Богородице Дево, радуйся, Благодатная Марие, Господь с Тобою; Благословена Ты в женах и Благословен Плод чрева Твоего, яко Спаса родила еси душ наших.

Владыка Серафим (Звездинский) ежедневно исполнял Богородичное правило, причем, исполняя его, он молился за весь мир и охватывал этим правилом всю жизнь Царицы Небесной.

"Богородице Дево, радуйся, Благодатная Марие, Господь с Тобою; благословена Ты в женах и благословен Плод чрева Твоего, яко Спаса родила еси душ наших". (Читается ежедневно 150 раз)

После каждого десятка надо читать по одному разу "Отче наш" и "Милосердия двери", а затем и дополнительные молитвы, указанные далее:

ПЕРВЫЙ ДЕСЯТОК

Вспоминаем Рождество Пресвятой Богородицы. Молимся о матерях, отцах и детях.

Тропарь праздника, глас 4-й:
Рождество Твое, Богородице Дево, радость возвести всей вселенней: из Тебе бо возсия Солнце правды, Христос Бог наш, и разрушив клятву, даде благословение, и упразднив смерть, дарова нам живот вечный.

Кондак, глас 4-й:
Иоаким и Анна поношения безчадства, и Адам и Ева от тли смертныя свободистася, Пречистая, во святем рождестве Твоем. То празднуют и людие Твои, вины прегрешений избавльшеся, внегда звати Ти: неплоды раждает Богородицу и питательницу жизни нашея.

Величание:
Величаем Тя, Пресвятая Дево, и чтим святых Твоих родителей, и всеславное славим рождество Твое.

Молитва:
О, Пресвятая Владычице Богородице, спаси и сохрани рабов Твоих (имена родителей и сродников), а умерших со святыми упокой в вечной славе Твоей.

ВТОРОЙ ДЕСЯТОК

Вспоминаем Введение во храм Пресвятой Девы Богородицы. Молимся о заблудших и отпавших от Церкви.

Тропарь Введению во храм Пресвятой Богородицы, глас 4:
Днесь благоволения Божия предображение, и человеков спасения проповедание, в храме Божии ясно Дева является и Христа всем предвозвещает. Той и мы велегласно возопиим: радуйся смотрения Зиждителева исполнение.

Величание Введению во храм Пресвятой Богородицы:
Величаем Тя, Пресвятая Дево, Богоизбранная Отроковице, и чтем еже в храм Господень вхождение Твое.

Молитва:
О, Пресвятая Владычице Богородице, спаси и сохрани, и соедини (или присоедини) к святой Православной Церкви заблудших и отпавших рабов Твоих ( имена).

ТРЕТИЙ ДЕСЯТОК

Вспоминаем Благовещение Пресвятой Богородицы. Молимся об утолении скорбей и утешении скорбящих.

Тропарь Благовещению Пресвятой Богородицы, глас 4:
Днесь спасения нашего главизна, и еже от века таинства явление, Сын Божий, Сын Девы бывает, и Гавриил благодать благовествует. Тем же и мы с ним Богородице возопиим: радуйся, Благодатная, Господь с Тобою!

Величание Благовещению Пресвятой Богородицы:
Архангельский глас вопием Ти, Чистая: Радуйся, Благодатная, Господь с Тобою!

Молитва:
О, Пресвятая Владычице Богородице, утоли наши скорби и пошли утешение скорбящим и болящим рабам Твоим ( имена).

Евангелие от Луки 1, 26-38:
«В месяц же шестый послан бысть ангел Гавриил от Бога во град Галилейский, емуже имя Назарет, к Деве, обрученней мужеве, емуже имя Иосиф, от дому Давидова: и имя Деве Мариам. И вшед к Ней ангел рече: «Радуйся, Благодатная, Господь с Тобою: Благословенна Ты в женах». Она же видеши, смутися о словеси его и помышляше, каково будет целование сие. И рече ангел Ей: «Не бойся, Мариам: обрела бо еси благодать у Бога: и се, зачнеши во чреве и родиши Сына и наречеши имя Ему Иисус: Сей будет велий и Сын Вышняго наречется: и даст Ему Господь Бог престол Давида, отца Его: и воцарится в дому Иаковли во веки, и Царствию Его не будет конца». Рече же Мариам ко ангелу: «Како будет сие, идеже мужа не знаю?» И отвещав, ангел рече Ей: «Дух Святый найдет на Тя, и сила Вышняго осенит Тя: темже и раждаемое Свято наречется Сын Божий: и се, Елисавет, южика Твоя, и та зачат сына в старости своей; и сей месяц шестый есть ей, нарицаемой неплоды: яко не изнеможет у Бога всяк глагол». Рече же Мариам: «Се, раба Господня: буди Мне по глаголу твоему». И отыде от Нея ангел».

