Адрес электронной почты
Пароль
Я забыл свой пароль!
Входя при помощи этих кнопок, вы подтверждаете согласие с правилами
Имя
Адрес электронной почты
Пароль
Регистрируясь при помощи этих кнопок, вы подтверждаете согласие с правилами
Сообщество

Редкие Богослужебные тексты

прп. Савве Стромынскому. Тропарь, канон

прп. Савве Стромынскому
Тропарь, гл. 4-й
Богу, тя призва=вшу, всем сердцем после=дуя, мира кра=сная оста=вил еси, учени=к преподо=бнаго Се=ргия соде=лався, доброде=телем и чистоте= от него= навы=к и разумом духо=вным све=тло украси=вся; сего ради иночествующим наставник явился еси и оби=тели во имя Пресвяты=я Богороди=цы первонача=льник, с Не=юже моли=ся Го=сподеви о ве=рою творя=щих память твою, Са=вво, преподобне отче наш!
Канон, глас 6
Песнь 1
Помо́щник и Покрови́тель / бысть мне во спасе́ние, / Сей мой Бог, / и просла́влю Его́, Бог отца́ моего́, / и вознесу́ Его́, / сла́вно бо просла́вися.
Помощь Твою ниспосли= ми, Человеколю=бче, да восхвалю= в пе=снех память преподо=бнаго Твоего, его=же сподо=бил еси Ца=рствия Преве=чнаго.
Преподо=бнаго Се=ргия уче=нии наслади=вся, доброде=телем сего, о=тче, наследник показа=лся еси, с ни=мже Престо=лу Вы=шняго предстоя=, непреста=нно Тому пое=ши.
Пресвяты=я Тро=ицы оби=тель, вои=стинну ди=вный Бо=жий виногра=д, изнесе== тя яко прекра=сный гро=зд, сла=достию веселя=щ сердца= спо=стник твоих, непреста=нно Христа воспева=ющих.
Богородичен: Яви=лася еси Дверь Животу=, смерти две=ри затво=рши, и Земля= Избра=нная, Спа=са произрасти=вшая, Чистая, Ея=же ради вознесе=ся от земли= на Небеса= челове=ческое естество=.
Песнь 3
Утверди=, Господи, на ка=мени за=поведей Твоих подви=гшееся сердце мое, я=ко Еди=н Свят еси= и Господь.
Утверди=в се=рдце твое Го=рняго Черто=га жела=нием к подвиго=м, восле=д стопа=м благослове=ннаго учителя твоего потече=, Са=вво преди=вне.
Утверди=стася но=зе твои= на пути= смире=ния и послуша=ния, во всем бо Сергию преподобному повину=яся, благоразсу=дному житию= навы=кл еси.
Отврати=л еси= о=чи твои е=же не ви=дети суеты=, добро=ты Небе=сныя па=че всего земна=го возжеле=в, досточу=дне.
Богородичен: Вся=ческих Го=спода и Вседержи=теля, Богороди=тельнице, неизглаго=ланно ро=ждши, умоли= Того спасти= нас.
Седален, гл. 5.
Подобен Собезначальное Слово.
Иже Небесы= и земле=ю Владе=ющему, в Трие=х Ли=цех пева=емому Богу от ю=ности твоея= послужи=л еси, Крест Христов на ра=мо взе=м, до конца до=бре претерпе=л еси=, сего ра=ди в Го=рнем Ца=рствии ныне лику=еши, со учителем твоим, Савво препободне.
Слава, и ныне:
Всесвята=я Де=во, поми=луй верою прибегающих к Тебе, Милосе=рдой, и прося=щих те=плаго заступле=ния Твоего, мо=жеши бо, я=ко Бла=га, всех спасти=, су=щи Ма=ти Бога Вы=шняго, и Ма=терними молитвами при=сно объе=млеши ны, Богора=дованная.
Песнь 4
Услы́ша проро́к прише́ствие Твое́, Го́споди, / и убоя́ся, / я́ко хо́щеши от Де́вы роди́тися / и челове́ком яви́тися, и глаго́лаше: / услы́шах слух Твой и убоя́хся; / сла́ва си́ле Твое́й, Го́споди.
Услы=шах, Господи, слух Твой и убоя=ся, разуме=х дела= Твоя и диви=ся,— помышля=ше вы=ну Са=вва благоиску=сный, поя= о Господе, и моля=ся, и ра=дуяся при=сно.
Труды= и бде=нии, моли=твами и поще=нии преподобному Сергию поревнова=л еси=, богому=дрому разсужде=нию научи=вся, и коне=чнаго безстра=стия дости=гл еси.
Богоуго=днаго ради жития= твоего па=стве Христо=вых овец вруча=ешися в пречестне=й оби=тели Богоро=дицы, ю=же князь великий по обетова=нию созда=, восхваляя= Тоя= заступле=ния и от варва=рския беды= избавле=ние.
Богородичен: Седмосве=тлый Тя Све=щник, Огнь Богоразу=мия нося=щь, Отрокови=це, проро=к дре=вле предви=де, светя=щь су=щим во тме неве=дения, те=мже просвети= мя, вопию= Ти, Всенепорочная.
Песнь 5
К Тебе́ у́тренюю, / милосе́рдия ра́ди Себе́ истощи́вшему непрело́жно / и до страсте́й безстра́стно прекло́ншемуся, / Сло́ве Бо́жий: / мир пода́ждь ми, па́дшему, / Человеколю́бче.
От но=щи у=треннюет дух мой к Тебе, Боже, во всено=щных стоя=ниих взыва=ше, Савво многопе=тый, не дал еси сна очи=ма втои=ма, ни ве=ждома дрема=ния, до=ндеже на Небесе=х покой обре=л еси.
Ме=ртвости Христо=вой, я=же на Кресте, подо=бяся, стра=сти плотски=я увяди=л еси, умер ми=рови, воскре=с же Бо=гови, ныне же на земли= кротких лику=еши, Савво преподобне, о нас моля=ся.
Сном уны=ния и ле=ности отягче=ннаго, недосто=йнаго певца= твоего воздви=гни, Са=вво, моли=твенниче неусыпа=емый, Бо=жия зари= служи=телю, Невече=рнему Дни свяще=нный прича=стниче.
Богородичен: Богоро=дицу Тя Истинную, Чистая, благоче=стно сла=вим и, ми=лости Твоя непостижи=мыя помина=юще, на Твое предста=тельство упова=ем.
Песнь 6
Возопи=х всем сердцем моим к Щедрому Богу, и услы=ша мя от ада преиспо=дняго, и возведе= от тли живот мой.
Вопию= в печали моей ко Господу Богу, из чре=ва а=дова зол моих, окая=нный: возведи= из истле=ния ду=шу мою, моли=твами преподобных отцев Сергия и Саввы, Многоми=лостиве.
Егда= печа=ли сме=ртныя объя=ша мя, милости Бо=жия помяну=х, преподобных отец подвиза=я на молитву, вели=каго Сергия и ди=внаго Савву, и спасе= мя десни=ца Твоя, Господи.
Углебо=х в волна=х, бу=рею потопля=емь, но простри= ми ру=ку, Человеколюбче, и наста=ви в приста=нище тихое, моли=твами преподобных, Иису=се Многоми=лостиве.
Богородичен: Ты еси Корабль спасения, Богоблагода=тная, в мо=ри жития= при=сно погружа=емым, те=мже образу Твоему цельбоно=сному припа=даю, моля=ся: прощение ми пода=ждь и спасе=ние, Пречистая.
Кондак глас 2,
под: в молитвах Неусыпающую
Во всем житии= твое=м неусы=пный к Богу моли=твенник показа=лся еси, мно=гая дарова=ния от Того= прие=м, те=мже и нам помогай, к честне=й ра=це твоей притека=ющим и светло творящим память твою, Савво присноблаже=нне.
Икос
Преподо=бному Сергию собесе=дник быв, вже=гл еси свети=льник в души= твоей от присносветя=щаго огня=, непреткнове=нно стезе=ю спасительною ше=ствуя. Тем и во оби=тели Бо=жия Ма=тере и=ночествующих ста=до собра=л еси, иде=же и доныне честна=я икона Ея= пресла=вно чудоде=йствует, исцеле=ния с верою приходя=щим источа=ющи, с Не=юже о нас, грешных, помоли=ся, светло память твою творящих, Савво присноблаже=нне.
Песнь 7
Неизрече́нное чу́до: / в пещи́ Изба́вивый преподо́бныя о́троки из пла́мене / во Гро́бе мертв, бездыха́нен полага́ется / во спасе́ние нас, пою́щих: / Изба́вителю Бо́же, / благослове́н еси́.
Бо=жиим поспеше=нием и моли=твами отца твоего в пещи= искуше=ний неопали=м пребы=сть, вся вра=жия кова=рствия победи=в, днесь же от честна=го гро=ба твоего, благодать источа=еши пою=щим: Изба=вителю Боже, благослове=н еси.
Неизрече=нным чудесе=м Соде=телю, преподо=бныя Твоя засту=пники показа=вый, Господи, нас, пла=меньми лука=ваго опаля=емых, заступле=нием отца нашего Саввы огня= ве=чнаго изба=ви, да пое=м Ти: Изба=вителю Боже, благослове=н еси.
Сла=вы А=нгельския соприча=стниче, стра=сти душетле=нныя от ста=да твоего отжени= оте=ческою твое=ю любо=вию и ко ангельскому житию= напра=ви зову=щих: Изба=вителю Боже, благослове=н еси.
Богородичен: Тя Предста=тельницу и Непобеди=мое Утвержде=ние стяжа=вше, Пречи=стая, наве=та вра=жия и се=тей вы=шши яви=тися упова=ем и стра=шнаго ве=чнаго осужде=ния изба=витися.
Песнь 8
Его́же во́инства Небе́сная сла́вят, / и трепе́щут Херуви́ми и Серафи́ми, / вся́ко дыха́ние и тварь, / по́йте, благослови́те и превозноси́те во вся ве́ки.
Яко Се=ргиева богособра=ннаго по=лка во=ин, вра=жия ополче=ния кре=пце победил еси=, ны=не же, с Небе=сными Чи=нми предстоя=, зове=ши: лю=дие, по=йте и превозноси=те Го=спода во веки.
Ра=дости Небе=сныя исполня=емь, в Вы=шних Трисвяту=ю песнь воспева=еши, преподо=бне Савво, и нас от ле=ности грехо=вныя воздви=гни взыва=ти: лю=дие, по=йте и превозноси=те Господа во веки.
Бо=жия хвалы=, вся=ческая, испо=лнитеся, го=ры и хо=лми, от лица= Его возра=дуйтеся, преподо=бнии, и пра=веднии, и смире=ннии се=рдцем, благослови=те Господа, по=йте и превозноси=те Его во веки.
Богородичен: Марие Пречи=стая, Ма=ти Благослове=нная, Го=рних Умо=в превы=шшая, во единомы=слии утверди= сердца= ве=рою Тя пою=щих и благословя=щих Го=спода во вся веки.
Песнь 9
Бо́га челове́ком невозмо́жно ви́дети, / на Него ́же не сме́ют чи́ни А́нгельстии взира́ти; / Тобо́ю бо, Всечи́стая, яви́ся челове́ком / Сло́во воплоще́нно, / Его́же велича́юще, / с Небе́сными во́и Тя ублажа́ем.
Ны=не во Све=те Присносу=щнем Престо=лу Пресвяты=я Тро=ицы предстоя=, Ту=ю моли= не отврати=ти Лица= Своего от нас и просвети=ти ве=рою и любо=вию тя ублажа=ющих, Савво пречу=дне.
Савво богоно=се, уго=дниче Христов, Небесному покою тезоимени=те, сего= и нас досто=йны сотвори= насле=дники, со всеми святыми тя ублажа=ющих.
В души= твоей прече=стен храм Ду=ха Свята=го сотво=рил еси, блаже=нне, ныне же мощи твоя святы=я яви=л еси нам яко благода=ти и цельба=м исто=чник, к нему же притека=юще, Христа прославля=ем.
Богородичен: Черто=же и Престо=ле Ца=ствующаго, Горо= Божия, и Гра=де Избра=нный, и Раю=, Солнца Луче== Всесветлая, просвети= ду=шу мою, о=блак отгоня=щи грехо=в моих многих, Богоблагода=тная.

в ответ на комментарий

Комментарий появится на сайте после подтверждения вашей электронной почты.

С правилами ознакомлен

Защита от спама: