прп. Александр Куштский, игум.

Преподобный Александр, игумен Куштский, Вологодский, родился около 1371 года в Вологде, в миру носил имя Алексей. Он был пострижен в Спасо-Каменном монастыре игуменом Дионисием Святогорцем, который ввел в обители Афонский устав. Здесь преподобный Александр прошел все виды послушания и строгого поста и был удостоен сана иеромонаха. Постоянно пребывал он в труде и молитве. Братия смотрела на него как на Ангела Божия, и это тяготило преподобного Александра. Тайно ночью он оставил монастырь и пришел на реку Сянжему, где был густой лес и озеро. Здесь он поставил себе келлию и проводил жизнь х молитве и крайнем воздержании. Но мало-помалу к нему стали приходить люди. Преподобный Александр ушел из этого места на берег Кубенского озера, на устье речки Кушты. Здесь в это время жил преподобный Евфимий (+ ок. 1465; память 11 апреля). Святой Александр предложил ему обменяться келлиями. Святой Евфимий согласился и при прощании оставил на благословение преподобному Александру свой крест. Тихая пустынь очень полюбилась преподобному Александру. Подойдя к озеру, он погрузил крест в воду и молил Господа, чтобы он собрал здесь ревнителей крестного пути. Спустя некоторое время к преподобному Александру пришел один старец, с которым он прожил 5 лет. Когда пришел третий брат, преподобный Александр решил устроить храм в честь Успения Пресвятой Богородицы. Святой отправился в Ростов к архиепископу Дионисию (1418 - 1425), своему бывшему игумену, который благословил устроение храма. Однажды, когда в отсутствие Заозерского князя Димитрия Васильевича на его отчину напали татары, пятеро из них прискакали в Куштскую обитель. Преподобный Александр спокойно встретил их и осенил крестом. Татары пали, как мертвые, и пролежали без чувств несколько часов, пока преподобный Александр не пробудил их от оцепенения Именем Живоначальной Троицы.

По смерти князя Димитрия его вдова, княгиня Мария, которая очень почитала преподобного Александра, пожертвовала на поминовение мужа село в пользу обители. Однажды она пришла в обитель и вошла в храм, где преподобный Александр, с обнаженной грудью, которую терзали насекомые, читал Псалтирь. Преподобный огорчился таким ее посещением и сказал: "Не следует тебе, княгиня, надзирать за нашим убожеством". Княгиня смиренно просила прощения. Преподобный благословил ее, но сказал: "Корми свою нищету в доме". Возвратясь, княгиня занемогла и приехала просить молитв о выздоровлении. Но преподобный Александр прозрел ее кончину и сказал: "Пусть готовится к той жизни". Спустя 20 дней княгиня Мария скончалась.

На монастырском гумне была собрана пшеница. Один крестьянин решил своровать мешок, но никак не мог поднять его. Преподобный застал его и сказал: "Напрасно ты, сын мой, поднимаешь не по силам". Обличенный вор бросился к ногам святого, прося прощения, но преподобный Александр велел ему еще прибавить пшеницы и, сделав наставление впредь не брать чужого, благословил взять мешок и идти с Богом. Прощенный крестьянин легко понес благословенную ношу. благодаря великодушного старца.

Предчувствуя близость кончины, преподобный Александр сказал пребывавшим с ним: "Слабею я, - а вы терпите на этом месте, храните смирение и взаимную любовь". В воскресный день он совершил Божественную литургию, причастился Святых Тайн. Потом со слезами на коленях помолился за себя и за свою обитель и на 68 году мирно предал свой дух Господу 9 нюня 1439 года.

