Елицы

НА МАЛЕЙ ВЕЧЕРНИ
На Господи, воззвах
Слава, глас 2:
Возсия днесь священное дев торжество=,/ со=лнца светле=йшее,/ души верных озаряя/и неверующих мрак со усердием отгоняя./ Приидите убо, празднолюбцы,/ пе=сненными цве=ты сих главы= увенча=им,/ вопию==ще к ним:/ не оста=вите молящеся непреста=нно ко Господу, страстоно=сицы,/ с ма=терию вашею свято=ю/ о иже верою соверша=ющих\ присночестну=ю память вашу.
На стиховне стихиры, глас 2.
Подобен: Доме Евфрафов:
Приидите, земноро=днии,/ соста=вим лик,/ в ле=тней па=мяти/ Христо=вых дев,\ и сия= да восхва=лим.
Стих: Дивен Бог во святых Своих, Бог Израилев.
Юницы честны=я,/ страстно=сцев хвало=,/ сла=во дев,/ Христа моли==те\ спастися душам нашим.
Стих: Святым, иже суть на земли Его,\ удиви Господи вся хотения Своя в них.
Тресве=тлый свети==льник,/ селение Троицы,/ Вера, Надежда, Любы=,/ честны=я Софи==ины ветви,\ светло да восхва=лятся.
Слава, глас тойже:
Божественным прободе==ны/ рачением любве= ко Христу,/ три честны=я сестры=/ Ве=ра, Наде=жда, Любы=,/ ядовитых гонителя утешений отбего=ша/ и боле=зненныя муки/ мужему=дренно претерпе=ша,/ мученическими же украсившеся венцы=,/ молятся непрестанно о нас,/ верою воспевающих\ священное их страдание.

НА ВЕЛИЦЕЙ ВЕЧЕРНИ
На Го=споди, воззва=х поста=вим стихов 6
стихиры Кресту 3 и святым, глас 1.
Подобен: О, дивное чудо:
Днесь, ве=рнии, ликовству=им,/ во псалме=х и пе=снех Го=сподеви пою=ще,/ чту=ще Того му=чениц и дев:/ Веру, яже Христа на по=прище/ му=жески пропове=да,/ Наде=жду ди=вную,/ си=лою Боже=ственною неве=рныя обличи=вшую,/ и с Любо=вию вси/ псало=мски да возопи=ем:/ Тебе, Женише=, любим,\ и за Тя умерщвля=емся.
Оле чудес Твоих, Христе!/ Яко и жены= на по=прище яви=шася,/ му=кам же себе мужему=дренно/ усе=рдно преда=ша,/ на=фтою и огнем до=бле бра=вшеся,/во главу= усече=нныя/ му=ченическим лико=м причто=шася/ и победныя венцы/ от Тебе прия=ша,\ воздая=ние подвиго=в от рук Твоих улучи=вше.
Твое преставление, Софие,/ призва=нная, от Бога восприяла еси,/ жела=ющи оби=телей,/ иде=же твоих о=траслей/ души свеселя=хуся:/ Веры честны=я,/ вкупе и Наде=жды, и Любве=, чад твоих,/ и благода=ть от Бога исцеле=ний/ прияла еси, воспева=емая./ Святы=х бо всех,/ иже суть на земли,/ Господь удиви вои=стинну,\ славу возсыла=ем держа=ве Его.
Ины, глас 4.
Подобен: Яко добля в мученицех:
Огне=м опаля=ема и неврежде=нна пребы=вши/
Боже==ственною си=лою,/ Ве=ро многострада=льная,/ обличи=ла еси пре=лесть безу=мнаго,/ ма=тере поуче=ньми,/ претерпе=вши му==жески и сосце=в отсече=ние,/ Господь же му==чения венце=м/ с Небесе= увенча= главу твою,\ мече=м усече=нную, сла=вная.