ЧЕТВЕРТЫЙ ДЕСЯТОК

Вспоминаем Встречу Пресвятой Богородицы с праведной Елисаветою. Молимся о соединении разлученных, у кого близкие или дети в разлуке, или пропали без вести.

Седален, глас 4 (из службы пророка Захарии и праведной Елисаветы):
Воплотившуся уже Мессии первую тя благовестницу слышим, егда к целовавшей тя Богоизбранней Отроковице со ужасом глаголала еси: «Откуда мне сие, да прииде Мати Господа моего ко мне?» Восхваляюще убо тя вопием: «Радуйся, зерцало, Тайны Божия нам являющая».

Молитва:
О, Пресвятая Владычице Богородице, соедини в разлуке находящихся рабов Твоих (имена).

ПЯТЫЙ ДЕСЯТОК

Вспоминаем Рождество Христово, молимся о возрождении душ, о новой жизни во Христе.

Тропарь Рождеству Христову, глас 4:
Рождество Твое, Христе Боже наш, возсия мирови свет разума: в нем бо звездам служащий, звездою учахуся Тебе кланятися Солнцу правды, и Тебе ведети с высоты Востока: Господи, слава Тебе!

Кондак, глас 3:
Дева днесь Пресущественнаго раждает, и земля вертеп Неприступному приносит: ангели с пастырьми славословят, волсви же со звездою путешествуют: нас бо ради родися Oтроча младо, Превечный Бог.

Величание Рождеству Христову:
Величаем Тя, Живодавче Христе, нас ради ныне плотию Рождшагося от Безневестныя и Пречистыя Девы Марии.

Молитва:
О, Пресвятая Владычице Богородице, даруй мне, во Христа крестившемуся, во Христа облещися.

ШЕСТОЙ ДЕСЯТОК

Вспоминаем Сретение Господне, и прореченное святым Симеоном слово: "И Тебе Самой оружие пройдет душу". Молимся, чтобы Матерь Божия встретила душу в час кончины и сподобила при последнем издыхании причаститься Святых Тайн и провела бы душу через страшные мытарства.

Тропарь Сретению Господню, глас 1:
Радуйся, Благодатная Богородице Дево, из Тебе бо возсия Солнце правды, Христос Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующаго нам воскресение.

Кондак, глас 4:
Утробу Девичу освятивый рождеством Твоим, и руце Симеоне благословивый, якоже подобаше, предварив, н ныне спасл еси нас, Христе Боже; но умири во бранех жительство, и укрепи православныя христианы, их же возлюбил еси, едине Человеколюбче.

Величание Сретению Господню
Величаем Тя, Живодавче Христе, и чтем Пречистую Матерь Твою, Еюже по закону ныне принеслся еси в храм Господень.

Молитва:
О, Пресвятая Владычице Богородице, сподоби меня при последнем издыхании причаститься Святых Тайн Христовых и Сама проведи душу чрез страшные мытарства.

СЕДЬМОЙ ДЕСЯТОК

Вспоминаем бегство в Египет Божией Матери с Богомладенцем, молимся, чтобы Царица Небесная помогла бы избежать искушений в этой жизни и избавила бы от напастей.

Евангелие от Матфея 2, 13:
"Се ангел Господень во сне явися Иосифу, глаголя: «Востав, поими Отроча и Матерь Его и бежи во Египет, и буди тамо, дондеже реку ти: хощет бо Ирод искати Отрочате, да погубит Е». Он же, востав, поят Отроча и Матерь Его нощию и отыде во Египет. И бе тамо до умертвия Иродова, да сбудется реченное от Господа пророком, глаголющим: от Египта воззвах Сына Моего.

Молитва:
О, Пресвятая Владычице Богородице, не введи меня во искушение в сей жизни и избави меня от всяких напастей.

ВОСЬМОЙ ДЕСЯТОК

Вспоминаем исчезновение двенадцатилетнего отрока Иисуса в Иерусалиме и скорбь Божией Матери по поводу этого. Молимся, испрашивая у Богоматери постоянную Иисусову молитву.

Евангелие от Луки 2, 42-48:
«И когда Он был двенадцати лет, пришли они также по обычаю в Иерусалим на праздник. Когда же, по окончании дней *праздника,* возвращались, остался Отрок Иисус в Иерусалиме; и не заметили того Иосиф и Матерь Его, но думали, что Он идет с другими. Пройдя же дневной путь, стали искать Его между родственниками и знакомыми и, не найдя Его, возвратились в Иерусалим, ища Его. Через три дня нашли Его в храме, сидящего посреди учителей, слушающего их и спрашивающего их; все слушавшие Его дивились разуму и ответам Его. И, увидев Его, удивились; и Матерь Его сказала Ему: Чадо! что Ты сделал с нами? Вот, отец Твой и Я с великою скорбью искали Тебя.»

Молитва:
О Мати наша Прекрасная! Соболезнующи скорбь Твою, егда Сына Твоего и Бога нашего, двоюнадесятилетняго Отрока, на пути из Иерусалима не обретше. О велия радость Твоя, егда Сына Твоего по триех днех в церкви обрела еси.
О Цвете неувядаемый! Не лиши и нас небесной радости узрети Сына Твоего, Господа нашего Иисуса Христа, для спасения нашего.
О, Пресвятая Владычице Богородице, Пречистая Дево Марие, даруй мне непрестанную молитву Иисусову.

ДЕВЯТЫЙ ДЕСЯТОК

Вспоминаем чудо в Кане Галилейской, когда Господь претворил воду в вино по слову Божией Матери: "Вина нет у них". Просим у Божьей Матери помощи в делах и избавлении от нужды.

Икос, глас 8:
Своего Агнца Агнице зряше, к заколению влекома, последовавше Мария простертыми власы со иными женами, сия вопияше: «Камо идеши, Чадо? Чесо ради скорое течение совершаеши, егда другий брак паки есть в Кане Галилейстей и тамо ныне тщишися, да от воды им вино сотвориши? Иду ли с Тобою, Чадо, или паче пожду Тебе? Даждь Ми слово, Слове, не молча мимоиде Мене, Чисту соблюдый Мя: Ты бо еси Сын и Бог Мой».

Молитва:
О, Пресвятая Владычице Богородице, помоги мне во всех делах и избави меня от всяких нужд и печали.

ДЕСЯТЫЙ ДЕСЯТОК

Вспоминаем стояние Божией Матери у Креста Господня, когда скорбь, как оружие, пронзила Ее душу. Молимся Божией Матери о подкреплении душевных сил и об отгнании уныния.

Богородичны отпустительныя, глас 4:
Дево Пренепорочная, Мати Христа Бога! Оружие пройде Твою Пресвятую душу, егда распинаема видела еси волею Сына и Бога Твоего. Егоже, Благословенная, молящи не престай, прощение прегрешений нам даровати.

Молитва:
О, Пресвятая Владычице Богородице, Преблагословенная Дево Марие, укрепи мои силы душевные и отжени от меня уныние.

ОДИННАДЦАТЫЙ ДЕСЯТОК

Вспоминаем Воскресение Христово и молитвенно просим Божию Матерь воскресить душу и подать новую бодрость к подвигу.

Тропарь, глас 5:
Христос воскресе из мертвых, смертию смерть поправ, и сущим во гробех живот даровав.

Кондак, глас 8:
Аще и во гробе снизшел еси, Безсмертне, но адову разрушил еси силу, и воскресл еси, яко Победитель, Христе Боже, женам мироносицам вещавый: «радуйтеся», и Твоим Апостолом мир даруяй, падшим подаяй воскресение.

Величание:
Величаем Тя, Живодавче Христе, нас ради во ад сшедшаго и с Собою вся воскресившаго.

Молитва:
О, Пресвятая Владычице Богородице, воскреси душу мою и даруй мне постоянную готовность к подвигу.

ДВЕНАДЦАТЫЙ ДЕСЯТОК

Вспоминаем Вознесение Христово, при котором присутствовала Матерь Божия. Молимся и просим Царицу Небесную возвести душу от земных суетных забот и направить на стремление к горнему.

Тропарь Вознесению Господню, глас 4:
Вознеслся еси во славе, Христе Боже наш, радость сотворивый учеником обетованием Святаго Духа, извещенным им бывшим благословением, яко Ты еси Сын Божий, Избавитель мира.

Кондак Вознесению Господню:
Еже о нас исполнив смотрение, и яже на земли соединив небесным, вознеслся еси во славе, Христе Боже наш, никакоже отлучаяся, но пребывая неотступный, и вопия любящим Тя: Аз есмь с вами и никтоже на вы.

Величание Вознесению Господню:
Величаем Тя, Живодавче Христе, и почитаем Еже на небеса, с Пречистою Твоею плотию, Божественное Вознесение.

Молитва:
О, Пресвятая Владычице Богородице, избави меня от помышлений суетных и даруй мне ум и сердце, стремящееся ко спасению души.

ТРИНАДЦАТЫЙ ДЕСЯТОК

Вспоминаем сионскую горницу и сошествие Святого Духа на Апостолов и Божию Матерь и молимся: "Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святого не отыми от мене".

Тропарь в неделю Пятидесятницы (День Святой Троицы), глас 8:
Благословен еси, Христе Боже наш, Иже премудры ловцы явлей, низпослав им Духа Святаго, и теми уловлей вселенную, Человеколюбче, слава Тебе!

Кондак, глас 2:
Егда снизшед языки слия, разделяше языки Вышний: егда же огненныя языки раздаяше, в соединение вся призва, и согласно славим Всесвятаго Духа.

Величание Пятидесятнице:
Величаем Тя, Живодавче Христе и чтем Всесвятаго Духа Твоего, Егоже от Отца, послал еси божественным учеником Твоим.

Молитва:
О, Пресвятая Владычице Богородице, ниспосли и укрепи благодать Святаго Духа в сердце моем.

ЧЕТЫРНАДЦАТЫЙ ДЕСЯТОК

Вспоминаем Успение Пресвятой Богородицы и просим мирной и безмятежной кончины.

Тропарь Успению Пресвятой Богородицы, глас 1:
В рождестве девство сохранила еси, во успении мира не оставила еси, Богородице: преставилася еси к животу, Мати сущи Живота, и молитвами Твоими избавляеши от смерти души наша.

Кондак, глас 2:
В молитвах неусыпающую Богородицу и в предстательствах непреложное Упование гроб и умервщление не удержаста: якоже бо Живота Матерь к животу престави во утробу Вселивыйся приснодевственную.

Величание Успению Пресвятой Богородицы:
Величаем Тя, Пренепорочная Мати Христа Бога нашего, и всеславное славим Успение Твое.

Молитва:
О, Пресвятая Владычице Богородице, даруй мне мирную и безмятежную кончину.

ПЯТНАДЦАТЫЙ ДЕСЯТОК

Вспоминаем славу Божией Матери, которой увенчивается Она от Господа после переселения Ее от земли на небо, и молим Царицу Небесную не оставлять верных, сущих на земле, но защищать их от всякого зла, покрывая их честным Своим омофором.

Стихира, глас 1 (из службы Успению Пресвятыя Богородицы):
О дивное Чудо! Источник жизни во гробе полагается, и лествица к небеси гроб бывает. Веселися, Гефсимание, Богородичен святый доме! Возопиим, вернии, Гавриила имуще чиноначальника: Благодатная, радуйся, с Тобою Господь, подаяй мирови Тобою велию милость.

Молитва:
О, Пресвятая Владычице Богородице, сохрани меня от всякаго зла и покрый меня честным Твоим омофором.

Пресвятая Богородице, помогай нам!