прп. Иоанн Рыльский
Преподобный отец наш Иоанн Рыльский родился в болгарском селении Скрин, близ города Средца (ныне София), «от младых ногтей» «земная вся оставив», он провел шестьдесят лет в суровых подвигах поста и молитвы, среди всевозможных лишений в пустыне Рыльской (на реке Рыло, в округе города Раслога). Впоследствии в Рыльской пустыни им была основана обитель, в которой преподобный Иоанн, «умертвив плотское мудрование» «постными боренми», поревновав «ангельскому житию», очистившись «воздержания огнем яко злато в пещи», украсив тело «целомудрием и чистотою», показал «в юности мудрость, в старости разум, во всем житии долготерпение иеже ко всем любовь». Будучи добрым пастырем своему стаду, Иоанн привел многих неверных ко Господу и творил Его именем великие и славные чудеса. Скончался он на семидесятом году земной жизни.
Преподобный Иоанн Рыльский - великий духоносный подвижник Болгарской Православной Церкви и Небесный покровитель болгарского народа, родился в 876 г. в селе Скрино Средецкой области (древний Средец - ныне София). Рано оставшись сиротой, мальчик ушел пастухом в чужие люди. Однажды богач избил его за то, что потерялись корова с теленком. Мальчик долго плакал и молился, чтобы Бог помог ему. Когда он нашел корову с теленком, то в реке Струме сильно поднялась вода. Юный пастух помолился, положил на воду свою верхнюю одежду, начертал на ней крест, взял на руки теленка и прошел с ним, как по суху, на другой берег реки, где уже находилась корова. Богач, спрятавшийся в лесу, ужаснулся, видя это чудо, и, щедро наградив мальчика, отпустил его из своего дома. Раздав имущество, мальчик ушел из родного села. Где и когда святой принял иноческий постриг, осталось неизвестным. Первоначально он подвизался на высокой и голой горе, питаясь лишь дикими растениями. Хижина его была из хвороста. Спустя недолгое время разбойники напали на него ночью и, избив, прогнали оттуда. Тогда он нашел глубокую пещеру и поселился в ней. Там же вскоре поселился и его племянник святой Лука. Место было столь безлюдное, что преподобный Иоанн счел сначала появление Луки за бесовскую кознь, но, узнав, что юноша ищет душевного спасения, с любовью принял его. Недолго, однако, им пришлось жить вместе: брат преподобного Иоанна нашел подвижников и силой забрал сына. По дороге домой юноша умер от укуса змеи. Раскаявшись, брат просил прощения у преподобного. Пустынник часто ходил потом на могилу праведного юноши; там было его любимое место отдыха. Двенадцать лет провел преподобный в дикой пещере, а затем перешел в Рыльскую пустыню и поселился в дупле дерева. Он много постился, молился и постоянно плакал; питался только травой. Видя такое терпение, Бог произрастил преподобному бобы, которыми он питался долгое время. Эти-то бобы и сделали его подвиги известными людям. Однажды стадо овец от внезапного страха бежало по горным стремнинам, пока не остановилось у места, где жил преподобный. Пастухи, следовавшие за стадом, с изумлением увидели отшельника, который ласково угощал их: "Вы пришли сюда голодные - рвите себе бобы мои и ешьте". Все ели и насытились. Один же напрятал себе много бобов и в запас. По дороге домой он предложил их товарищам, но в украденных стручках не оказалось ни зернышка. Пастухи воротились с раскаянием, и старец простил, сказав с улыбкой: "Видите, дети, эти плоды назначены Богом для пропитания пустынного". С тех пор стали приводить к преподобному больных и одержимых нечистым духом, которых он исцелял молитвой. Избегая известности, подвижник ушел из любимого дупла и поселился на высокой и труднодоступной скале, где 7 лет провел под открытым