Редкие Богослужебные тексты

Служба
святой праведной Горгонии,
сестре святителя Григория Богослова
На Вечерни
На Господи, воззвах: стихиры, глас 4:
Христов храм яви=лася еси, пра=ведная Горго=ние, / чистотою и доброде=тельми мно=гими,/ я=же стяжа=ла еси, посреде= мира жи=тельствующи, / и Духа Святаго прия=ла еси, // Егоже моли= спасти=ся душа=м нашим.
Нищим, си=рым и вдови=цам помо=щнице, / достохва=льная Горгоние, / и хра=мов благоукраси=тельнице, / богатство неистощимое на Небесе=х стяжа=ла еси, / иде=же Христа Бога мо=лиши // спасти=ся душа=м нашим.
В супру=жестве честне=м пожи=вши / и ча=да ро=ждши, Горгоние богому=драя, / ми=лостынею безме=рною и любо=вию нелицеме=рною / ду=шу твою возде=лала еси, / тебе= бо ра=ди сла=вно бысть имя Господне, // Егоже моли= спасти=ся душа=м нашим.
Слава, глас тойже:
Всяк язы=к да подви=жится / во е=же просла=вити Горго=нию пречу=дную; / всяк во=зраст и чин, / ю=ноши же и де=вы, / супру=ги и вдови=цы, / Христо=ву уго=дницу похвала=ми да увенча=им, / зако=нно бо потруди=вшися / и сла=бость женскую отве=ргши, / посто=м и ми=лостынею, и моли=твами / безпло=тныя враги= посрами= / и, пресве=тлым Небе=сным венце=м украси=вшися / мо=лит Христа Бога / пода=ти Це=рквам единомы=слие, и ми=рови мир, // и душа=м нашим ве=лию милость.
И ныне, Богородичен, глас тойже:
Небесных Чино=в Ра=дование, / на земли= челове=ков крепкое Предста=тельство, / Пречи=стая Дево, / спаси= нас, к Тебе прибега=ющих, // яко на Тя упова=ние возложи=хом.
Или Крестобогородичен:
Агнца, Агница и Всенепорочная Владычица, / на Кресте яко видевши / зрака не имуща, ни доброты, / увы Мне, плачущи глаголаше: / где красота Твоя зайде, Сладчайший, где благолепие? / Где благодать сияющая образа Твоего, // Сыне Мой Любезнейший?
На стиховне, Слава святой, глас 1:
Преукраше=на, пра=ведная Горгоние, / доброде=тельми, яко цве=ты благоуха=нными / и я=ко ка=мением драгоце=нным, / Нетле=нному Царю= и Влады=це всех / усе=рдно послужи=ла еси, / Ему=же ныне предстоя=щи, // в моли=твах твоих помина=й чту=щия тя.
И ныне, Богородичен, глас тойже:
Ни а=нгельский ум, ниже= челове=ческий / изъясни=ти возмо=жет / несказа=ннаго и пресла=внаго / Та=инства Рождества Твоего, + Богородице,/ Тобою бо Господь нас ради воплоти=ся, / зрак раба прия=в, / Емуже моли=ся, Всечи=стая, // да поми=лует верою и любо=вию Тя воспева=ющия.
Или Крестобогородичен:
Воздви=жена яко виде на Кресте Агнца, / Непорочная Дева плачущи вопияше: / Сладкое Мое Чадо, / что новое и преславное видение? / Како содержай всяческая горстию, // на Древе пригвождаешися плотию?
Тропарь глас 4:
Иго благо=е и бре=мя ле=гкое взе=мши, / после=довала еси Христу,/ милостынею, постом и молитвою Тому служа=щи, / всехва=льная Горго=ние, / и всем, в ми=ре живу=щим, пра=вило доброде=тельнаго жития= яви=лася еси, / те=мже Вы=шнее Ца=рствие насле=довавши, / непреста=нно Бога моли= // спасти=ся душа=м нашим.
НА УТРЕНИ
Канон святыя, глас 2.
Песнь 1.
Грядите, людие, поим песнь Христу Богу, разделыиему море и наставлъшему люди, яже изведе из работы египетския, яко прославися.
Немо=лчными усты= Господа прославля=юще,/ восхва=лим днесь Горго=нию блаже=нную, / посреде= земнаго суетства= Небе=сныя славы взыска=вшую / и во Царствии Христо=вом ныне о нас моля=щуюся.
С Небесными Чи=нми днесь лику=ющи, достосла=вная мати, / пою=щия память твою ми=лостивным предста=тельством твоим не оста=ви.
Богородичен: Све=тлыми луча=ми Твоего Сына, Богородице, / просвети= омраче=нную мою ду=шу, / страсте=й смуще=ние отжени=, Твоими, Чи=стая, хода=тайствы.
