Акафист святому великомученику ДИМИТРИЮ СОЛУНСКОМУ

Акафист святому великомученику ДИМИТРИЮ СОЛУНСКОМУ

День памяти:

8 ноября (н.ст.)

Тропарь, глас 3

Велика обрете в бедах тя поборника вселенная, страстотерпче, языки побеждающа; якоже убо Лиеву низложил еси гордыню, и на подвиг дерзновенна сотворив Нестора, тако, святе Димитрие, Христу Богу молися даровати нам велию милость.

Кондак, глас 2

Кровей твоих струями, Димитрие, Церковь Бог обагри, давый тебе крепость непобедимую и соблюдая град твой невредим; того бо еси утверждение.

Кондак 1

Дивный воеводо града Солуня, великий угодниче Христов и славный страстотерпче, святый Димитрие, источаяй мирови милости миро, похвальная восписуем ти, чтущии святую память твою. Ты же имеяй дерзновение ко Господу, от всяких бед избавляй нас, верно зовущих ти: Радуйся, святый Димитрие, славный великомучениче и чудотворче.

Икос 1

Ангелов Творец и Господь сил яви тя, досточудне, Ангела во плоти, мученика тверда и сильнаго предстателя верных. Прибегающе убо к заступлению твоему, сицевая радостная тебе приносим:

Радуйся, звездо, блистающая на тверди церковней.

Радуйся, светильниче, чудесы мир озаряяй.

Радуйся, веры непоколебимый столпе.

Радуйся, христиан несокрушимый щите.

Радуйся, Фессалии светлое украшение.

Радуйся, Солуня похвало преславная.

Радуйся, апостолов согражданине.

Радуйся, мучеников совсельниче.

Радуйся, молящихся к тебе прошения приемляй.

Радуйся, о всех нас Богу моляйся.

Радуйся, святый Димитрие, славный великомучениче и чудотворче.

Кондак 2

Видяще себе безчадна, благочестивая родителя твоя прилежно моляста Бога о даровании чада. Прием же Всевышний молитвы ею, и помянув милостыни, яже творяста убогим, дарова им тебе, блаженне. Сего ради с веселием возописта Богу: Аллилуиа.

Икос 2

Разум Божественный имея, яко отроча богодарованное, возгнушался еси языческия прелести, мудре. Родительское же благочестие возлюбль, добродетельми аки лествицею от силы в силу восходяй, благодать Божию приобрел еси, юже испроси получити и нам, почитающим тя звании сими:

Радуйся, благочестивым родителем молитвенное прозябение.

Радуйся, благочестия их наследниче.

Радуйся, рождением своим возвеселивый многих.

Радуйся, от утробы матерния благодатию свыше осененный.

Радуйся, благоуханный крине девства и нетления.

Радуйся, освященный душею же и телом.

Радуйся, вместилище дарований Божиих.

Радуйся, от юности идолослужение презревый.

Радуйся, истинное богопочитание, даже до смерти возлюбивый.

Радуйся, яко благочестием твоим угодил еси Христу.

Радуйся, яко благодатию Его мног плод сотворил еси.

Радуйся, святый Димитрие, славный великомучениче и чудотворче.

Кондак 3

Сила Вышняго сотвори тя, Димитрие, храбра во бранех, врагом страшна, всем людем именита. Темже и злочестивый царь Максимиан вручи тебе град Солунь, повелевая, яко суемудрый, гнати христианы, поющия Богу: Аллилуиа.

Икос 3

Имеяй благоприятную по благочестию ревность, яве пред неверными исповедал еси Христа, прехвальне, и тех веровати и покланятися Тому научил еси, и яко вторый Павел был еси солуняном, с нимже вопием ти:

Радуйся, Церкви Христовой драгий бисере.

Радуйся, града твоего украшение.

Радуйся, божественную ревность в сердцы своем носивый.

Радуйся, мучителей коварства победивый.

Радуйся, идольския прелести обличителю.

Радуйся, идольское терние посецаяй.

Радуйся, благочестия учителю.

Радуйся, на стези спасения наставителю.

Радуйся, врагом видимым и невидимым неприступне.

Радуйся, воине Христов непобедиме.

Радуйся, святый Димитрие, славный великомучениче и чудотворче.

Кондак 4

Бурею одержим помышлений злобных, нечестивый царь смятеся, уведев тя, всечестне, вернаго быти раба Христова, к вере в Того приводяща и идолы низлагающа, солунян же научающа славити Трисвятое имя Божие и пети Тому: Аллилуиа.

Икос 4

Слыша, яко дышащий на тя, Димитрие, яростию Максимиан грядет в Солунь, молитвою и пощении предуготовил еси себе к мучению, повелевая Луппу, верному ти рабу, вся имения твоя и богатства привременная расточити убогим. Темже восхваляюще тя с любовию зовем:

Радуйся, прещения мучителева не убоявыйся.

Радуйся, да Христа приобрящеши, вся расточивый.

Радуйся, суетную славу мира сего во уметы вменивый.

Радуйся, небесную славу у Христа Бога нашего получивый.

Радуйся, яко состраждеши всем требующим от тебе помощи.

Радуйся, сущим в нуждах скорый заступниче.

Радуйся, нищих обогатителю.

Радуйся, сирых предстателю.

Радуйся, убогим помощниче.

Радуйся, алчущим питателю.

Радуйся, святый Димитрие, славный великомучениче и чудотворче.

Кондак 5

Боготечней звезде уподоблься, Димитрие, дерзновенно Солнце Правды проповедал еси тьмою одержимому царю. В темнице же им заключенный, славословил еси в ней, яко в чертозе светле, Христа Бога нашего, с веселием поя Тому: Аллилуиа.

Икос 5

Видя добра ненавистник диавол течение, достоблаженне, скончатися имущее, завистию снедаемь, устремися на тя во образе скорпии. Ты же, поправ того, узрел еси во светлости велицей Ангела Господня, укрепляюща тя и венец райский тебе подающа, приими убо и от нас земных малый венец похвалы сицевыя:

Радуйся, трубо, неверным Христа Бога возвестившая.

Радуйся, свиреле, услаждающая слышание верным.

Радуйся, яко мужеством твоим небожители возвеселил еси.

Радуйся, в темнице мрачней святым Ангелом утешенный.

Радуйся, пресветлый на небесех чертог, яко мученик, унаследовавый.

Радуйся, во плоти безплотныя враги победивый.

Радуйся, козни их, аки паучину разоривый.

Радуйся, светлый венец победы приемый.

Радуйся, венцем от Царя славы венчанный.

Радуйся, сугубыя благодати от Него сподобивыйся.

Радуйся, велие дерзновение к Нему стяжавый.

Радуйся, святый Димитрие, славный великомучениче и чудотворче.

Кондак 6

Проповедник злочестия Максимиан радовашеся, яко прекрепкий борец его Лий убиваше христианы. Блаженный же Нестор не терпя того безчеловечия, у тебе, мучениче, благословение испроси, и шед низверже того на копия, поя Богу: Аллилуиа.

Икос 6

Возсиявый в Солуне просвещение истины, святе, предпослал еси ко Господу Нестора, чрез посечение от нечестивых. Таже и сам, повелением царевым, копиями избоден был еси за Христа, пред Нимже помяни и нас, поминающих страдания твоя и вопиющих ти:

Радуйся, на Лиево низложение Нестора молитвами твоими укрепивый.

Радуйся, яко по умерщвлении Лия, смерть мученическую купно с Нестором приял еси.

Радуйся, яко за Прободеннаго на кресте нас ради копиями избоден был еси.

Радуйся, со славою на небеса по смерти от Ангел провожденный.

Радуйся, в немерцающем свете душею пребываяй.

Радуйся, с мученики и со всеми святыми ликовствуяй.

Радуйся, покрове песнословящих тя.

Радуйся, молитвенниче о чтущих святую память твою.

Радуйся, святый Димитрие, славный великомучениче и чудотворче.

Кондак 7

Хотя блаженный Лупп благословение от тебе, страстотерпче Христов, получити, взя по кончине твоей перстень твой и ризу, кровию твоею омоченную, и многа чудеса и исцеления теми сотворив, усечен бысть во главу, да поет купно с тобою и Нестором в Троице славимому Богу: Аллилуиа.

Икос 7

Новый храм созидая тебе, досточудне, исцеленный тобою Леонтий, обрете в земли святыя мощи твоя, источающая миро, егоже благоухания исполнися весь град и множество болящих исцеле. Темже уврачуй и облагоухай и нас, вопиющих ти сице:

Радуйся, благоухание добродетелей от юности возлюбивый.

