Редкие Богослужебные тексты

МЕСЯЦА ДЕКАБРЯ В 22-Й ДЕНЬ
Преподо=бнаго и богоно=снаго отца= на=шего
Ники=фора Прокаже=ннаго, чудотворца

НА МАЛЕЙ ВЕЧЕРНЕ
На Го=споди, воззва=х: стихи=ры на 4, глас 4.
Подобен: Яко до=бля в му=ченицех:
Анфи=ма, иже в Хио=се, рече=ний/ послу=шаше, Ники=форе всече=стне,/ и поше=л еси мона=шескими стопа=ми:/ по=ст бо возлюби=л еси, бде=ние и молча==ние,/ и молитву непреста=нную,/ не пощаде=в прокаже=нныя плоти твоея=/ тве=рдою мы=слию,/ но по=двигом соде=лал еси ю\ сне=га беле=йшу.
Боле=зни в телеси= от прокаже=ния/ претерпе=л еси, яко Иов,/ ра=дуяся, крепкоду=шне,/ по=слежде о=чию лише=ние,/ члено=в же разслабле=ние, Ники=форе,/ оба=че взе=млем на высоту=,/ яко Евме=ний тя ви=де, честны=й ученик,/ я=коже Павел, до=броту Божию созерца=ше,\ ея=же ны=не наслажда=ешися, веселя=ся.
Дарова=ний честны=х кивот,/ Ники=форе, тя позна=хом,/ сокро=вище многоце=нное,/ Це=ркве же маргари=т и утвержде=ние,/ учи=теля иску=снаго непреста=нныя моли=твы,/ печа=льных утеше=ние,/ смире=ния и нестяжа=ния о=браз,/ благово=ния мироуха=ннаго вмести=лище,\ крин чуде=с сладкото=чный.
Христоимени=тых мно=жества/ пра=здник днесь ра=достен/ рукопле=щуще, пе=сньми, прииди=те, увенча=им/ Ники=фора прокаже=ннаго,/ ныне преше=дшаго/ прокаже=ния стезю= у=зкую/ и зва=ние де=лы оправди=вша,/ яко низло=жившаго силу злоко=зненнаго\ терпе=нием непрекло=нным боле=зней и печа=лей.
Сла=ва, глас 1:
Добропобе=днаго вене=чника Небе=снаго во=инства,/ прии=дите, побе=дно вси увенча=им./ Ники=фора прокаже=ннаго,/ безро=потно поне=сшаго крест/ преболе=зненныя не=мощи./ Терпе=нием искуше=н, па=че зла=та сия=ет/ и диади=му прекра=сную прия=л есть/ от руки= Госпо=дни./ Сего доброде=тели воспои=м,/ поне=же обрето=хом предста=теля к Бо=гу/ во еже дарова=ти всем\ очище=ние и ве=лию ми=лость.
И ны=не, предпра=знства, глас то=йже.
Подо=бен: Приими=, Симео=не:
Приими=те, ясли,/ Его=же в купине= Моисей законополо=жник/ прови=де в Хори=ве,/ ны=не ражда=ема от Девы/ Духом Боже=ственным./ Та есть, Яже в зако=не рече=нная,/ Та есть проро=ческая печа=ть,/ Яже Бога пло=тию тле=нным явля=ющи,\ Ему=же поклонимся.
На стихо=вне стихи=ры, глас 2.
Подобен: До=ме Евфрафов:
Яко весна= ди==вная/ в студени стра=стнем,/ боже=ственный Ники=фор процвете=/ и согрева=ет\ утеше=нием Небе=сным.
Стих: Честна= пред Го=сподем/ сме=рть преподо=бных Его.
Прокаже=ние твоея пло=ти/ проне=с, Ники=форе,/ яко Иов, до==бле,/ с ним же душа= твоя\ Бо=жию Престо=лу предстои=т.
Стих: Блаже==н муж, бояйся Го=спода,/ в за=поведех Его восхо=щет зело.
Крит о тебе игра=ет/ и Хио=с веселится/ твоею па=мятию, Ники=форе,/ Небе=сныя же Си=лы\ вся сликовству=ют.
Сла=ва, глас и подо=бен то=йже:
Отец с Сы=ном/ и Ду=хом Боже=ственным,/ Еди=ница Трисвята=я/ ны=не от ве=рных прие=млет\ песнь трисвяту=ю.
И ныне, самоподо=бен:
До=ме Евфра=фов,/ гра=де святы=й, / проро=ков сла=во,/ украси= дом,/ в не=мже Божестве=нный ражда=ется.

НА ВЕЛИЦЕЙ ВЕЧЕРНЕ
Блаже=н муж: 1-ый антифо=н.
На Го=споди, воззва=х: стихи=ры на 8, глас 1.
Подобен: Всехва=льнии мученицы:
Якоже весна= зимо=ю/ Ники=фора днесь прокаже=ннаго па=мять процвете=,/ стра=стный мраз отгоня=ющи,/ теплоту= душа=м подаю=щи,/ и боже=ственное вои=стинну ра=дование,/ лице земли/ благообра=зно крася=щи\светлостьми= жи=тия изря=днаго.
Прокаже=ния пренеся= пла=мень,/ Ники=форе всече=стне,/ паче зла=та просия=л еси,/ Христо=ву неизрече=нную явля=я добро=ту,/ и Сего соделався свети=льник верху= горы=,/ свет лия= незаходи=мый/ и боже=ственным веселие=м\ наставля=я ве=рных исполне=ния.