Бие=ния претерпела еси и вмета=ема в пещь,/ невредима же пребы=вши Бо=жиею благода=тию,/ в коте=л горящий вве=ржена,/ на дре=во воздви=жена,/ железными же ноготьми=/ многострада=льное тело твое стру=жемо,/ мечем же главе усе=ченной,/ к Чертогом Небесным,\ Надеждо честна=я, прешла= еси.
Му=дростию слове=с твоих/ нечести=вых уста загради=ла еси,/ сих злоче=стие обличи=вши,/ сего ради на древо бе пове=шена,/ воло=выми же жилами бие=ма/ и во огнь, якоже злато в горни=ло, вве=ржена, всесла=вная,/ и свердлами в тело проверте=ся,/ и во главу усече=ся,\ му=ченице Любы= многострада=льная.
Слава, глас 6:
Возсия= днесь/ честна=я память мудре=йших дев,/ ве=рных веселя=щи/ и к всепра=зднственному торжеству/ правосла=вных мно=жества приводя=щи./ Приидите убо, празднолю=бцы,/ пе=сньми похвальными/ Христовых страстоте=рпиц воспои=м, глаголюще:/ радуйся, Веро многострада=льная,/ яже сосце=в отсече=ние/ и чле=нов отъя=тие/ му=жески претерпе=вшая/ и мучителя дерзость низложи=вшая,/ радуйся, Наде=ждо всепе=тая,/яже яда нечести=ваго ласка=тельства избе=гшая,/ и себе= жертву благоприя=тну/ Богу приве=дшая;/ радуйся, Любы= всехва=льная,/яже нечести=вых словесы= удиви=вшая/ и му=кам лю=тым себе= преда=вшая,/ любве= ради Изба=вителя твоего./ Ра=дуйтеся, сесте=р тро==ице,/ Пресве=тлыя Троицы побо=рницы/ и правосла=вных догма=т я=сныя пропове=дницы./ Не преста=йте, молимся,/ предста=тельствовати о нас/ вку=пе с Софиею,/ ма=терию богому=дрою,/ еже изба=витися напа=стей/ ве=рою соверша=ющим\ присночестну=ю па=мять вашу.
И ныне, праздника, глас то=йже:
*Пророков гласи/ Древо святое предвозвести=ша,/ и=мже дре=вния свободи=ся клятвы сме=ртныя Адам,/ тварь же, днесь возноси=му тому, совозвышает глас,/ от Бога просящи богатыя милости;/ но, Единый в благоутро=бии безмерный, Владыко,/ очищение буди нам\ и спаси= души наша.
Вход. Прокимен дне, и чтения три.
Пророка Исаии чтение: Тако глаголет Господь: Премудрости Соломони чтение: Праведных души в руце Божии, и не прикоснется им мука: Зри страницу 562. Премудрости Соломони чтение: Праведницы во веки живут и в Господе мзда их: зри страницу 272.
На литии= стихиры самогласны:
Глас 1: Земны=я пищи сла=дость презре=вше,/ богатство и славу возненави=девше,/ Небе=снаго Жениха возлюби=сте,/ Ве=ро, Наде=ждо и Любы=,/ свяще=нныя ве=тви Софии честны=я./ Приведе=ни бо пред мучителя нечести=ваго/ и немощно=е естества= отри=нувше,/ му=жески прелесть того обличи=сте,/ кумира его уничижи=вше,/ я=коже слуха лише=нна/ и словесе= не иму=ща;/ Христа же со дерзнове=нием пропове=давше,/ боле=зненным мукам неми=лостивно вда=стеся,/ и, мечем во главы= усе=чены,/ к Небесному Жениху Христу/ с му=дрыми девами внидо=сте,/ Ангелом сликовству=юще,/ и верных болезни/ де=йством Божия Духа исцеля=юще,\ предста=тельствуйте непреста=но о душах наших.
Глас то=йже: Имя твое истинно жи=тельством, богому=драя, украси=ся,/ к му=дрости бо раче=нием/ все житие= твое наверши=вши,/ сла=вная Софи=е,/ Бо=жиею просия=ла еси благода=тию./ Те=мже и у гроба трие=х твоих возлю=бленнейших чад,/ тридне=вно пребы=вши,/ душу, я=коже вожделе=ла еси, Го=споду предаде=,/ в Не=бесныя Чертоги с ни=ми вше=дши./ Дерзнове=ние у=бо иму=щи к Богу,\ непреста=нно моли о душах наших.
