Редкие Богослужебные тексты

Служба
Святителю Иннокентию митрополиту Московскому и Коломенскому, Апостолу Сибири и Америки
Память 23 сентября (6 октября н. ст.)
НА МАЛОЙ ВЕЧЕРНИ
На Господи, воззвах: стихиры глас 8.
Подобен: О преславнаго чудесе:
Святителю отче преславне, / недоумеют ум и сердце наша/ достойно восхвалити тя, / жилище Пресвятаго Духа, / вся концы вселенныя просветившаго, / во мраце сущия языки / ко спасению приведшаго, / заступника и ходатая, // дивнаго Иннокентия велегласно прославим.
Явился еси, всеславне, / многоводная река, / напоившая струями благодати Божией / истаявающия жаждею духовною народы дивия, / тьму неверия разгнал еси, / землю безплодную плодоносною содела, / темже венец от Бога / и славу вечную восприял еси, // богомудре Иннокентие.
Духа Святаго цевнице, / благочестия щите, / проповедниче великий Иннокентие / соделался же еси по дванадесятих / новый апостол, / сосуде избранный, / служителю Господень, / не премолчи еже вопити // о нас грешных ко Господу.
Правыя веры / основание неразоримо / тя Христос утвер¬ди, / славне Иннокентие, / зело краснейшаго, / яко солнце / дальния концы Российския державы / лучами просвещающаго // божественных осияний.
Слава, глас 6:
Приидите, вернии, / святителя восхвалим, /даров благодати всеразличных сосуд, / и раку того умиленно облобызаем / глаголюще: / Радуйся, апостольская похвало, / юнот наставниче, / житию святых отец подражателю, // непорочне Иннокентие.
На стиховне стихиры, глас 6.
Подобен: Ангельския:
Измлада Господа возлюбив, святителю Иннокентие, стопы своя направи на путь спасения языков и во юдоли мрачныя принесе благословение Христово, жестокосерднии бо некогда ра¬зумом, иже вотще шатахуся, ныне тобою просвещеннии вопиют ти: моли спастися душам нашим.
Глас 5:
Стих: Честна пред Господем смерть преподобных Его.
Радуйся, священная главо, всечестный отче Иннокентие, Российския державы столпе и ограждение, правыя веры утверждение, подвизающихся на пути спасения укрепление, заблуждших вразумление, моли спастися душам нашим.
Стих: Священницы твои облекутся в правду и преподобнии твои возрадуются.
Радуйся, златый сосуде, благовонныя ароматы исто-чающая во странах языков, святителю Иннокентие, граду Москве стено необоримая, мечу, плевелы идолобесия посекающий, светильниче, во мраце страстей сияющий, моли Христа Бога спастися душам нашим.
Слава, глас 8:
Святителю отче Иннокентие, / рабе благий и верный, / достойный де¬лателю винограда Христова, / путь в Царствие Не¬бесное / языкам указавый, / данный тебе талант / приумно¬жил еси, / вниди в радость Господа твоего/ и молися о чадах твоих, // благоговейно чтущих тя.
И ныне, Богородичен: Владычице, приими:

На ВЕЛИЦЕЙ ВЕЧЕРНИ
На Господи воззвах: стихиры, глас 4:
В мире пожив непорочне, / воистину непорочен явился еси, / взем крест твой, / последовал еси Христу / невозврат¬ным помыслом, / в далекия земли Америки вселился еси, / землю неплодную языческую уплодоносил еси / и чада по¬слушания Русския Церкве / языки соделал еси, / разрешая бед и напастей, / и скорбей сих, отче, / к Богу молитвами тво¬ими.
Святителю, отче, /кто исповесть / скорби и труды твоя? / или кий язык изречет / мраза лютось, / одежды хладныя на телеси твоем, / на вервиях висения / во мрачных пропастех Камчатки, / в бурю снежную путьшествия на нартах, / на земли легание, / бдение и сухоядение, / чистоты душевныя и телесныя хранение, / многонощная бдения, / устен безмолвие, / чистоту помыслов, простоту ризную, / смирение нелицемерное, / по¬слушание истинное, / дух бодр, воздержание обдержательное, / молитву пламенную? / святе Иннокентие, моли Христа спастися нам.
