Православная молитва - Православная книга

8 июня (по старому стилю 26 мая)

Память святых угодников Божиих:
апостола от 70-ти Алфея Капернаумского и детей его мученика Аверкия и мученицы Елены (I в.); мученика Георгия Нового, Серба, Софийского (Болгарского) (XV–XVI вв.); преподобного Иоанна Психаита исповедника (IX в.); апостола от 70-ти священномученика Карпа, епископа Берийского (Македонского) (I в.); преподобного Макария, игумена Калязинского, чудотворца (1400–17.03.1483).

Поздравляем именинников!

Тропарь, глас 4 (мученику Георгию Новому, Сербу, Софийскому (Болгарскому):
Божественным желанием от юнаго возраста весь сам себе Господеви возложив, в молитвах и постех образ быв добродетели, богатство же и славу, и доброродство телесное, яко не сущее, презрев, и Христа единаго от души возлюбил еси, и Того истиннаго суща Бога, в Троице покланяема, пред нечестивыми проповедал еси; и срацинскую веру, и законы Моамедовы под ногами поправ, и мучителя ужасив, мучения венцем украсився, славне, к Небесным востекл еси ликостоянием, премудре Георгие. Моли Христа Бога сохранити отечество твое, и спасти люди и град, иже твоя подвиги присно почитающия.

Кондак, глас 4 (мученику Георгию Новому, Сербу, Софийскому (Болгарскому):
Яко звезда пресветлая явился еси непрелестная мирови, праведнаго Солнца Христа возвещающи, страдании твоими, страстотерпче великий мучениче Христов Георгие, и прелесть погасил еси срацинскую, и Моамедова предания и законы под ногами твоими попрал еси; и беззаконнаго царя, и мучителей ужасил еси крепким твоим терпением; и верным подаеши свет, моляся к Богу непрестанно о всех нас.

Тропарь, глас 3 (апостолу от 70-ти священномученику Карпу, епископу Берийскому):
Апостоле святый Карпе, моли Милостиваго Бога, да прегрешений оставление подаст душам нашим.

Кондак, глас 4 (апостолу от 70-ти священномученику Карпу, епископу Берийскому):
Яко звезду пресветлую, Церковь всегда стяжа тя, апостоле Карпе, чудес твоих многоподаванием просвещаема, спаси верою чтущих память твою.

Тропарь, глас 2 (преподобному Макарию, игумену Калязинскому, чудотворцу):
Яко древо насаждено при водах воздержания, струями слез твоих напаяем, преподобне отче Макарие, сеяв бо со слезами, в радости жнеши добродетельныя рукояти; тем Великий Мздодавец плоды трудов твоих прият и в житницах Небесных те сокровища положи, но поминай чтущих любовию пресветлую память твою и моли Святую Троицу, преподобне Макарие, спастися душам нашим.

Кондак, глас 8 (преподобному Макарию, игумену Калязинскому, чудотворцу):
Яко финикс псаломский во удолиих постнических процвел еси, трудов своих поты, яко плоды духовными, возвеличил еси над всеми Бога, но яко имея дерзновение ко Святей Троице, поминай нас, чтущих любовию святую память твою, да зовем ти: радуйся, преподобне Макарие, отче наш.

Православная литература www.pravmolitva.ru/catalog/pravoslavnaya-literatura.html