Радуйся, нрав Ангельский от младенчества стяжавый.

Радуйся, сосуде благодати. Радуйся, храме непорочности и чистоты.

Радуйся, яко Господь обитель в тебе сотвори со Отцем и Духом.

Радуйся, яко Той прослави мощи твоя нетлением благодати.

Радуйся, благовонное миро от тех источаяй.

Радуйся, освящение и цельбы теми подаваяй.

Радуйся, яко паче нарда и смирны благоухаеши.

Радуйся, яко благоуханием твоим зловоние страстей отгоняеши.

Радуйся, землю и одежды твоя кровию твоею освятивый.

Радуйся, язвами своими наша язвы душевныя и телесныя врачуяй.

Радуйся, святый Димитрие, славный великомучениче и чудотворче.

Кондак 8

Странное и дивное чудо сотворил еси, пречудне, возвращавшемуся во своя си храмоздателю твоему, приим бо той плащаницу от святых твоих мощей, волнующуюся и многоводную реку немокренно прейде. Темже прославляемому в тебе Богу сердцем и усты воспеваше: Аллилуиа.

Икос 8

Весь горя любовию и усердием к тебе, Леонтий вторый в честь твою, святе, созда храм во Иллирии, отечестве своем, и тамо, якоже и в Солуне, множество болящих и страждущих от дух нечистых, молитвами твоими исцеляшеся, и ина многа совершахуся чудеса. Имже мы дивяшеся, тебе вопием:

Радуйся, любовию прославляющим тя крепкий заступниче.

Радуйся, созидающим во имя твое храмы чудный покрове.

Радуйся, здравия подателю.

Радуйся, недугов врачевателю.

Радуйся, токи крови уставляяй.

Радуйся, епарха Марина от струпов и гноя свободивый.

Радуйся, одеждею твоею, якоже Павел убрусцами, чудодействуяй.

Радуйся, имевшему ю Леонтию немокренный на реце путь показавый.

Радуйся, яко повинуются тебе быстрины речныя.

Радуйся, яко дуси злобы бегают от призывающих имя твое.

Радуйся, яко предстательством твоим и мы уповаем от наветов вражиих сохранитися.

Радуйся, яко заступлением твоим и мы веруем от потопа и иных бед избавитися.

Радуйся, святый Димитрие, славный великомучениче и чудотворче.

Кондак 9

Всякое естество Ангельское удивися, Димитрие святый, великаго твоего дерзновения делу. Хотящу бо Господу врагом предати Солунь, и явлением Ангельским, повелевшу ти оставити град, не оставил еси того, славне. Темже сподобивыйся ужасного видения и слышания, Иллюстрий с трепетом возглашаше: Аллилуиа.

Икос 9

Ветии многовещанныя не возмогут разумети, како плененныя иногда девы, образ твой, святе, пленившему их князю швением уготовавшия, внезапу восхищени быша тобою и у гроба твоего поставлени, бдению на память твою совершающуся. Благословяще убо о тебе Господа, со умилением зовем ти:

Радуйся, за истину на земли даже до крови пострадавый.

Радуйся, на небеси со дерзновением Престолу Божию предстояй.

Радуйся, благопотребная оттуду верным посылаяй.

Радуйся, от бед призывающия тя свобождаяй.

Радуйся, яко во озлоблении сущим скоро помогаеши.

Радуйся, яко Господь молитвам твоим благоутробно внемлет.

Радуйся, чудес неисчерпаемый кладезю.

Радуйся, знамений неоскудеваемый источниче.

Радуйся, плененных свободителю.

Радуйся, варварския дерзости укротителю.

Радуйся, печальным утешение посылаяй.

Радуйся, скорбящим радость подаваяй.

Радуйся, святый Димитрие, славный великомучениче и чудотворче.

Кондак 10

Спасти хотя град твой от глада, являлся еси, Димитрие, во пристанищех морских и отоцех, повелевая имущим пшеницу плыти с тою в Солунь. Темже, тобою от смерти избавленнии, благодарственне пояху о тебе Богу: Аллилуиа.

Икос 10

Стена явился еси граду твоему несокрушимая, богомудре, и необоримый защитник всем призывающим тя, зане тако благоволи о тебе небесе и земли Творец. Темже и нас научи приглашати тебе:

Радуйся, милосердия великий любителю.

Радуйся, о бедствующих сострадательный попечителю.

Радуйся, от глада верныя спасаяй.

Радуйся, от нашествия языков тех изымаяй.

Радуйся, множицею избавивый солунян от уз работы горькия.

Радуйся, губительную язву и иный вред от них удаливый.

Радуйся, воеводо, никимже в мужестве одолимый.

Радуйся, ратоборче, николиже в силе оскудевающий.

Радуйся, вся на град твой устремляющияся, яко Моисей Амалика, низлагаяй.

Радуйся, яко Сампсон, иноплеменники прогоняяй.

Радуйся, царем верным на враги одоление подаваяй.

Радуйся, христолюбивым воином во бранех помогаяй.

Радуйся, святый Димитрие, славный великомучениче и чудотворче.

Кондак 11

Пение всякое побеждается, прехвальне, пред сиянием славы твоея и величием чудес. Егда бо Иустиниан царь возжеле имети в Софийстем храме часть мощей твоих, огнь изыде от гроба твоего на посланныя от него, возбраняюще прикасатися раце твоей. Темже удивлении со страхом возопиша Богу: Аллилуиа.

Икос 11

Светозарную звезду, сущим во тьме неразумия, зрим тя, святе. Служащу бо у гроба твоего Онисифору, тьмою святотатства одержиму, двукратным явлением твоим возбранил еси ему похищати свещи, возжигаемыя верными у мощей твоих. Сего ради со благоговением зовем ти:

Радуйся, прежде мученическия кончины свято поживый.

Радуйся, по кончине чудесы прославивыйся.

Радуйся, яко жив во граде мощми твоими почиваеши.

Радуйся, яко присноживый чудеса теми содеваеши.

Радуйся, яко правду милостию растворяеши.

Радуйся, яко огнем ревности по славе Божией гориши.

Радуйся, святыя мощи твоя неприкосновенны имеяй.

Радуйся, касатися им дерзающия, яко молния опаляяй.

Радуйся, согрешающих вразумителю.

Радуйся, святотатцев наказателю.

Радуйся, освящение подаваяй благоговеющим к тебе усердно.

Радуйся, миром облагоухаяй чтущих тя верно.

Радуйся, святый Димитрие, славный великомучениче и чудотворче.

Кондак 12

Благодать приял еси, Димитрие, целити всяк недуг и всяку язю в людех. Подаждь убо и нашим душам и телесем исцеление, да Богу, даровавшему нам тебе помощника и врачевателя, благодарственне воспоим: Аллилуиа.

Икос 12

Поюще твоя чудеса, ублажаем тя, досточудне, пред нечестивыми Христа Бога дерзновенно исповедавша, прославляем мученическую кончину твою, почитаем память твою, и сицевая радостная тебе приносим:

Радуйся, стопам Христа Спасителя всех ревностный последователю.

Радуйся, страстем его мужественный подражателю.

Радуйся, с небесными силами прославляяй Бога.

Радуйся, с Царицею небесе и земли моляйся о мире.

Радуйся, многоцелебнаго мира сподобляяй верных.

Радуйся, разслабленныя телом и духом исцеляяй.

Радуйся, святый Димитрие, славный великомучениче и чудотворче.

Кондак 13

О святый великомучениче и верный угодниче Христов, Димитрие мироточиве, малое сие песнословие от нас приемше, моли Христа Бога нашего, да вселяется и благоухает в сердцах наших святыня Православной веры, да умножается в житии нашем елей благих дел, да не угаснут светильники наши в полунощный час сретения Небеснаго Жениха, и да сподобимся вкупе с тобою воспевати Ему в вечном Царствии: Аллилуиа.

(Этот кондак читается трижды, затем икос 1 и кондак 1).

Молитва

Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя со дерзновением Небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрити град сей и всякую страну христианскую. Исходатайствуй у Царя царствующих воинству нашему на враги победу и одоление, стране нашей православной мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоугодная Владыце нашему Христу Богу зде творяще, сподобимся молитвами твоими наследовати Царствие Небесное, идеже вкупе с тобою прославим Его со Отцем и Святым Духом. Аминь.

ЖИТИЕ

Великомученик Димитрий родился в городе Солуни в Греции (иначе - Фессалоники, Салоники) в правление нечестивых царей-богоборцев Диоклетиана и Максимиана. Родители его, тайные христиане, долго не имели детей. Они усердно молили Господа о даровании им наследника. Всемилостивый Господь внял их молитвам и даровал им сына, которого они назвали Димитрием. Когда отрок подрос, они, призвав священника, тайно крестили его в своем потаенном домашнем храме и постоянно наставляли в вере.

Отец его, римский проконсул, умер, когда Димитрий достиг совершеннолетия. Император Максимиан Галерий, вступивший на престол в 305 г., назначил Димитрия на место отца властителем и воеводой Фессалонийской области. Главной обязанностью Димитрия было защищать свою область от внешних врагов, но император потребовал от него также, чтобы он истреблял христиан. Димитрий вместо этого стал искоренять языческие обычаи, а язычников обращать к Христовой вере.

Конечно, императору вскоре донесли, что проконсул Димитрий — христианин. Возвращаясь из похода против сарматов (племен, населявших причерноморские степи), Максимиан остановился в Солуни. Готовясь к смерти, Димитрий раздал свое имущество бедным, а сам предался молитве и посту. Император заключил проконсула в темницу.

В это время нечестивый Максимиан развлекал себя и жителей Солуни гладиаторскими сражениями в цирке. Христиан разыскивали и тащили на арену. Известный среди гладиаторов гордый и надменный Лий легко одолевал кротких христиан в сражении и, при ликовании озверевшей толпы, сбрасывал их на копья воинов.

Юноша Нестор, из христиан, навестил Димитрия в темнице, и испросил у него благословения на единоборство с Лием. Укрепляемый Богом, Нестор одолел гордого гладиатора и бросил его на копья воинов. Гибель Лия сильно опечалила Максимиана, и он тотчас приказал казнить блаженного Нестора. Но эта казнь не утешила злочестивца, а когда он узнал, что святой Нестор поразил злодея Лия по совету святого Димитрия, он разозлился еще сильнее и возгорелся желанием отомстить за гибель любимого борца.

Ранним утром 26 октября 306 г. в темницу вошли воины. Они застали святого стоящим на молитве и тут же пронзили его копьями. Так исповедник Христов, святой Димитрий, перешел в вечные светлые обители. Тело вмч. Димитрия выбросили на съедение зверям, но солуняне тайно предали его земле.

Слуга Димитрия Лупп взял кровавую ризу и перстень мученика и начал ими исцелять недужных. Когда слух об этом дошел до Максимиана, император приказал ему тоже отрубить голову.

В правление императора Константина Великого (324-337 гг.) над могилой вмч. Димитрия в Салониках воздвигли храм, в котором совершалось множество чудес и исцелений. Спустя сто лет, в 412-413 гг. иллирийский вельможа Леонтий, получив в том храме исцеление от тяжкого, неизлечимого недуга, захотел в знак благодарности построить новый величественный храм - базилику. При разборке старого храма были обретены нетленные мощи святого Димитрия. Из них истекало благовонное миро, так что весь город наполнился благоуханием. От прикосновения к мощам и помазания святым миром совершались чудеса и исцеления. По этой причине вмч. Димитрия наименовали Мироточивым.

Мощи поместили в серебряный киворий. Он имел шестиугольное основание, глухие стены и кровлю, увенчанную крестом. Внутри находилось серебряное ложе с изображением лика святого. Верующие могли заходить внутрь и возжигать перед ним свечи. Описание кивория было сделано фессалоникийским архиепископом Иоанном в середине VIIв., также его изображение было на мозаике северной колоннады базилики. Драгоценный киворий был утрачен при пожаре в VIIв.

В правление императора Маврикия авары, жившие на Дону, осадили город Солунь. Святой Димитрий явился на городской стене и, поразив копьем, сбросил со стены первого из неприятелей, который поднялся на стену. Падая, тот увлек за собой других наступавших, и 100-тысячное войско осаждавших в ужасе обратилось в бегство. Но спустя некоторое время неприятель опомнился и снова осадил город.