Кри=те, радуйся,/ своего= сына Ники=фора зря,/ белори=зно приоде=янна/ и вене=ц славы нося=ща,/ в горни=ле бо прокажения искова=н,/ пребысть адама=нт земный тверде=йший,/ и ны=не нетле=нное раздае=т бога=тство всем,\ страда=ния его ублажа=ющим.
Ины стихи=ры, глас 8.
Подобен: О, преславнаго чудесе:
О, дивное чудо!/ В прокаже=нней пло=ти Никифор всечестны=й/ а=нгельския дости=же чистоты= безме=рныя,/ претерпев страдание преболе=зненное,/ в веселии ныне радуется./ Того молитвами священными, Человеколю=бче,/ блаженства Небе=снаго Твоего\ ны сподоби.
Радуйся, Никифоре всече=стне!/ Терпения правило,/ крепкоду=шия о=бразе,/соверше=ннаго подвига начерта=ние богозна=менное,/воздержания дру=же любе=зный,/ нестяжа=ния вели=кий учи=телю,/ высото=, к неизрече=нному в плоти возвы=шенный!/ Небесе= узрел еси ди=вная,\ я=коже Павел пе=рвее.
Тру=дниче во благоче=стии изя=щный,/ многострада=льнаго Иова подража=телю усе=рднейший,/ ни=щаго Ла=заря,/ иже в стру=пех, равностоя=телю,/ в пещи= прокаже=ния/ я=ко дре=вле о=троцы боже=ственнии/ ста неуязви=мо,/ ра=дуяся же воспева=ше/ имя Бога нашего,\ Его же выну моли\ о любящих тя.
Слава, глас 8:
Благочестия ревни=теля,/ добраго подвига тру=дника,/ терпения глави=зну,/ Никифора честна=го/ прииди=те, согла=сно да почти=м./ Сей бо, проше=д/ сквозе= огнь и воду/ преболе=зненнаго прокаже=ния,/ изы=де ко упокое=нию ра=дости./ В горни=ле же печа=лей окова=нный,/ паче зла=та сия=ет,/ всем душа=м подая=\ блаже=нство спасе=ния.
И ныне, предпра=зднства, глас 4:
Вифлее=ме, украша=йся,/ воспо=й, гра=де Сио=не,/ ра=дуйся, пусты=не, предобруча=ющи ра=дость:/ звезда= бо предъи=дет в Вифлее=м,/ возвеща=ющи хотя=щаго роди=тися Христа=,/ и верте=п прие=млет Невмести=маго все=ми,/ и я=сли гото=вятся восприя=ти Жизнь ве=чную./ Тому= вси воспои=м и возопии=м:/ спаси= души на=ша, Иису=се Бо=же,\ воплоти=выйся нас ра=ди.
Вход. Прокимен дне. И чтения.
Притчей чтение (главы 10 и 8):
Па=мять пра=веднаго с похвала=ми, и благословение Госпо=дне на главе= его./ Блаже=н челове=к, и=же обре=те прему=дрость,/ и сме=ртен, и=же уве=де ра=зум./ Лу=чше бо сию купова=ти, не=жели зла=та и сребра= сокровища./ Честне=йшая же есть ка=мений многоце=нных,/ все же честно=е недосто=йно ея есть./ Долгота= бо дней и ле=та живота= в десни=це ея,/ в шу=йце же ея бога=тство и сла=ва. / От уст ея исходит пра=вда,/ зако=н же и милость на язы=це но=сит./ Послу=шайте у=бо мене=, о чада, честна=я бо реку=,/ и блаже=н челове=к, и=же пути моя сохрани=т:/ исхо=ди бо мои=, исхо=ди живота=, / и уготовля=ется хоте=ние от Го=спода./ Сего ради молю= вас, и предлага=ю мой глас сыново=м челове=ческим,/ яко аз, прему=дрость, устро=их совет, / и разум, и смысл аз призва=х, / мой совет и утвержде=ние,/ мой разум, моя же кре=пость./ Аз мене= лю=бящия люблю=, / и=щущии же мене обря=щут благода=ть./ Разуме=йте убо, незло=бивии, кова=рство,/ ненака=заннии же, прилага=йте сердца=./ Послу=шайте мене и па=ки:/ честна=я бо реку=/ и отве=рзу от усте=н пра=вая,/ яко и=стине поучи=тся горта=нь мой,/ ме=рзки же предо мно=ю устны= лжи=выя./ С пра=вдою вси глаго=лы уст моих,/ ничто=же в них стро=потно, ниже= развраще=нно./ Вся пра=ва суть разумева=ющим/ и про=ста обрета=ющим разум./ Науча=ю бо вас и=стине,/ да бу=дет о Го=споде наде=жда ваша,/ и испо=лнитеся Духа.
При=тчей чте=ние (главы 10 и 11):
Уста= пра=веднаго ка=плют прему=дрость,/ язы=к же непра=веднаго поги=бнет./ Устне= муже=й пра=ведных ка=плют благода=ти,/ уста= же нечести=вых развраща=ются./ Ме=рила льсти=вая ме=рзость пред Го=сподем, / вес же пра=ведный прия=тен Ему./ Иде=же а=ще вни=дет досажде=ние, та=мо и безче=стие,/ уста= же смире=нных поуча=ются прему=дрости./ Соверше=ние пра=вых наста=вит их/ и поползнове=ние отрица=ющихся упасе=т их./ Не по=льзуют име=ния в день я=рости, пра=вда же изба=вит от смерти./ Умер пра=ведный, оста=ви раска=яние,/ нару=чна же бывает и посмея=тельна нечести=вых па=губа./ Правда непоро=чнаго исправля=ет пути,/ в нече=стие же па=дает непра=вда./ Пра=вда муже=й пра=вых изба=вит их,/ безсове=тием же пленя=ются беззако=ннии./ Сконча=вшуся му=жу пра=ведну, не поги=бнет наде=жда,/ похвала= же нечести=вых поги=бнет./ Пра=ведник от ло=ва убе=гнет,/ в него=же место предается нечести=вый./ Во усте=х нечести=вых сеть гра=жданом,/ чувство же пра=ведных благоспе=шное./ Во благи=х пра=ведных испра=вится град,/и в погибели нечести=вых ра=дование./ Во благослове=нии пра=вых возвы=сится град, / усты= же нечести=вых раскопа=ется./ Руга=ется гра=жданом лише=нный ра=зума,/ муж же мудрый безмо=лвие водит.