Глас 2: Тро=ице Честне=й де=вы равночи=сленныя,/ Ве=ра, Любы= и Наде=жда,/ боже=ственною распала=емы ре=вностию,/ на по=прище стра=ждуще, глаго=лаху:/ лю=та у=бо, о судие=,/ настоя=щая муче=ния,/ не предпочте=м же вся=ко/ Небе=сным земна=я:/ сего= ра=ди те=ло сецы=,/ураня=й пло=ти на=ша/ и огню= предава=й ны./ Ра=дующеся, оты=дем к Жениху= Христу=./ Его=же моли=те, мо=лимся, пресла=вныя,\ низпосла=ти нам ве=лию ми=лость.
Глас 3: Благоче=стия светом ду=ши осия=вше,/ в же=нстем естестве= и во=зрасте ма=ле/ мы=сленнаго Голиа=фа посрами=сте,/ и=же прама=терь стяжа= сосуд ко греху./ Непрело=жно бо и несме=сно/ от Девы воплоще=нное Слово Отчее,/ я=коже весть Сам,/ Адамову и Евину разреши= кля=тву/ Влады=ка вся=ческих Христо=с,/ Иже венце=м нетле=нным увенча=в досто=йно/ равночи=сленных Тро=ице дев,/Ве=ру, Наде=жду и Любо=вь,/ прекра=сных Софи=иных чад,/ и=миже да=руя миру\ мир и ве=лию ми=лость.
Глас 4: Де=вства добро=тою сия=юще/ и му=ченическою диади=мою удобре=ны,/ сугу=быми венцы= досто=йно от Христа украси=шася/ добропобе=дныя му=ченицы/ Вера, Любы= и Наде=жда,/ честны=я Софи=ины добропло=дная ча=да./ Сих моли=твами, Христе= Бо=же,/ даруй ми=рови мир\ и душа=м на=шим ве=лию ми=лость.
Слава, глас 5:
Приидите, пресла=вную память/ страстоте=рпиц Христовых/ Веры, Надежды и Любве=/ во псалме=х, и пениих,/ и песнех духовных да восхва=лим./ Сия= бо, деви=ческое естество/ ни во что же вмени=вше,/ мучи=телеву суди=щу де=рзостно предста=ша,/ и взе=мше всеору=жие Креста=,/ проти=ву нечести=ваго ополча=хуся,/ и вольныя жертвы Богу/ принесе=ны бы=ша,/ до=бле за веру пострадавше./ Те=мже, и глава=м их усека=емым, взыва=ху:/ да будет, Го=споди, же=ртва душ на=ших/ благоприя=тна пред Тобо=ю,/ яко, Тебе возлюби=вше,/ неради=хом о вре=менней жи=зни./ Моли=твами их, Преблаги=й,/ Христе= Боже наш,/ побе=ды на враги/ христолюби=вому во=инству да=руй\ и душа=м на=шим ве=лию ми=лость.
И ныне, глас тойже:
*Прииди=те, людие,/ пресла=вное чудо ви=дяще,/ Креста силе поклони=мся:/ яко дре=во в раи= смерть прозябе=,/ сие же жизнь процвете=,/ безгре=шнаго иму=щее пригвожде=нна Господа,/ от Него=же, вси язь=щы,/ нетле=ние взе=млюще, зове=м:/ Иже Крестом смерть упраздни=вый\ и нас свободи=вый, слава Тебе.
На стиховне стихиры, глас 4.
Подобен: Свыше зван быв:
Мудрости светом озари=вшеся,/ всехва=льныя му=ченицы, добродетелей троице,/ Софи=ины о=трасли,/ дев же и страстотерпец удобре=ние,/ Троицы побо=рницы в во=зрасте мла=де,/ беззако=нника посрами=сте,/ и со дерзновением посмея=стеся./ Темже мукам преда=стеся лютым,/ о честны=я ю=ницы три,\ глава=м же вашим усе=ченным,\ свыше венцем увязо=стеся.
