Елицы

Служба священномученику Николаю Искровскому, пресвитеру
На велицей вечерне
Блажен муж: первый антифон.
На Господи, воззвах: стихиры, глас 4:
Радуйся, доблему=дре Николае, зе=млю нашу про=поведию твое=ю удобри=вый, и му=ченическими кровьми= ю= освяти=вый, и Престолу Божию предстоя=й; ныне ча=да твоя память твою светло пра=зднуют и молятся усердно: испроси= у Преблага=го Спаса душа=м нашим ве=лию милость
Радуйся, о=тче всече=стне, право пра=вяй слово Истины, страны= на=шея преизя=щное украше=ние, селе=ния И=скровскаго похвало=, чудес исто=чниче неоскудева=емый и Це=ркве Правосла=вныя сто=лпе непоколеби=мый, Николае всеблаже=нне, моли= Христа Бога дарова=ти душа=м нашим ве=лию милость.
Радуйся, священному=чениче, по=двиги испове=дничества просия=вый и вене=ц от Подвигополо=жника прия=вый, Того моли= непрестанно, да щедро=ты Своя= излие=т лю=дем Своим и да=рует им молитвами твоими ве=лию милость.
Радуйся, Николае всехва=льне, огнь безбо=жия верою твое=ю угаси=вый и све=точ Истины показа=выйся, не оста=ви нас предста=тельством твоим и моли Христа Бога дарова=ти нам велию милость.
Иные стихиры, глас 6:
Светильник преславный во тьме богоотсту=пничества пламене=яй и путь ко Христу указу=яй, явился еси, богому=дре; темже и ныне, память твою соверша=юще, пение умиле=нное приносим ти, да молитвами твоими помилует нас Господь, яко един Благ и Человеколюбец.
Отче Николае, верный ра=бе Христов, страда=ньми твоими Царствия Небеснаго достиги=й! Та=мо пребыва=я, моли=ся о всех прося=щих помощи твоея=.
Слава, глас тойже:
Веры правосла=вныя побо=рника, Це=ркве Христовы служи=теля всепра=веднаго, мучения за Истину претерпе=вшаго, чудотво=рца благода=тнаго днесь восхва=лим и возопии=м: отче Николае, вознеси= ко Господу молитвы твоя, да помилует ны, яко Един Благ и Человеколюбец.
И ныне, Богородичен догматик: Кто Тебе не ублажит:
Прокимен дня, и чтения мученическия три.
На литии, стихира храма и святаго, глас 2:
О преди=вне Николае, кро=вию твоею безбо=жия огнь угаси=вый, угаси= ныне молитвами твоими пламень страстей наших и от тьмы грехо=вныя изми= ду=ши наша.
Слава, глас тойже:
Тро=ицы Боже=ственныя служи=теля и о лю=дех теплаго моли=твенника, чудотво=рца всесла=внаго и пастыря И=скровскаго днесь велегла=сно воспои=м, яко предста=теля неустан==наго о душа=х наших.
И ныне, глас тойже:
Богородице Дево, Ма=ти Пречи=стая, на Твоя милости упова=юще, к Тебе прибега=ем и вопие=м: от вся=кия ско=рби изба=ви нас, Ты бо еси Божественный Покров рабо=м Твоим.
На стиховне стихиры, глас 4:
Страстоте=рпче прекре=пкий, по=двигом твоим веру Истинную в сердцах па=ствы твоея= запечатле=вый, Николае пречу=дне, не преста=й моли=ти о нас Господа Человеколю=бца.
Стих: Свяще=нницы Твоя облеку=тся в правду и преподо=бнии Твои возрадуются.
Облаче=ния твоя свяще=нная кровию страда=ния за Христа обагри=вый, богому=дре, и во оде=жду, я=же Черто=гу Его Украше=нному подоба=ет, облече=нный, Николае великоимени=те, не преста=й моли=ти о нас Господа Человеколю=бца.
Стих: Честна пред Господем смерть преподобных Его.
Честна= пред Господем и многоце=нна смерть твоя, отче Николае, муче=ньми бо твоими ярость богобо=рческую победи=л еси и предста=тель преди=вный верным явился еси, те=мже не преста=й моли=ти о нас Господа Человеколюбца.
Слава, глас тойже:
Триипоста=сный Влады=ко, веру Православную в земле= нашей насади=вый и тоя= претве=рдаго защи=тника, Николая сла=внаго, укрепи=вый, того молитвами спаси души наша, яко Един еси Человеколю=бец.
И ныне, Богородичен: Призри на моления Твоих раб, Всенепорочная:
Тропарь, глас 1:
В житии= твоем до=бре подвиза=яся, во страда=нии неколеби=м верою пребы=л еси и незло=биво му=ченическую смерть прия=л еси, священнострада=льче Нико=лае, пастырю Искровский, моли Спаса Христа мир ми=рови дарова=ти и душа=м нашим ве=лию милость.
Ин тропарь, глас 6:
Кро=тость и смире=ние, паче же любовь Христову стяжа=вый, в годи=ну о=гненных искуше=ний Це=ркве Ру=сския верный раб Спа=сов яви=лся еси, живота= за имя Его не пощади=в. Моли=ся о нас, священномучениче Николае, просвети=ти души наша.
На утрени
По первом стихословии седален, глас 6:
Ангелом сомоли=твенниче, лико=м му=ченическим соприча=стниче, земли= на=шея украшение, Це=ркве Православныя столпе недви=жимый, всесла=вне Николае, моли Христа Бога о чту=щих святую память твою.
Слава, и ныне, Богородичен:
Всех родо=в Веселие воистинну явилася еси, Богородице, те=мже вси зове=м: Покро=вом Твоим от вся=каго зла спаси люди Твоя, Ма=ти Всепе=тая.
По втором стихословии седален, глас 1:
Венце=м му=ченическим увязе=нный, отче Николае, приими= днесь пение от нас, вопиющих: молитвами твоими спаси души наша.
Слава, и ныне, Богородичен:
Радуйся, Обрадованная, возвести= не=когда Гаврии=л Архангел Ти, Ма=ти Де=во, мыже, тому подража=юще, во умилении зовем: радуйся, Богородице, всех родов Радосте и Покрове.
По полиелее седален, глас 4:
Дивен Бог во святых Своих, зе=млю нашу Крещением просвети=вый и я=ко зве=зды блиста=ющия в ней мно=жество вели=кое уго=дник Своих яви=вый, от ни=хже днесь еди=наго прославля=юще, велегла=сно зове=м: радуйся, отче всеблаже=нный, кро=вию свое=ю ри=зы души= убели=вый; радуйся, му=чениче боголюбе=зный, страда=ньми своими на брак А=гнчий возше=дый; радуйся, Николае преди=вне, моли= спасти=ся душа=м нашим.
Слава, и ныне, Богородичен:
Всеми=лостивая Влады=чице наша, Всесвя=тая Госпоже= Богоро=дице, приими= ныне моле=ния раб Твоих и от вся=кия ско=рби изба=ви ны, да Тя непреста=нно сла=вим яко Всепе=тую Заступницу нашу.
По 50-м псалме, стихира, глас 6:
Священному=ченика благогове=йне почти=м и сем=у во умиле=нии глаго=лем: радуйся, Ангелов на Небесе=х ра=дование; радуйся, в сонме му=ченическом Бога прославля=яй; радуйся, отце=м богоизбра=нным сонасле=дниче; радуйся, тепле=йший о нас моли=твенниче; радуйся, земли на=шея похвало= и Правосла=вия воистинну утвержде=ние.
Канон Богородице на 6 и святому на 8.
Канон святому, глас 6
Песнь 1
Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.
Пение наше немощно=е приими= днесь, отче всеблаженнне, и моли=твами твоими от всяких бед и скорбе=й защити= ны, да возмо=жем на вся=кое время хвалу= ти приноси=ти, Господа прославля=юще, Дивнаго во святых Своих.
Ева=нгельски после=довал еси даже до смерти Христу Иисусу и возше=л еси в радость Его; те=мже тя ныне ублажа=ем, Господа прославля=юще, Дивнаго во святых Своих.
Ныне вся=ческая испо=лнишася све=та и радостию Пасхи ве=чныя осия=ны ду=ши на=ша, яко память соверша=ем священномученика добропобе=днаго и Господа усердно прославляем, Дивнаго во святых Своих.
Богородичен: Истинную Богородицу Тя, Госпоже, исповедуем, Матерь же и Деву и прославляем из Тебе воплоти=вшагося Господа, Дивнаго во святых Своих.
Песнь 3
Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.
Ева=нгельская святая словеса= начерта=л еси на сердце твоем, всечу=дне Нико=лае, и яви=лся еси неле=ностный де=латель ни=вы Божия, му=дре чада твоя утверждая во испове=дании Православия.
Паству твою до=бре упа=сл еси, отче, служи=тель Таин Божиих и иере=й всечестны=й показа=лся еси, проповедию своею вся просвеща=яй и утвержда=яй во исповедании Православия.
Еле=нем, и=же на источники водны=я жела=ют, уподо=бися душа твоя, пребога=те Николае, и устреми=ся во дворы= Госпо=дни, иде=же пра=во пра=вил еси Слово Истины, чада твоя утвержда=я во испове=дании Православия.
Богородичен: Покровом непобеди=мым бу=ди нам, Цари=це Небесная, и утверди= ны во испове=дании Православия.
Седален, глас 2:
На стезю= спасения напра=ви нас, па=стырю, любо=вию неизрече=нною пламене=яй, и от вся=каго зла защити= память твою светло пра=зднующия.
Слава, и ныне, Богородичен:
Моле=ние Теплое и Стена Необоримая, милости Исто=чниче, ми=рови Прибе=жище, приле=жно вопие=м Ти: Богородице Владычице, предвари= и от бед изба=ви нас, Едина вскоре предста=тельствующая.
Песнь 4
Христос моя Сила, Бог и Господь, честная Церковь боголепно поет, взывающи от смысла чиста, о Господе празднующи.
Правило веры и образ кро=тости явился еси, тезоиме=нному ти святителю подража=я; и ныне ку=пно с ним и со всеми святыми Престолу Божию предстои=ши, моля Его при=сно о всех нас.
Свяще=нства благода=тию облече=нный, стяжа=л еси вели=кая дарова=ния и то=ки чуде=с нам источа=еши, темже, отче наш Николае, на хода=тайство твое ко Спасу непреткнове=нно упова=ем.
Творец и Изба=витель твой, боговеща=нне Николае, яви= тя звезду=, путь правый указу=ющую; мы же, подвиги твоя восхваля=юще, умиле=нием взываем: за ны моли=ся ко Спасу при=сно.
Богородичен: О=тчаго не=дра не оста=вившаго, и во утро=бу Твою пречи=стую, Дево, недове=домо всели=вшагося, и нас ради, грешных, воплоти=вшагося Господа и Сына Твоего моли= непреста=нно о всех нас.
Песнь 5
Божиим светом Твоим, Блаже, утренюющих Ти души любовию озари, молюся, Тя ведети, Слове Божий, Истиннаго Бога, от мрака греховнаго взывающа.
Измы=л еси= одея=ние души твоея=, отче препе=тый, кровию твоею, страданием же за Христа де=монския немощны=я де=рзости попра=л еси, темже ныне в незаходи=мей славе Царствия Божия сия=еши.
Ни ско=рбь, ниже= теснота=, ни гоне=ния лю=тая от любве= Бо=жия возмого=ша отлучи=ти тя, верный ра=бе Господень, но, даже до Голгофы Подвигополо=жнику после=дствуя, Царствия Божия дости=гл еси.
Вся могу о укрепля=ющем мя Иисусе, в сердце своем со апостолом взывал еси, отче, от Него же венца= му=ченическаго сподо=бился еси= и вхожде=ния в Царствие Божие.
Богородичен: Еле=ем молитв Твоих, Преблагослове=нная, уврачу=й я=звы грехо=вныя душ наших и доведи нас, Дево, Царствия Божия.
Песнь 6
Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.
Путе=м за=поведей Господних ходи=ти паству всем житием твоим наставля=ше, богоно=сне, крест свой взе=м и за Христом ше=ствуя, То=йже прия= тя в Кро=вы Небесныя; принеси= за ны молитвы твоя Многоми=лостивому.
Ре=ку искуше=ний и скорбе=й море невла=жно прошел еси, отче, и ны, малоду=шныя, от искушений и скорбей огради= заступле=нием твоим и принеси за ны молитвы твоя Многоми=лостивому.
Изря=дствуй о нас, пастырю святы=й, ко Господу, да изба=вит ны вся=каго прило=га вра=жия и от людей непра=ведных и=змет ны; ве=мы бо, я=ко прие=млет молитвы твоя Многоми=лостивый.
Богородичен: По=мощи неоску=дныя не лиши= ны, Богоро=дице, Ты бо при=сно мо=лиши за воспева=ющих Тя Сы=на Твоего Многоми=лостиваго.
