Православная молитва - Православная книга

5 июня (по старому стилю 23 мая)

Память святых угодников Божиих:
преподобного Давида Гареджийского (VI в.) (переходящее празднование в четверг по Вознесении); мучениц Евдокии (Шейковой), Дарии (Тимагиной), Дарии (Улыбиной) и Марии (Неизвестной) Пузинских (XIX–XX вв.); преподобной Евфросинии, игумении Полоцкой (ок. 1104–1173); святителя Леонтия, епископа Ростовского (XI в.); преподобного Михаила исповедника, епископа Синадского (Фригийского) (VIII–IX вв.); преподобномученика Михаила Савваита, Едесского, черноризца (IХ в.); преподобного Паисия Галичского, архимандрита (XV в.); Ростово-Ярославских святых, в Соборе прославленных.

Поздравляем именинников!

Тропарь, глас 4 (праздника Вознесения Господа нашего Иисуса Христа):
Вознеслся еси во славе, Христе Боже наш, радость сотворивый учеником, обетованием Святаго Духа, извещенным им бывшим благословением, яко Ты еси Сын Божий, Избавитель мира.

Кондак, глас 6 (праздника Вознесения Господа нашего Иисуса Христа):
Еже о нас исполнив смотрение, и яже на земли соединив Небесным, вознеслся еси во славе, Христе Боже наш, никакоже отлучаяся, но пребывая неотступный, и вопия любящим Тя: Аз есмь с вами, и никтоже на вы.

Тропарь, глас 8 (преподобному Давиду Гареджийскому):
В тебе, отче, известно спасеся еже по образу: приим бо крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней; темже и со Ангелы срадуется, преподобне Давиде, дух твой.

Кондак, глас 2 (преподобному Давиду Гареджийскому):
Чистотою душевною божественно вооружився и непрестанныя молитвы, яко копие вручив крепко, пробол еси бесовская ополчения, Давиде отче наш, моли непрестанно о всех нас.

О преподобном Давиде Гареджийском, о чем ему молятся, тексты молитв в книгах: Молитвы святым Божиим с краткими сведениями о житиях и помощи в разных нуждах; Молитвы о рождении ребенка; Молитвослов «Господи, храни моих детей». – М., с. 14–16.

Тропарь, глас 4 (мученицам Евдокии (Шейковой), Дарии (Тимагиной), Дарии (Улыбиной) и Марии (Неизвестной) Пузинским):
Царствия ради Небеснаго мир и вся яже в мире оставили есте, тесноту совершеннаго послушания возлюбивши, дивныя подвижницы и Христа ради мученицы в годину лютых испытаний в земли Нижегородстей процветшия, блаженныя матери наша Евдокие, Дарие, Дарие и Марие, молитеся о спасении душ наших.

Кондак, глас 6 (мученицам Евдокии (Шейковой), Дарии (Тимагиной), Дарии (Улыбиной) и Марии (Неизвестной) Пузинским):
Житием праведным к достойному приятию мученичества себе уготовиша, тридневная избиения и смерть претерпели есте, невесты Христовы предивныя, блаженныя Евдокие, Дарие, иная Дарие и Марие. Ныне многими чудесы и исцелении просиявша, молитеся прилежно, да спасет Господь души наша.

Тропарь, глас 1 (мученице Евдокии (Шейковой) Пузинской):
Древним подвижником уподобилася еси и долготерпение многострадальное стяжала еси, плоть твою болезнями, постом, нищетою и холодом изнуривши, блаженная мати наша, мученице Евдокие, страдания и смерть за Христа претерпела еси и ныне в горнем Иерусалиме у Престола Божия предстоиши, помози и нам до конца верным Господу быти и твоими молитвами спастися.

Кондак, глас 8 (мученице Евдокии (Шейковой) Пузинской):
Истинныя веры проповеднице безбоязненная, мученице мати наша Евдокие, непрестанною молитвою, бдением и смирением благодать Святаго Духа стяжала еси и души многия ко Христу привела еси, доблестно страдания лютая прияла еси, моли Милостиваго Бога спастися душам нашим.

Тропарь, глас 4 (преподобной Евфросинии, игумении Полоцкой):
Подражающи дванадесятолетна дванадесятолетну Христу, учившему во святилищи, Божию слову последовала еси, Евфросиние, славу временную и земнаго обручника оставльши и вся мирская презревши, краснейшему паче всех Христу себе уневестила еси. Крест вземши, путем ангельскаго жития шествующи и многия к нему наставляющи, во благоухании мира в Небесный чертог востекла еси, идеже моли, Егоже возлюбила еси, о чтущих благочестно память твою.
Вено – брачный выкуп.

Кондак, глас 8 (преподобной Евфросинии, игумении Полоцкой):
Чистое свое девство и честное милостынею, яко светильник елеем, украсившую и с мудрыми девами в пресветлый чертог Христов вшедшую, Евфросинию славную ублажим и, припадше к честным ея мощем, насладимся ея благоухания и умильне к ней возопиим: яко имея дерзновение ко Христу Богу, моли избавитися зловония страстей и спастися душам нашим.

Величание
Ублажаем тя, преподобная мати Евфросиние, и чтим святую память твою, ты бо молиши о нас Христа Бога нашего.

О преподобной Евфросинии Полоцкой читайте в книгах: Жития всех святых; Святые Киево-Печерские.

Тропарь, глас 4 (святителю Леонтию, епископу Ростовскому):
Апостолом сопричастник и к Богу молебник верен, добродетельми возшед на Небесная, и любовь возложил еси к Любящему тя, и неверныя люди обратил еси в веру. Тем ныне, со Ангелы ликуя, предстоиши Престолу славы всех Царя Христа Бога: молися, святителю Леонтие, да спасет души наша.

Кондак, глас 4 (святителю Леонтию, епископу Ростовскому):
Жития ради чистоты, Всевидец Господь свет Свой насади в души твоей, вразумити люди многия твоими учении, Леонтие преподобне.

Тропарь, глас 8 (преподобному Михаилу исповеднику, епископу Синадскому (Фригийскому):
В тебе, отче, известно спасеся еже по образу: приим бо крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней; темже и со Ангелы срадуется, преподобне Михаиле, дух твой.

Кондак, глас 8 (преподобному Михаилу исповеднику, епископу Синадскому (Фригийскому):
Яко архиерей всечестен и благочестия священнострадалец, прещения злоименитаго не убоявся, еретическое того противление победил еси, свободным гласом велегласно вопия: иконе покланяюся Христове и Пречистыя Того Матере. Сего ради тя почитаем, Михаиле.

Тропарь, глас 8 (преподобному Паисию Галичскому):
Днесь возсия нам память твоя, славне и дивне, яко солнце светозарное, лучами озаряющи весь мир, тако и ты, преподобне, чудесы своими тьму нощи злы духов от нас отгоняеши; днесь Небесныя Силы, и святых Ангел, и души праведных мысленно торжествуют радующеся. Днесь и мы, грешнии, припадающе к честному твоему образу молимся: о преподобне Паисие, Христа Бога моли непрестанно спасти град и люди, иже тебе почитающия.

Кондак, глас 3 (преподобному Паисию Галичскому):
Возсия, Господи, граду твоему Галичу, яко светозарное солнце, угодник Твой Паисий, радостно вселенную озаряя своими чудесы, и приходящих с верою ко гробу его святому; тако молитвами Пресвятыя Богородицы от бед всех нас избави, и упраздни варварская шатания, яко мы, людие твои, Господи, и град наш и страна вельми Тобою хвалится, и спасается молитвами преподобнаго Паисия.

Собор Ростово-Ярославских святых
Празднование Собора Ростово-Ярославских святых установлено решением Святейшего Патриарха Московского и всея Руси Алексия I и Священного Синода Русской Православной Церкви 10.03.1964 г. Празднование совпадает с днём памяти святителя Леонтия, епископа Ростовского, апостола Ростово-Суздальской земли. Служба Собору составлена митрополитом Никодимом (Ротовым) и впервые опубликована в Журнале Московской Патриархии (1969, № 10, с. 87–95). В Собор включены имена святых XI–XVIII веков. В состав Собора входят также святые новомученики и исповедники ХХ в. Память Ростово-Ярославских святых празднуется 23 мая/5 июня.

Тропарь, глас 4 (Ростово-Ярославским святым, в Соборе прославленным):
О благочестный Соборе, о людие избраннии, святителие, преподобнии и праведнии, и благовернии граждане Российстии, яко звезды на тверди церковней, страны Ростовския и Ярославския к Богу предстателие, величаем с любовию вас, по плоти наших сродников. Вы же молитеся даровати мир стране и Церкви нашей, благословение и милость Божию всем людем, всепрощение и спасение, ходатаи бо есте приснии о нас ко Святей Троице.

Кондак, глас 4 (Ростово-Ярославским святым, в Соборе прославленным):
Новаго Завета Бога с человеки хранителие, Евангельских заповедей исполнителие, в добрех делех совершеннии, святителие мудрии, преподобнии и праведнии богоноснии, землю Ростовскую и Ярославскую облагоухавшии молитвами, именуемии вси и неименуемии, явленнии и сокровеннии, предстояще Живоначальней Троице, не отступайте от нас духом и Божественное милосердие преклоните к нам, да со дерзновением славу в вышних Богу вси приносим, да пребудет на земли мир нерушимый, любовь же и благоволение посреде всех человек.

Тропарь, глас 4 (святителям Ростовским Леонтию, Исаии, Игнатию, Иакову, Феодору, Димитрию, в Соборе прославленным):
Святителие премудрии, паствы вашея учителие богопросвещеннии, веру Евангельскую в людех преумноживши, любве Небесныя на земли достоподражательнии образи, люди страны Ростовския и Ярославския приобщавши спасению, служителие воистину Божии и сопричастницы апостолов достойнии явилися есте, Леонтие священномучениче, Исаие, Игнатие, Иакове, Феодоре и златословесниче Российский Димитрие, Христа Бога молите о архиереех, на престоле вашем преемницех, о людех, благочестно вас почитающих, о стране нашей православней и о всей Христовой Церкви.

Молитвы на разные случаи www.pravmolitva.ru/catalog/molitvy-na-raznye-sluchai.html