Отрывки из полезных книг

Премилосердый и Всесильный Господи, буди милостив нам, грешным. Молит Тя Твоя Церковь, представляющи Тебе начальника и совершителя спасения нашего Иисуса Христа. Укрепи силою Твоею верныя православныя люди, заблуждающим же просвети разумныя очи светом Твоим божественным, да уразумеют Твою истину, умягчи ожесточение, утоли вражды и нестроения на страну нашу и мирныя люди ея воздвизаемая, да все познают Тебе, Господа и Спасителя нашего. Не отврати лица Твоего от нас, Господи, воздаждь нам радость спасения Твоего. Помяни милости, яже показал еси отцем нашим, преложи гнев Твой на милосердие и даждь помощь Твою народу российскому и всему православному миру, в скорби сущему.
Молит Тя Церковь Русская, представляющи Тебе ходатайство всех святых в ней просиявших, изряднее же Пресвятыя Богородицы и Приснодевы Марии, от лет древних покрывающия и заступающия страны наша. Возгрей сердца наша теплотою благодати Твоея, утверди волю нашу в воли Твоей, да якоже древле, тако и ныне прославится всесвятое имя Твое, Отца и Сына и Святаго Духа, во веки веков.
Господи, прости нас грешных и помилуй, и избавь страну нашу от внутренних ссор, распрей, раздоров, глада, мора, разрухи, войн по бесконечному Твоему милосердию. Даруй, Господи, земле нашей Твое благословение, мир и благоденствие.
Да благословит, Господь, всех молящихся. Аминь. 🙏