Православная молитва - Православная книга

pravmolitva.ru малые иконы
ЯКОЖЕ СРОДНИЦЫ ТВОИ, БОРИС И ГЛЕБ, ЯВИШАСЯ ТЕБЕ С НЕБЕСЕ В ПОМОЩЬ, ПОДВИЗАЮЩЕМУСЯ НА ВЕЛГЕРА СВЕЙСКАГО И ВОЕВ ЕГО, ТАКО И ТЫ НЫНЕ, БЛАЖЕННЕ АЛЕКСАНДРЕ, ПРИИДИ В ПОМОЩЬ ТВОИМ СРОДНИКОМ И ПОБОРИ БОРЮЩИЯ НЫ.

Молитва благоверному великому князю Александру Невскому
Скорый помощниче всех, усердно к тебе прибегающих, и теплый наш пред Господем предстателю, святый благоверный великий княже Александре! Призри милостивно на ны, недостойныя, многими беззаконии непотребны себе сотворшия, ко святей иконе твоей ныне притекающия и из глубины сердца к тебе взывающия. Ты в житии твоем ревнитель и защитник Православныя веры был еси; и нас в ней теплыми твоими к Богу молитвами непоколебимы утверди. Ты великое возложенное на тя служение тщательно проходил еси; и нас твоею помощию пребывати коегождо, в неже призван есть, настави. Ты, победив полки супостатов, от пределов Российских оных отгнал еси; и на нас ополчающихся всех видимых и невидимых враг низложи. Ты, оставив тленный венец царства земнаго, избрал еси безмолвное житие, и ныне, праведно венцем нетленным увенчанный, на Небесех царствуеши; исходатайствуй и нам, смиренно молим тя, житие тихое и безмятежное и к вечному Царствию шествие неуклонное твоим предстательством устрой нам. Предстоя же со всеми святыми Престолу Божию, молися о всех православных христианех, да сохранит их Господь Бог Своею благодатию в мире, здравии, долгоденствии и всяком благополучии в должайшая лета, да присно славим и благословим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь.

Ассортимент малых икон (на МДФ, золотое тиснение, размер 6 х 8 см) представлен на сайте Православного Издательства Тихомирова М.Ю. pravmolitva.ru
Малые иконы pravmolitva.ru