небом. Слух о великом пустыннике дошел до болгарского царя Петра (927-969), который желал видеться с ним; но преподобный Иоанн, написав письмо, отклонил свидание по смирению. Позже пустынник принял под свое окормление иноков, которые устроили монастырь с храмом в пещере, где прежде жил преподобный Иоанн. Он мудро пас свое стадо и скончался 18 августа 946 года на 70-м году жизни. За 5 лет до кончины он написал своей рукой "Завет к ученикам", одно из лучших творений староболгарской письменности. Святая жизнь подвижника и знамения милости Божией по его молитвам были самой лучшей проповедью христианской веры в новокрещеной Болгарской земле. В тревожное время борьбы Болгарии с Византией, при западноболгарском царе Самуиле (976-1014), преподобный Иоанн Рыльский явился ученикам, повелевая перенести его мощи в Средец (Софию), куда скрылся Патриарх Болгарский Дамиан (927-972). Предполагают, что перенесение мощей было в 980 г. Немного позднее правая рука преподобного Иоанна Рыльского была перенесена на Русь (предположительно в город Рыльск, в котором была построена церковь во имя преподобного Иоанна Рыльского с приделом, посвященным мученикам Флору и Лавру, в день памяти которых - 18 августа, он скончался). Имя преподобного Иоанна с глубокой древности было известно и любимо русскими людьми. Именно в русских источниках (Минея на август ХII в., Мазуринский летописец) сохранилась дата кончины преподобного. В 1183 году венгерский король Белла II (1174-1196) во время похода на греков взял вместе с другими драгоценностями Средца ковчег с мощами преподобного Иоанна и перенес в г. Остергом. В 1187 году, украсив ковчег, он отослал святые мощи назад с великой честью. 19 октября 1238 года мощи преподобного Иоанна были торжественно перенесены в новую столицу - Тырново и положены в храме во имя святого. 1 июля 1469 г. святые мощи преподобного Иоанна Рыльского были возвращены в Рыльский монастырь, где они почивают до нынешнего дня, подавая благодатную помощь всем верующим.
Перенесение мощей преподобного Иоанна Рыльского из города Средца (Софии) в тогдашнюю столицу Болгарского государства - город Тырнов состоялось в 1238 году.
1 июля (Возвращение мощей)
Ин тропарь преподобного Иоанна Рыльского
глас 4
Тело смирив лощением,/ душу же возвысив пением,/ сосуд явися избран Святому Духу,/ Иоанне, отче наш,/ в чистоте сердца твоего, преподобне, пожив./ Тем, дерзновение имея ко Господу,/ моли спастися душам нашим.
Кондак преподобного Иоанна Рыльского
глас 2
Твердым умом и непрестанными молитвами/ борителя врага силу всегубительную до конца поборив,/ достойно от Христа прославился еси,/ Иоанне всеблаженне./ Тем твоих днесь мощей возвращения/ светлый совершающе праздник в веселии,/ согласно вопием ти:/ стаду и людем твоим ты еси с Богом, отче преподобне,/ похвала и утверждение.
Тропарь преподобного Иоанна Рыльского
глас 4
Твоих мощей возвращением/ обитель твоя обогатися,/ церковь же твоя, приемши я, просветися/ и, красящися, верных созывает с веселием/ светоносный твой светло праздновати день,/ грядите, глаголющи,/ и приимите благодатей дарования.
Ин кондак преподобного Иоанна Рыльского
глас 6
Благодатию Божиею нас обогатил еси/ и делы благими известил еси,/ званием явися, Иоанне, угодник Христа Бога./ В молитвах и постех дарований Божия Духа исполнися/ и бысть недугом прогонитель/ и заступник душам нашим.
18 августа
Ин тропарь преподобного Иоанна Рыльского
глас 4
Тело смирив лощением,/ душу же возвысив пением,/ сосуд явися избран Святому Духу,/ Иоанне, отче наш,/ в чистоте сердца твоего, преподобне, пожив./ Тем, дерзновение имея ко Господу,/ моли спастися душам нашим.