Премудрости Соломони чтение (глава 3):
Пра=ведных ду=ши в руце Бо=жией, / и не прико=снется их мука./ Непщева=ни бы=ша во очесе=х безу=мных умре=ти,/ и вмени=ся озлобле=ние исход их,/ и еже от нас шествие — сокрушение,/ они же суть в мире. / Ибо пред лице=м челове=ческим аще и му=ку прии=мут,/ упова=ние их безсме=ртия испо=лнено./ И вма=ле нака=заны бы=вше, вели=кими благоде=тельствовани бу=дут,/ яко Бог искуси= я и обре=те их досто=йны Себе=./ Яко злато в горни=ле, искуси= их/ и, яко всепло=дие же=ртвенное, прият я. / И во вре=мя посеще=ния их возсия=ют / и, яко и=скры по сте=блию, потеку=т./ Су=дят язы=ком и облада=ют людьми=,/ и воцари=тся Господь в них во веки./ Наде=ющиися Нань разуме=ют и=стину / и ве=рнии в любви= пребу=дут Ему,/ яко благода=ть и ми=лость в преподо=бных Его/ и посеще=ние во избра=нных Его.
На литии стихи=ры самогла=сны
Глас 1:
Христо=ва до=браго и ве=рнейшаго раба=,/ Ники=фора блаже=ннаго,/ прииди=те, вси ублажи=м./ Свой бо тала=нт приле=жно возде=лав,/ в му=жестве изря=днем и ди=внем терпе=нии,/ стокра=т умно=жи./ Сего ради и вшед в неве=стник сла=вы,/ мо=лится с пра=ведными непреста=нно\ спасти=ся душа=м нашим.
Глас 2:
Звезду= пресве=тлую,/ от Кри=та возше=дшую/ и всю тварь светом своим новоле=пнейшим озари=вшую,/ прииди=те, светоиме=нными пе=сньми возвели=чим,/ Ники=фора Богому=драго,/ ра=дуйся, тому реку=ще,/ сы=не дне светоза=рный,/ и=же имя свое оправди=вый де=лы,/ я=ко победи=вый пло=ти мудрова=ние/ и увенча=выйся славы диади=мою./ Сла=ву даждь и нам обрести=,\ во веки пребыва=ющую.
Глас 3:
Схиму равноа=нгельную мона=шескую/ почти=л еси до=бре, Ники=форе Богочти=мый,/ Ангелом равностоя=телю./ Бде=нии бо мно=гими/ прокаже=нную плоть твою= умертви=в,/ к Небесе=м возводя=ше своя= душе=внеи очи,/ сего ради, те=лом вознесе=н,/ та=мо су=щия добро=ты созерца=ше неудобозри=мыя./ Моли=ся со Ангелы непреста=нно,/ я=ко да Богу угоди=ти сподо=бимся,/ растворя=ющему возлю=бленным Свои=м\ мир и ве=лию милость.
Глас 4:
Сокро=вище нетле=нное/ обре=л еси на Небесе=х,/ Ники=форе всеблаже=нне:/ возлюбил бо еси нищету/ паче зла=та и сребра=,/ нестяжа=ние избра=л еси=, та=кожде и послуша=ние,/ па=че всех многоце=нное./ Образ соде=лася кро=тости, мира же рачи=тель,/ безгне=вия друг и учи=тель,/ и вся=ческаго смире=ния де=латель наро=чит./ Сия и нас возде=лати сподо=би/ в чи=стей со=вести,/ я=ко да бога=тныя благода=ти да=ры\ от Бога восприи=мем.
Слава, глас 5:
Ве=лий Критский оток,/ матерь твоя свяще=нная,/ хва=-лится честны=м твоим пра=зднеством,/ Ники=форе велико-имени=тый./ Хио=с же наипа=че красу=ется,/ в сем бо, твер-до пренеся= страда=ния многая,/ написа=лся еси терпе=ни-ем./ Бога просла=вил еси, ди=внаго во святых,/ тя про-сла=вльшаго чудесы= изоби=льными/ и показа=вшаго тя Ду=ха сосу=д./ Моще=й твоих ра=ку яви=л еси/ кри=н Небе=с-наго благоуха=ния ве=рным./ Сей покланя=ющеся благого-ве=йно,/ благода=ть прие=млем живи=тельную\ и ве=лию ми=лость.
И ныне предпра=знства, глас 4:
Иса=ие, ликуй, Слово Божие восприе=м,/ прорцы= Отрокови=це Мари=и:/ купине= горе=ти и огне=м не сгара=ти заре=ю Божества=./ Вифлее=ме, благоукраси=ся,/ отве=рзи врата=, Еде=ме,/ и волсви=, иди=те ви=дети спасе=ние,/ в я=слех повива=емое:/ Его=же звезда= показа= верху= верте=па,/ Жизнода=вца Го=спода,\ спаса=ющаго род наш.