По завещанию преподобного Александра его тело было положено у полуденной стороны алтаря. Год спустя над его гробом выросло рябиновое деревце. Однажды в праздник Успения Пресвятой Богородицы крестьянский мальчик отломил ветку от этого дерева и внезапно рука его разболелась. Родители с молитвой привели сына на гроб преподобного, и он исцелился. С тех пор народ стал брать с дерева ягоды на исцеление. Ученики построили над гробом преподобного Александра теплую церковь в честь святителя Николая и освятили ее в день памяти преподобного Александра. Многие больные, которых приводили в храм, видели преподобного Александра вместе со святителем Николаем, молящихся вместе или кадящих храм. Больные получали исцеления при гробе преподобного Александра Куштского.

Тропарь преподобному Александру, игумену Куштскому
глас 4
Иже плотским дебельством Богови работати изволи,/ в пустыню вселився,/ в нейже многими поты и труды/ безтелеснаго равноангельнаго пребывания возможе достигнута,/ таже от Бога узрен быв,/ сподобися великих чудес в жизни и по преставлении,/ на нечистыя духи силу восприим,/ изгониши от приходящих к тебе с верою,/ темже, отче Александре,/ за вся ны моли,/ спастися душам нашим.
Тропарь преподобному Александру, игумену Куштскому
глас 8
Во плоти, яко Ангел, на земли подвизася,/ желанием духовным в пустыню вселися/ и, со зверьми живый, весь Христови быв,/ Тому невозвратно шествовал еси, ведом к Небеси,/ последуя Божественным стезям, отче блаженне Александре,/ яко чуден, чудеса источаеши/ и отгонявши недуги к тебе приходящих с верою,/ но яко имея дерзновение ко Господу,/ поминай нас, чтущих честную память твою.
Кондак преподобному Александру, игумену Куштскому
глас 8
Иже земная оставль,/ в пустыню вселився,/ Христовым стопам последовал еси, тепле,/ и Того, славне, на рамо свое честный крест взем,/ умертвил еси плоти взыграния/ труды постническими и желанием духовным, всеблаженне,/ темже зовем ти:/ радуйся, Александре, пустынный жителю.
Кондак преподобному Александру, игумену Куштскому
глас 6
Пустынный жителю,/ опустевшая ны от благотворных помышлений вражиими прилогми,/ презельным твоим к Богу молением сердца наша очисти,/ яко да благодарственно вопием ти:/ радуйся, яко земным пустынножительствием, Александре,/ дошед Небеснаго Царствия.

Молитва преподобному Александру, игумену Куштскому

О священная главо, преподобне отче авво, Александре великий! Не забуди нищих твоих до конца, поминай нас всегда во святых твоих благоприятных молитвах к Богу. Помяни стадо твое, еже сам паствил еси и не забуди посещати чад твоих. Моли за нас, отче священный, дети твоя духовная, яко имеяй дерзновение к Небесному Царю. Не премолчи за нас ко Господу и не презри нас, верою и любовию чтущих тя; поминай нас, недостойных, у Престола Вседержителева, и не престай молитися за нас; не мним бо тя мертва суща, аще телом преставился еси от нас, но и по смерти убо жив пребываеши неотступно от нас духом, сохраняя и соблюдая нас от стрел вражиих и от всякия прелести бесовския и козней диавольских, пастырю наш добрый, се бо икона твоя святая пред очима нашима видима есть всегда, но святая твоя душа с небесными силами у Престола Вседержителева стоящи, достойно веселится. Тебе припадаем и тебе молимся и милися деем, еже молитися о нас Всесильному Богу о пользе душевней: испроси время на покаяние и невозбранное прехождение от земли на небо, мытарства горьких бесов, воздушных князей, и вечныя муки избавление, и Небесного Царствия наследование со всеми праведными, от века угодившими Господу нашему Иисусу Христу. Емуже подобает всякая слава, честь и поклонение, со Безначальным Его Отцем и Пресвятым, и Благим, и Животворящим Его Духом, ныне и присно, и во веки веков. Аминь.

АКАФИСТ СВЯТОМУ ПРЕПОДОБНОМУ АЛЕКСАНДРУ, ИГУМЕНУ КУШТСКОМУ, ВОЛОГОДСКОМУ ЧУДОТВОРЦУ

Кондак 1

Возбранный чудотворче и изрядный угодниче Христов, всем с верою прибегающым источая многоцелебныя дары, похвальная восписуем ти, творящии всечестную память твою, ты же, яко имеяй дерзновение ко Господу, моли спастися душам нашым, да зовем ти:
Радуйся, преподобне чудотворче Александре, пустынный жителю.
Икос 1

Ангельское твое во плоти житие провидев всея твари Создатель, от юности избра тя в жилище Себе, Егоже тя обиталище быти уведевше, похвальная восписуем ти:
Радуйся, благочестивую родителю благоприятное испрошение.
Радуйся, благочестиваго корене отрасле святейшая.
Радуйся, от юности твоея Богу послуживый.
Радуйся, воздержанием ангелов удививый.
Радуйся, в молитвах теплый предстателю.
Радуйся, скорбящых скорое утешение.
Радуйся, просящым скорое поможение.
Радуйся, болящым скорый и безмездный врачу.
Радуйся, земный ангеле.
Радуйся, небесный человече.
Радуйся, сосуде избранный Духа Святаго.
Радуйся, телес наших здравие и душ спасение.
Радуйся, преподобне чудотворче Александре, пустынный жителю.
Кондак 2

Видя тщету мирских попечений, Александре, жизнь твою не мирови, но Богу посвятил еси, сего ради оставил дом родителю своею и водворился еси с работающими в иночестем житии, во еже непрестанно и благоприятно вопити Ему: Аллилуиа.
Икос 2

Плотский разум отринув и к небесным всю душу вперив, от юности твоея, преподобне отче Александре, горняя мудрствовал еси, а не земная, темже взываем ти:
Радуйся, мудрости небесное жилище.
Радуйся, братолюбия зерцало.
Радуйся, иноков правило.
Радуйся, на скрижали сердца твоего закон Божий написавый.
Радуйся, сам себе и весь живот твой Христу Богу предавый.
Радуйся, ум твой к небеси вперивый.
Радуйся, страх Божий в сердце твоем до конца сохранивый.
Радуйся, вместо тленных нетленная стяжавый.
Радуйся, гордость мирскую поправый.
Радуйся, преподобне чудотворче Александре, пустынный жителю.
Кондак 3

Сила Вышняго осени твое сердце, преподобне отче Александре, егда на острове посреде Кубесскаго езера, братии ради неусыпно труждаяся и различная искушения и скорби мужественне претерпевая, родил еси дух спасения, поя Всесильному Богу: Аллилуиа.
Икос 3

Имея помышление таковое в себе, преподобне Александре, яко всякая умрети имут, благоразумне разсудив краткость сея жизни и приобретения ради Христа, яко уметы вся быти вменивый, ныне убо на небесех безсмертныя насыщаяся славы, слышиши от нас таковая:
Радуйся, отвергий богатство, яко терние, подавляющее семена духовная.
Радуйся, возненавидевый то, яко вещество пламене греховнаго.
Радуйся, блаженство нищеты духовныя сподоблейся прияти.
Радуйся, восхотевый внити в Небесное Царство узкими враты и в пространстве стати.
Радуйся, иго Христово благое и бремя легкое понесый измлада.
Радуйся, не обративыйся вспять в шествии до Горняго града.
Радуйся, прежде кончины твоея во умерщвлении страстей облеченный.
Радуйся, во умерщвленнем телеси нетления ризою украшенный.
Радуйся, богатства негиблющаго в животе вечнем обладателю.
Радуйся, непостижимыя славы святых созерцателю.
Радуйся, преподобне чудотворче Александре, пустынный жителю.
Кондак 4

Буря безмерная лукавых духов многоразличне тщашася препяти твоему, преподобне Александре, трудолюбному житию, но ты мужественне молитвою вооружася, прогнал еси вся их бесовския полчища, не бояся козней их, но зовый Богу: Аллилуиа.
Икос 4

