над злобой и нечестием.

Умилительно "заочное свидание" святителя Стефана Пермского с преподобным Сергием Радонежским, бывшее в 1390 году во время путешествия святителя в Москву по церковным делам. Святитель Стефан горячо любил Радонежского подвижника и очень желал повидаться с ним на пути из Пермской земли, но не мог исполнить этого из-за недостатка времени. Находясь в 10 верстах от монастыря преподобного Сергия, святитель Стефан, помолившись, обратился в сторону обители и с поклоном произнес: "Мир тебе, духовный брате!". Преподобный Сергий, который сидел вместе с братией за трапезой, встал, помолился и, поклонившись в ту сторону, где проезжал святитель, ответил: "Радуйся и ты, пастырю стада Христова, и мир Божий да пребывает с тобой!"

О глубокой духовной связи святителя Стефана Пермского и Преподобного Сергия Радонежского свидетельствует и ныне особая повседневная молитва к ним на братской трапезе.

Кроме устройства церквей, святитель Стефан основал для зырян и несколько монастырей: Спасскую Ульяновскую пустынь в 165 верстах от Усть-Сысольска, Стефановскую - в 60 верстах от Усть-Сысольска, Усть-Вымскую Архангельскую, Яренгскую Архангельскую.

В 1395 году святитель Стефан снова отправился в Москву по делам паствы и здесь скончался. Тело его было положено в монастыре "Спаса за стеною" (в храме на Бору в честь Спасителя) в Московском Кремле. Горько оплакивали зыряне кончину своего апостола. Они усиленно упрашивали Московского князя и Митрополита отпустить в Пермь тело их наставника, но Москва не хотела расстаться с останками великого святителя.

Прославление святителя Стефана началось еще в начале XV века. Житие было написано вскоре после смерти святителя в 1472 году. Службу ему составил иеромонах Пахомий Серб с иеромонахом Епифанием Премудрым, учеником преподобного Сергия Радонежского, который хорошо знал святителя и любил с ним беседовать.

Тропарь святителя Стефана, епископа Великопермского
глас 4
Божественным желанием,/ от юнаго возраста, Стефане премудре, разжегся,/ ярем Христов взял еси/ и людей оляденевшая древле неверием сердца,/ Божественное семя в них сеяв,/ евангельски духовне породил еси./ Темже преславную твою память почитающе, молим тя:/ моли, Егоже проповедал еси,/ да спасет души наша.
Кондак святителя Стефана, епископа Великопермского
глас 8
Самозванен не ищущим тебе, святителю, обрелся еси,/ люди, от идольския лести свободив, ко Христове вере привел еси/ и волхва пансотника посрамил еси,/ темже и первый епископ и учитель Перми был еси./ Сего ради духовная твоя чада,/ яко тобою избавльшеся от идол, благодарная тебе возопием:/ радуйся, Стефане, учителю премудрый.

Молитва святителю Стефану, епископу Великопермскому

О богоосвященный и равноапостольный Стефане, новый боговедения проповедниче и просветителю крещением святым великопермских, во идолопоклонстве живущих, людий, ко истинному евангельскому свету путеводителю, пастырю добрый и учителю премудрый, Духа Святаго сосуде избранный, Христоподражательный в Небесный Сион наставниче и руководителю, образ благонравия всем, благочестно жити желающим, благоискусный мысленнаго корабля, чрез море мира сего к Небесному пристанищу плавающаго, правителю, дивный во иерарсех, увенчанный Божественною благодатию, всероссийский светильниче, великий чудотворче и молитвенниче теплый! К тебе во умилении сердца моего, аз окаянный и грешный, благонадежно притекаю и вопию, прося, смиренный, помощи твоея и теплаго ко Преблагому Богу ходатайства, да твоими благоприятными молитвами испросиши ми от Него человеколюбную милость, оставление многих моих согрешений, души и телеси здравие со спасением, и яко Благ и Человеколюбец, да благоволит безбедно в мире сем ходити ми до скончания живота моего, во время же разлучения моего от жизни сея, дух мой в покаянии и мире Ангелом Своим святым милостивно прияти, да даст ми мимо мрачных и злоковарных и лютых духов демонских на воздусе проити невозбранно, и к Нему непостыдно предстати поклонитися, и безсмертныя и блаженныя жизни сподобитися со всеми святыми во веки. Аминь.

