Редкие Богослужебные тексты

Служба святому праведному Александру (Баданину), Вологодскому чудотворцу.

Тропарь. Глас 2.
Ве=рою и любо=вию окрыля=ем и смире=нием я=ко многоце=нным еле=ем украша=ем, отче Александре, возлете=л еси в Го=рняя к Царю славы Христу, Его=же
ради= мно=ги ско=рби во=лею претерпе=л еси и на земли=, со стра=хом предстоя= у престо=ла Божия, молился еси яко иерей и пастырь слове=сных овец; те=мже, имея дерзнове=ние к Нему= и о нас моли=ся спасти=ся душа=м нашим.
Тропарь, глас 4
Моли=твенниче к Богу приле=жный / и Ду=ха Свята=го стяжа=телю преди=вный,/ смире=ния христоподража=тельнаго / и кро=тости о=бразе,/ве=ры кре=пкия насади=телю /и подви=жниче усе=рдный,/Волого=дский целе=бниче /и многочу=дный прозорли=вче,/ отче Алекса=ндре блаже=нне,/моли= Всеблага=го Бога/спасти=ся душа=м нашим.
Тропарь. Глас 4.
Смире=ния Христоподража=тельнаго и кро=тости учи=телю и ве=ры тве=рдыя насади=телю, Волого=дский целе=бниче и к Бо=гу моли=твенниче усе=рдный, отче Александре блаже=нне, моли= Всеблага=го Бога спасти=ся душа=м нашим.
Кондак, глас 8
Вы=шния красоты= жела=я, / мира кра=сная отню=д возненави=дел еси= /и земна=я бла=га оста=вил еси, /во юро=дство во=лею претвори=вся/ и до=бре Бо=гови угоди=в; сего ради чудесы= просла=вился еси,/ теле=с неду=ги и душ я=зи исцеля=я./Темже твою память чту=ще, / светло пра=зднуем,/отче Александре блаже=нне;/вознеси= воздыха=ния наша / ко Влады=це мира,/мир всем испроси= / и душа=м нашим ве=лию милость.
На «Господи, воззвах», глас 6.
Моли=твенника те=плаго и благода=тнаго па=стыря ви=дим тя, отче Александре, мно=гим бо лю=дем, к тебе притека=ющим, утеше=ние в ско=рбех явля=еши, и в неду=зех исцеле=ния, в ну=ждах присное вспоможе=ние и доны=не в чудоде=йствиих не оскудева=еши.
Лествицею доброде=телей ше=ствуя, де=латель неле=ностный вертогра=да Госпо=дня показался еси, отче Александре, от мла=да да=же до после=дняго часа= до=бре потруди=лся еси, та=ко и нас моли=твенно укрепи= Го=сподеви рабо=тати.
Слава, глас 6.
Селения святых насле=довал еси=, отче Александре пра=ведне, во свете лица= Божия зри=ши ну=жды притека=ющих к тебе, коему=ждо потре=бная я=же ко спасению подава=я, сего ради и мы, на помощь твою
упова=юще, молимся: моли= Христа Бога спасти=ся душа=м нашим.
На стиховне, глас 5.
Ревностию о славе Божией распаля=емь, поуча=л еси паству твою от страстей храни=тися, яже ду=шу растлева=ют и от Бога разлуча=ют. Моли= о нас, отче святы=й Александре, да упра=вим жи=тие наше к покаянию.
Стих: Свет возсия праведнику и правым сердцем веселие.
Апо=стольским по=двигом подража=я, отче Александре преди=вне, ду=шу о спасении па=ствы полага=л еси, не своих си взыску=я, но бли=жняго. Ныне же, предстоя Престолу Святы=я Троицы, непреста=нно моли=ся о почита=ющих память твою.
Стих: Готово сердце его уповати на Господа.
Все бога=тство веры откры=л ми еси, Господи, благода=рне взыва=ше, Александре пра=ведне, ко Источику любве= и прему=дрости Богу, от Негоже позна=л еси словеса= спаси=тельная, и=миже согрева=я
хла=дная сердца на=ша, направля=еши ко спасению.
Слава, глас 8.
Еди=ному Богу любо=вию прилепля=яся, свя=те Александре, при=сно попече=ние о стра=ждущих и отве=рженных име=я, скорый помо=щник те=м яви=лся еси; сего= ра=ди сила= благода=ти Бо=жия содева=ет тобою ве=лия чудеса=, неве=рных к ве=ре во Христа= обраща=ющи и за=поведем Божиим сле=двати нас науча=ющи.
По 50-м псалме, глас 6.
Тя земна=го ангела, Небе=снаго челове=ка, любве= Христо=вы испо=лненнаго, земли= Росси=йския печа=льника и о всем мире моли=твенника, засту=пника оби=димых и чудотво=рца преди=внаго почитаем, Алекса=ндре пра=ведне, благодаря=ще Бога, прославля=ющаго святы=я Своя.
На хвалитех, глас 8.
Лику=й све=тло, гра=де Во=логдо, уго=дник Бо=жиих ра=ди, просла=вльших тя: Никола=я блаже=ннаго, ди=внаго моли=твенника, и пра=веднаго Алекса=ндра, свети=льника ве=ры и чудотво=рца изря=дна. Взыгра=йте, лю=дие Бо=жии, в пе=снех и пе=ниих ра=дующеся, Христа пою=ще и святы=х Его, при=сно моля=щихся о душа=х наших.
Уста== твоя ра=зума испо=лнистася, от ни=хже зако=ну Госпо=дню лю=дие поуча=хуся, Александре богому=дре;+ ныне же, со Ангелы Святей Троице предстоя=, моли=ся о почита=ющих па=мять твою.
Слава, глас 6.
Истиннаго па=стыря тя ве=даем, отче Александре, явил бо еси в себе о=браз Пастыренача=льника Христа, ныне же зре=нием неизрече=нныя славы Его наслажда=ешися и проше=ния наша слы=шиши, моли=ся дарова=ти нам ко спасению поле=зная и ве=лию милость.
Богородичен, глас 6.
Южика Твоя, Пресвятая Дево, Елисавет,
ма=ти Предте=чева, пе=рвее всех земноро=дных Богородицу Тя нарече=, глаго=лющи: отку=ду мне сие? да прии=де Ма=ти Господа моего ко мне. Мы же Тя,
благослове=нную в жена=х, вси ро=ди христиа=нстии, без истле=ния Бога Слова ро=ждшую, при=сно величаем.