Православная молитва - Православная книга

19 июня (по старому стилю 6 июня)

Память святых угодников Божиих:
преподобномучениц дев Архелаи, Феклы и Сосанны (Сусанны) Салернских (III в.); преподобного Виссариона Египетского, чудотворца (IV–V вв.); преподобного Илариона Нового, исповедника, игумена Далматского (VIII–IX вв.); святителя Ионы, епископа Великопермского (Устьвымского) (XV в.); преподобного Ионы Климецкого (Клименецкого), Олонецкого (XVI в.); преподобного Паисия Угличского (XV–XVI вв.); преподобного Рафаила (Шейченко) исповедника (XX в.).

Поздравляем именинников!

Кондак, глас 2 (преподобному Виссариону Египетскому, чудотворцу):
Вышних Сил подражав, преподобне, образом птиц житие пожил еси, временная в забытии положив, непрестанным желанием влеком к Небесным добротам Христа Царя, дондеже Того достигл еси, Виссарионе, моли непрестанно о всех нас.

О преподобном Виссарионе Египетском, чудотворце читайте в книгах: Жития всех святых; Достопамятные сказания о подвижничестве святых и блаженных отцов. – М., с. 56–60; Отечник / Сост. свт Игнатий (Брянчанинов).

Кондак, глас 2 (преподобному Илариону Новому, Далматскому):
Ограды живоносныя твоея пажити, пастырски невредимо стадо соблюл еси и явился еси высотою дел велик, новый Иларионе, по благочестии многи муки и скорби прием: тем во всерадостный живот вселився Горняго Сиона, моли за ны, преподобне.

Тропарь, глас 4 (святителю Ионе, епископу Великопермскому):
Святителю Церкви Великопермстей, истинный хранителю апостольских преданий, столпе непоколебимый Православия, благочестия учителю, Ионо святителю блаженне, Владыку всех моли мир пастве твоей и всей Русстей земли даровати и всем нам спастися.

Тропарь, глас 4 (преподобному Ионе Климецкому (Клименецкому), Олонецкому):
Ангельскому житию поревновав, блаженне Ионо, оставил еси отечество твое, Великий Новград, и пришед в пределы Олонецкия, и в пустыню вселився, в труде, молитвах и слезах подвизался еси, и яко мудрый купец, Царствие Небесное наследовал еси. Темже любовию вопием ти: моли Христа Бога, да спасет души наша.

Кондак, глас 2 (преподобному Ионе Климецкому (Клименецкому), Олонецкому):
Христовым стопам последователь быв, блаженне Ионо, радуяся, вселился еси в пустыню, вышняго Промыслом наставляем, и, не убоявся вражиих приражений, якоже столп непоколебим, уготовил еси себе в жилище Духу Пресвятому, мы же, память твою совершающе, вопием радостно: радуйся, яко озаряеши нас чудесы твоими; радуйся, яко оставил еси временная ради будущих благ. Радуйся, яко возставляеши ленивых ко спасению. Моли убо Христа Бога, отче преподобне, да спасет души наша в День Судный.

Тропарь, глас 8 (преподобному Паисию Угличскому):
Христовы ради любве отечество и род оставил еси и, ангельскому житию поревновав, духовному отцу твоему, преподобному Макарию, подражатель быв, града Углича достигл еси и близ того при водах в пустыню, Ангелом показанную, вселился еси, и множество монахов собрал еси, имже и наставник ко спасению быв, и чудес дарования от Бога приял еси, Паисие преподобне, моли Христа Бога спастися душам нашим.

Кондак, глас 8 (преподобному Паисию Угличскому):
Украшен добродетельми, преподобне Паисие богодухновенне, Церкве Христовы красота был еси, подвиги бо иноческими украси ю, блаженне. Темже молим тя: молися ко Господу свободити нас от всякия брани борителя, вопиющих ти: радуйся, отче преблаженне.

Тропарь, глас 4 (преподобноисповеднику Рафаилу (Шейченко) Оптинскому):
Яко столп светозарный благочестия, тьму попрал еси безбожия и нечестия и, веру Православную неложно сохранив, благославный исповедник Христа явился еси, любве же отеческия исполнен быв, венечник Оптинскаго старчества показался еси, отче преподобне Рафаиле, моли Христа Бога спасти и просветити души наша.

Кондак, глас 2 (преподобноисповеднику Рафаилу (Шейченко) Оптинскому):
Крест на рамо взем, путем многоскорбным потекл еси и, любовию враги побеждая, Христов подобник явился еси и дерзновение непостыдное обрел еси, темже молися о всех, любовию поющих тя, яко да улучат милость в День Судный.

На заседании Священного Синода РПЦ 27 декабря 2023 г. (журнал № 131) утверждён к общецерковному богослужебному употреблению текст службы преподобноисповеднику Рафаилу (Шейченко) Оптинскому.

Творения святых отцов www.pravmolitva.ru/catalog/tvoreniya-svyatyh-otcov.html