Кондак преподобного Иоанна Рыльского
глас 2
Твердым умом и непрестанными молитвами/ борителя врага силу всегубительную до конца поборив,/ достойно от Христа прославился еси,/ Иоанне всеблаженне./ Тем твоих днесь мощей возвращения/ светлый совершающе праздник в веселии,/ согласно вопием ти:/ стаду и людем твоим ты еси с Богом, отче преподобне,/ похвала и утверждение.
Кондак преподобного Иоанна Рыльского
глас 2
В молитвах бодренно не усыпая/ и в пениих непрестанных Ангелом подобяся,/ в гроб вшел еси, тленную жизнь оставив,/ и к Небеси прешел еси/ на нетление, Иоанне отче,/ от смерти бо к животу вечному/ тя пресели Христос Бог, яко Своего угодника.
Тропарь преподобного Иоанна Рыльского
глас 1
Покаяния основание, прописание умиления,/ образ утешения, духовнаго совершения/ равноангельное житие твое бысть, преподобне./ В молитвах убо и в пощениих и в слезах пребывавый,/ отче Иоанне,/ моли Христа Бога о душах наших.
Ин кондак преподобного Иоанна Рыльского
глас 6
Благодатию Божиею нас обогатил еси/ и делы благими известил еси,/ званием явися, Иоанне, угодник Христа Бога./ В молитвах и постех дарований Божия Духа исполнися/ и бысть недугом прогонитель/ и заступник душам нашим.
Ин кондак преподобного Иоанна Рыльского
глас 2
Молящим тя теплейший заступниче/ и просящим скорейший послушателю,/ преподобне отче Иоанне,/ приими моление наше/ и Христа умоли помиловати нас,/ Единаго Преблагаго и Многомилостиваго.
19 октября (Перенесение мощей)
Возвращение мощей преподобного Иоанна Рыльского из Тырново в Рыльск. Тропарь
глас 4
Твоих мощей возвращением/ обитель твоя обогатися,/ церковь же твоя, приемши я, просветися/ и, красящися, верных созывает с веселием/ светоносный твой светло праздновати день,/ грядите, глаголющи,/ и приимите благодатей дарования.
Кондак преподобного Иоанна Рыльского
глас 8
Ангельскому житию поревновав, преподобне,/ вся земная оставив, ко Христу притекл еси/ и, Того заповедъми ограждался,/ явился еси столп непоколебим от вражиих нападений./ Тем зовем ти:/ радуйся, отче Иоанне, светило пресветлое.
Молитва преподобному Иоанну Рыльскому
Земная звездо чудесная, яже от предел Средца града возсиявшая, и свещниче живьй, иже всю землю Болгарскую светом правды Божия осияваяй, предивный в постницех угодниче Божий, отче Иоанне, преподобных убо радование, Церкве Болгарския украшение, веры Православныя крепкое утверждение, скорый помощниче к тебе с верою и любовию притекающим и великий пред Господем о всех нас предстателю! Приими, преблаженне, моления наша и умоли Христа Бога нашего, яко да вси, тобою невидимо охраняеми и союзом братския любве связуеми, людие словенстии в мире пребывают и благочестии, и да избавит их Господь от враг видимых и невидимых, от нашествия иноплеменник, от недуга и глада, от всякия скорби и всякаго зла. Предстоящим же зде и молящимся пред честною ракою мощей твоих испроси, преподобне, у Господа нашего Иисуса Христа вся, яже ко спасению прошения, да вси с тобою непрестанно прославляем всесвятое Имя Отца и Сына и Святаго Духа, ныне, и присно, и во веки веков. Аминь.
Молитва преподобному Иоанну Рыльскому
О преподобне отче Иоанне, угодниче Господень преизрядный, теплый наш заступниче и везде в скорбех скорый помощниче! Помозй мне, грешному и унылому, в настоящем сем житии и умоли Господа Бога даровати ми оставление всех моих грехов, елико согреших от юности моея во всем житии моем делом, словом, помышлением и всеми моими чувствы. И во исходе души моея помози ми, окаянному, и умоли Господа Бога, всея твари Содетеля, избавити мя воздушных мытарств и вечнаго мучения, да всегда прославляю Отца и Сына и Святаго Духа и твое милостивное предстательство, и ныне, и присно, и во веки веков. А минь.
АКАФИСТ ПРЕПОДОБНОМУ ИОАННУ, РЫЛЬСКОМУ ЧУДОТВОРЦУ И ПУСТЫННОЖИТЕЛЮ
Кондак 1
Избранный Богом и предивный житием, преподобне Иоанне, от юности Христа возлюбив, путем тесным к Нему шествовал еси; велиих же ради подвигов твоих и слез излияний дарованьми Духа Святаго обогатился еси. Темже яко велие ко Святей Троице дерзновение имуща ублажаем тя, просяще: от всяких нас бед свободи, зовущих: радуйся, преподобне Иоанне, Рыльский чудотворче, славо и радосте наша.
Икос 1
Ангел земный и человек небесный был еси, преподобне Иоанне. Како убо славу твою воспоем достойно, многими немощьми обдержимии? Но сам вложи песнь хвалебную во ycта нас, зовущих: Радуйся, от родителей благочестивых рожденный; радуйся, ими в страсе Божии добре воспитанный. Радуйся, из младенства от Церкве николиже отступивый; радуйся, тоя священными ученьми благодатный разум стяжавый. Радуйся, заповедей Господних блюстителю верный; радуйся, пощений и бдений непрестанных делателю усердный. Радуйся, по смерти родителей наследие свое убогим раздавый; радуйся, жития ради добраго гонение от человеков лукавых подъявый. Радуйся, клеветы неправедныя претерпевый; радуйся, досаждения с кротостию понесый. Радуйся, любовию Серафимскою вслед Христа последовавый; радуйся, ея ради путь узкий иночества избравый. Радуйся, преподобне Иоанне, Рыльский чудотворче, славо и радосте наша.
Кондак 2
Видя мира сего суету, преподобне Иоанне, невозвратно того отвратитися потщался еси; ничтоже бо тебе от Христа можаше разлучити: ни узы сродства, ни юность твоя, ниже слава мира сего и красота. Сия убо вся ни во чтоже вменив, якоже елень на источники водныя, к Богу востекл еси, вопия Ему: Аллилуиа.
Икос 2
Разуму божественному покорился еси, блаженне, егда Господа в видении соннем узрел еси, от земли твоея изыти повелевающа ти и место спасения твоего показующа, и вся, яже в мире презрев, во обитель Руенскую вселился еси, идеже образ иноческий восприял еси. Сего ради вопием ти таковая: Радуйся, житие иноческое возлюбивый; радуйся, противу греха воинствовати даже до смерти восхотевый. Радуйся, купно с власы своими мирская вожделения отложивый; радуйся, с ненасытною жаждею к подвигом иноческим себе устремивый. Радуйся, в предняя простираяся, задняя забвению предавый; радуйся, сладость жительства уединеннаго в себе обретый. Радуйся, любве ради божественныя житие пустынное возлюбивый; радуйся, вины ради сея место пострига своего оставивый. Радуйся, к горе, в видении тебе явленней, пришедый; радуйся, ничтоже имеяй, в колибе хврастней себе вселивый. Радуйся, дивный пустынножителю; радуйся, Иоанна Крестителя подражателю. Радуйся, преподобне Иоанне, Рыльский чудотворче, славо и радосте наша.
Кондак 3
Силою Духа Святаго осеняем в пустыни вселился еси, Иоанне, безмолвное житие провождати, с Богом невозбранно беседовати, Того ангельски непрестанно славословити, лучами света Божественнаго озарятися, за вся же люди и мир Спасителю Богу молитися, поя Ему присно: Аллилуиа.
Икос 3
Имея желание огнепальное боговидения Моисейскаго, преподобне, на гору возшел еси явления божественныя славы восприяти, ихже око не виде и ухо не слыша и яже на сердце человеку не взыдоша. И кто возможет изрещи вся подвиги твоя, в безмолвии сотворенныя? Но мы, дивящеся житию твоему, сице взываем ти: Радуйся, бремя подвиг велиих на рамена своя возложивый; радуйся, житием твоим Ангелов удививый. Радуйся, яко не хлебом, но былием травным себе питал еси; радуйся, и того бо зело мало по захождении солнца вкушал еси. Радуйся, жажду водою в меру утолявый; радуйся, купно с пророком “скотен бых у Тебе” Богу вопиявый. Радуйся, яко потоки слез от очей твоих источал еси; радуйся, молитвы бо твоя непрестанно Богу возсылал еси. Радуйся, подвиги сими от страстей себе очистивый; радуйся, бесов в зверине образе тебе устрашити тщащихся посрамивый. Радуйся, адаманте, козньми вражиими несокрушимый; радуйся, во всех искушениих и напастех всегда с Богом бывый. Радуйся, преподобне Иоанне, Рыльский чудотворче, славо и радосте наша.
Кондак 4
Бурю напастей демонских укротити восхотев, в пещеру некую зело мрачную вселился еси, преподобне Иоанне, порабощая тело твое и лишаяся света солнечнаго, яко да не лишишися Божественнаго Света в Царствии Господа твоего и да поеши Ему тамо со всеми святыми: Аллилуиа.
Икос 4
Слышав о тебе, преподобне, сын брата твоего, Лука отрок, и родителей утаився, к тебе в пустыню приде и тобою наставляем восприя подвиги твоя. Мы же силою благодати твоея ужасаеми, вопием ти сице: Радуйся, Светом Божественным южика своего озаривый; радуйся, дитя малое пустынна жителя соделавый. Радуйся, от злобы древния сего ради напасть новую приемый; радуйся, клевету в похищении отрока претерпевый. Радуйся, от брата своего поругания понесый; радуйся, детище от тебе отторженное благословением укрепивый. Радуйся, молитвою слезною диаволи посрамивый; радуйся, отрока от змия ужаленнаго смертию с Господем соединивый. Радуйся, цвете райский на камени гор Рыльских прозябый; радуйся, от Камене Божественнаго водою живою обильно напоенный. Радуйся, таинниче Божий, в пустыни не утайвыйся; радуйся светильниче Христов во мраце пещернем просветивыйся. Радуйся, преподобне Иоанне, Рыльский чудотворче, славо и радосте наша.
Кондак 5
Боготечней звезде подобни суть святии человецы: не точию бо сами ко Христу шествуют, но и прочиим людем спасения путь указуют. Сего ради вселукавый творит им напасти, якоже и тебе, Иоанне: нападе бо на тя во образе разбойник, иже избивше тя, отгнаша от пещеры первыя. Тогда ты в пустыню Рыльскую глубочае вшед, в дупло дуба великаго вселился еси, во еже большими труды Господа твоего прославляти и пети Ему: Аллилуиа.
Икос 5
Видя Господь толикое озлобление твое, преподобне, повеле земли да израстит слануток тебе в напитание; славна же тя яви пастырем, близ пустыни тоя обретшимся, да и мы купно с видевшими дивная дела твоя вопием тебе таковая: Радуйся, от демонов велия страдания приемый; радуйся, воине Христов непобедимый. Радуйся, не до конца от них озлобленный; радуйся, Христа покровом всемогущим покровенный. Радуйся, пред лицем пастырей от Господа прославленный; радуйся, обретшим тя житие твое неволею известивый. Радуйся, злаком чудесным тех напитавый; радуйся, отшедших их чудом дивным наставивый. Радуйся, прочиим людем от них проповеданный; радуйся, от приходивших к тебе дарований Божиих не скрывый. Радуйся, зело страждуща бесна молитвою слезною исцеливый; радуйся, к совершению чудесе сего всю надежду на Бога возложивый. Радуйся, преподобне Иоанне, Рыльский чудотворче, славо и радосте наша.
Кондак 6
Проповедницы должни есмы быти смирения твоего, преподобне Иоанне, явленнаго пред исцелением беснаго в молитве твоей сицевой: “Боже милосердный, несмь достоин именовати Твое имя моими нечистыми усты!” Сего ради тщимся убо и мы во смирении молитися Господеви и пети Ему: Аллилуиа.
Икос 6
Возсиявшу ти чудесы велиими, множайшую к тебе веру и любовь возимеша людие православнии. Но славе твоей по всей Болгарстей стране прошедшей, востав изшел еси от дуба, славы человеческия бегая. Темже смирения ради твоего ублажаем тя сице: Радуйся, смирение божественное возлюбивый; радуйся, славу человеческую возненавидевый. Радуйся, гласа Христова к смирению призывающа, послушавый; радуйся, словеса Писания еже не нам, но имени Божию славу даяти, присно соблюдавый. Радуйся, высокая достигнувый и ни киих дел благих в себе не видевый; радуйся, древу плодоносну, ветвьми низу клонящуся, подобен бывый. Радуйся, смирением Давиду, рекшему “аз есмь червь, а не человек”, поревновавый; радуйся, купно с пророком Исаиею “о, окаянный аз” вопиявый. Радуйся, со апостолом грешника себе перваго нарицавый; радуйся, во смирении своем Самому Господу подражавый. Радуйся, тщеславию доблественне противоставый; радуйся, сие яко прах земный ногами поправый. Радуйся, преподобне Иоанне, Рыльский чудотворче, славо и радосте наша.
Кондак 7
Хотящу ти страдания большая подъяти пламенныя ради ко Христу любве твоя, столпнику дивному Симеону уподобился еси, на камень возшед, преподобне Иоанне, во дни и нощи аки бесплотен молитву дея, слезами камень омакая и единому токмо Богу беседовати желая. Мы же на подвиг сей взирающе, прославляем всемогущаго Бога в тебе дивнаго и поем Ему: Аллилуиа.
Икос 7
Новаго подвига твоего, блаженне, не стерпев диавол, поемлет с собою легион бесов, иже с камене тя в пропасть глубокую свергоша. Но ты с трудом велиим востав, паки на камень возшел еси творити молитвы твоя и дивящихся воставляеши звати ти: Радуйся, ко Христу любовь велию стяжавый; радуйся, сего ради тяжце от полков демонских пострадавый. Радуйся, страдания сия ни во чтоже вменивый; радуйся, Христа паче жизни твоея возлюбивый. Радуйся, ни чим же от Христа разлученный; радуйся, Им сего ради возлюбленный. Радуйся, служения ангельскаго сподобивыйся; радуйся, от руки Ангела хлебом питавыйся. Радуйся, любовию ко Христу вся диавольская искушения победивый; радуйся, тою вся Христа заповеди соблюдый. Радуйся, любве ради сея токмо славы Божественныя искавый; радуйся, сего ради от Господа прославленный. Радуйся, преподобне Иоанне, Рыльский чудотворче, славо и радосте наша.
Кондак 8
Странный образ жития твоего, велие смирение и любовь твоя ко Христу приумножиша в тебе благодать, яже ти в крещении Христовых ради страстей и смерти крестныя даровася. Сего ради сотвори тя Господь солнце духовное Православныя Церкве, да просвещаются тобою чада ея ко спасению и да вопиют Богу: Аллилуиа.
Икос 8
Весь был еси сосуд избран Божия благодати, великий Иоанне, на тебе исполнися Крестителя слово, яко не в меру Бог дает Духа. Киими благодатными дарованьми не увенча тя Бог? Киими явленьми благодати не исполнено бысть твое житие? Темже на тя взирающе, приносим ти похвалы сия наша: Радуйся, дар смирения Христова стяжавый; радуйся, слез и умиления благодать снискавый. Радуйся, чистотою и целомудрием от Бога украшенный; радуйся, верою чудодейственною озаренный. Радуйся, не токмо Христу веровавый, но и страдания за Него понесый; радуйся, даром ревности по Бозе увенчанный. Радуйся, любве к ближним исполненный; радуйся, даром Божественнаго ведения сподобленный. Радуйся, даром прозорливства просиявый; радуйся, дарование молитвы непрестающия имый. Радуйся, до конца надежду будущаго блаженства сохранивый; радуйся, блаженство сие еще в жизни сей предвкусивый. Радуйся, преподобне Иоанне, Рыльский чудотворче, славо и радосте наша.
Кондак 9
Всякое дарование Духа Святаго восприимшу ти, преподобне Иоанне, достиже вещание твое благочестиваго царя Петра, иже видети тя вожделев посла к тебе девять мужей. Ты же алчных их быти духом разумев, малым хлебом напитал еси, иже преславное чудо сие видевше, вопияху Богу: Аллилуиа.
Икос 9
Ветии мира сего не разумеют, како царь Петр, сый во славе своей, к тебе с дары устремися, блаженне, и зело опечалися, не возмогий стремнин ради горных ко святыни твоей приблизитися: но мы, словеса Господа поминающе, ко всем людем реченная, “ищите прежде царствия Божия и правды Его”, вопием ти: Радуйся, яко Царство Небесное на земли достигл еси; радуйся, Царство бо сие, пришедшее в силе, яви ти Господь. Радуйся, яко Царство Божие в стяжании благодати людем явил еси; радуйся, во плоти бо сый блаженство райское в себе таил еси. Радуйся, яко бисер многоценный стяжав, суету благ временных показал еси; радуйся, яко правду и мир и радость о Дусе Святе имел еси. Радуйся, сиянием бо благодати славу царскую затмил еси; радуйся, яко сокровище небесное имый, даров царских не приял еси. Радуйся, яко зрети друг друга в небесном царствии царю Петру обещал еси; радуйся, яко царя в Писании твоем милосерда и Церкви послушна быти увещал еси. Радуйся, яко покаянию царя научил еси; радуйся, яко покаяния ради царство вечное ему предрекл еси. Радуйся, преподобне Иоанне, Рыльский чудотворче, славо и радосте наша.
Кондак 10
Спасти хотя себе до конца от козней вражиих, преподобне Иоанне, пребыл еси в подвизе стояния на камени седмь лет и четыре месяцы. Мнози же поревновавше тебе, близ камене твоего церковь создаша и обитель составиша, начальника тя перваго и пастыря имуще, да возсылается оттуду присно хвалебная Богу песнь: Аллилуиа.
Икос 10
Стена непреоборима бысть ти смирение твое даже до смерти, блаженне Иоанне; разумев бо время отшествия твоего, моление слезное Богу вознесл еси, глаголя: “Отче Вседержителю, ничтоже на земли благо сотворих! Сего ради молю Тя повелети Ангелу благу прийти, да не возбранен ми будет восход от духов лукавствия! Господи, в руце Твои предаю дух мой!” И сия рек, абие дух испустил еси. Мы же, сицевому праведному преставлению дивящеся, тако тя ублажаем: Радуйся, житием и исходом твоим нас поучаяй; радуйся, горняя мудрствовати, а не земная нас призываяй. Радуйся, никиимже сластем мирским себе приобщивый; радуйся, блаженную кончину от Бога приемый. Радуйся, о смерти присно в животе своем помышлявый; радуйся, словеса апостола “по вся дни умираю” исполнивый. Радуйся, со апостолом Павлом смерти вожделевый; радуйся, разрешитися и со Христом быти присно желание имевый. Радуйся, слезами и молитвами себе к смерти уготовавый; радуйся, сего ради от смерти не на суд, но в живот пришедый. Радуйся, вечней радости со Христом по смерти приобщивыйся; радуйся, дерзновение велие пред Богом стяжавый. Радуйся, преподобне Иоанне, Рыльский чудотворче, славо и радосте наша.