Святителю, отче Иннокентие, / Государем Императором Российским / Николаю и Александру / верный сподвижник был еси, / дальния пределы Российския земли / посещая и устрояя / благовестия ради евангельскаго, / неприятельских кораблей не устрашивыйся, / но прямо на враги твоя взиравый, / молися прославльшему тя Господу / о спасении страны Российския // и победе на враги.
Пристанище тя небурное, / свещу неугасимую, / бисер драгий / имамы тя Америки апостоле. / Душу твою жилищем Святыя Троицы соделал еси, / и от Нея прославлен был еси, / Еяже силою пресвятыя храмы воздвигл еси / и обители мона¬шествующим устроил еси. / Молися, отче Иннокентие, // о спа¬сении душ наших.
Ины стихиры, глас 2.
Подобен: Киими похвальными:
Киими похвальными словесы воспоим святителя, иерархов славу, мирским людем хранителя, монашествующим похвалу, подвизающимся укрепление, обидимым теплаго предстате¬ля, неправды обличителя, православным помощника, недужным исцеление, сирым и вдовицем заступление, се бо венец нетления Христос Бог ему дарова, имеяй велию милость.
Киими песненными похвалы воспоим тя, свя¬тителю Иннокентие, печальным утеши¬теля, вернаго раба Господня, ловца человеков пречуднаго, далекия Америки просветителя, демонския козни сокрушившаго, яко паче песка морскаго умножишася чада твоя, ихже даде ти Христос Бог наш, имеяй велию милость.
Киими венцы преукрашенными увязем тя, святителю, ближния и дальния чада твоя, почитающе тя, величаем, кротости учите¬ля, православия на брезе окияна Восточнаго насадителя, далече сущая провидяща, вся концы земли просвещающа чудесы, имиже прослави ти Христос Бог наш, имеяй велию милость.
Слава, глас 6:
Апостоле Христов возлюбленне, славо и украшение иерархов, Церкве Российския похвало и утверждение, право¬верия столпе непоколебимый, монашествующих отрадо, греш¬ников кающихся увеселение, нераскаянным же обличение. Радуйся, святителю Иннокентие, непрестанно хода¬тайствуяй о спасении душ наших.
И ныне, Богородичен: Кто Тебе не ублажит:
Вход. Прокимен дне. И чтения.
Пророчества Исаина чтение, глава 35, 1-10 стих: Радуйся пустыня жаждущая:
Притчей чтение: Уста праведиаго каплют премудность, язык же неправеднаго погибнет:
Премудрости Соломони чтение:Праведник аще постигнет скончатися, в покои будет.
На литии стихиры, глас 6:
Приидите верных собори, первоиерарха восхвалим, реку златоструйную, скверну нечестия омывшую, божественнаго Христова смирения учите¬ля, Церковь Русскую прославльшаго, святителя Иннокентия, молитвенника о душа=х наших. Таи=нниче духовный, словесная трубо= Божия, орга=не сладко¬звучный, не престай звати на покаяние чада твоя, да воспрянет Русь святая от тиме=ния греховнаго молитвами твоими.
Российский первопрестольниче, святителю Божий Иннокентие, утвердивый Православие во Америце и Сибири, и ныне чадом твоим пособствуй, да рыдает сонм нечестивых, не исповедающих правую веру, и моли Христа Бога избавитися нам от всякаго обстояния и варварскаго нахождения, ты бо дерзновение к Богу стяжал еси Престолу славы Его предстояй.
Слава, глас 6:
Аще и преставился еси от земных к Небесному Царствию, но мир весь, иже тобою просве¬щенный, святителю отче Иннокентие, Сибири и Америки концы восхваляют чудес твоих множество; российския же людие, иже во вся концы вселенныя рассеянныя, величают благохвальными песньми тя. Пастырю и учителю Христов, ты бо добре овцы своя па=ствил еси, ограждай и ныне от звере=й хищных немощны=я/ и спаси стадо твое молитвами твоими.
И ныне, Богородичен, глас той же:
Радуйся, Царице небесе и земли Владычице, Мати Гос¬пода Пречистая, недоумеют бо ум и сердце, како восхвалити Преблагословенное чрево Твое, невместимаго Бога вместившее, Госпоже премилостивая, рождшая Жизнодавца Господа, спасающаго род наш.

На стиховне стихиры, глас 2:
Ныне вси вернии сошедшеся воспои=м велегласно, память Христова святителя, дивнаго Иннокентия, егоже молитвами Господь нашествия врагов низложи имеяй велию милость.
Стих: Честна пред Господем смерть преподобных Его.
Страсти телесныя духу порабо=тил еси, на высоту безстрастия восшед, был еси светильник всесветлейший, Церкве утверждение, Духа Святаго орга=не, темже достойно песньми тя вос¬хваляем.
Стих: Священницы твои облекутся в правду и преподобнии Твои возрадуются.
Прия=телище благодати Духа, трубу громогласную, молнию блистающую пропове=дания Слова Божия, язы=ков просветителя, честву=юще тя достойно величаем.
Слава, глас 2:
Верных множество/ наставника и первоиерарха тя почита¬ем, /возлюбленне святителю / отче наш Иннокентие,/ точаща=го златы=я струи= /от моря милосердия Божия, / милостиваго и кроткаго,/ твердаго и непоколебимаго защитника / правыя веры благочестивых обычаев среде= темных языков насади=теля,/ судившаго людем правото=ю, /моли=ся Господеви// помиловатися всем нам.
И ныне, Богородичен: О, чудесе новаго, всех древних чудес:
На благословении хлебов, тропарь, глас 1
Во вся страны= полу=нощныя/ изыде вещание твое,/ яко приемшия слово твое,/ ихже боголепно научил еси,/ неве=дущия Христа/ светом Евангелия просветил еси,/ человеческия обычаи украси=л еси,/ Российская похвало,/ святителю отче наш Иннокентие,/ моли Христа Бога/ спастися душам нашим.

Ин тропарь, глас 3
Первый учитель/ прежде темным языческим племеном,/ первый возвеститель им пути спасительнаго,/ апостольски потрудивыйся/ в просвещении Сибири и Америки,/ святителю отче наш Иннокентие,/ Владыку всех моли/ мир вселенней даровати/ и душа=м нашим велию милость.
НА УТРЕНИ
По 1 стихословии седален, глас 1:
Яко новому апостолу Христову, во страна=х Сибири и Аме¬рики идолы язык сокруши=вшему, древо многоплодное Пра¬вославия на земли изсохшей возрастившему, укло=ншимся к безпу=тиям зол стези= в Царствие Небесное показавшему вопием ти: святителю отче Иннокентие, моли Христа Бога грехов оставление нам даровати, с любовию почитающим священную память твою.
Слава и ныне, Богородичен:
Милосердная Мати, Яже Плод спасительный недоуме=н¬но рождшая, не отрини мя от Твоея помощи и заступления, преблагословенная Дево, смех и поругание демоном бывша, но Твоими молитвами покрый мя от всякаго зла, Ты бо еси от вражиих напастей изба=вительница.
По 2-м стихословии седальны, глас 4.
Подобен: "Явился еси":
Премудрый России первопрестольниче, Христов верный друже, землю безводную язы=ков живою водою благодати Святаго Духа напоивый, преславный учителю вселенныя, святителю отче Иннокентие, возвеличим тя вернии, яко спасения ходатая душа=м нашим.
Слава, глас 8:
Подобен: Премудрости:
Богатство некрадо=мое обрел еси, сто=лпе огненный святыя Российския Церкве, от идольския неплодящия розги= заблудшия человеки ко многоплод¬ной Христовой лозе привел еси, Тро=ическия догматы изъяснил еси, человеки спасл еси от смерти, первоиерарше блаженне Иннокентие, моли Христа Бога спастися душа=м нашим.
И ныне, Богородичен:
В тимении греха угле=бнув, ужасаюся и трепещу, плачу и рыдаю, не имея дел благих, но Ты, Мати моя, преблагая и милостивая, не отрини мя, падшаго, припа=дающа по¬=лам честныя ризы Твоея, возведи мя из блата зловоннаго, яко незлобивая и всем хотящая спастися.
Величание:
Величаем тя, святителю отче Иннокентие, / те=мныя язы=ки Сибири и Америки просветившаго / и вся концы / ко Христу приведшаго.
По полиелеи се дален, глас 5.
Подобен: Собезначальное слово:
Венценосца престолу Святыя Троицы предстояща, / дивнаго Иннокентия вси вернии сошедшеся восхвалим, / в скорбех и печалех уте=шителя, / молит бо усердно милостиваго Бог¬а/о спасении душ наших.
Слава, глас 4.
Подобен: Скоро предвари:
Орга=не, добре составлен, язы=ков неплодящую церковь / к познанию Христову наставил еси, бряца=нии словес и дея=нии: / сими бо сам наказа нас Троицу чествовати, святую и нераздельную, / предстатель теплейший Церкве, блаженне отче Иннокентие.
И ныне: Богородичен:
Упование и прибежище грешных, скорая помощнице обидимых, / не презри мольбы, Пречистая, и сокруши коварства безбожных, / низложи дерзость враждующих на рабы Твоя.
Степенна, первый антифон 4-го гласа.
Прокимен, глас 4: Честна пред Господем смерть препо-добных Его. Стих: Что воздам Господеви о всех, яже воздаде ми.
Евангелие от Иоанна, зачало 35, гл. 10, 1-9 стих.
По 50-м псалме стихира, глас 6:
Служителю Христовых Таин, Евангелия громогласный проповедниче, молние сияющая язы=ком, не=когда неплодящую церковь напоивый струя=ми благодати, святче Ин¬нокентие, молися со святыми о душах наших.
Канон, глас 4.
Песнь 1
Отверзу уста моя, и наполнятся Духа, и слово отры=гну Царице Матери, и явлюся светло торжествуя, и воспою радуяся Тоя чудеса.
Житию святых отец подражавый, на высоту безстрастия возшел еси, и с лики Апостол воспеваеши ныне песнь Богови, святче Инно¬кентие.
Иже измлада Христа возлюбив, Тому последовал еси не¬возвратно, паству твою добре упасл еси, славне Иннокентие, темже нетленным венцем Христос увенча тя.
Силу противных враг Крестом честным разруши=л еси, му=жески в пределы дальния Российския вселился еси, именем Христовым язы=ки улови=л еси, славне Апо¬столе Иннокентие.
Бури неистовствующияся идольския не устрашився, на острове Ситха небоязненно проповедал еси Христово Евангелие ко=лошем, кадьякцем и креолом. Икону Пресвятыя Богородицы, с гребня окиянския волны на руце твои прияв, лик Богомати обно¬вил еси и храм святый иконою сею украсил еси.
Богородичен: Безневестная Марие, матерских болезней не ощутила еси, рождши Избавителя мира, темже воспеваем, ликовствующе, Рождество Твое.
Песнь 3
Твоя песнословцы, Богородице, живый и неза¬вистный источниче, лик себе совокупльшия духовно утверди в Божественней Твоей славе, венцев славы сподоби.
Потемненный мраком безбожия мир, богозрачный светильниче, отче Иннокентие, озарил еси, темже память твою любовию ублажаем.
Дар ве=дения настоящаго и будущаго от Господа приял еси, святче Иннокентие, воду же е=зера, гадами оскверненную, мо¬литвою твоею очистил еси.
Мрежею словес Божественных рыбы словесныя – язы=ки Сибири и Америки уловив, показал еси небеса словесная алеутом, ко=лошем, креолом, якутом, эвенком и эскимосом, премудре Инно¬кентие.
Кораблю, на нем же ты шел еси, бурею погружа=ему, коленопреклоненно моляся, воззвал еси ко преподобному Герману Аляскинскому, и от гибели люди избавил еси, молися и ныне у престола Вседержителя, да изба¬вимся от потопления в бездне греховней.
Богородичен: Мати Слова и Дево, безлетнаго родила еси Сына, Егоже моли со святителем Иннокентием помиловатися душа=м нашим.
Песнь 4
Седяй в славе на престоле Божества во облаце легце, прииде Иисус пребожественный, нетленною дланию, и спасе зовущия: слава, Христе, силе твоей.
Благи=й образ дав твоим учеником, младым и старым был еси наставник, и привлекл еси многия во спасение, отлучив¬шияся от мирских пристрастий и вкусившия утешения райскаго наслаждения.
Страсти душетленныя умертвил еси многонощным бдени¬ем же и пощением, уст хранением, отче Иннокентие, славный друже Христов, прием благодать исцелений.
Якоже Апостол Христов Павел труждашеся, делая своима рукама, святче Иннокентие, ремеслом многоразличным навык, дивиим язы=ком и племеном вся умения своя пре¬да=л еси, добронравному житию, яко любвеобильный отец, тыя научая.
Благодатию Христовою на пастырское служе¬ние призванный, святителю отче Иннокентие, четыри месяцы браздил еси Камчатския пределы в возце малем, во снезех, яко в могиле погребенный.
Богородичен: Огнь Божественный родила еси, Купино Неопалимая, вкупе со святым Иннокентием моли, Всепречистая, огня геенскаго и вечныя муки избавитися всем, воспевающим Тя.
Песнь 5
Ужасошася всяческая о Божественней славе Твоей: Ты бо, неискусобрачная Дево, имела ecu во утробе над всеми Бога, и родила ecu Безлетнаго Сына, всем воспевающим Тя мир подавающая.
Дарованьми Святаго Духа преукрашен был еси, постом, бдением, сухоядением плоть твою умертвивый, молитвою и сле¬зами покаяния душу омыл еси, темже на высоту безстрастия возшел еси и дальняя Святым Духом провидел еси, святче Иннокентие.
На земли свято пожив, богомудре отче Иннокентие, мона¬хов множества во обители Аляски собрал еси, стражу неусып¬ный и пастырю предобрый.
Вся тленная мира сего презрев, в ризы простыя облекался еси, и брашна своя слезами орошая, услаждал и питал еси души чад твоих Хлебом Небесным.
Явился еси яко иный Адам, зверей дивиих не убоявся, безкрайния Севера пределы на возках оленьих и собачьих обтекий, безстрашне отче Иннокентие.
Богородичен: Горо несекомая, камень нерукосечный Христа Бога родила еси, и Той ста во главе угла, моли Всеблаженная, в вере колебания упразднити.
Песнь 6
Божественное сие и всечестное совершающе празднество богомудрии Богоматере, приидите руками восплещим, от Нея рождшагося Бога славим.
Спасу Христу подражая житием твоим, отче Иннокентие, положил еси душу твою за други твоя, во льдах окиянских люди от потопления спасая.
Благочестия ревнитель, славнаго Царя Константина и равноапостольнаго князя Владимира подражатель был еси, святче Иннокентие, просветил еси крещением - банею духовною - языки Сибири и Америки.
Яко путие корабля в морстей пучине, змеи на камени, пти¬цы в небеси, тако неизеледимы и твоя пути на снеж¬ном Сибирстем просторе в нартах малых и тесных, неутомиме отче Иннокентие.
Прежде Господь рукою Моисеовою Израиля от работы вражия спасе, тако и ныне рукою Иннокентия, премудраго Апо¬стола всех языков Сибири и Америки, избави сия от лести идольския.
Богородичен: Глубино неудобозримая, Христос яви Тя миру Заступницу. Темже моли со святителем Иннокентием вода¬ми благочестия омыти струпы душ и телес наших.
Кондак, глас 8.
Подобен: Взбраиной Воеводе:
Боготечная звезда явился еси отче наш Иннокентие, / егда Господь дарова ти новый жребий служения / и нарече тя во епископа Камчатки, / да прославиши всечестное и великолепое имя Отца и Сына, и Святаго Духа, / да укрепиши оплот православия Российския Державы на Востоце, / лучи святости и потоцы милости всем изливая, / ихже ради и в сонме святых пребываеши, / темже и мы, земнороднии взы¬ваем ти: Радуйся, Иннокентие, заступниче и молитвенниче о душах наших.
Икос:
Духом Святым на проповедь Слова Божия в земли дальния Сибири и Америки изведенный, богомудре Иннокен¬тие, Крест свой безропотно понесл еси, таланты, данныя тебе, приумножив, темже тя, вернии, величаем сице: Радуйся, Сибири чадо богоизбранное; Радуйся, измлада Господа возлю¬бивый. Радуйся, ибо якоже Спаситель древоделом был еси; Ра¬дуйся, яко руки твоя храмы Божии создаша. Радуйся, икону чудотвор¬ную Пресвятыя Богородицы, на гребне волны при¬плывшую, на руце своя приявый; Радуйся, яко по своему изволе¬нию имя Иннокентия, епископа Иркутскаго, в монашестем по-
стризе приял еси. Радуйся, воду езера, гадами оскверненную, очистивый; Радуйся, спокойствием непоколебимым и верою враги устрашивый. Радуйся, яко алтарь-часовню храма Христа Спасителя в стольнем граде Москве освятил еси; Радуйся, яко первое Богослу¬жение на языце якутстем совершил еси. Радуйся, Церковь Покрова Божией Матери в Академии Духов¬ней устроивый. Радуйся, Иннокентие, заступниче и молитвенниче о душах наших.
Песнь 7
Не послужиша твари богомудрии паче Создавшаго, но огненное прещение мужески поправше, радовахуся поюще: препетый отцев Господь и Бог, благословен ecu.
Враг душегубец боготканныя ризы ны обнажи, Господь же явлейся плотию, паки нам подаде ю, очистив водою и Духом, Егоже познав, святитель Иннокентий, крещением просвети ту¬земцы и научи их вопити: благословен еси Боже отец наших.
Яко великий Христов ученик прелюбимый и отцем от язык прозванный, лесть бесовскую от дальних пределов России прогнал еси, всех научая вопити Господеви: Благословен еси Боже отец наших.
Чадо послушания Христовой Церкви яви тя Господь, егда без благословения архипастыря со двема Ангелома беседовати не дерзнул еси, ихже посла Господь от святаго крещения чаду твоему благочестивому Иоанну.
Светом Христовым просвещен был еси, блаженне Инно¬кентие, темже и желанен был еси во юдолех глубоких Камчат¬ки, яко на вервиях тя спускаема с трепетом и любовию ожидаша чада твоя, святым крещением просвещенныя.
Богородичен: Явися ми жемчуг драги=й, Христос Бог наш из твоих ложесн, Богоневесто, да, продав имение свое, обрящу Его - сокровище во спасение.
Песнь 8
Отроки благочестивыя в пещи Рождество Богородичо спасло есть: тогда убо образуемое, ныне же действуемое, вселенную всю воздвизает пети Тебе: Господа пойте дела, и превозносите Его во вся веки.
Основание был еси непоколебимое Церкви Российстей, монаше¬ствующих утверждение, мирски=м вспоможение, апостольская похвала, Иннокентие досточудне.
Ныне со Ангелы на Небесех ликовствуеши и со святители и пророки вечно царствуеши, поминай нас, чтущих всесветлую память твою, святителю Иннокентие, не престай моляся Твор¬цу даровати согрешений наших оставление.
Явился еси облак Божественнаго Духа, одождил еси воду животворящую язы=ком, зовущим: благословен еси Боже отец наших.
Благодарная чада твоя - чуваши - на коленах встречаху тя у храма Святаго Духа, идеже ты на родном их языце литургисал еси, не престай молити Господа о спасении душ наших, святче Иннокентие.
