Редкие Богослужебные тексты

СЛУЖБА
преподобной матери Схоластике,
сестре преподобного Венедикта Нурсийского
НА ВЕЧЕРНИ
На Господи, воззвах: стихиры, глас 1:
Днесь А=нгели и лю=дие светло торжеству=ют / в памяти твоей, ма=ти Схола=стико достоблаже=нная, / чи=ни бо Небе=снии сликo=вственницу и=мут тя, / мы же к Богу хода=таицу тепле=йшую; / и ныне моли=тися не преста=й // о всех любо=вию творя=щих память твою.
Вся печа=ли на Господа возве=ргши / и Его ра=ди ми=ра избе=гши, / в места пусты=нная удали=ся, / Схоластико пречу=дная, / и, яко ра=вная Ангелом позна=вшися, /кончи=ну сла=вную восприя=, // темже моли Христа Бога дарова=ти нам ве=лию милость.
От за=пада возсия=ла еси, / я=коже другое солнце, / преподо=бная ма=ти, / заря=ми сия=ющи доброде=телей твоих / и верных сердца= чудесы= освеща=ющи, / и, яко сокро=вище многоце=нное, / мо=щи твоя нам оста=вила еси; / те=мже тя при=сно ублажа=ем / и память твою почита=ем, / Христа велича=юще, // вельми= тя возвели=чившаго.
Жела=нием узви=вшися / во е=же Христу служи=ти, всечестна=я, / к Тому притекла= еси=, / о земно=м небре=гши / и за=поведем Его после=дующи./ Те=мже тя в Черто=г Пресветлый всели= // Иисус Человеколю=бец и Спас душ наших.
Слава, глас 4:
Прииди=те, любоде=вственнии вси / и чистоты= рачи=телие, / прииди=те, мона=хов мно=жества / и преподо=бных жен сосло=вие, / ве=рою согла=сно воспои=м / равноа=нгельную дво=ицу всеблаже=нную: / Венеди=кта всебога=таго / и преди=вную Схола=стику, / к ним же во умиле=нии припаде=м, //прося=ще заступле=ния неотсту=пнаго.
И ныне, Богородичен, глас тойже:
От всех бед сохраня=й певцы= Твоя, / Благослове=нная Богоро=дице Марие, //да Тя сла=вим, Надежду душ наших.
Стихиры на стиховне, глас 6:
От усе=рдия песнь ти воспева=ем, / Схола=стико преподо=бная, / и восхваля=ем па=мять твою немо=лчно // вои=стинну светоно=сную.
Стих: Честна пред Господем / смерть преподобных Его.
От ма=терних пеле=н/ Бо=гови посвяще=нна явила=ся еси, / Схола=стико Богоревни=вая, // и храм Духа Святаго соде=лалася еси.
Стих: Что воздам Господеви о всех, / я=же воздаде= ми?
Моли=твою и терпе=нием, / па=че же ко Господу любо=вию, / Схола=стико прему=драя, / дарова=ния духовная стяжа=ла еси, //чудесы= нам благоде=ющая.
Слава, глас тойже:
Услы=ши на=ша моле=ния, / любо=вию к тебе прибега=ющих, / Схола=стико всечу=дная, / и серде=чная проше=ния / чту=щих святу=ю память твою // Го=сподеви принеси=.
И ныне, Богородичен, глас тойже:
Творец и Избавитель мой, Пречистая, / Христос Господь, из Твоих ложесн прошед, / в мя оболкийся, первыя клятвы Адама свободи. / Темже Ти, Всечистая, / яко Божии Матери же и Деве воистинну / вопием немолчно: / радуйся, Ангельски, радуйся, Владычице, / предстательство, и покрове, // и спасение душ наших.
Тропарь, глас 4:
Мона=хиням матерь и Ангелом собесе=дницу, / доброде=тельми всем конце=м све=тло просия=вшую / и верных сердца ми=лостию озаря=ющую, / Схола=стику Богомудрую восхва=лим, // те=плаго ея= предста=тельства прося=ще.
НА УТРЕНИ
По стихословии седален, глас 1:
Поет Богу Церковь, / днесь в памяти твоей лику=ющи, / Богодохнове=нная ма=ти, // и верою вели=кия подвиги твоя прославляющи.
