Молитва трем святителям Василию Великому, Григорию Богослову и Иоанну Златоусту.
О, пресветлые светильники Церкви Христовой, Василие, Григорие и Иоанне! Светом православных догматов все концы земли озарившие и мечом слова Божия смущения хулителей и шатания ересей угасившие! Припадая к вашему милосердию, с верою и любовию из глубины души вопием: предстояще Престолу Пресвятой, Единосущной, Животворящей и Нераздельной Троицы, за Нее же словом, писаниями и житием усердно подвизались и души свои полагали, всегда молитесь Ей, да укрепит и нас в Православии и единомыслии, и в непоколебимом даже до смерти исповедании веры Христовой, и от всей души послушании его Церкви Святой: да препояшет нас с высоты силою на всех невидимых и видимых врагов наших: да соблюдет Церковь свою незыблемой от неверия, суеверия, ересей и раскола; да дарует архипастырям нашим здравие, долгоденствие и во всем благое поспешение: пастырям нашим да подаст духовное трезвение и ревность о спасении пасомых, правителям суд и правду, воинам терпение, мужество и одоление на врагов, сиротам и вдовицам заступление, болящим исцеление, юным в вере благое возрастание, старцам утешение, обидимым заступление, и всем для временной и вечной жизни потребное, да в мире и покаянии, желанием спасения горяще, Господу работающе, добрым подвигом подвизающеся, житие наше скончаем и сподобимся в Небеснем Царствии вместе с вами всегда воспевать и славить Пресвятое и Великолепое Имя Отца, и Сына, и Святаго Духа во веки веков. Аминь!