Богородичен: Творца всяческих и Бога на руку= Твоею носившая, умоли Богородице Дево, от бремени греховнаго нам избавитися.
Песнь 9
Всяк земнородный да взыграется, духом просвещаемь, да торжествует же безплотных умов естество, почитающее священное торжество Богоматере, и да вопиет: радуйся, Всеблажениая, Богородице чистая Приснодево.
Светильник светозарный, богомудре, явился еси, и благо¬честия столп, сущия в напастех спасаеши, от мирскаго мятежа избавляеши и сирым покровительствуеши.
Песньми непрестанными величают тя празднолюбцы, священнотаинниче муд¬ре, ластовице легкокрилая, божественную весну предвозвестившая, воспевающия тя скоро избави от страсте=й и скорбе=й.
Сладости райския ныне вкушаеши, неизреченную славу Божию созерцаяй, из небесных чертог певцы твоя назираеши, скоро предвари и избави нас от нахождения иноплемен¬ных и междоусобныя брани и спаси стадо твое молитвами тво¬ими.
Ныне светоносный праздник совершающе, притецем ко многоцелебным мощем твоим, Российский первопрестольниче, Апостоле Христов, житие бо твое просия добродетельными блистаньми, не премолчи, еже вопити о нас, грешных.
Богородичен: Изба=вителя рода человеческаго, вземшаго грехи мира, родила еси Едина Приснодево, Егоже со святителем Ин¬нокентием умоли от сети диавольския нам избавитися.
Светилен.
Подобен: Жены услышите:
Российскаго первопрестольника и Апостола Сибири и Америки, сосуда избраннаго, тьмы языческия отгони=теля, великаго Иннокентия восхвалим: многи бо люди от диавольския прелести спасе= и верным путь в Царствие Небесное указал еси.
Слава:
Чудес пучину излиянную яви тя Христос Бог, неможение душ наших исцеляеши, первоиерарше Иннокентие, от телес¬ных болезней возставляеши, превозносящих Господа во веки.
И ныне, Богородичен:
Слово Ипостасное, врача душ и телес наших, Христа рождши Дево, струпы души моея исцели и плотское мудрова¬ние умертви.
На Хвалитех стихиры, глас 1.
Стране Российстей звезда пресветлая, явился еси отче Иннокентие, от юности пастыря овца=м словесным избра тя Господь, присно молися о нас, грешных.
Измлада Христа возлюбив, святым житием Тому угодил еси, Святаго Духа прияв, световиден воистинну был еси, про¬си стаду твоему грехов оставление.

Ины стихиры:
Яко елень искал еси источницы водны=я благодати Божией неисчерпаемыя, отче богоносе Иннокентие, ныне же не вжаж¬дешь вовек, исцелений богатство источаеши неоскудно всем требующим твоея помощи и заступления.
Яко неутомимая пчела потрудился еси преславно мудре Иннокентие, цве=ты церковныя облетая, таланты, данныя ти Господом, приумножил еси, тем небесное наследие прием, мо¬лися за ны, святый угодниче.
Слава:
Подобен: Небо звездами:
Лучу сияния света невечерняго Иннокентия премудраго, Сибири и Америки просветителя, стольнаго града Москвы первоиерарха, с любовию восхвалим вси.
И ныне:
Троице Единосущная, Отче, Сыне и Святый Душе, мо-литвами святителя Иннокентия и Богородицы Марии не отрини мене.
НА ЛИТУРГИИ.
Прокимен, глас 2: Пойте Бога нашему, пойте/ пойте Цареви нашему нойте. Стих: Вси языцы восплещите руками, вокликните Богу гласом радования.
Апостол к Галатом, зачало с.
Аллилуиа, глас 6. Вознесох избраннаго от людей моих. Стих: Ибо рука Моя заступит его и мышца Моя укрепит его.
Услыши, Боже, глас мой.
Евангелие от Иоанна, зачало л
Причастен: В память вечную будет праведник: