Елицы

Врачу душ и телес, со умилением в сердце сокрушенном к Тебе припадаем и, стеняще, вопием Ти: исцели болезнь, уврачуй страсти души и телесе раба Твоего иерея Иоанна и прости ему, яко Благосерд, вся прегрешения, вольная и невольная, и скоро воздвигни от одра болезни, молим Ти ся, услыши и помилуй.
Не хотяй смерти грешных, но еже обратитися и живым им быти, пощади и помилуй раба Твоего иерея Иоанна Милостиве, запрети болезни, отстави всю страсть и весь недуг, утоли огнь, и простри крепкую Твою руку, и, якоже Иаирову дщерь, от одра болезни воздвигни и здрава представи, молим Ти ся, услыши и помилуй.
Огненную болезнь Петровой тещи прикосновением Твоим исцеливый, и ныне люте страждущаго раба Твоего иерея Иоанна болезнь благосердием Твоим исцели, здравие ему скоро подавая, прилежно молим Ти ся, Источниче цельбам, услыши и помилуй.
Ей, Благоутробне и Многомилостиве Господи! Исцели раба Твоего иерея Иоанна.воздвигни его от одра болезненнаго и от ложа озлобления цела и всесовершенна посети его щедротами Твоими, отжени от него всякий недуг и всякую немощь, даруй его Церкви Твоей благоугождающа и творяща волю Твою, яко да востав рукою Твоею крепкою, поработает Тебе со всяким благодарением.

Твое бо есть, еже миловати и спасати ны, Боже наш, и Тебе славу возсылаем Отцу, и Сыну, и Святому Духу ныне, и присно, и во веки веков. Аминь.

Господи, Иисусе Христе, Боже наш, яко Милосерд всесильною Твоею десницею укрепи руку врача, да хирургическое действие и благое врачевание совершит во славу Имене Твоего Святаго, молим Ти ся, услыши и помилуй.🙏