Слышаще твое терпеливодушное в безмолвии житие, мнози от окрестных стран стекахуся к тебе пользы ради, инии же хотяще с тобою жити и наставлятися на путь спасения, сего ради похваляем тя глаголюще:
Радуйся, целомудрия столпе, имже бесовская шатания искоренишася.
Радуйся, светильниче многосветлый.
Радуйся, яко увядил еси плотская мудрования.
Радуйся, в духовнем мужестве с древними пустынножители сравненный.
Радуйся, молитвами твоими дивная сотворивый.
Радуйся, господствию духа плоть покоривый.
Радуйся, миром небесным приосененный.
Радуйся, долготерпения искус стяжавый.
Радуйся, земная мудрования презревый.
Радуйся, Единаго Бога вседушно поискавый.
Радуйся, сохранивый всечестне целомудрие.
Радуйся, яко раб пред Господем по вся дни благчестно шествовавый.
Радуйся, преподобне чудотворче Александре, пустынный жителю.
Кондак 5

Яко боготечная звезда, явился еси, всеблаженне, в стране Вологодсте, на путь спасительный к вечному Небесному Отечествию ведущий. Егда примером, верных душы назидая, научил еси благодарно пети: Аллилуиа.
Икос 5

Видевше княгиня Мариа и инии Российстии сынове пречудное по Бозе житие твое, Александре преподобне, яко аще и последи леты в новопросвещенней стране Российстей возрасл еси, но древних преподобных отец сподобился еси, дарования чудес достойно прием от Бога, того ради научишася пети тебе сице:
Радуйся, образе кротости духовныя.
Радуйся, умертвивый плоть твою постом и бдением.
Радуйся, заградивый уста твоя на глаголание тщеты.
Радуйся, замкнувый уши на слышание душевредства.
Радуйся, умертвивый руце на творение зла.
Радуйся, истощивый чрево строгим воздержанием.
Радуйся, мертва соделавый чресла твоя трудами на нечистоту.
Радуйся, умертвивый нозе к течению на совет нечестивых.
Радуйся, на камене Христовы веры утвержденный.
Радуйся, Божием свидетельством возвышенный.
Радуйся, преподобне чудотворче Александре, пустынный жителю.
Кондак 6

Проповедник немолчный явился еси всем зрящым тя премудрости евангельския, всегдашния чистоты и мужественнаго терпения исполнена, преподобне, аще и в безмолвии хранил еси в сердцы твем сокровище веры, надежды и любве, воспевая Богу: Аллилуиа.
Икос 6

Возсия в богохранимей души твоей истинный боговедения свет, егда начал еси помышляти о создании новыя обители при реце Куште, мы же видевше твое, преподобне, не точию о себе, а паче о спасении близких попечение, воспеваем ти сице:
Радуйся, сродники по плоти Христа ради оставивый.
Радуйся, всю надежду на Него возложивый.
Радуйся, любве нелицемерныя хранителю.
Радуйся, служителю Божий, о вверенных ти умоляяй.
Радуйся, наставниче грешных, к небесным направляяй.
Радуйся, не словом, а житием поучаяй.
Радуйся, нетления вечности искателю.
Радуйся, непостижимыя славы святых в Небеснем Царствии обладателю.
Радуйся, струе, напаяющая благочестием Церковь.
Радуйся, свещниче, непрестанным благочестием сияяй.
Радуйся, светильниче, любовию к Богу и ближним светяй.
Радуйся, преподобне чудотворче Александре, пустынный жителю.
Кондак 7

Хотя обещание Богу исполнити, преподобне, приял еси путь ко епископу града Ростова и от него благословение приим, возвратился еси в путь свой, и достиг места к сооружению обители на брезе Кушты реки, водрузил еси крест Богу с радостными слезами воспевая: Аллилуиа.
Икос 7