Стих: Дивен Бог во святых Своих, Бог Израилев.
Христа всем возлюби=вше сердцем,/ и к Тому раче=нием ура=нены, всечестны=я,/ земных наслажде=ние/ яко привре=менное и тле=нное, презре=сте,/ всесла=вныя мученицы,/ Любы=, Наде=ждо, Ве=ро,/ и мудрым поревнова=сте де=вам пяти=,/ ли=ку их сопричто=стеся,/ темже со Ангелы сликовствуете,\ мученическими венцы украше=нны,\ и Христа мо=лите спасти=ся душам нашим.
Стих: Святым, иже суть на земли Его,\ удиви Господи вся хотения Своя в них.
Облече=нныя Христа всеору=жием,/ добропобе=дныя мученицы/Вера, Любы=, Надежда,/ доброде=телей нося=ще имена,/ на поприще, якоже иному страждущу, взыва=ху:/ ни меч, ни нож, ни членов отъя=тие,/ ниже= пла=мене си=ла/ разлучи=ти ны Боже=ственныя любве= отню=д не могут, / е=юже всячески укрепи=хомся./ Темже венцы улучи=ша нетле=нныя,\ от Тебе, Бога нашего,\ подаю=щаго всем верным ве=лию милость.
Слава, глас 6:
Свяще=ннейшее днесь торжество/ совокупи=м, ве=рнии,/ ле=тней па=мяти страстоте=рпиц Христовых,/ Надежды, Веры и Любве=,/ Софи=иных о=траслей./ Червлени=цами бо кровей себе самех украси=вше,/ три= соиме=нныя доброде=телем сестры= / красной доброте Христовой нетленно совокупи=шася/ Ему же и молятся непреста=нно о нас,/ верою и любо=вию\ память их совершающих.
И ныне, глас тойже:
*Четвероконечный мир/ днесь освящается,/ четверочастному воздвизаему Твоему Кресту,/ Христе Боже наш,/ и рог верных христиан совозно=сится;/ тем врагов сокрушаем ро=ги./ Велий еси, Господи,/ и дивен в де=лех Твоих,\ слава Тебе.
Тропарь, глас 4:
Торжеству=ет Церковь перворо=дных/ и свесели=тся,/ прие=млющи матерь о ча=дех веселя=щуюся,/ яже яко мудрости тезоимени=тая,/ тройственным богосло=вским доброде=телем/ равночи=сленныя породи=./ Ты=я с мудрыми де=вами зрит/ уневе=стившияся Жениху= Богу Слову./ С нею и мы/ духо=вне в па=мяти их свесели=мся, глаго=люще:/ Троицы побо=рницы,/ Ве=ро, Любы= и Наде=ждо,\ в вере, любви и наде=жде утвержда=йте нас.
Ин, глас 1.
Подобен: Каменю запечатану:
Три сла=вныя девы, Софи=ины о=трасли,/ Ве=ру, Наде=жду, Любо=вь/ пе=сньми богодухнове=нными почти=м,/ укре=пльшеся бо си=лою Креста=,/ претерпе=ша муки лю=тыя,/ и, мече=м усече=нныя во главы=,/ му=ченическими венцы= увязо=шася./ Сла=ва Укре=пльшему их,/ сла=ва сих Просла=вльшему,\ сла=ва Де=йствующему ими всем исцеле=ния.
НА УТРЕНИ
По 1-м стихосло=вии седа=лен, глас 1.
Подобен: Гроб Твой, Спасе:
Прилепи=стеся Христу=, прекра=сному Жениху=, ю=ницы честны=я, сла=во дев,/ многоразли=чными муки себе= украси=вше,/ и Безнача=льную ны=не воспева=ете Тро=ицу,/ лампа=до тресве=тлая,/ Ве=ро, Наде=ждо, Любы=, Софиино удобрение.