На стиховне, глас 5.
Подобен: Радуйся:
Ра=дуйся, служи=телю Христов,/ Сио=на Боже=ственнаго би=сере многоце=нный,/ о=бразе воздержа=ния,/ молитвы непреста=нныя сокро=вище ве=лие/ и учи=телю, благодати испо=лненный,/ прозре=ния зерца=ло,/ нестяжа=ния соверше=ннаго зна=мение,/ смире=ния глубо=каго восхожде=ние;/ утеше=ния словесы= твоими/ утвержда=яй изнемога=ющия,/ благодати Уте=шителевы раздая=телю,/благоуха=ние неизрече=нное,/ честны=й Ники=форе, прокаженных благоукраше=ние\ и сия=ние незаходи=мое.
Стих: Честна пред Го=сподем/ смерть преподобных Его.
Прокаже=ние твоея= плоти яко Иов/ доблему=дренне, Никифоре, поне=сл еси,/ сердцем чистейшим благодаря Бога,/ и, проходя= стезю спасе=ния,/ Ангельскою схи=мою разу=мно оболче=нный,/ внимая Анфи=мовым науче=нием,/ и по=стничества боже=ственный столп соде=лався,/ подви=жниче иску=снейший я=же свыше страда=льчества,/ до=блести кова=льнице,/ терпе=ния напечатле=ние,/ звездо,= блистающая во тьме сидя=щим,\ Божия све=тлосте.
Стих: Блажен муж, боя=йся Господа/ в за=поведех Его восхо=щет зело.
Крит ныне ра=достию игра=ет,/ яко светоно=сна тя сына показу=я/ и но=ваго страда=льца увенча=нна,/ о Ники=форе прокаже=нне,/ сне=га всяко чисте=йший,/ с ним же вку=пе/ Александри=я хва=лится/ и добросла=вный веселится оток Хио=сский,/ его=же благослови=л еси по=ты твоими./ Стольный же имени=тый/ Афинский град сликовству=ет,/ в нем бо веры путь/ в терпении сконча=л еси,/ Едем же сра=дуется,/ в его=же лоне дух твой\ выну водворя=ется.
Слава, глас 8:
На небовосхо=дную ле=ствицу добродете=лей/ вшел еси, Никифоре небому=дре,/ уче=ньми вели=каго наста=вника Анфима путеводи=мь./ Сей в Хио=се преподо=бно освяти=ся/ и Церковь всю преди=вно осия=./ С ни=мже Бога моли,/ освяти=тися и нам/ Божественною све=тлостию в Царствии Его,\ яко Отец есть неизче=тно Благоутро=бный.
И ныне, глас то=йже:
Восприими=, Вифлее=ме, Бо=жию митропо=лию:/ Свет бо незаходи=мый в Тебе роди=тися прихо=дит./ Ангели, удиви=теся на Небеси=, / челове=цы, просла=вите на земли,/ волсви=, от Перси=ды пресла=вный дар принеси=те,/ па=стырие, свиря=юще, трисвято=е пе=ние сла=дце воспо=йте:/ вся=кое дыха=ние да хва=лит Вседе=теля.
Тропарь, глас 4.
Подобен: Вознесыйся на Крест:
Пло=ти твоея= прокаже=ние/ мужему=дренно, яко Иов,/ претерпе=л еси, Ники=форе,/ ризу же души= твоея=/ све=тле очи=стил еси,/ соверше=нне же на ле=ствицу доброде=телей восше=д, / по=двиги твои=ми/ жи=тельства Ангельскаго дости=же,/ непреста=нно Богу поя=:/ Тебе слава подоба=ет,\ Тро=ице Единосу=щная.
Ин, глас 1.
Подобен: Пустынный житель:
Ники=фора преподо=бнаго прокаже=ннаго боре=нием/ и е=же в по=двизех му=жеству/ удиви=шася А=нгели,/ яко други=й бо Иов/ боле=зни претерпе=, сла=вя Бога,/ ныне же сла=вою увенчава=ется от Него=/ чуде=с раздая=нием./ Радуйся, мона=хов наста=вниче,/ ра=дуйся, челове=ком укрепле=ние,/ ра=дуйся, благоуха=ния обра=дование\ излива=яй от моще=й твоих.
Тропарь предпра=зднства, глас то=йже:
Гото=вися, Вифлее=ме,/ отве=рзися всем, Еде=ме,/ красуйся, Евфра=фо,/ яко древо живота/ в верте=пе процвете= от Девы:/ рай бо Оноя чрево яви=ся мы=сленный,/ в не=мже Боже=ственный сад, / от него=же я=дше, жи=ви бу=дем, / не я=коже Ада=м у=мрем. / Христос ражда=ется\ пре=жде па=дший возста=вити образ.

НА УТРЕНИ
По 1-м стихосло=вии седа=лен, глас 1.
Подо=бен: Гроб Твой, Спасе:
Да игра=ет, пра=во ве=руя, все собра=ние,/ во усте=х име=я песнопе=ния/ прокаже=нному ко удобре=нию, Никифору всечестно=му,/ и=же про=йде путь печа=лей, ра=дуяся,/ и показа=ся вся=кому смире=нию/ ме=ра превосхо=дная.
Слава, глас и подобен тойже.
Кри=та, ото=ка ве=лия, све=тлосте,/ прииди=, возра=дуйся, прокаже=ннаго Ники=фора зря=щи,/ в ри=зу блиста=ющую душе=ю оболче=ннаго/ и нетле=нный сла=вы вене=ц нося=щаго:/ со Ангелы же во Све=те пребыва=юща/ в Боже=ственных Селе=ниих.