Песнь 3.
На камени мя веры утвердив, разширил ecu уста моя на враги моя. Возвесели бо ся дух мой, внегда нети: несть свят, якоже Бог наш, и несть праведен паче Тебе, Господи.
Святы=х роди=телей твоих Григория и Нонны поуче=нием внима=ющи, прему=драя, / тех нра=вом и чистоте= поревновала еси, / во и=стиннем смире=нии до=бре пожи=вши / и венец нетле=нный стяжа=вши.
Просия=ла еси в житии= твоем, Горгоние всечестна=я, / я=коже солнце всесве=тлое, / и ныне к тебе верою и любовию приходя=щия / о=бщницы Све=та соде=лати Спа=са умоли=.
Богородичен: Яко Бога ро=ждшую, Творца= же всех и Зижди=теля, / ро=ди Тя вси челове=честии, Чи=стая, ублажа=ют, / и Безтеле=сных разу=мная Чинонача=лия яко Матерь Божию Тя сла=вят.
Седален, глас 6:
От младе=нства страх Божий иму=щи в сердце твоем, / блаже=нная ма=ти Горгоние, / и духо=внеи о=чи горе= устремля=ющи, / Небе=сная воздая=ния прия=ла еси=; / те=мже ныне моли=ся приле=жно о любовию пою=щих тя.
Слава, и ныне, Богородичен:
Пречи=стеи Твои ру=це, Дево Мати, просте=рши, / покры=й упова=ющия на Тя и к Сыну Твоему зову=щия: // всем пода=ждь, Христе, Твоя милости.
Песнь 4.
Пришел ecu от Девы, не ходатай, ни Ангел, но Сам, Господи, воплощся, и спасл ecu всего мя человека. Тем зову Ти: слава силе Твоей, Господи.
Боже=ственною благода=тию просвеща=ема и укрепля=ема, / на высоту= доброде=телей востекла= еси, / в ми=ре живу=щи, мати преди=вная, / к ни=мже и на=ша стопы== напра=вити Господа умоли=.
Ева=нгельским словесе=м вне=млющи, стезе=ю за=поведей Христовых ше=ствоваше, Горгоние Богому=драя,/ и своя= хоте=ния небре=гши, Бо=гови и бли=жним усе=рдно послужи=ла еси.
Позлаще=не крыле= ми=лостынею и любовию обре=тши, возлете=ла еси к Небе=сным, блаже=нная, яко голуби=ца прекро=ткая.
Богородичен: Невесту Неневе=стную и Чистое Селе=ние Иисусово, / Честне=йшую Херуви=м ве=мы Тя, Богородице, / бу=ди Хода=таица призыва=ющим помощь Твою.
Песнь 5.
Света подателю и веков Творче, Господи, во свете Твоих повелений настави нас; разве бо Тебе иного бога не знаем.
Всею кре=постию Христа возлюби=вши, ма=ти пра=ведная, / Того живоно=сными словесы= воспита=лася еси, / в бли=жних Богу служа= всеусе=рдно.
Любо=вию своею мно=гая сердца= согре=, Горгоние всечестна=я, / ми=лостынями и смире=нием главу= прего=рдаго змия= непреста=нно сокруша=ющи, / от его=же наве=тов и нас соблюди= молитвами твоими.
Богородичен: Зако=на Исполне=ние, вы=сшая Херувим, / Божия Слова воплоще=нна, Сына Единоро=дна ро=ждшая, Пречистая,/ Того о рабе=х Твоих умоли=.
Песнь 6.
В бездне греховней валяяся, неизследную милосердия Твоего призываю бездну: от тли, Боже, мя возведи.
Дар Христо=ви принесла еси — чистое твое житие; / труды= и ми=лостыньми Богу угоди=ла еси, / сего ради Небесное Царство и ве=чное наслаждение прия=ла еси.
Све=тлое торжество= твое, све=том благода=ти сия=ющее, / озаря=ет ду=ши наша, / ве=рою пою=щих тя, Горго=ние всечу=дная.
Доброде=телей бога=тства обре=тши, / жили=ще Святей Троице яви=лася еси; Ейже предста=тельствуй о нас, да не поги=бнем со беззако=ньми нашими.
Богородичен: Милости Твоея=, Богородице, сподо=би мя, / Преми=лостиваго Спаса ро=ждшая, / Кро=вию Своею от смерти ве=чныя челове=ки изба=вльшаго.
Кондак, глас 6:
Помо=щницу, су=щии в беда=х и боле=знех, / и наста=вницу прему=друю, / Горгонию святую воспои=м; / та бо в мире богоуго=дно поживе=, / ми=лостыню и любовь неизрече=нную / нуждо=ю одоле=нным яви=вши // и благода=ть чуде=с от Господа прия=вши.
Песнь 7.
Да преславное Рождество Твое Христе, еже от Девы прообразиши яве, неопалимы в пещи отроки сохранил еси, песньми поющыя Тебе: отцев Боже благословен еси.
Чудесы= Божественными, на тебе бы=вшими, / сумня=щихся и не ве=дущих Господа уве=рила еси / и славосло=вити имя Христо=во тех возста=вила еси, пою=щи: / отцев, Боже, благослове=н еси.
Избавле=ния от бед и скорбе=й испроси= нам, чту=щим память твою, ма=ти Горго=ние, / да взываем: отцев, Боже, благословен еси.
Разум боголюби=в име=ющи, Горгоние славная, / Ангелом уподо=бися, / бдя=щи те=пле и любо=вию пою=щи: / отцев, Боже, благословен еси.
Богородичен: Гаврии=лово благове=стие услы=шавши, Марие Чистая, / прия=ла еси благоволе=ние О=тчее и Духа наше=ствие, / и родила еси Христа — Слово воплоще=нное, ра=дующися и вопию=щи: / отцев, Боже, благословен еси.
Песнь 8.
Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющыя: благословите вся дела Господня Господа.
Ликуют на Небесе=х Чи=ни А=нгельстии, всеблаже=нная мати, / верных же собо=ри, на земли= твою память похваля=юще, поют: / благослови=те, вся дела Госпо=дня, Господа.
Его=же от юности всем сердцем возлюби=ла еси, Христа Бога, / Тому во всей жизни усе=рдно порабо=тала еси, пречу=дная, / во скорбе=х и ра=достех благода=рне взыва=ющи: / благослови=те, вся дела Господня, Господа.
Украше=на сия=нием чистоты= и доброде=тельным житие=м просвеще=на, / предстои=ши во славе Христу Богу нашему, пою=щи: / благословите, вся дела Господня, Господа.
Богородичен: Слово Отца Небе=снаго Единосу=щное, / Ада=мово Избавле=ние от крове=й Твоих де=вственных воплоти=ся, Пречистая, / Емуже благода=рственне зове=м: / благословите, вся дела Господня, Господа.
Песнь 9.
Безначальна Родителя Сын Бог и Господь, воплощься от Девы нам явися, омраченная просветити, собрати расточенная, тем Всепетую Богородицу величаем.
Возсия= тебе Христос, Свет Незаходи=мый, / радость же ве=чная тя на Небе=сная подъя=, / принесла= бо еси Ему= житие= нескве=рное, / те=мже досто=йно восприя=ла еси плоды= трудо=в твоих, всеблаже=нная.
Единому=дренно и благоче=стно вку=пе с супру=гом твоим Али=пием пожи=вши, ма=ти Горго=ние, / в Ве=чныя Обители преста=вилася еси, / иде=же мо=лишися о любо=вию тя велича=ющих.
Смире=ние процвете= в души= твоей, / и Божественная кро=тость, и вера несумне=нна, и к Богу любовь, / темже, мольба=ми неотсту=пными прибли=зившися Ему / и светлостьми= Его озари=вшися, / в Го=рний Черто=г с ра=дующимися вни=де, Горгоние всехвальная.
Богородичен: Глас Тебе Ангелов, Пречистая, вопие=м: / радуйся, Спасение всех челове=ков / и славных му=чеников Божественное Венчание.
Светилен:
Трисия=нному Великому Свету ныне предстоя=щи / и в неизрече=нней све=тлости со святы=ми сро=дники твоими пребыва=ющи, / помяни всех нас, Горго=ние Богоблаженная, / память твою светоно=сно соверша=ющих.
На стиховне, Слава святой, глас 1:
Ныне на Небесе=х с ли=ки Ангельскими, / и роди=тели твоими, Григорием и Но=нною, / бра=тиями же Григорием и Кеса=рием / Влады=це всех, Горго=ние всесла=вная, предстои=ши, / моля=щи о Це=ркви и ми=ре // и о чту=щих ве=рою святую память твою.
И ныне, Богородичен, глас тойже:
Святе=йшая всех Сил святых, / честне=йшая вся=каго творения, / Богоро=дице, Влады=чице мира, / спаси= нас, Спаса ро=ждшая, / от прегреше=ний неисче=тных и бед, // яко Блага=я, молитвами Твоими.
Или Крестобогородичен:
У Креста Твоего предстоящи, Слове Божий, / Агница и Непорочная Мати Твоя, рыдающи вопияше: / увы Мне, Сыне, како умираеши на Кресте? / Увы Мне, Свете Мой сладкий, / где Твоея доброты ныне за=йде зрак, // красне=йший паче всех человек?