По 2-м стихосло=вии седа=лен, глас 4.
Подобен: Вознесы=йся на Крест:
Страстоте=рпиц Христовых боже=ственную па=мять соверша=юще, ве=рнии,/ стеце=мся и к ним моле=ние возсле=м:/ моли=теся ко Господу, да изба=вит гее=нны гре=шных нас, претыка=ющихся,/ Ве=ро, Наде=ждо, Любы=, честны=я Софи=ины ве=тви, му=ченик блиста=ние.
По полиеле=и седа=лен, глас 4.
Подобен: Яви=лся еси дне=сь:
Софи=ины ча=да,/ Ве=ро, Наде=ждо, Любы=,/ доброде=телем соиме=нныя светле=йшим вои=стинну,/ Престо=лу Бо=жию предстоя=ще,\ о нас моли=теся, мо=лимся.
Прокимен, глас 4: Дивен Бог во святых Своих,/ Бог Изра=илев. Стих: В це=рквах благослови=те Господа: Ева=нгелие десяти дев: Мф. 25, 1—13.
По 50-м псалме стихира, глас 6:
Днесь верных полки= сошедшеся,/ духовно да торжествуем,/ прии=де бо нам ле=тняя память/ страстоте=рпиц Христовых/ Веры, Надежды и Любве=,/ бога=тныя ми=лости нам принося=щи./ Темже во гла=се ра=дования/ и в чи=стой со=вести/ да возопии=м, глаголюще:/ не оста=вите моли=тися непреста=нно о нас,/ иже верою совершающих\ присночестну=ю па=мять вашу.
Кондак, глас 1:
Софии честны=я свяще=ннейшия ве=тви,/ Вера, Надежда и Любы= показа=вшеся,/ мудрость обуи=ша е=ллинскую благодатию,/ и пострада=вше, и победоно=сицы яви=вшеся,/ венцем нетленным/ от всех Владыки Христа\ увязо=шася.
Светилен, глас 4:
Подобен: Яви=лся еси дне=сь:
К Тро=ице отрокови=цы горя=ще Боже=ственною ревностию,/ добродетелей троице соименных, надежде, вере и любве, прилепившеся,/ неради=ша о му=ках.
На Хвалитех стихиры, глас 1.
Подобен: Небесных чинов:
Софи=е, ра=дуйся и играй,/ от тебе= бо процвето=ша,/ яко от па=жити боже=ственныя,/ благоуха=ннейшии кри=ни:/ Вера, Любы= и Надежда,/ Троицы поборницы,/ Сея= бо ради усе=чены во главы=,\ Небе=сным венце=м увязо=шася.
Адриа=новых мук не устраши=вшеся отню=д,/ бога=тство и славу/ ни во что же вмени=вше,/ претерпе=ша истяза=ния вся=ческая/ добропобе=дныя му=ченицы/ Ве=ра, Наде=жда и Любы,\ доброде=телей имена= нося=щия ю=ницы.
Веры, любве=, наде=жды / во броня= обле=кшеся тве=рдо,/ му=дрость от Бога Спаса поче=рпше,/ уста= Адриа=новы загради=ша,/ нечести=ваго и несмы=сленнаго,/ три по пло=ти сестры=:\ Ве=ра, Наде=жда и Любы= всесла=внейшая.
Слава, глас 6:
Прииди=те, согла=сно, ве=рнии,/ благода=рственную песнь/ Благоде=телю всех Бо=гу воздади=м,/ в же=нстем бо естестве=/ Вера, Наде=жда и Любы=,/ добропобе=дных му=чениц тро=ица/ неви=димую держа=ву/ сопроти=вныя си=лы одоле=ша./ Сих моли=твами, Христе,/ подай мир лю=дем Твои=м\ и душа=м на=шим ве=лию ми=лость.
На Литургии
От канона святым песни 3 и 6. Прокимен, глас 4. Дивен Бог во святых Своих: Стих: В це=рквах благословите Господа.