И ны=не, глас 1.
Подобен: Камени запечатану:
Просвети=ся тварь,/ Зижди=тель бо предгряде=т роди=тися в верте=пе за неизрече=нную ми=лость./ Па=стырие, сря=щите со тща=нием,/ зря=ще чу=до стра=шно./ Прииди=те, волсви=,/ да=ры рука=ми держа=ще и глаго==люще:/ слава рожде=нному Царю=,/ сла=ва Путеводство=вавшему ны./ Сему, яко Царю всех, поклони=мся пло=тию.
По 2-м стихосло=вии седа=лен, глас 5.
Подо=бен: Собезнача=льное Слово:
Богодухнове=нными твоими страда=нии/ че=стне украси=л еси остров Хио=с, всеблаже=нне,/ стойко претерпев прокаже=нных затворе=ние,/ Христово Божественное имя возлюби=в от всея души,/ науча=яся я=же па=че ума Анфи=мовыми высо=кими словесы=,/ и соде=лався, Никифоре, в подвизе,/ ве=лий светоч Христов.
Слава, глас и подо=бен то=йже.
Иовлеву подража=ше крепкоду=шию/ в бу=рех жите=йских и многообра=зных беда=х, Ники=форе,/ изде=тска претерпе=в боле=зни/ в прокаже=нии твоея= пло=ти,/ о=чию помраче=ние и удо=в разслабле=ние,/ ныне же лику=еши со Ангелы/ у Престо=ла Владыки Христа.
И ныне, глас 3.
Подобен: Дева днесь:
Деву, ражда=ющую Преве=чное Сло=во,/ Ио=сиф пра=ведный песносло=вя, вопия=ше:/ ви=жду Тя, бы=вшую храм Госпо=день,/ нося=щую вся челове=ки спасти= прише=дшаго,/ и воспева=ющия Того= за милосе=рдие,/ Боже=ственныя хра=мы показу=ющаго.
По полиеле=и седа=лен, глас 4.
Подо=бен: Удивися Иосиф:
В терпе=нии, страда=льче,/ кре=пких боре=ний изря=дне,/ и=же в прокаже=ния пла=мене,/ я=коже о=троцы опаля=емь,/ и душе=ю твое=ю неги=блем пребы=в,/ сию= же па=че све=та сотвори=в чи=сту сия=ющу:/ Тро=йческаго Божества= блиста=нием,/ о Ники=форе досточти=ме,/ Бога моли\ всем душе=вных скве=рн омы=тися.
Слава, глас и подо=бен то=йже.
Бдения рачи=теля,/ в созерца=нии умудре=ннаго,/ делателя ве=рнаго непреста=нныя моли=твы,/ нестяжа=ния и=стинное начерта=ние,/ по=стничества борца= досто=йнаго,/ упра=вителя неле=стнаго ко смире==нию,/ послуша=ния сокро=вище духо=вное,/ Ники=фора да почти=м/ сла=вою преизоби=льною,\ его==же Владыка досто=йно увенча=.
И ныне, предпра=знства, глас 4.
Подобен: Скоро предвари:
Боже=ственне весели=тся тварь вся днесь:/ Христо=с бо Госпо=дь, Божий Сын,/ из Девы ражда=ется Чи=стыя,/ весь род челове=чь обезсме=ртствуя,/ разреша=я же кля=тву прама=тере Евы./ Тем яко Благоде=телю на=шему пе=ние принесе=м.
Степе=нна, 1-й антифо=н 4-го гласа. Проки=мен, глас 4: Честна= пред Го=сподем\ смерть преподо=бных Его=. Стих: Что возда=м Го=сподеви о всех, я=же воздаде= ми? Вся=кое дыха=ние: Ева=нгелие от Матфея, зачало 43.
По 50-м псалме= стихи=ра, глас 6:
Христо=вы Це=ркве освяще=нное свети=ло,/ превы=ше горы= пребыва=ющее/ и сия=нием доброде=телей/вся концы= озаря=ющее,/ Ники=фора прокаже=ннаго да восхва=лим./ Сей бо еле=ем терпе=ния/ душе=вный свети=льник испо=лни/ и, угото=вився, вни=де с му=дрыми де=вами/ в ра=дость Го=спода своего,\ славя Его всесвято=е и=мя.
Канон предпра=знства и сей, глас 6, его=же краегране=сие:
Ники=фора прокаже=ннаго хвалю=. Исидо=рово.
Песнь 1
Ирмос: Яко по су=ху пешеше=ствов Изра=иль,/ по бе=здне стопа=ми, гони=теля фарао=на ви=дя потопля=ема,/ Богу побе=дную песнь пои=м, вопия=ше.
Побе=дными ликовствова=нии увенча=н,/ Ники=форе всече=стне,/ прокаже=нную мою душу/ чи=стыми твои=ми озари= моли=твами,/ во е=же просла=вити твоя по=чести.
Цельбы= точа=щею благода=тию/ от Бога оби=льно обогатился еси, Ники=форе свяще=нне,/ яко подъя=вый прокаже=ния преболе=зненнаго/ многоле=тныя у=зы, присноблаже=ннейший.
Преукраше=н красото=ю доброде=телей,/ и зла=та светле=е блиста=я су=щим на земли=,/ сия=ющих лучей твоих заря=ми,/ Ники=форе, сердце мое возвесели=.