Новыя слезы радости и благодарения Богу излиял еси преподобне отче, поставив кущу пребывания своего ради и водрузив крест на месте сооружения храма, егда с коленопреклонением и слезами моляся, рекл еси: «Благословен Бог, иже показа место, идеже вселюся в век века». Сего ради вопием ти:
Радуйся, древним общежития начальником уподобивыйся.
Радуйся, истинный Богу поклонниче.
Радуйся, великий Его угодниче.
Радуйся, делателю винограда Христова неленостный.
Радуйся, благий и верный Его рабе.
Радуйся, данный ти благочестия талант возрастивый.
Радуйся, вмале быв верен, над многими ныне поставленный.
Радуйся, горлице пустыннолюбивая.
Радуйся, древо при исходящих вод насажденное.
Радуйся, грядущая, яко настоящая предрекий.
Радуйся, душевныма очима выну Господа созерцавый.
Радуйся, преподобне чудотворче Александре, пустынный жителю.
Кондак 8

Странно бе видети, како убогий старец един обитает в непроходимей пустыни, презирая видимыя и невидимыя враги и обитель создати тщится. Мы же очима нашима вся по воли Бога совершаема зряще, благодарственно Ему вопием: Аллилуиа.
Икос 8

Весь, пречудне Александре, телом и душею посвятился еси Богу, пребывая в непрестанных трудех и молитвах, постех и бдениих, и имея по Бозе велию веру и любовь к Заступнице рода христианскаго, Пречистей Деве Богородице, и во имя славнаго Оныя Успения помыслив создати церковь, абие потекл еси ко епископу града Ростова Дионисию. Мы же столь далекий путь зряще, сретаем тя сице:
Радуйся, совершенный в добродетелех человече.
Радуйся, ленивыя подвигнувый твоими нравы.
Радуйся, кротости навыкнувый от Агнца, вземшаго мира грехи.
Радуйся, за подвиги получивый вечная благая.
Радуйся, щитом веры стрелы лукаваго разженныя угасивый.
Радуйся, онем главу сокрушивый.
Радуйся, предводителю добрый в пути спасения.
Радуйся, всем преподобным уравнивыйся труды.
Радуйся, умерщвлением страстей миру умерый.
Радуйся, возделыванием добродетели живый Богови.
Радуйся, себе самаго, яко агнца в жертву Богу посвятивый.
Радуйся, светильниче, елеем благодати кипяй.
Радуйся, преподобне чудотворче Александре, пустынный жителю.
Кондак 9

Всякое естество ангельское удивися твоим подвигом, яко столь далекий путь прошед, вшел еси ко епископу Дионисию и от него благословение и вся потребная на устроение пустынное получил еси. Мы же прославльшемуся чрез тя Богу взываем: Аллилуиа.
Икос 9

Витийство человеческое твое о Христе мужество всеблаженне, изрещи не может, яко по устроении обители час от часу преуспевая в трудех, бдениих же и пощениих, тайно обнажая себе до персей, и тако снедию комаров бывая, от них же неизреченныя претерпевая болезни, плоть твою духови поработил еси. Сего ради вопием ти:
Радуйся, алкаяй и жаждаяй правды, яко ныне насыщаешися.
Радуйся, во всецелое послушание Богу себе предавый.
Радуйся, нищетою твоею Богу Сыну подражавый.
Радуйся, чистоту твою Богу Духу Святому сохранивый.
Радуйся, во плоти ангельски поживый.
Радуйся, воине Христов непобедимый.
Радуйся, куплями житейскими не обязавыйся, да Воеводе угоден будеши.
Радуйся, не восхотевый двема господинома работати.
Радуйся, от юности на плоть, мир и диавола вооруживыйся.
Радуйся, сих врагов славно победивый.
Радуйся, отец по духу чадолюбивый.
Радуйся, обитель насадивый.
Радуйся, преподобне чудотворче Александре, пустынный жителю.
Кондак 10

Спасти хотя душу твою, славы мирския всемерно бегал еси, и егда окрестнии народи начаша тя, яко велия подвижника почитати, удалился еси от них в пустыню, идеже Богу, яко в тимпане, во умерщвлении телесе непрестанно воспевал еси: Аллилуиа.
Икос 10