В это время некий благочестивый житель Солуни по имени Иллюстрий горячо молился в храме святого вмч. Димитрия об избавления города от врагов. И вдруг он увидел двух Ангелов, вошедших в храм и направившихся ко гробу святого. Вышедшему им навстречу великомученику Ангелы возвестили Божие повеление оставить город, ибо Богу было угодно предать Солунь в руки врага. Святой Димитрий смиренно ответил, что не покинет родного города, умоляя милосердие Божие пощадить городских жителей, после чего он возвратился в свою гробницу.

Утром Иллюстрий рассказал о видении своим согражданам, чем очень их ободрил и обрадовал. На седьмой день осады враги без всякой видимой причины обратились в бегство, побросав свои палатки и метательные орудия.

Но в результате осады оказались уничтоженными все хлебные запасы, и в городе начался голод. Святой несколько раз являлся на кораблях, плававших по морю, обходил пристани и острова, повелевая повсюду кораблям с пшеницей плыть в Солунь. Так город был спасен от голода.

Однажды юноша по имени Онисифор, исполнявший послушания в солунском храме, по научению дьявола придумал красть свечи, возжигаемые у раки с мощами и вновь продавать их, присваивая вырученные деньги себе. Святой Димитрий явился во сне Онисифору и с величайшим снисхождением обличил его. Это произвело впечатление на юношу, но ненадолго. Вскоре он опять вернулся к прежнему занятию. И вот, когда он в очередной раз протянул руку к свечам, из гроба раздался громогласный голос: «Опять ты делаешь это?!» Юноша упал на землю и лежал, пока его не подняли, после чего он рассказал присутствовавшим о своей греховной страсти и об обличениях святого Димитрия и покаялся.

Житие святого Димитрия повествует также, что он освобождал пленных от ига неверных и помогал им достигнуть Солуни. Так две прекрасные девицы, попав в плен и получив повеление от иноземного князя вышить образ святого Димитрия (князь-язычник много слышал о чудесах святого и хотел поклониться его изображению, словно идолу). Когда утомленные девицы заснули за работой, они были чудесным образом перенесены вместе с вышитым ими образом в солунский храм, где как раз совершалось бдение в честь праздника святого Димитрия. Проснувшиеся девицы прославили Бога, а образ был поставлен над алтарем.

Множество чудес совершил святой вмч. Димитрий и в нашем Отечестве. По предуказанию Божьему его имя в самых древних русских летописях упомянуто прежде, чем другие имена святых: преподобный Нестор Летописец рассказывает, что греки, побежденные великим князем Олегом под Константинополем в 907 г., приписывали свое поражение не храбрости славян, а заступничеству за них их покровителя святого Димитрия.

Об особом почитании святого Димитрия среди славян свидетельствует такой выдающийся факт: первым сочинением на славянском языке святых равноапостольных Мефодия и Кирилла после создания ими славянской азбуки был «Канон Димитрию Солунскому». Этот канон считается отправным местом в рождении великой славянской литературы.

Церковное почитание святого вмч. Димитрия в Русской Церкви началось сразу после Крещения Руси.

В начале 70-х гг. XI в. основан Дмитриевский монастырь в Киеве, известный впоследствии как Михайлов-Златоверхий. В XII в. воздвигнут Дмитриевский собор во Владимире, который и доныне является украшением этого древнего города. В 80-х гг. XIII св. святой благоверный князь Даниил Московский воздвиг храм во имя святого вмч. Димитрия, который стал первым каменным храмом Московского Кремля. Позже, в 1326 г., при князе Иоанне Калите, он был разобран, а на его месте был воздвигнут Успенский собор с приделом вмч. Димитрия Солунского.

После победы в Куликовской битве, в память о русских воинах, павших в сражении с Мамаем, была установлена для общецерковного поминовения Дмитриевская родительская суббота. В первый раз эта панихида была совершена 20 октября 1380 г. в Троицком монастыре преподобным Сергием Радонежским в присутствии святого благоверного великого князя Димитрия Донского. Эта церковная традиция жива и по сей день.

Предположительно в конце XII— начале XIIIвв., возможно, в период существования латинского королевства Фессалоники, мощи вмч. Димитрия были вывезены из Салоник в Италию. Они были обнаружены в 1520 г. в аббатстве города Сан-Лоренцо-ин-Кампо и вернулись обратно в Салоники только в ХХ в.: в 1978 г. — честная глава, а в 1980 г. — основная часть мощей (в Италии осталось шесть больших частиц).