Православная литература. Читаем вместе.

Псалтирь Божией Матери – христианские песнопения Приснодеве Марии Богородице, составленные по подобию псалмов Давида великим духовным писателем – святителем Димитрием Ростовским.
В Псалтири Божией Матери выражена Ее неизреченная любовь ко всему роду христианскому. Каждый читающий эти псалмы найдет утешение и укрепление для своей души, почувствует отраду в сердце своем по молитвам Пресвятой Богородицы.
Псалом 1
Блажен муж, иже любит имя Твое, Приснодево Мати Марие: благодатию Твоею душа его утвердится, и яко древо при исходищах вод насаженное, множайшия плоды правды изнесет. Благословенна Ты в женах ради смирения и веры сердца Твоего; всех бо жен побеждаеши красотою Твоею, превосходиши Ангелов и Архангелов святынею, милости и щедроты Твоея везде проповедуются; Бог дела рук Твоих благословил есть.
Псалом 2
Госпоже, чесо ради шаташася языцы стужающии ми? Бурею ужаса и страха посрами и низложи их; да покрыет нас десница Твоя: расточи тучи беззаконий наших, возми бремя грехов наших. Приидите к Ней вси нуждающиися и обремененнии, и упокоит вас, приступите к Ней в напастех ваших, и осветит вас просвещение лица Ея; благословите Ю всем сердцем вашим; милости бо Ея полна земля.
Псалом 3
Госпоже, что умножишася видимыя врази стужающии ми? Бурею праведнаго гнева Твоего да развееши их. Помилуй мя Госпоже, и исцели немощи моя, согрей оледенелое сердце мое, и не предаждь мене в руки душевных врагов моих; в день смерти моея предстани в помощь души моей, приведи мя ко пристанищу спасения. Слава Тебе, безпомощных Заступнице.
Псалом 4.
Егда призвах Тя, Госпоже, с верою и надеждою на Тя, услышала мя еси, и от рыкающей поднебесной злобы, приуготовившейся снести мя, и от хищных рук, ищущих души моея, милостию Твоею защитила и избавила мя еси, понеже блага милость Твоя на всех призывающих имя Твое святое; благословенна Ты в женах, Госпоже, во веки, и владычество Твое вознесеся во век века.
Псалом 5.
Глаголы моя внуши, Госпоже, и не отврати от мене матернее лице Твое, обрати плач мой в радость, и сетование мое в веселие, да падут пред ногами моими врази мои, многомощными молитвами Твоими гордыя главы их сокруши, да благословит Тя всяк язык, и имя Твое исповесть всяка плоть; благословенна еси, о великаго Царя Небесного Дщи: Ты еси венец всей святыни, Ты еси слава горнему и дольнему Иерусалиму; благословлящии Тя избыточествуют в трудех своих, благословящии Тя будут благословенны, кленущии Тя прокленутся; да не умалится от дому рабов Твоих вина и елея изобилие; благословляем Бога создавшего Тя, благословени родители Твои рождшии Тя; благословенна еси, Госпоже, на небеси и на земли, хвальна и препрославленна во веке веков.
Псалом 6.
Госпоже, да не яростию Своею обличит нас грешных правосудный Госполь, ниже гневом Его накажемся; Ты, Заступнице наша, да попечешися о нас, и рассвятаго имени Твоего от врат адовых и от чрева мрачныя бездны Твоими молитвами избави нас; да поведаем во веки чудеса Твоя, понеже не мертвии ниже сущии во аде восхволят Тя, но мы живии благодатию Твоею благословим Тя.
Псалом 7
Госпоже моя, на Тя уповах; от врагов избави душу мою, яко да во смирении моем благоугожду Тебе; светлость лица Твоего да облистает душу мою, и принесу Тобою молитвы и моления к Высшему.
Псалом 8
Госпоже, Господь наш бысть Тобою Спаситель и брат наш; яко огнь купине и роса на руно на Тя сниде предвечное Божие Слово, Духу Святому нашедшу осени Тя сила Вышняго; благословен зачатый в Тебе плод чрева Твоего, благословенно Рождество Твое девственное, благословенна чистота плоти Твоея, благословенны щедроты сердца Твоего: слава Тебе всех верных усердная Заступнице.
Псалом 9
Исповемся Тебе, Госпоже, всем сердцем моим и повем в людех вся чудеса Твоя, хвалу и славу Твою; по Господе Бозе Тебе подобает слава, и Тебе вознесется сердечный глас хвалы; кающиеся бо грешницы у Бога и в Боге обретают спасение Тобою; воздохнут они смиренне, и Ты, сердобольная Мати, исцеляеши сокрушение сердец их, в мире и тишине по трудех странствия своего, при Твоем утешительном предстательстве, почиют они о Господе.
Псалом 10
На госпожу Пречистую Деву Марию уповаю ради щедрот и милости Ея на наших призирают и руце Ея к сиротам и вдовицам простерты; взыщите Ю от юности вашея и прославит вас пред лицем Бога ходатайство Ея к престолу Его, отымет множество наших грехов, милость и утешение небесное всегда Она нам приносит. О, Приснодево Преблагословенная, простри к нам крепкую десницу Твою, со благоговением ю лобызаем, и не отврати от нас лице Твое.
Псалом 11
Спаси мя, Мати Премилостивая, источниче благостыни и бездна щедрот; коль коасны суть путие Твоя, и коль мирны стези Твоя, в Тебе сияет небесная доброта чистоты, свет правды, и светлости и истины; паче солнесного света одеяна еси ризами позлащенными, преиспещренными, преукрашенными красотою чистейших Твоих добродетелей; дванадесять пресветлых небесных звезд составляет венец, иже на главе Твоей: слава Тебе всех верных христиан усердная Заступнице.
Псалом 12
доколе, госпоже, забудеши мя и не избавиши мя в день скорби моея? Доколе вознеся дущевный враг мой на мя? Силою и властию Твоею сокруши его, буди мне немощнейшему, Госпоже, столп крепости и оружие сокрушающее врага, возвеличу Тя Благодатную, сердцем и устами прославлю, яко непобедимую Воеводу.
Псалом 13
Рече безумный, адский противник в сердце своем: пожену и постигну верных Христовых, и убиет их рука моя. Востани, Госпоже, предвари его, запни ему, и низложи вся злыя советы его: Твоему могуществу кто противу станет? Твоей власти кто воспротиворечит? Твою матернюю любовь к верным кто пресечет? Ад трепещет святейшаго имени Твоего, мертвыя востают от силы твоея; от единаго мановения твоего безчисленныя кровожадныя воинства погибают; о, Приснодево Богородице, невместимаго всемогущаго Бога во утробе Твоей вместила и носила еси.
Псалом 14
Госпоже, кто обитает в жилищи Божии, или кто вселится во святую горнюю Сионскую гору, идеже присещает свет лица Божия? Той боголюбец, иже по Бозе все упование свое на Тя едину возлагает, той боголюбец, иже во уме своем обносит всегда сладчайшее имя Твое, той боголюбец, иже боголюбец, иже воспевает чудеса и милости Твоя, той вселится в преблаженное жтлтще Божие, иже о, Преблагословенная Приснодево Марие, велечит душею Господа и радуется духом о едином Боге, Спасе своем. Потечем грешницы, потечем по стезям Матери Божией, держимся ъа стопы Ея крепко, и не отступим молитвами от Нея,