Богородичен: Вы=шняго дре=внее, Отрокови=це, изволе=ние/ в Тебе конец прия=т, Марие, всеи=стинно,/ яко Ро=ждшей Безнача=льнаго Бога,/ возводя=щаго челове=ки в Рай.
Песнь 3
Ирмос: Несть свят,/ я=коже Ты, Го=споди Бо=же мой,/ вознесы=й рог ве=рных Твои=х, Бла=же,/ и утверди=вый нас на ка=мени/ испове=дания Твоего=.
Гласом взыва=ше к Богу, я=коже Иов, Ники=форе,/ благоутро=бие Его из глубины= благословля=я,/ яко в прокаже=ния огни=/ душу твою Боже=ственне очи=стил есть.
Путь далеча=йший прохожда=ше/ от Кри=тскаго ото=ка/ ко граду Александри=йскому, блаже=нне,/ прибыв поспеше=нием/ и бе=дами жите=йскими, Ники=форе, иску=сно пользу обрета=я.
Жезл любве= Бо=жия име=я яко утвержде=ние,/ сиро=тства преше=л еси тесне=йшую стезю=,/ на Небеснаго Отца твою наде=жду, Ники=форе, возлага=я.
Богородичен: Отню=д не растли= Твою утро=бу Бог, Дево, всели=вся в ню, но, неизрече=нно вопло=щся, та=ко от тли сме=ртныя изведе= род челове=ческий.
Седален, глас 8:
Подобен: Премудрость и Слово:
Нищеты богатство восприи=м, прямоду=шно преше=л еси те=сную стезю вы=шняго соверше=нства,/ Ники=форе блаже=нне,/ в преподо=бнических бо нра=вех до=бре возвы=сился еси,/ и монахов украси=л еси божественная собрания,/ боле=ния претерпе=в тя=жкия немощи, прокаже=ния плоти,/ о=чию ослепле=ние и чле=нов разслабле=ние,/ Господа прославля=я выну, тя обогати=вшаго Небесными дарова=нии/ и показа=вшаго сосуд благоуха=нный Духа.
Слава, и ныне, предпразднства, глас 8.
Подобен: Повеленное тайно:
Рождества= Христо=ва предпра=зднственная соверша=юще,/ ве=рнии, торжеству=им и досто=йне вси предусря=щим, / я=ко волсви=, даронося=ще доброде=тели, воспе=ти а=нгельскую песнь но=вую/ от Де=вы Богоотрокови=цы в Вифлее=ме без се=мене ро=ждшемуся Богу на=шему, / Его=же славосло=вят вся=ческая.
Песнь 4
Ирмос: Христос моя си=ла,/ Бог и Господь, честна=я Це=рковь/ боголе=пно пое=т, взы=вающи/ от смысла чиста, о Го=споде пра=зднующи.
Поста=ми соверши=л еси жизни по=прище,/ бде=нии всено=щными и молитвами,/ яко ангел земны=й во плоти пожи=в, Ники=форе преди=вне.
Служе=ние воздал еси Богу в Ду=се/ смире=ния и сокруше=ния, блаженне, ра=дуяся,/ сего ра=ди восприя=л еси, о Ники=форе,/ от Него пи=щу нетле=нную.
Во ото=це Хио=сстем пожи=л еси,/ в приста=нище прокаже=нных,/ и в мона=шескую оде=ялся еси схи=му честну=ю,/ те=мже сла=ву восприя=л еси, в по=двизе твоем до=бре,/ Ники=форе свяще=ннейший.
Богородичен: Отца изволе=нием Сына родила= еси, Пресвятая Дево, без се=мене,/ Дух бо Святы=й во утро=бу Твою всели=ся,/ Богоро=дицу Тя сотвори.
Песнь 5
Ирмос: Божиим све=том Твоим, Бла=же,/ у=тренюющих Ти души любо=вию озари=, молю=ся,/ Тя ве=дети, Сло=ве Божий,/ и=стиннаго Бога,/ от мра=ка грехо=внаго взыва=юща.
Глаго=лом боже=ственнаго тайново=дца внима=ше, Анфи=ма му=драго,/ стезе=ю уча=ща тя ше=ствовати нра=вы благи=ми ко угожде=нию Богу,/Его=же, Никифоре, возвели=чил еси.
Очию ослепле=ние тле=нных терпя=ше, славя Бога,/ свет созерца=я Фаворский, Ники=форе, свети=льниче Христо=в, явля=я на земли= свет Ева=нгелия прети=хий.
Обнови=в пажить душевную веры ра=лом святым,/ клас возда=л еси бога=тный,/ всех ве=рных сердца= утвержда=я ны=не,/ любо=вию, Никифоре, воспева=ющих тя.
Богородичен: Мира родила еси Исто=чник, Влады=чице Дево Мари=е,/ вся язы=ки примири=ла еси Влады=це всех Богу/ и дре=вле расточе=нная/ Того волею во еди=но совокупи=ла еси.
Песнь 6
Ирмос: Жите=йское море/ воздвиза=емое зря напа=стей бу=рею,/ к ти=хому приста=нищу Твоему прите=к, вопию= Ти:/ возведи= от тли живо=т мой, Многоми=лостиве.
Ти=хости познал еси, Никифоре, исто=чник,/ и я=ко жа=ждущий еле=нь несумне=нно притека=ше пи=ти воду,/ жа=жду твоея= души утоля=ющую, вои=стинну.
Удобри=в нра=вы твоими прокаженных собрание,/ в доброде=телех пребы=л еси, Ники=форе,/ в преставле=нии светло возсиява=я и лице земли всесвяще=нно украси=в.
