Православная молитва - Православная книга

24 июня (по старому стилю 11 июня)

Празднование в честь икон Пресвятой Богородицы: «Достойно есть» («Милующая») (X в.); «Споручница грешных» Корецкой (1622 г.) (переходящее празднование в четверг 1-й седмицы по Пятидесятнице)

Тропарь, глас 4 (перед иконой Божией Матери «Споручница грешных»):
Умолкает ныне всякое уныние, и страх отчаяния исчезает, грешницы в скорбех сердца обретают утешение и Небесною любовию озаряются светло: днесь бо Мати Божия простирает к нам спасающую руку и от пречистаго образа Своего вещает, глаголя: Аз Споручница грешных к Моему Сыну, Сей дал Мне за них руце слышати Мя выну. Темже людие, обремененнии грехми и скорбьми многими, припадите к подножию Ея иконы со слезами, вопиюще: Заступнице мира, грешным Споручнице, умоли Матерними Твоими молитвами Избавителя всех, да Божественным всепрощением покрыет грехи наша и светлыя двери райския отверзет нам, Ты бо еси предстательство и спасение рода христианскаго.

Кондак, глас 1 (перед иконой Божией Матери «Споручница грешных»):
Честное жилище бывшее неизреченнаго естества Божественнаго, выше слова, и паче ума, и грешным еси Споручница, подаваеши благодать и исцеление, яко Мати всех царствующаго: моли Сына Твоего получити нам милость в День Судный.

Величание
Величаем Тя, Пресвятая Дево, и чтим образ Твой святый, имже болезни наша врачуеши и души к Богу возводиши.

Тропарь, глас 4 (перед иконой Божией Матери «Достойно есть», или «Милующая»):
Притецем, вернии, со дерзновением к Милующей Царице Богородице и умиленно воззовем к Ней: низпосли на ны милости Твоя богатыя; благоверныя люди наша во здравии и благоденствии соблюди, град сей избави от всякаго обстояния, мир даруй мирови и спасение душам нашим.

Кондак, глас 4 (перед иконой Божией Матери «Достойно есть», или «Милующая»):
Празднует днесь весь Афон, яко песнь прият от Ангела чудно Тебе, Чистей Богоматери, Юже вся тварь чтит, славящи.

Величание
Достойно есть величати Тя, Богородице, Честнейшую Херувим и Славнейшую без сравнения Серафим.

Об истории иконы «Достойно есть» («Милующая»), о чем молятся перед ней Богородице, тексты тропаря, кондака, величания, молитвы в книгах: Молитвы об успехах в торговле. – М., 2015, с. 23–26; Молитвы о материальном благополучии; Чудотворные иконы Пресвятой Богородицы. – М., СПб, 2016, с. 78; Молитвослов. Последование ко Святому Причащению. Молитвы за ближних. Молитвы на всякую потребу. – М., 2015, с. 238–239 ( pravmolitva.ru ).

Православная книга почтой pravmolitva.ru