Кондак 11
Пением молебным ублажати тя наставшу времени, благовоние нача от гроба твоего источатися, преподобне Иоанне. Сего ради гроб твой отверзоша и тело твое обретоша нетленно и благоухания исполнено. Оттоле многая чудеса совершахуся от мощей твоих во исцеление к тебе прибегающих и Богу вопиющих: Аллилуиа.
Икос 11
Светоприемную свещу яви тя Господь, преподобне, и храм Духа Святаго, тело же твое тлению непричастно соблюде. Взирающи убо на благодать сию, прославляем тя сице: Радуйся, нетлением твоим всемогущество Божие благовествуяй; радуйся, безсмертие телес последи общаго воскресения предобразуяй. Радуйся, нетлением твоим славу Божию в Церкви явивый; радуйся, истину воскресения мертвых утвердивый. Радуйся, по смерти игумену обители Рыльския во сне явивыйся; радуйся, твоя мощи в Средец град пренести повелевый. Радуйся, дивная чудеса и зде сотворивый; радуйся, в град Тернов пренесен велия знамения соделавый. Радуйся, от мощей твоих во градех стольных благодать пролиявый; радуйся, и в пленении быв силами всех ужасивый. Радуйся, Мануилу царю греческому исцеление даровавый; радуйся, епископу Остригомскому язык связавый и разверзавый. Радуйся, преподобне Иоанне, Рыльский чудотворче, славо и радосте наша.
Кондак 12
Благодать велию дарова ти Господь за многую любовь, предивный угодниче Божий, преподобне отче наш Иоанне, недуги исцеляти, заблуждшия просвещати и всем просящим быти во спасение. Темже благодаряще Господа, нам тебе даровавшаго, присно зовем ему: Аллилуиа.
Икос 12
Поюще тебе песнь недоумеем, како вся дивная деяния твоя словесы немощными изобразити, преподобне! Зряще же тя велика в угодницех Божиих, дерзаем сице восхвалити тя, зовуще: Радуйся, в подвизех и трудех предивный; радуйся, прославленным тобою Богом прославленный. Радуйся, далече вне Церкве Болгарския просиявый; радуйся, и иными Православными Церквами чтимый. Радуйся, нетленною десницею в Церкви Российстей обитаяй; радуйся, благодатию великих отцев Церкве блистаяй. Радуйся, подвиги преподобных Антония и Макария явивый; радуйся, деяния светил российских Сергия и Серафима предизобразивый. Радуйся, от краля унгарскаго прославленный; радуйся, и от турских султанов почтенный. Радуйся, во обители Рыльстей верными и неверными доселе почитаемый; радуйся, велиих ради чудес твоих от всех прославляемый. Радуйся, преподобне Иоанне, Рыльский чудотворче, славо и радосте наша.
Кондак 13
О, великий Иоанне, Рыльский чудотворче! Приими сию малую похвалу нашу и молися за ны ко Господу, да ниспослет нам милость Свою и покаянию истинному научит нас, избавит же нас от власти миродержителей тьмы века сего и сохранит в православней вере же и благодатном жительстве под дивным покровом Божия Матере, да спасеннии твоим ходатайством вопием Богу: Аллилуиа.
(Этот кондак читается трижды, затем икос 1 и кондак 1)
Карта расположения православных святынь