Кондак, глас 6:
Крест трудов и боле=зней на ра=мо взем и путем тесным ше=ствуя, страда=ньми за Христа Небеснаго Царствия дости=гл еси. Моли о нас Бога Спаса, священному=чениче Николае, обрести= нам милость в день Судный.
Икос.
Ди=внаго во святых Своих Господа прославля=юще, велича=ем днесь священному=ченика Николая, страда=ньми своими веру правосла=вную исповедавшаго и кровьми= ри=зы души= своея= убели=вшаго. Сей бо яви=ся недви=жимое основа=ние Церкви и лю=дем христоимени=тым помощник, любовию пребога=тый; тии же пе=сньми ублажа=ют его сицевы=ми: радуйся, отче наш милостивый и кроткий; радуйся, предста=телю наш скорый и многочу=дный; радуйся, земли= на=шея покро=ве и утвержде=ние; моли о нас Господа, да ку=пно со всеми святыми обря=щем милость Его в день Судный.
Песнь 7
Росодательну убо пещь содела Ангел преподобным отроком, халдеи же опаляющее веление Божие, мучителя увеща вопити: благословен еси, Боже отец наших.
Муче=ния пещь всеразже=нную угото=виша ти безбо=жнии; ты же, яко адама=нт веры, течением кровей угасил еси тоя= пла=мень, взыва=я: благословен еси, Боже отец наших.
Иско=пана бысть ти я=ма глубо=ка и ров мучений; ты же, боголюби=ве, на крыле молитвы воспарив, в Чертог Небесный вшел еси, взывая: благословен еси, Боже отец наших.
Отверго=шася Истины и кля=тву насле=доваша гони=телие Церкве Православныя, мучением тя преда=ша, обаче ты, учениче= Спа=сов, Тому= подо=бяся, о мучи=телех твоих моля=шеся. Мы же, немощни=и, от искушений и бед сохрани=ти нас просим, да ку=пно с тобою воззове=м: благословен еси, Боже отец наших.
Богородичен: Теплая Засту=пница ми=ру хла=дному яви=лася еси, Богома=ти. Утверди= во Православии неключи=мая ча=да твоя, да возмо=жем в Невече=рнем Дни Царствия Сына Твоего со всеми святыми взыва=ти: благословен еси, Боже отец наших.
Песнь 8
Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.
Ча=яния наша ве=дый, пастырю преблаги=й, хода=тайствы твоими не оста=ви нас и к Царствию Небесному приведи=, да ку=пно с тобою Господа пои=м и превозно=сим во вся веки.
Моли о нас Премилосе=рдаго Христа, преди=вне Николае, дарова=ти нам вся, яже ко спасению потре=бная и Светом Своим освети=ти ду=ши наша, да возмо=жем сетей лукаваго избе=гнути и ку=пно с тобою Господа воспе=вати и превозно=сити во вся веки.
Сла=вы преве=чныя прича=стницы сподо=би ны бы=ти молитвами твоими, богоглаго=ливе отче, да ку=пно с тобою Господа пои=м и превозно=сим во вся веки.
Богородичен: Вечнаго осужде=ния и огня негаси=маго изба=ви нас, Пренепоро=чная, и вечнаго спасения сподо=би, да купно со священному=чеником Николаем и со всеми святыми Господа пои=м и превозно=сим во вся веки.
Песнь 9
Бога человеком невозможно видети, на Негоже не смеют чини Ангельстии взирати; Тобою же, Всечистая, явися человеком Слово Воплощенно, Егоже величающе, с Небесными Вои Тя ублажаем.
Ярость вселука=вую препобеди=л еси, священному=чениче, и дар чудоде=йственныя по=мощи тре=бующим ея= стяжа=л еси; темже испроси= у Великодарови=таго Влады=ки во Православии нам утверди=тися и путем спаси=тельным во Оби=тели Го=рния вни=ти.
К заступле=нию твоему притека=юще, дерза=ем похвалы= ти возноси=ти; ты же, ми=лостиве, хода=тай бу=ди к Великодарови=тому Влады=це, да во Православии утверди=т нас и да путем спаси=тельным во Обители Го=рния вни=дем.
От вся=каго обстоя=ния ча=да твоя духовная изба=ви, память твою днесь воспева=ющая, и умоли= Великодарови=таго Владыку во Православии нам утверди====ти=ся и путем спаси=тельным во Оби=тели Го=рния вни=ти.
Богородичен: От сете=й искуше=ний и собла=зн изми= хва=лящия Тя, Дево, и предста=тельствуй пред Сыном Твоим, Великодарови=тым Влады=кою, да во Православии утверди=т нас и да путем спаси=тельным во Обители Го=рния вни=дем.
Светилен, глас 6:
Свети=льниче, ве=рныя облистава=яй, Православия испове=дниче предерзнове==нный, Николае, луча=ми молитв твоих тьму греховную отжени= от сердец, поющих тя.
Слава, и ныне, Богородичен:
Пресвятая Госпоже Богородице, всем си=рым Помощнице и оби=димым Покрови=тельнице, не отри=ни ны, нечи=стыя и смра=дныя, но на стезю= покая=ния наста=ви и спаси= от бед ду=ши наша.
На хвалитех стихиры святаго, глас 2:
О вселука=вое собрание, о служи=телие духо=в злобы поднебе=сных, ка=ко муче=нием служи=теля Божия преда=сте, ка=ко, свире=пием испо=лненнии, пастыря ди=внаго уби=сте? Оба=че то=й ко=вы де=монския добропобе=дно посрами= и ны=не, Престолу Божию предстоя=, мо=лится усе=рдно о душа=х наших.
О нечести=вых сове=те, на благоче=стие вооружи=выйся, ка=ко му=жа блаже=нна погуби=ти восхоте=? Оба=че той, всечестны=й Крест Христов, яко меч, восприе=м, страда=ньми в Го=рняя Селе=ния взы=де и ны=не, Престолу Божию предстоя, молится усе=рдно о душа=х наших.
О безразсу=днии Правосла=вия гони=телие, ка=ко на доброразсу=днаго де=лателя ни=вы Госпо=дни ополчи=стеся? Оба=че той, ве=мый, яко не одоле=ют вра=та а=дова Церковь Христову, ве=рен Ему до конца= яви=ся и ны=не, Престолу Божию предстоя=, молится усе=рдно о душа=х наших.
Слава, глас 6:
О, преславнаго чудесе! Па=стырь добрый и преди=вный, даже до кро=ве Христа испове=дает, сокруша=я де=монов немощны=я де=рзости, и семена ве=ры необори=мыя в ду=ши чад своих всева=ет. О священному=чениче Николае, николи=же оставляй чту=щия тя и на помощь твою уповающия и, Престолу Божию предстоя, моли=ся усе=рдно о душа=х наших.
И ныне, глас 8:
Владычице, приими молитвы раб Твоих и избави нас от всякия нужды и печали.
Славословие великое. И отпуст.
На Литургии
Блаженна от канона, песнь 3-я и 6-я.
Прокимен, глас 7: Честна пред Господем смерть преподобных Его. Стих: Что воздам Господеви о всех, яже воздаде ми?
Апостол к Римляном, зачало 99.
Аллилуиа, глас 2: Священницы Твои облекутся в правду, и преподобнии Твои возрадуются. Стих: Бог нам Прибежище и Сила, Помощник в скорбех, обретших ны зело.
Евангелие от Луки, зачало 106, конец: В терпении вашем стяжите душа ваша.
Причастен: В память вечную будет праведник:
Молитва
О священномучениче Николае, па=стырю наш добрый и испове=дниче всетве=рдый веры отеческия. Днесь, воспева=юще подвиги и страдания твоя, не=мощны, малоду=шны и непотре=бны су=ще, дерзаем вознести= ти молитвы, во умиление прося=ще наста=вити нас на путь спасения.
Ми=лостиве отче, предста=тельством твоим во Православии утверди= па=ству твою, тя при=сно помина=ющую, и моли=ся Творцу и Богу нашему сохрани=ти народ наш от искушений, расколов и нестроений, земли= нашей мир ниспосла=ти и искорени=ти всякую вражду и неправду, от врагов всева=емыя, светом и=стинныя любве= сохрани=ти нас от всякаго зла, болящия уврачева=ти, озло=бленныя уте=шити, ожесточе=нныя испра=вити, немощны=я укрепи=ти, супружества утверди=ти во единомы=слии, ча=дом дарова=ти воспитание во свете Заповедей Его, да просла=вим Всеще=драго Господа, Емуже подобает всякая слава честь и поклонение во веки веков. Аминь.