Ви=ден был еси на возду=сех носи=мь в час моли=твенный,/ твоему= ученику, богоприя=тне, Евме=нию,/ прибли=жшуся ти но=щию/ и узре=вшу Небе=сная, Никифоре, чудеса=.
Богородичен: Марие Богоневе=сто, де=вства чи=стый и нескве=рный Черто=же,/ душу мою, во тьме страсте=й седя=щую,/ возста=ви Твоими мольбами к Богу,/ Иже в Тебе воплоти=ся.
Кондак, глас 8:
Подобен: Взбранной:
Терпе=ния борца= до=блественнейшаго,/ послуша=ния же неподви=жимую тверды=ню,/ в ско=рби не=мощей искуше=ннаго,/ и та=ко Бога просла=вльшаго,/ Ники=фора прокаже=ннаго похва=лим,/ сему= глаго=люще:/ радуйся,/ побе=ды нося=й имя.
Икос
Непрекло=нен в по=двизе, Ники=форе, показа=лся еси=, прокаже=ния претерпе=в боле=зни. И Богу всеобра=зно себе предава=я, благода=рныя Тому хвалы= приноша=ше, от чи=стаго се=рдца твоего=, богоно=се. Тем и ны=не мы, благочести=вою любо=вию исполня=еми, вопие=м ти тща=нием такова=я: радуйся, кре=посте воздержа=ния; радуйся, исполи=не терпе=ния; ра=дуйся, боле=зни понесы=й в му=жестве; ра=дуйся, благоле=пие позна=вый в му=дрости; ра=дуйся, преподо=бных о=бразе, и=ноком упра=вителю;ра=дуйся, ве=рных к Боже=ственным доброде=телем наста=вниче; ра=дуйся, све=та сто=лпе, тварь озаря=яй; ра=дуйся, Це=ркве свеще=, ду=ши увеселя=яй; ра=дуйся, Кри=тская сла=во и сы=не прекра=снейший; ра=дуйся, Хио=са похвало=, Анфи=мов учениче=; ра=дуйся, прокаже=нием очи=щенный па=че зла=та; ра=дуйся, ве=ру сохра=ньший ко Христу=, твоему= Жениху=. Ра=дуйся, о=тче Ники=форе, побе=ды нося=й и=мя.
Песнь 7
Ирмос: Росода=тельну у=бо пещь соде=ла А=нгел/ преподо=бным отроко=м, халде=и же опаля=ющее/ веле=ние Бо=жие, мучи=теля увеща= вопи=ти:\ благослове=н ecи=, Боже отец на=ших.
Превели=каго тя позна=хом учи=теля/ трезве=ния и непреста=нныя моли=твы,/ от Анфи=ма бо, Ники=форе, ей научи=ся,/ и воспева=ше всею душе=ю:\ благослове=н еси=, Бо=же оте=ц на=ших.
Преуспе=в в честны=х боре=ниих,/ вене=ц прия=л еси све=тел и неувяда=емь, Ники=форе,/ те=мже в ра=дости Го=сподеви хва=лу возно=сиши:/ благослове=н еси=, Бо=же оте=ц на=ших.
Ревни=тель Иову боже=ственному яви=лся еси=,/ прокаже=ние претерпе=в пло=ти и, я=звы гно=йныя твоя=, Ники=форе, нося= му=жественно,/ ра=дуяся, воспева=ше вы=ну:/ благослове=н еси=, Бо=же оте=ц на=ших.
Богоро=дичен: Красоты= я=ко жили=ще су=щи, Влады=чице Богоро=дице Чи==стая,/ Красне=йшаго добро=тою родила== еси= Бо=га/ и вся воздви=гла еси= вопи=ти: благослове=нна еси==, Бо=га пло=тию Ро=ждшая.

Песнь 8
Ирмос: Из пла=мене преподо=бным ро=су источи=л ecи=/ и пра=веднаго же=ртву водо=ю попали=л ecи=:/ вся бо твори=ши, Христе=, то=кмо е=же хоте=ти.\ Тя превозно=сим во вся ве=ки.
Изря=дныя в боре=ниих поста=вил еси побе=ды/ и Бо=га, ве=нцы даю=щаго, по=двиги твои=ми возвесели=л еси,/ сего= ра=ди от Него= светоиме=нную честь восприя=л еси/ и благоуха=ния то=ки, Ники=форе.
Вити=йству зло=бному, о=тче, посмея=лся еси/ и му=дрости го=рния зерца=ло сотвори=лся еси:/ зре=ти дале=че до=бре, глаго=лати бу=дущая/ и разуме=ти Боже=ственная, Ники=форе.
Свята=го Уте=шителя устне= сотвори=лся еси и сло=во уве=тливое, ра=дуяся, преподава=ше:/ боле=зней бо путе=м теки=й, показа=лся еси прича=стник/ мир подаю=щия благода=ти, Ники=форе.
Богородичен: Си=льное в кре=пости Сло=во ро=ждшая,/ якоже Сей изво=ли, Пречи=стая Влады=чице:/ естества= зако=ны, Честна=я, еди=на обнови=ла еси./ Тебе та=ко взыва=ем: ра=дуйся во веки.
Песнь 9
Ирмос: Бога челове=ком невозмо=жно ви=дети,/ на Него=же не сме=ют чи=ни Ангельстии взира=ти;/ Тобо=ю же, Всечи=стая, яви=ся челове=ком/ Слово Воплоще=нно, Его=же велича=юще,/ с Небе=сными во=и\ Тя ублажа=ем.
Аще хо=щет настоя=тель, пое=м припе=вы сия=: Велича=й, душе моя, прокаже=ннаго Ники=фора,/ по=двиги терпе=ния све=тло возвели=ченнаго.
Яко ве=лие бога=тство ве=рным оста=ви/ свяще=нныя и благоуха=ния по=лныя мо=щи твоя=:/ в сих бо Духа Свята=го многая благодать обита=ющи,/ всем разделя=ет, Ники=форе, здра=вие и живота= боже=ственное восприя=тие.
Припев: Велича=й, душе моя, прокаже=ннаго Ники=фора,/ преподо=бных боже=ственныя собо=ры досто=йно украси=вшаго.
Ле=гце стезю= у=зкую проше=л еси/ в широте= се=рдца, Ники=форе преблаже=нне,/ и во дворы= всели=лся еси, по=лны све=та, Гра=да Небе=снаго,/ сего ра=ди Господу своему вку=пе с от века избра=нными прино=сиши хвалу=.
Припев: Велича=й, душе= моя, прокаже=ннаго Ники=фора,/ благода=ти Уте=шителевы сокро=вищницу благоуха=нную.
Ангельским чино=м свесели=шися на Небесе=х неизрече=нно, Ники=форе всепе=тый:/ пло=тию яко невеще=ствен, подвиза=ся на земли=,/ боле=зни претерпе=в боже=ственною му=дростию,/ сего= ра=ди ныне причаща=ешися весе=лаго ра=дования.
Припев: Велича=й, душе= моя,/ Честне=йшую и Сла=внейшую Го=рних во=инств.
Богородичен: Прему=дрость, Сло=во Бо=жие и Си=лу во Твое=й утро=бе, Де=во, пресла=вно вмести=ла еси= и Ада=ма возвела= еси= к Престо=лу Бо=жию, сла=вы же предстоя=теля того= сотвори=ла еси, яко Твою= да сла=вит непреста=нно благосты=ню.
Светилен, глас 3:
Подобен: Небо звездами:
Му=ки прокаже=ния претерпева=я му=жески,/ души= хито=н освети=л еси прекра=сно, о Ники=форе,/ побе=ды нося=й предо=брыя и=мя.
Слава и ныне: Предпразнства:
Да ра=дуется Не=бо, и земля= да весели=тся./ Верте=пе, просвети=ся,/ я=сли же, подъими=те Созда=вшаго челове=ка руко=ю яко Младе=нца, ражда=ющася от Де=вы./ Ангелов мно=жество, возопи=йте я=сно:/ сла=ва Богу в Вышних.
На хвалитех стихиры на 4, глас 1.
Подобен: Небесных чинов:
Да пра=зднует ны=не/ Критский ото=к вели=кий,/ и я=коже ма=терь,/ ру=це весе=лием да воздева=ет,/ воспева=я своего= но=ваго сы=на,/ Ники=фора всечестна=го,/ претерпе=вшаго прока=зы страда=ния,\ адама=нта тверде=йшаго.
Якоже Иов, Ники=форе,/ до=блественно ноша=ше печа=ли,/ изде=тска сиро=тен и стра=нен,/и прокаже=ния боле=знь,/ и помраче=ние теле=сных очес,/ оба=че Небе=сныя добро=ты новоле=пно\ созерца=ше в сердцы своем.
Терпе=ния, Ники=форе, уста=в соде=лася,/ крепкоду=шия ме=ра,/ воздержа=ния пра=вило,/ све=точ зарено=сный послуша=ния,/ моли=твы же учи=тель,/ смире=ния степе=нь высокотво=рная\ и кро=тости сокро=вище.
Уче=нием Анфи=мовым послу=шен,/ соде=лался еси Сио=на Го=рняго/ ка=мень златоза=рен, Ники=форе,/ па=че сне=га/ душу свою убеля=я, блаже=нне,/ и издае=ши мощьми= святы=ми твои=ми\ благоуха=ние Небе=сное.
Слава, глас 8.
Всесвята=го Духа клеть свяще=ннейшую,/ снега чисте=йшее зерца=ло доброде=телей,/ Христу любе=знаго друга,/ Ники=фора да возвели=чим./ Сей бо душе=ю своею/ возвели=чи Го=спода,/ сла=дкая Того словеса=/ от сердца поя= приле=жно,/устне= же его уте=шительны соде=лашася всем./ И ныне ра=достны сотворя=ет покланя=ющихся\ весе=лие точа=щим моще=м его.
И ныне: предпразнства, глас 5.
Не дряхлу=й, Ио=сифе, зря Мою утро=бу:/ у=зриши
бо ражда=емаго от Мене=, и возра=дуешися,/ и я=ко
Бо=гу поклони=шися,/ Богоро=дица глаго=лаше ко
Своему= обру=чнику,/ хотя=щи роди=ти Христа./ Сию=
воспои=м, глаго=люще:/ ра=дуйся, Обра=дованная, с
Тобо=ю Госпо=дь\ и Тебе= ра=ди с на=ми.
НА ЛИТУРГИИ
Блаже=нны, песни 3-я и 6-я. Проки=мен, глас 7: Честна= пред Го=сподем\ смерть преподо=бных Его=: Стих: Что возда=м Го=сподеви о всех, я=же воздаде= ми? Апостол к Гала=том, зача=ло 213. Аллилу=иа, глас 6: Блаже=н муж, боя=йся Господа, в за=поведех Его= восхо=щет зело=. Стих: Си=льно на земли= бу=дет се=мя его. Ева=нгелие от Луки=, зача=ло 24. Прича=стен: В па=мять ве=чную бу=дет пра=ведник, от слу=ха зла не убои=тся.