Стена, ограждающая от всех прилогов диавольских, был еси братии, наставляя их, како избегати козней вражиих и како получити Небесное Царствие. Мы же зряще твое отеческое неусыпное попечение, благодарне вопием ти:
Радуйся, душу свою за человеки положивый.
Радуйся, от обители земныя, в небесную водворивыйся.
Радуйся, душею тамо, телом зде, духом же всюду призывающыя тя посещаяй.
Радуйся, в великих подвизех течение совершивый.
Радуйся, розго, мног плод о Христе сотворша.
Радуйся, грозде духовнаго винограда, питаяй и веселяяй нас.
Радуйся, омраченныя просветивый.
Радуйся, просвещенныя утвердивый.
Радуйся, отрадо к тебе прибегающих.
Радуйся, России на сопротивныя побараяй.
Радуйся, всех правоверных прошения исполняяй.
Радуйся, преподобне чудотворче Александре, пустынный жителю.
Кондак 11

Пение всякое побеждается звездочисленными твоими труды, всеблаженне Александре. Кто бо от земнородных прославит жестокое твое житие; кто возвеличит священныя подвиги твоя, безмолвие совершенное, смирение нелицемерное, пост протяженный, молитву непрестанную, чистоту по внутреннему и внешнему человеку, за няже сподобился еси со всеми без порока последовавшими Агнцу Божию и благоугодно подвизавшимися пети Ему: Аллилуиа.
Икос 11

Светозарный светильник явился еси, источая многоцелебное миро, всю страну Вологодскую облагоухающее. Сего ради от всех стран чада Церкве стекающеся, благодарственная приносяще Богу, воспевают ти:
Радуйся, преисполненный всякия благостыни.
Радуйся, милости всякия сокровище.
Радуйся, промышления о людех приятелище.
Радуйся, крине райскаго селения.
Радуйся, миро Христова благоухания.
Радуйся, древо чудотворное рая Иисусова.
Радуйся, чаше изливающая токи милосердия Божия.
Радуйся, чудес пучино, свыше излиянная.
Радуйся, иноков удобрение.
Радуйся, всея России укрепление.
Радуйся, смиренномудрствующих славо.
Радуйся, наставниче нашего спасения.
Радуйся, преподобне чудотворче Александре, пустынный жителю.
Кондак 12

Благодать цельбы стяжавшаго, преподобнаго Александра, почтим сердцем и усты; и во еже вящшую воздати почесть святыни его, потщимся всемерно подражати вере его, всегда вопиюще, прославльшему святых Своих Богу: Аллилуиа.
Икос 12

Поюще твое, святе Александре, о призывающих тя теплое предстательство и от врагов видимых и невидимых скорое заступление, умильно молим тя: не возгнушайся нас грешных, но услыши вопиющих тебе:
Радуйся, яко всякий недуг душевный и телесный врачуеши.
Радуйся, в невечернем дни Царствия Божия почиваеши.
Радуйся, злых помыслов прогонителю.
Радуйся, беснуемых скорый целителю.
Радуйся, во гресех закосневших исправление.
Радуйся, немолчный наставниче.
Радуйся, слепым прозрение даруяй.
Радуйся, хромым и разслабленным хождение исправляяй.
Радуйся, в Бозе нам потребная созерцаяй.
Радуйся, многих прошения предваряяй.
Радуйся, преподобне чудотворче Александре, пустынный жителю.
Кондак 13

О великий чудотворче Александре! Моление сие наше прием, умоли Подвигоположника Иисуса, да избавит царствующий град и всякий град и страну христианскую от нахождения иноплеменных, от ересей и расколов, и от всякия напасти, да даст с тобою в селениих праведных сподобитися нам пети Триипостасному Богу: Аллилуиа.
Этот кондак читается трижды, затем икос 1-й и кондак 1-й