свт. еп. Иона Великопермский

Святитель Иона, епископ Великопермский, был преемником убитого вогуличами в 1455 году святителя ПитиримаЖитие.. Святитель Питирим, епископ Великопермский.Молитвы, епископа Пермского (память 19 августа). В 1462 году святитель Иона обратил ко Христу жителей Великой Перми. Для распространения и утверждения христианской веры он постоянно путешествовал по своей обширной епархии. Святитель преставился к Богу 6 июня 1470 года и был погребен в Усть-Выме в Благовещенском соборе.

29 января
Тропарь святителей Герасима, Питирима и Ионы
глас 8
Равноапостольному святителю Стефану наследовавшии/ и Православия светом страну Зырянскую озарившии,/ святителие Христовы Герасиме, Питириме и Ионо,/ Престолу Пресвятыя Троицы ныне предстояще,/ молитеся пастве вашей от врагов ненаветованней быти/ и всем православным людем в мире спастися.

Кондак святителей Герасима, Питирима и Ионы
глас 4
Во святителех благочестно поживше/ и Пермския люди к Богоразумию наставивше,/ добре Богу угодисте./ Сего ради Устьвымь и земля Зырянская хвалятся,/ имеюще мощи ваша/ яко источник исцелений/ всем, с верою притекающим к вам,/ вы бо чудесы прославистеся,/ яко ученицы Божия благодати.

Ин тропарь святителей Герасима, Питирима и Ионы
глас 8
Православия наставницы,/ благочестия учителие и милости сокровища,/ архиереом украшение,/ души своя за паству свою положивший,/ Герасиме, Питириме и Ионо,/ святителие Церкве Пермския,/ со равноапостольным Стефаном молите Христа Бога/ мир вселенней даровати/ и душам нашим велию милость.

6 июня
Тропарь святителя Ионы, епископа Великопермского
глас 4
Святителю Церкви Великопермстей,/ истинный хранителю апостольских преданий,/ столпе непоколебимый Православия,/ благочестия учителю,/ Ионо святителю блаженне,/ Владыку всех моли/ мир пастве твоей/ и всей Русстей земли даровати/ и всем нам спастися.

Молитва святителям Герасиму, Питириму и Ионе
О святителие Христовы, Герасиме, Питириме и Ионо! К вам яко чадо ко отцем, в смирении сердца с верою и любовию вси притекаем и умиленно молимся: предстательством вашим со равноапостольным Стефаном испросите у Господа нам покаяние и прощение всех вольных и невольных согрешений наших, да, преуспевающе в истин­ней вере и благочестии, явимся достойни милости Его неизреченныя. Будите, святителие Христовы, теплии о нас пред Богом заступницы, да умирит и укрепит Господь Святую Церковь Свою, да просветит люди, седя­щия во тьме и сени смертней. Ограждайте ходатайствы ва­шими землю Российскую, да тихое и безмолвное житие поживем в веце сем, христианскую кончину и добрый ответ на Страшнем суде Божи­ем получим и наследницы будем Небеснаго Его Царствия во веки веков. Аминь.