АКАФИСТ СВЯТИТЕЛЮ СТЕФАНУ ПЕРМСКОМУ

Кондак 1

Возбранный святителю, учителю премудрый, равноапостольный Стефане, всем верою к тебе прибегающим источаяй многоцелебныя дары, похвальная восписуем ти любовию творящии память твою; ты же, имеяй дерзновение ко Господу, от всяких нас бед свободи, зовущих: Радуйся, Стефане, великий чудотворче.
Икос 1

Ангельское твое во плоти житие провидев всея твари Создатель, от юности твоея уготова тя в сосуд честен, темже научи вопити тебе сице: Радуйся, трехлетней сущей матери твоей, блаженным Прокопием святитель возвещенный; Радуйся, прежде рождения твоего великим прореченный. Радуйся, рождением своим родителей удививый; Радуйся, благочестивых родителей богоприятное испрошение. Радуйся, от благочестиваго корене отрасль святейшая; Радуйся, в научении книжнем паче сверстник просвещенный. Радуйся, в юности разум совершенный явивый; Радуйся, измлада Христа возлюбивший. Радуйся, ярем Его носивый; Радуйся, мир и благая его презревый. Радуйся, плоть свою духови покоривый; Радуйся, изрядное благодати жилище. Радуйся, Стефане, великий чудотворче.
Кондак 2

Видя тщету мирских попечений, блаженне Стефане, отшел еси от дому родителей твоих, водворяяся с работающими Богу во иночестем житии; тем же жизнь твою не мирови, но Богу посвятил еси, благоприятно Ему вопия: Аллилуиа.
Икос 2

Разум, плотскому человеку неуразуменный, от юности твоея стяжав, богомудре Стефане, удивил еси талантами любомудрия души твоея. Темже взываем ти сице: Радуйся, образе кротости духовныя; Радуйся, вместо временных благих вечная стяжавый. Радуйся, чистоты усердный хранителю; Радуйся, терпения богомудрый учителю. Радуйся, братолюбия зерцало; Радуйся, постников первостоятелю. Радуйся, молитвами твоими дивная сотворивый; Радуйся, иноком правило благочестия. Радуйся, святителей собеседниче; Радуйся, терпением видимых и невидимых врагов победивый. Радуйся, веры поборниче; Радуйся, апостолов подражателю. Радуйся, Стефане, великий чудотворче.
Кондак 3

Сила Вышняго, в душеспасительных подвизех чудно укрепившая тя, угодниче Христов Стефане, показа пермяном перваго проповедника Евангелия, потом перваго епископа и молитвенника, да вси, просвещаеми светом добродетелей твоих, дивному во святых Своих Богу взываем: Аллилуиа.
Икос 3

Имея данную ти от Бога благодать недуги отгоняти, был еси пастырь добрый, по горам нечестия заблуждающих обретаяй и на путь истинный направляяй. Сего ради, молитвами твоими врачуеми, взываем ти: Радуйся, богомерзкаго идолослужения искоренителю; Радуйся, ересей истребителю. Радуйся, правоверия насадителю; Радуйся, заблуждающих наставниче. Радуйся, миролюбцев обличителю; Радуйся, сластолюбцев наказателю. Радуйся, враждебных примирителю; Радуйся, малодушных утешителю. Радуйся, злобы и зависти исторгателю; Радуйся, к воздержанию путеводителю. Радуйся, к трезвенному житию наставниче; Радуйся, во унынии закосневающих исправителю. Радуйся, Стефане, великий чудотворче.
Кондак 4

Бурю злых помыслов прилежно от себе постом и молитвами отражая, явился еси храм Духа Святаго, о Немже непрестанно от юности твоея во всяком благочестии и чистоте пребывая, обвыкл еси воспевати Богу: Аллилуиа.
Икос 4

Слышав архиерей Ростовский Арсений целомудренное житие твое и тщание во славословии и воспевании дивных дел Божиих, действующу и наставляющу Святому Духу, призва тя и клир и града Устюга в соборнем храме проглагола тя чтецем; потом во иночестем житии паче иных потрудившася Коломенский архиерей Герасим, приосенением тогожде Святаго Духа, постави тя диакона и пресвитера, и в сем священнем достоинстве действием Божественныя благодати показался еси мирови добрый наставник монахов и мирских, да славяще Бога, в Троице покланяемаго, взываем и тебе: Радуйся, мудрости небесныя жилище; Радуйся, радости истинныя причастниче. Радуйся, миром небесным приосененный; Радуйся, долготерпения искус стяжавый. Радуйся, веры христианския правило; Радуйся, благости Божественныя струя. Радуйся, кротости духовныя доблий хранителю; Радуйся, воздержания учителю. Радуйся, соль мира; Радуйся, светильниче всесветлый. Радуйся, на свещнице нетления всем светити поставленный; Радуйся, граде, верху горы стояй. Радуйся, Стефане, великий чудотворче.
Кондак 5

Боготечная звезда северо-восточная явился еси, егда просвещения ради светом богопознания в идольския земли текл еси, да вси, познавше Творца вселенныя, с нами единеми усты и единем сердцем Ему вопиют: Аллилуиа.
Икос 5

Видев доброту души твоея, многими даровании свидетельствуему, архиерей Герасим, по твоему желанию снабдив для крещения людей и освящения церквей потребными с радостию отпусти тя в Великую Пермь. Мы же апостольство твое чествуем приветствии сими: Радуйся, апостолов единоревнителю; Радуйся, мудрости сосуде. Радуйся, разумное светило; Радуйся, таин Божиих вещателю. Радуйся, кротости Евангельския образе, Радуйся, боговедения рачителю. Радуйся, благочестия столпе; Радуйся, страха Божия приятелище. Радуйся, духовная труба Евангелия; Радуйся, органе псалмопения и славословия. Радуйся, премудрый наставниче; Радуйся, ко блаженству вечному путеводителю. Радуйся, Стефане, великий чудотворче.
Кондак 6

Проповедник боговедения неленостен был еси в неведущей Бога земли, и благим своим житием любовь и благоверие к вещанием твоим приобрел еси толикое, яко и невернии, чтуще добрая дела твоя, научишася тобою взывати Богу: Аллилуиа.
Икос 6

Возсия христианское благочестие в земли, растленней идолослужением, егда начал еси Божественное семя в безбожных сеяти, и утверждая их в вере истинней примером своим, всего себе посвятил еси Богу; мы же похвальная восписуем ти: Радуйся, волю, ищущую нетления, стяжавый; Радуйся, главу горния мудрости исполнивый. Радуйся, земная мудрования презревый; Радуйся, очи от мирския прелести отвративый. Радуйся, уста на хваление Господа употребивый; Радуйся, язык к божественней проповеди устроивый. Радуйся, руце прострый на молитву и подаяние милостыни; Радуйся, теми же множество книг душеспасительных написавый. Радуйся, сердце твое постом и молитвою в жилище Духа Святаго уготовавый; Радуйся, нозе ко бдению и благовествованию мира направивый. Радуйся, все твое тело воздержанием удручивый; Радуйся, непрестанным богомыслием душу и тело освятивый. Радуйся, Стефане, великий чудотворче.
Кондак 7

Хотя тайну вечнаго спасения пермяном поведати, потщался еси первее навыкнути несведомому их словеси и близкий к ним быти беседник; таже составив письмена и ими к назиданию их и службе Божественней потребная изобразив многая писания, даровал еси пособне пети: Аллилуиа.
Икос 7

Новое и спасительное слышавше учение пермстии людие, овии ругахуся, овии же крещения просяху, и чудящеся дивному житию твоему, с учением, из уст исходящим, согласному, прославиша Бога; ты же потщался ее крещением просвещати люди и к славословии Божию освящати храмы. Сего ради воспеваем тебе: Радуйся, пастырю добрый; Радуйся, Христов новый исповедниче. Радуйся, учителю премудрый; Радуйся, апостольство твое свято совершивый. Радуйся, идольскую лесть упразднивый; Радуйся, луче света Евангельскаго. Радуйся, тьмы заблуждения истребителю; Радуйся, неверных учением своим удививый. Радуйся, кротостию своею гордость мирскую поправый; Радуйся, овцы Христовы во едино стадо совокупивый. Радуйся, духовную паству твоими к Богу благоприятными молитвами оградивый; Радуйся, всем призывающим тя скорый помощниче. Радуйся, Стефане, великий чудотворче.
Кондак 8

Странное чудо показал еси, богомудре Стефане, предав огню скверную идольскую божницу, егда с разными орудии обступиша тя бесовстии чтителе, убити тя хотяще; ты же, моляся о обращении заблуждающих, молчаливою кротостию сих победил еси, воспевая Богу: Аллилуиа.
Икос 8

Весь, Стефане пречудне, телом и душею посвятился еси Богу, пребывая в непрестанных трудех Божественнаго богословия и презирая угрожения нечестивых, претящих ти проповедати славу Божию. Сего ради вопием ти: Радуйся, земный Ангеле; Радуйся, небесный человече. Радуйся, вития непобедимый; Радуйся, воине Христов неустрашимый. Радуйся, христианскаго благочестия истинный ревнителю; Радуйся, врагов Церкве Христовы обличителю. Радуйся, нечестивых витий посрамителю; Радуйся, столпе, от нощи неведения к Солнцу Правды приводяй. Радуйся, уста божественная, миру спасение возвещающая; Радуйся, гласе небесныя истины, буих умудряяй. Радуйся, неверных светом Евангелия Христова просветивый; Радуйся, подобно теплоте солнечней, оляденевшая сердца их согреявый и тем плод мног Церкви Божией принесый. Радуйся, Стефане, великий чудотворче.
Кондак 9

Все естество ангельское возвеселися о твоем благочестии и чистоте, о твоем мужестве, терпении, бдении в молитвах, пощении и по Бозе ревности; во онех бо претерпевая, яко безплотен явился еси. Мы же прославляющемуся чрез тебе Богу взываем: Аллилуиа.
Икос 9

Ветии многовещаннии безбожных, чары творящии, онемеша, сила бо крестная превозмогаше всем их волхвованием. Мы же, видевше на видимых и невидимых врагов победительная, усердно вопием ти: Радуйся, несумненною верою дивная сотворивый; Радуйся, живым на Бога Живаго упованием чтителей бесовских посрамивый. Радуйся, за любовь к Богу и ближнему душу твою положивый; Радуйся, крепости божественный приятелище. Радуйся, органе, возвещаяй славу Божию; Радуйся, громе, устрашаяй соблажняющия. Радуйся, идольския лести истребителю; Радуйся, диавольских козней обличителю. Радуйся, гордости его сокрушителю; Радуйся, плоды трудов твоих во сто уплодоносивый. Радуйся, неверных умудривый твоими нравы; Радуйся, погибающих руководствуяй ко приятию вечныя славы. Радуйся, Стефане, великий чудотворче.
Кондак 10

Спасти хотя Пермскую землю, всемерно потщался еси просветити ю святым Крещением; потом своима рукама идолов раздробляя и сокрушая богомерзкая капища, на развалинах их церкви христианския, монастыри и училища довольная воздвигл и научил еси Единому Триипостасному Богу пети: Аллилуиа.
Икос 10

