Православная молитва - Православная книга

23 июня (по старому стилю 10 июня)
Седмица 3-я по Пятидесятнице

Память святых угодников Божиих:
святых Рязанской митрополии, в Соборе прославленных, в их числе: святителя Гавриила (Городкова), архиепископа Рязанского (1785–1862), благоверной княгини Ирины Муромской, блаженной Любови Рязанской (Сухановской), Христа ради юродивой, святителя Мисаила, архиепископа Рязанского, Шацкого, и иных многих; святых Тобольской митрополии, в Соборе прославленных; мученика Александра и мученицы Антонины девы Кродамнской (III–IV вв.); святителя Василия, епископа Рязанского (XIII в.); святителя Вассиана, епископа Лавдийского (IV–V вв.); святителя Иоанна, митрополита Тобольского (XVII–XVIII вв.); священномученика Митрофана, пресвитера Пекинского, и иже с ним мучеников многих Китайских (1900); преподобного Силуана, схимника Печерского, в Дальних пещерах почивающего (XIII–XIV вв.); священномученика Тимофея, епископа Прусского (IV в.); священномученика Тимофея (Ульянова) пресвитера (XX в.); преподобной Фамари (Марджановой) исповедницы (XX в.); преподобного Феофана Антиохийского (IV в.).

Поздравляем именинников!

Тропарь, глас 5 (священномученику Мисаилу, епископу Рязанскому):
Богомудре отче Мисаиле, архиереев славо и сирых защитниче, безбоязненный проповедниче учения Божественнаго, ты, в вере правей сердца притекающих к тебе утвердив и священную одежду в крови мучения омочив, яко мученик и пастырь добрый явился еси. Молися прилежно Владыце Христу о спасении душ наших.

Кондак, глас 5 (священномученику Мисаилу, епископу Рязанскому):
Веселится радостне Церковь Русская, во обретении честных твоих мощей, священномучениче Мисаиле, ты бо, завет Пастыреначальника исполняя и о людех, не ведущих Господа, сердцем болезнуя, душу твою за паству положил еси. И нам простри руку помощи ходатайством твоим и управи наш путь ко спасению.

Тропарь, глас 3 (святым Тобольской митрополии):
Церкве Христовы светильницы, всея России украшение, святии вси, в земли Сибирстей просиявшия, Владыку всех молите мир вселенней даровати и душам нашим велию милость.

Кондак, глас 3 (святым Тобольской митрополии):
Днесь Собор Сибирских святых предстоит в Церкви и невидимо за ны молится Богу. Ангели со архиереи славословят, апостоли же с мученики ликовствуют, святии вси Церкве Христовы радуются и паства Сибирская веселится: вси бо купно молят Превечнаго Бога.

Тропарь, глас 3 (святителю Павлу (Конюскевичу), митрополиту Тобольскому):
Прославим, вернии, благочестие возлюбившаго и от юности иго Христово усердно восприимшаго, ревностнаго святителя Церкви Российския, в богоспасаемом граде Тобольске подвизавшегося. Ты же, богомудре отче Павле, телом убо в нетлении почивая, духом же Престолу Божию предстоя, моли спастися всем нам.

Кондак, глас 8 (святителю Павлу (Конюскевичу), митрополиту Тобольскому):
Звезду церковную, от Киево-Печерския Лавры возсиявшую и чрез Новград в Сибирскую страну достигшую, идеже ревностно служением своим сияющую, святителя почтим, Тобольския митрополии столетие венчавшаго: радуйся, отче Павле, всея Сибири чудотворче.

Тропарь, глас 4 (святителю Василию, епископу Рязанскому):
Первее в Муроме святительством почтен был еси, из негоже неправедно изгоняемь, на мантию, яко на легкий корабль, возшел еси, на нейже паче естества, яко бесплотен, по водам шествие творя, промышлением Вышняго и заступлением Богоматере управляемь, богоспасаемаго града Рязани достигл еси и в нем архиерейства престол восприим, богоданную паству Рязанскую добре упасл еси, святителю отче наш Василие, моли Христа Бога спастися душам нашим.

