Редкие Богослужебные тексты

На Обрезание Господне
На литии= праздника, самогласны
Глас 1
Еже в законе служе=ния* уставля=я се=нь,* Христос Истина,* яко свет прииде:* и, законное исполня=я,* пло=тию обре=зуется* и духовное обре=зание* Церкви приво=дит,* зна=мение и о=браз ко спасе=нию нам оставль.* Сего ради стопа=м Его последующе,* духовное обре=зание приемлем,* яко да ве=чныя жизни дости=гнем** Того бла=гостию.
Глас 2
Господи, от Девы произше=д,* наше прияв смеше=ние,* яко Младе=нец Ею принесе=ся* обре=затися пло=тию,* да не мечта=ние вмени=тся* Твое смотре=ние.* Сего ради а=нгели ужасо=шася,* зря=ще смире=ния Твоего вели=чествие,* и воспева=ху Твое снизхожде=ние,* зову=ще и глаго=люще:* слава мно=жеству щедро=т Твоих,* непостижи=ме Господи,** Иже спасл еси человека.
И ныне, праздника. Глас 4.
Твоего смотре=ния* ве=лие та=инство сла=вяще, Господи,* е=же на земли житие= Твое воспева=ем,* и=мже нас к Небесе=м возве=л еси,* Иже естеством ми=лостивый* яко человек бо вся претерпе=л еси * и яко Бог содева=еши яже ко спасе=нию на=шему.* Темже Рождество=м Твоим возроди=вшеся* и обре=занием Твоим всякий избы=ток отве=ргше,* ко Твоей любви= возво=димся,* ча=юще от Тебе велия и бога=тыя ми=лости.