Стена и укрепление в нечестии пермяном, пансотник волхв с велиею дерзостию в сонмищи глагол безумный утверди: кто пройдет в зимнее время невредим водою и кто огня не устрашится, того вера есть истинная и жертвоприношение Творцу неба и земли есть приятное. Ты же, смиренномудрия вещая глаголы, ко Всевышнему о помощи взывал еси, и верою, вся возмощи о имени Его, стяжав упование, повлекл еси суемудраго волхва в пламень огненный. Он же, силою Божиею устрашенный, исповеда пред всеми свое безсилие и малодушных обольщение. И тако всея Пермския страны в веру истинную сверится обращение. Сего ради блажим тя, премудре Стефане, сими: Радуйся, щите Православия; Радуйся, смиренномудрия зерцало. Радуйся, великаго упования образе; Радуйся, ковчеже чудес, Богом устроенный. Радуйся, злочестиваго волхва славно препревый и из земли тоя изгнавый; Радуйся, последователи его на путь истинный обративый. Радуйся, князя мира сего посрамивый; Радуйся, жертвоприношения идольская упразднивый. Радуйся, труды пермян от лова зверей им в пользу сотворивый; Радуйся, благая их, вместо душевреднаго пред идолы сожжения, в потребу им и на службу человеком показавый, и тако страну их умудривый. Радуйся, пределы российския проповедию слова Божия разширивый; Радуйся, не токмо временная, но и вечная благая пермяном открывый. Радуйся, Стефане, великий чудотворче.
Кондак 11

Пение молебное приносим ти, святителю Стефане, егоже, на возвратном из Перми пути молящася Святей Троице и благословляюща обитель, преподобный Сергий Радонежский умныма очима за несколько поприщ провидев, благодарным со братиею на трапезе почтил есть поклонением. Мы же, всегдашняго тя о душах наших стяжавше молитвенника и щедроты твоя изчести не могуще, благодарными сердцем и усты Богу, тобою действующему всем исцеления, взываем: Аллилуиа.
Икос 11

Светоподательный светильник сущим во тьме идолослужения, отче Стефане, явился еси, и до конца паству твою бодренно упасл еси, ограждая новопросвещенныя люди своими к Богу молитвами и поставляя из них самих пастырей и учителей Перми; посем, скончавая течение твое, о немже пророчески предсказал еси, мощи твоя многоцелебныя царствующему граду Москве в залог молитв твоих и теплаго ходатайства даровал еси, духом же со ангельскими чинми ликуеши. Сего ради восхваляюще тя, глаголем: Радуйся, духом везде верныя посещаяй; Радуйся, от адския погибели изымаяй. Радуйся, от сетей льстиваго избавляяй; Радуйся, вместо временных вечная блага нам подаваяй. Радуйся, врачу, раны греховныя исцеляяй; Радуйся, вместо смерти живота вечнаго ходатаю. Радуйся, недужных целителю; Радуйся, особенный России хранителю. Радуйся, всем прибегающим к тебе крепкое забрало; Радуйся, царствующаго града украшение. Радуйся, светило всероссийское; Радуйся, Ангелов собеседниче. Радуйся, Стефане, великий чудотворче.
Кондак 12

Благодать цельбы стяжавшаго, великаго во святителех Стефана почтим сердцем и усты; и да вящшее благим его подвигом воздадим чествование, потщимся всемерно подражати его добродетелем, да благоприятно Богу вопием: Аллилуиа.
Икос 12

Поюще твое, Стефане святителю, о призывающих тя в помощь теплое предстательство и от врагов видимых и невидимых скорое заступление, хвалим тя вси, равноапостольный богопроповедниче, и веруем, яко Господь и Бог, проповеданный тобою в Перми и прославляемый в телеси твоем, молитвами твоими вся нам дарствует. Темже вопием ти: Радуйся, нищетою духовною Царство Небесное получивый; Радуйся, покаяния и умиления слезами утешение вечное приявый. Радуйся, кротостию земли новыя наследие приявый; Радуйся, алкая и жаждая правды, ныне насыщаяйся. Радуйся, милостынями обретый помилование; Радуйся, чистотою сердца сподобивыйся зрети Бога. Радуйся, миротвореньми Богу усыновивыйся; Радуйся, терпением правды ради Царство Небесное стяжавый. Радуйся, поношеньми и претерпением всех зол Христа ради ублаживыйся; Радуйся, твоим примером нам путь ко спасению открывый. Радуйся, молитвами твоими труды и подвиги облегчаяй; Радуйся, предстательством твоим у Христа Бога вечное спасение нам подаваяй. Радуйся, Стефане, великий чудотворче.
Кондак 13

О великий святителю, равноапостольный Стефане, малое сие моление наше приемь, умоли Подвигоположника и Совершителя Иисуса, да избавит царствующий град и всякий град и страну христианскую от нахождения иноплеменных, от ересей и расколов и от всякия напасти, и да измет грядущия муки всех, Ему вопиющих: Аллилуиа.
(Этот кондак читается трижды, затем икос 1 и кондак 1)

КАНОН ПЕРВЫЙ СВЯТИТЕЛЯ СТЕФАНА, ЕПИСКОПА ВЕЛИКОПЕРМСКАГО

глас 4
Песнь 1

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.
Священнаго ты Писания от младенства научився, Богоносе Стефане, в дальняя места пришел еси, и неведущим Бог тобою познася.
Идеже прелесть почитаема бяше, тамо же ныне тобою Бог неведущим, святителю Стефане, познася. Темже священную Твою память достодолжно ублажаем.
Богодохновенным твоим учением научил еси люди веровати во Христа и от идольския прелести уклонятися. Сего ради тя вси, яко единоревнителя апостолом, песньми почитаем.
Богородичен: Ты Единаго, Богоневесто, в Вышних седящаго, на руку носила еси, плоть бывша: Ты бо была еси избранна от всех век, приятелище достойно Вседержителя.
Песнь 3

Ирмос: Твоя песнословцы, Богородице, живый и независтный источниче, лик себе совокупльшия, духовно утверди, в Божественней Твоей славе венцев славы сподоби.
Не убоялся еси, святителю, людей тогда нечествующих, но тех дерзновенно кумирницу со идолы огню предал еси и всех научил еси вопити: несть свят, паче Тебе, Господи.
Тезоименитым мужеством и смирения нравом на овчу кротость убийц преложил еси, сего ради и венцы венчался еси, святителю Стефане.
Богородичен: Тя, заступление неблазненно, Богомати, стяжавше и упование на Тя возлагающе, спасаемся и, к Тебе прибегающе, сохраняемся вси.
Седален, глас 4

Ума пречуднаго и бодреннаго учителя, священнодействы Церковь украсивша, и мутным учением волхва, яко возбесневша волка, от Христовых овец словесы своими отгнавша, и невредно духовная своя чада сохранша, восхвалим, вернии, Стефана прехвальнаго, глаголюще: моли Христа Бога спастися душам нашим.
Песнь 4

Ирмос: Седяй в славе на престоле Божества во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.
Яко солнце, чистое житие твое возсия, святителю, тьму идолобесия от людей твоих отгнав, всех научил еси взывати: слава силе Твоей, Господи.
Волшебная буесловия, яко премудр, посрамил еси, и сих от Христова стада словесы твоими, яко пращею, отгнал еси, и звати всех научил еси: слава силе Твоей, Господи.
Яко истинный святитель тих и кроток, отче, был еси и столп благочестия Церкве явился еси, люди твоя благочестию научив вопити Христу: слава силе Твоей, Господи.
Богородичен: Тя оружие на враги предлагаем, скорби всякия лютых обстояний отреваем, и возмущения еретическаго, Мати Божия, избегаем.
Песнь 5

Ирмос: Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.
Воздвигл еси учением твоим древле во тьме неведения люди лежащия, чада Божия и света показал еси наследники, отонудуже тя, святителю, вси любомудренно почитаем.
Премудрость Духа Святаго благодатию во устнах твоих излиявшися самотворительно и ко Христову познанию приведе люди, святителю.
Свету великому яко венечник ныне, святителю, предстоиши, поминай изрядное твое достояние, еже многими труды, отче, стяжал еси, да вси тя ублажаем.
Богородичен: Возсия из Тебе мысленное Солнце и светлыя лучи Своего Божества всем простре, Богородице Владычице, тем Тя вси славим.
Песнь 6

Ирмос Божественное сие и всечестное совершающе празднество, Богомудрии, Богоматере, приидите, руками восплещим, от Нея рождшагося Бога славим.
Ралом словес твоих оляденевшая людей сердца возделал еси, Божественное семя в них всеяв, плод красный Христу, святителю, привел еси.
Быстринами твоих учений идольская разжжения, премудре Стефане, угасив, Божественными твоими словесы верных сердца утвердил еси.
Во Единосущную Троицу веровати люди научив, премудре Стефане, от скверны идольския к Живому Богу привел еси.
Богородичен: Расторгни моих согрешений рукописание, одержащих мя печалей и страстей разрешение даруя, и соблюди мя неврежденна, Владычице.
Кондак, глас 8

Самозванен не ищущим тебе, святителю, обрелся еси, люди, от идольския лести свободив, ко Христове вере привел еси и волхва пансотника посрамил еси, темже и первый епископ и учитель Перми был еси. Сего ради духовная твоя чада, яко тобою избавльшеся от идол, благодарная тебе возопием: радуйся, Стефане, учителю премудрый.
Икос

Всякаго мирскаго пристрастия кроме, отче, быв, от юности прилежал еси премудрости и детельное художество достигл еси Богословия. И в дальния страны пришед, идеже весьма Бог не познавашеся, но прелесть бесовская почиташеся, тамо апостольски люди научил еси веровати во Христа, идолы сокрушив и волхва посрамив, святитель тем был еси. Темже духовная твоя чада, яко тобою избавльшеся от идол, благодарная тебе зовем: радуйся, Стефане, учителю премудрый.
Песнь 7

Ирмос: Не послужиша твари Богомудрии паче Создавшаго, но огненное прещение мужески поправше, радовахуся, поюще: препетый отцев Господь и Бог, благословен еси.
Злочестивый он чародей, иже на благочестие хулу глаголавый, тобою, премудре, яко беззаконен, от Христова стада новых людей отгоним бывает. Мы же Христу зовем: благословен Бог отец наших.
Преславно яко прешед от мира к премирным, святителю, жилищем и причастием Богу приближився, воспеваеши: благословен Бог отец наших.
Богородичен: Избавльшеся Тобою первыя клятвы, к присносущней Жизни прешедше, радуйся, зовем Ти, преславная Владычице, Яже Бога нам рождшая.
Песнь 8

Ирмос: Отроки благочестивыя в пещи Рождество Богородичо спасло есть. Тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.
Словесы твоими наставляема чада твоя, святителю, от тьмы идольския к свету Богоразумия прешедше, единогласно Христу вопием: благословите, вся дела Господня, Господа и превозносите Его во веки.
Свет трисолнечныя Троицы, вселився в Божественное твое сердце, люди вся просвети святым крещением и научи Творцу Избавителю вопити: благословите, вся дела Господня, Господа и превозносите Его во веки.
Богородичен: Усты и разумом Богородицу Тя мудрствующе, песнословим Тя, Пренепорочная: родила бо еси, Пречистая, плотию обложена Бога и Господа. Тем Тя, Дево, поем и превозносим во веки.
Песнь 9

Ирмос: Всяк земнородный да взыграется, Духом просвещаемь, да торжествует же Безплотных умов естество, почитающее священное торжество Богоматере, и да вопиет: радуйся, Всеблаженная Богородице, Чистая Приснодево.
Твоими труды, святителю, яже на земли, Небесный покой прият, идеже святых ликове и праведных всесветлое торжество. Отонудуже и нас поминай, память твою присно славящих.
Вечных и нетленных улучити желая, святителю, и яже в мире мнящихся сладких оставив, Христу последовал еси. Темже и лику архиерейскому сочетался еси, преславне.
Догматом благочестия научився, премудре святителю, апостолом ревнитель был еси и идольскую прелесть низложил еси. Темже твою память достойно ублажаем.
Богородичен: Плоть прияти восхотев, в Тя вселися, едину святейшу всех обрет Богородицу, воистину яви Матерь Деву.
Светилен

Ни человеком, ни от человек, но от Бога избрание святительства приим, иже прежде тьмы сыны, ныне же чада и наследники Света, твоим учением сотворил еси, премудре Стефане.