Кондак, глас 8 (святителю Василию, епископу Рязанскому):
Яко многосветлая здезда от града Мурома возсиял еси, святителю Василие, по водам же дошед до града нашего Рязани, Церковь Божию добре упасл еси, просвещая люди учением и житием твоим. Поминай и ныне чада твоя, молим тя, наставниче наш добрый, и за ны Христу Богу и Пречистей Его Матери молися, да благодарною душею зовем ти: радуйся, угодниче Христов и теплый к Богу о нас молитвенниче.

Тропарь, глас 8 (святителю Иоанну, митрополиту Тобольскому):
Наставниче благочестия, сиротствующих питателю, скорбящих утешителю, недугующих врачу безмездный, душею страждущих скорый помощниче, теплый молитвенниче о всех ко Господу, святителю отче Иоанне, моли Христа Бога спастися душам нашим.

Кондак, глас 2 (святителю Иоанну, митрополиту Тобольскому):
Явился еси во тьме неведения пребывающим просветитель, вдов и сирот утешитель, дивный врач немощствующих, младенцев и отроков наставник, родителем же пресветлое радование, святителю отче Иоанне, моли Христа Бога подати стране нашей в вере утверждение, воинству на враги победу и одоление, людем же Своим велию милость.

Тексты тропаря и кондака святителю Иоанну Тобольскому, его творения и другое в книгах: Илиотропион, или сообразование человеческой воли с Божественной волей; Царский путь Креста Господня, вводящий в Жизнь Вечную; Святые целители: молитвослов.

Тропарь, глас 4 (священномученику Митрофану, пресвитеру Пекинскому, и иже с ним пострадавшим):
Мученицы Твои, Господи, в царствии Китайстем просиявшии, веру Христову, яко щит, держаще и кумиром не поклоньшеся, от единоплеменник обезумевших муки и смерть прияша, усты отрока страстотерпца воспевающе: болезни за Христа ни во чтоже вменяем, за жизнь временную жизнь вечную улучити желающе.

Кондак, глас 2 (священномученику Митрофану, пресвитеру Пекинскому, и иже с ним пострадавшим):
Яко сокровище многоценное, трилетне в земли сокровенное, обретошася мощи ваша, священнотаинниче Митрофане со овцы учений твоих, во граде Пекине просиявшими, благодать неоскудную подающе душам нашим. Сего ради с радостию и любовию воззовем: молитвами страстотерпец, Христе Боже, помилуй нас.

Тропарь, глас 3 (преподобному Силуану, схимнику Печерскому, в Дальних пещерах почивающему):
Многого ти ради воздержания и безмернаго пощения приемый благодать чудотворения и к Богу велие дерзновение стяжавый, постником удобрение, Силуане, Тому молися, да подаст нам мир и велию милость.

Кондак, глас 8 (преподобному Силуану, схимнику Печерскому, в Дальних пещерах почивающему):
В бденном и трезвенном молении и крепком всегдашнем пребывая пощении, тело свое умерщвлял еси, Силуане преподобне, и многих учением твоим в таяжде добродетели наставляя, привел еси Христови. Емуже в веселии днесь предстоя, поминай нас, чтущих память твою.
В таяжде – в той же самой.

О преподобном Силуане, схимнике Печерском, в Дальних пещерах почивающем, тропарь и кондак святому читайте в книге: Святые Киево-Печерские.

Тропарь, глас 4 (священномученику Тимофею, епископу Прусскому):
И нравом причастник, и престолом наместник апостолом быв, деяние обрел еси, богодухновенне, в видения восход; сего ради слово истины исправляя, и веры ради пострадал еси даже до крове, священномучениче Тимофее, моли Христа Бога спастися душам нашим.

Кондак, глас 4 (священномученику Тимофею, епископу Прусскому):
Во святителех благочестно пожив и мучения путь прошед, идольския угасил еси жертвы, и поборник быв твоему стаду, богомудре. Темже тя почитающе, тайно вопием ти: от бед избави ны присно твоими мольбами, отче наш Тимофее.

О священномученике Тимофее, епископе Прусском, читайте в книге: Жития всех святых / Сост. Иоанн Бухарев.

Православная проза www.pravmolitva.ru/catalog/pravoslavnaya-proza-propovedi-nastavleniya.html