Православная молитва - Православная книга

При жизни преподобный Серафим Вырицкий (1866–1949 гг.) учил не просить у Господа ничего земного (Ему лучше известно, что для нас полезно), а молиться так: «Предаю, Господи, себя, детей своих и всех родных и ближних в Твою святую волю». Старцу молятся также об укреплении в Православной вере, обретении спокойствия духа и дара молитвы, избавлении от греховных страстей, о спасении души и об исцелении от телесных недугов, даже неизлечимых (особенно слепоты). Архимандрит Иоанн (Крестьянкин) часто посылал в Вырицу молиться на могилке отца Серафима людей, искавших работу, и они, по вере своей, ее обретали. Поэтому помощи преподобного Серафима Вырицкого просят также люди, нуждающиеся в трудоустройстве и решении других житейских проблем.

Молитва
преподобному Серафиму Вырицкому

О преподобне и богоносне отче наш Серафиме, Вырицкий чудотворче, теплый молитвенниче и предстателю наш пред Господем, образе смирения Христова, дивное прозябение земли Русския в годину гонений жестоких на Церковь Православную! Ты в земном житии твоем добрый послушник Евангелия Христова явился еси, темже и нас научи глаголам Господним добре внимати и неленостно последовати; ты, отче преподобне, жизнь свою в руце Промысла Божия от юности вверил еси, сего ради и нас настави вся бывающая, равно и скорбная, и радостная, яко от руки Господней благодарно принимати; ты, боголюбезне отче, еще в миру сый, непрестанной молитве навыкл еси, в монашестве же к ангельскому совершенству востекл еси, темже и нам помози прилежно имя Сладчайшаго Господа Иисуса Христа призывати во вся дни жизни нашея; ты, отче кроткий и благоуветливый, ум и язык ко осуждению ближняго никогдаже подвигнути изволивый, но о спасении всякаго человека моливыйся, и нас умудри по заповеди Господней ни единаго же осуждати, но всем сострадати и о всех молитися; ты, отче преподобне, память смертную в сердце твоем выну соблюдал еси, о благах века грядущаго помышляя, темже и нас научи сим спасительным памятованием востания страстей утоляти и добродетели евангельския в сердцах наших возращати; ты, Богу возлюбленне, извещения о времени своея кончины от Творца всяческих и посещения Богоматери во исходе твоем от сей жизни сподобился еси, испроси и нам кончину христианскую улучити и невозбранно мытарства воздушныя прейти; ты, отче, всем приходящим к тебе был еси источник утешений и исцелений и по кончине твоей не оставляеши нас помощию твоею благодатною, сего ради исходатайствуй всем нам вся яже ко спасению души потребная и пользе телесной нужная. Се, ныне, преподобне Серафиме, ты веселишися пред лицем Бога нашего, в Троице славимаго, в вечном Царстве славы Его, темже молися о нас и о всех православных христианех, да сподобимся во Царствии Небеснем с тобою и с честными Безплотными Силами, Херувимами и Серафимами, прославляти Отца и Сына и Святаго Духа, Бога нашего, дивнаго во святых Своих, во веки веков. Аминь.

© Михаил Тихомиров
Цитируется в сокращении по кн.: МОЛИТВЫ О ПОМОЩИ В РАБОТЕ И ТРУДОУСТРОЙСТВЕ. – М.: Изд. Тихомирова М.Ю., 2017, с. 50-55. ИС Р15-542-3655

Православная книга почтой pravmolitva.ru