Слава, и ныне, глас тойже:
Едина истинная христиан Покрови=тельнице, / всяких лю=тых обстоя=ний, / бед и скорбе=й нас изба=ви // и моли=твами Твоими спаси= души наша.
По полиелее седален, глас 4:
Яко благоразу=мная и избра=нная дева, / возжгла= еси в сердце твоем / лампа=ду огня Боже=ственнаго, / путь жизни твоея= преизоби=льно / еле=ем добро=т твоих ороша=ющи/ и при=сно на Вышнее призвание отклика=ющися. / Сего ради в Небесный Чертог / Христа, Жениха твоего, взошла= еси / равноа=нгельная мати Схоластико, / моли=ся грехов оставление дарова=ти, // пра=зднующим святую память твою.
Слава, и ныне, Богородичен:
Проро=цы Тя предвозвести=ша, / апо=столи пропове=даша, / му=ченицы просла=виша, / святи=телие ублажи=ша, / темже и мы с ними Богоро=дицу Тя испове=дающе, // благоче=стно в пе=снех величаем.
Таже степенна, 1-й антифон, глас 4.
Прокимен, глас 4: Терпя, потерпех Господа, / и внят ми, и услыша молитву мою.
Стих: И вложи во уста моя песнь нову, / пение Богу нашему.
Всякое дыхание: Евангелие от Марка, зачало 37.
По 50-м псалме стихира самогласна, глас 6:
Свыше зарю= Святаго Духа прие=мши, / ма=ти Схоластико преподобная, / земное житие на Небесное премени=ла еси, / иноческое возлю=бльши / и в нем Богу угоди=вши, / Ему же ныне яко невеста предстоя=щи, // испроси= нам ве=лия милости.
Канон святыя, глас 6.
Песнь 1
Яко по суху, пешешествовав Израиль / по бездне стопами, / гонителя фараона / видя потопляема, / Богу / победную песнь // поим, вопияше.
Яко безпло=тна на земли= пожи=вши, блаженная Схола=стико, / ныне на Небеси= лико=м преподобных сочетава=ешися, / темже помина=й нас, чту=щих тя верно.
Возлете=ла еси в Черто=г Го=рний, голуби=це Христова, / иде=же со Ангелы и всеми святыми ра=дуешися и весели=шися.
Иноческаго жития= возжеле=вши, во е=же Го=сподеви Единому послужи=ти, / по=мощию Его проти=ву страсте=й и ко=зней диа=волих вооружи=лася еси, / силою благодати укрепи=вшися.
Богородичен: Боголе=пное Селение, Чистая, Небес простра=ннейшее и чисте=йшее, Ты яви=ся;/ ныне же о Тебе радуется девственный лик.
Песнь 3
Несть свят, / якоже Ты, / Господи Боже мой, / вознесый рог верных Твоих, Блаже, / и утвердивый нас на камени // исповедания Твоего.
Земна=я попече=ния оста=вльши / и Небесными наде=ждами обогати=вшися, / на земли=, яко Ангел, пребыва=ше, всеблаже=нная.
Яко плодови=тая ма=слина, в дому= Боже=ственнем насажде=нная, / мати Схоластико, / еле=ем ми=лости твоея= ума=сти ли=ца тя восхваля=ющих.
Весели=т мона=шествующих сердца= житие= твое, преподобная, / в спасительных за=поведех Христо=вых тех утвержда=я / и к Небесному Царствию путеводя=.
Богородичен: Якоже неистощи=мое Сокровище дарова=ний Тя иму=ще, Влады=чице, / неоску=дныя да=ры чуде=с от Тебе, благодаря=ще, прие=млем.
Седален, глас 6:
На высоту безстра=стия возше=дши, / во мрак Богови=дения вни=де, преподобная, /и Божественный закон в се=рдце прия=, / и=мже укрепи=вшися, / свети=льник пресве=тел ве=рным показа=ся, премудрая;// темже моли=ся о всех нас.
Слава, и ныне, Богородичен:
Пречи=стеи Твои ру=це, Дево Мати, просте=рши, / покры=й упова=ющия на Тя / и к Сыну Твоему зову=щия: // всем пода=ждь, Христе, милости Твоя.
Песнь 4
Христос моя Сила, / Бог и Господь, / честная Церковь / Боголепно поет, взыва=ющи, // от смысла чиста о Господе пра=зднующи.
Просвеща=ет верных собра=ния / све=тлая и достосла=вная память твоя=, мати, / услажда=ет преподо=бных ли=ки / и А=нгелы весели=т, / с ни=миже ныне водворя=ешися.
Огне=м покая=ния страсте=й хвра=стие испепели=ла еси / и, у=глем Госпо=дни любве= разгоре=вшися, / мно=гия благода=тныя да=ры стяжа=ла еси, прехва=льная.
Яко земля= добропло=дная яви=ся,/ возрасти=вшая мона=шествующих кла=сы стори=чествующия / и сих в жи=тницах Небесных совокупи=, благослове=нная.
Богородичен: Свет ро=ждшая, тьму разруши= многих моих прегреше=ний, Пренепоро=чная Влады=чице, / Яже Солнце Правды верным возсия=вшая.
Песнь 5
Божиим светом Твоим, Блаже, / утреннюющих Ти души / любовию озари, молюся, / Тя ведети, Слове Божий, / Истиннаго Бога, // от мрака греховнаго взывающа.
Исцеле=ние нам Владыка Христос даде= тя, / Схола=стико добропобе=дная, / твоими же многомо=щными молитвами не оста=ви ны.
Мати всечу=дная, не забу=ди чад твоих, / соверша=ющих честну=ю память твою, / яко да предста=тельствы твоими / изба=вимся вся=кия ну=жды и печали.
На Небеса возлете=ла еси, яко голуби=ца,/ крила=ми воздержания и богомы=слия, / и дости=гла еси Обители, / иде=же умом и сердцем, су=щи на земли=, пребыва=ше.
Богородичен: Благода=тным сия=нием Твоим, Богородице, / просвети= омраче=нную душу мою и к спасения стези= напра=ви, / Еди=на Спаса Христа ро=ждшая.
Песнь 6
Житейское море, / воздвизаемое зря / напастей бурею, / к тихому пристанищу Твоему притек, вопию Ти: // возведи от тли живот мой, Многомилостиве.
Вслед брата твоего Венеди=кта в пусты=ню устреми=лася еси, / о=бщница жития ангельскаго, всеславная, обре=тшися / и за любовь Христову изря=дно увенча=вшися.
Яко доброде=телей столп неколеби=м и благоче=стия жили=ще некрадо=мо, / яко мужества и целомудрия прия=телище ве=мы тя, Схоластико всехва=льная, и почитаем святую память твою.
Жениха Христа возлюби=вши, / труды= и по=двиги Его ради небоя=зненно подъя=ла еси, / венцы= Небесными украси=вшися.
Богородичен: Архангельский глас вопием Ти: / радуйся, Благодатная, Господь с Тобою; / радуйся, Благословенная, Заступнице наша и скорая в беда=х Помо=щнице.
Кондак, глас 6:
Мона=шеское житие= возлю=бльшую, / воздержа=нием и кро=тостию украше=нную, / сестру и сомоли=твенницу Венеди=кта блаже=ннаго, / Схоластику всечестну=ю, верни=и, воспои=м,/ с нею же, покаяния и милости от Христа испроси=вше, //Того просла=вим.
Песнь 7
Росодательну убо пещь содела Ангел / преподобным отроком, / халдеи же опаляющее веление Божие мучителя увеща вопити: // благословен еси, Боже отец наших.
Ангельски пожи=вши, преподобная, / плоды= трудо=в твоих по=стнических преоби=льно умно=жи / и Се=ни Боже=ственныя дости=же, воспева=ющи: / Багослове=н еси, Боже отец наших.
Чудес лучи= испуща=еши, боле=зни исцеля=еши, / бед же и скорбе=й избавля=еши, / от ковче=га мощей твоих благодать источа=еши, ди=вная мати, вопию=щим: / Благословен еси, Боже отец наших.
Соверша=ющих память твою, Схола=стико славная, / всегда помина=й, / Всеще=драго Господа моля=щи, да зовем вси: / Благословен еси, Боже отец наших.
Богородичен: Во тьме неразу=мия мя пребыва=юща, / просвети= Светом Непристу=пным Сына Твоего, Пречистая, / и наста=ви благоче=стно взыва=ти: / Благословен еси, Боже отец наших.
Песнь 8
Из пламене преподобным росу источил еси, / и праведнаго жертву с водою попалил еси: / вся бо твориши, Христе, токмо еже хотети. // Тя превозносим во вся веки.
Просвещением Небе=сным озаря=ема, достоблаже=нная, / воспева=ющия тя ныне милостию и любовию твоею озари=, песносла=вящия Христа: / Тя превозносим во вся веки.
Божественным желанием уязви=вшися, / непоро=чныя и пра=ведныя стези= соблюде==, /до=ндеже дости=же поклони=тися Престолу Господню, / со Ангелы взыва=ющи: / Тя превозносим во вся веки.
Чистоты ле=поту излуча=ющи, / Христа Бога нашего, Схоластико боголюбе=зная, со всеми святыми воспева=еши: / Тя превозно=сим во вся веки.
Богородичен: Яже Влады=ку всех пло=тию ро=ждшая, / страстей рабо=ты изба=ви мя, Отрокови=це, / и Творцу вся=ческих присво=й, любо=вию пою=щаго Тя во вся веки.

Песнь 9
Бога / человеком не возможно видети, / на Него же не смеют чини Ангельстии взирати; / Тобою же, Всечистая, явися человеком / Слово воплощенно, / Его же величающе, // с Небесными вои Тя ублажаем.
Тиме=ние греховное покая=нием отря=сши, / всю себе к Боже=ственней жизни и наслажде=нию Невеще=ственному пресели=, / и ныне, та=мо лику=ющи, назира=еши ны, богому=драя.
Смотря=я свыше, чудя=шеся Лик Ангельский терпению твоему, Схола=стико благонра=вная, / како безпло=тныя враги=, во пло=ти су=щи, благодатию Христовою побежда=ла еси.
Общим союзом любве= ко Христу, ю=же и=мате, соедини=вшеся,/ Венеди=кте и Схола=стико всечу=днии, / моли=теся Тому и нам, любовию вас почита=ющим, / прича=стники бы=ти сла=вы Его.
Богородичен: Мати Всенепоро=чная, молю Тя: / пение мое приими= и от бед исхити= молитвами Твоими, /да любовию Тя величаю.
Светилен:
Трисия=нному Вели=кому Свету ныне предстоя=щи / и в неизрече=нней све=тлости со всеми святыми пребыва=ющи, / Схола=стико Богому=драя, /поминай нас, / память твою светоно=сно соверша=ющих.
Слава, и ныне, Богородичен:
Света Преве=чнаго родила еси нам, / Христа, Бога нашего, Пречистая Дево, / изба=вльшаго мир от лести диа=воли; /темже молим Тя: не преста=й моля=щи, / да пода=ст нам милость Свою в День Судный.
На стиховне, Слава, глас 1:
Яко де=вства храм, / яко чи=стую голуби=цу, / яко го=рлицу непоро=чную, / яко невесту Христову, / яко образ доброде=телей боже=ственных, тя почита=ем, // Схола=стико, ма=ти благоимени=тая.
НА ЛИТУРГИИ
Прокимен, глас 4: Святым, иже суть на земли Его, / удиви Господь вся хотения своя в них. Стих: Презрех Господа предо мною выну, / яко одесную мене есть, да не подвижуся.
Апостол к Галатом, зачало 208.
Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и от всех их избавит я Господь.
Евангелие от Матфея, зачало 104.
Причастен: Радуйтеся, праведнии, о Господе, правым подобает похвала.
МОЛИТВА
О равноа=нгельная и всесла=вная Схоластико, предста=тельнице наша ми=лостивая! При=зри с высоты Небесныя на нас, любовию почитающих святую память твою и в помощь тя призывающих, вонми гласу моления нашего и умоли возлюбльшаго тя Христа Бога, да милостив будет нам, просящим Его благостыню, да подаст нам оставление многих прегрешений наших, да укрепит нас благодатию Своею трезвенно и бодренно шествовати путем святых заповедей Его, христианскую же кончину жития нашего безболезненну, непостыдну, мирну и Божественных Таин причастну да дарует и сподобит нас вселитися во святыя Обители Небесныя, идеже ты со всеми святыми выну радостно славословиши Единосущную Троицу: Отца, и Сына, и Святаго Духа. Аминь.