Благотворительный фонд "Фавор"

Святый великомучениче Феодоре! Призри с небесного чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютого обстояния: от землетрясения, потопа, пожара, убиения, нашествия иноплеменников и междоусобныя брани. Да не осудит нас грешных по беззакониям нашим, и да не во зло обратим блага, даруемые нам от Всещедраго Бога, но во славу святого имени Его и в прославление крепкого твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, Юже стяжал есть честною Своею Кровию. Молися прилежно, святий мучениче, да благословит Христос Бог державу, да утвердит во святей Своей Православней Церкви живой дух правой веры и благочестия, да все члены Ее, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небесех, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.