Редкие Богослужебные тексты

С Л У Ж Б А
святым мученицам Перпе́туи и Фелицита́те Карфагенским,
и с ними мученикам Сату́ру, Ревока́ту, Сатурни́ну и Секу́ндулу
НА ВЕЧЕРНИ
На Господи, воззвах: стихиры, глас 1:
Глаго=лом внима=ющи сладким / Боже=ственнаго и Всесвята=го Духа, / достосла=вная матро=но Перпе́туе, / горесть вся=ку земны=я жизни оста=вила еси / и смертию к безсме=ртней славе премину=ла еси, / идеже Христа мо=лиши // дарова=ти нам велию милость.
Христа Спаса всем сердцем возлюби=вше / и свещу= свою светло украси́вше, / доброде=тельми просия=ли есте=, / Перпе́туе богомудрая и Фелицитато всечестна=я,/ и взошли= есте= в Небесный Чертог, / венцы= страдания прие=мше; /темже молитвами своими от бед изба=вите нас,// пра=зднующих любовию святую память вашу.
Богомудрая Перпе́туя и Фелицитата всечестна=я, / двоица преди=вная, / возсия=вше, яко зве=зды многосве=тлыя, / по=двиг блиста=ньми и чудес светлостьми́, / озаряют сердца верных; / и, сих днесь память соверша=юще, / молим просла=вльшаго их Христа //дарова==ти нам велию милость.
Воспева=юще Спаса Христа, / восхва=лим Перпе́тую терпеливоду=шную / и с нею пяточи́сленный лик святых просла=вим: / Фелицита=ту твердую страстоте=рпицу, / Сату=ра ди=внаго и Ревока́та, / Сатурни=на и Секу=ндула: / сии бо, по вере пострада=вше, / треволне=ния попра=ша вра=жия / и Го=сподеви мо=лятся очищение и оставление грехов дарова=ти // чту=щим всесвяще=нную память их.
Слава, мучениц, глас 4:
Дво=ицу му=чениц, ве́рнии, днесь в пе=снех свяще=нных восхва=лим, / Перпе́тую славную с честно=ю Фелицита=тою, / яко лесть и=дольскую низложи=ша, / многобо=жия огнь испепели=ша и демоны посрами=ша, / мучителей же ярости не устраши=шася, / пло=ти терза=ний и меча= не убоя=шася // и яви=шася мучеников слава, ку́пно и похвала.
И ныне, Богородичен, глас тойже:
Иже Тебе ради Богоотец пророк Давид / песненно о Тебе провозгласи / величия Тебе Сотворшему, / предста Царица одесну́ю Тебе, / Тя бо Матерь, Хода́таицу Живота показа, / без отца из Тебе вочеловечитися благоволивый Бог, / да Свой паки обновит образ, истлевший страстьми, / и заблуждшее горохищное обрет овча, / на ра́мо восприим, ко Отцу принесет / и Своему хотению / с Небесными совокупи́т Сила ми, / и спасет, Богородице, мир / Христос, имеяй велию и богатую милость.
Или Крестобогородичен, глас тойже:
Не рыдай Мене, Мати, / зрящи на Древе повешена Твоего Сына и Бога, / на водах Повесившаго всю землю неодержимо / и всякое творение Создавшаго; / ибо воскресну́ и прославлюся, / и а́дова царствия сокрушу́ крепостию, и погублю того силу, / и связанныя избавлю от злодейства его, яко Благоутробен, // и Отцу Моему приведу, яко Человеколюбец.
На стиховне стихиры, глас 4:
Заре=ю просвеща=ема Трисо=лнечнаго Божества, / Перпе́туе преблаже=нная, / веру Христову дерзнове=нно исповедала еси / и, страда=льческим венце=м украси́вшися, / с сонмом мученик на Небесе=х лику=еши, // с нимиже моли спасти=ся нам.
Стих: Святым, иже суть на земли Его, / удиви Господь вся хотения Своя в них.
До=бре подвиза=вшися ева=нгельския веры ради, / себе саму предала= еси на во=льное мучение и ну=ждную смерть, / приводя=щи с собою лик мученик, Перпе́туе блаженная, / с ни=миже венцы побе=ды прия=ла еси; // темже моли=ся о нас, всесла=вная.
Стих: Многи скорби праведным, / и от всех их избавит я Господь.
Богомудрая Перпе́туя, / всесла=вная Фелицита=та, / Сату́р чу=дный и Ревока́т блаженный, / Секу́ндул терпеливоду=шный со ди=вным Сатурни=ном / Спаса ради Христа пострада=ша, / враги= победи=вше и возсия=вше я=ве, яко многосве=тлыя зве=зды, / уясни=ша ве=рных сердца= // и пре=лести отгна=ша тьму светозаре=нием Духа Святаго.
Слава, глас 4:
Сия=ет яко солнце / память страстоте=рпицы Твоея=, Господи, Перпе́туи, / и све=тлостию своею прогоняет демонскую тьму, / упразня=ему верою и кре=постию ди=вныя жены́, / и пять сострада=лец с собою на похвале=ние приво=дит, / и=хже молитвами да=руй нам, Христе Боже, // мир и ве=лию милость.
И ныне, Богородичен, глас тойже:
Призри на моления Твоих раб, Всенепорочная, / утоляющи лютая на ны востания, / всякия скорби нас изменяющи. / Тя бо Едину, твердое и известное Утверждение имамы, / и Твое предстательство стяжахом, / да не постыдимся, Владычице, Тя призывающии, / потщися на умоление Тебе верно вопиющих: / радуйся, Владычице, всех Помоще, // Радосте и Покрове, и Спасение душ наших.

Или Крестобогородичен, глас тойже:
На Кресте́ Тя яко узре́ пригвождена, Господи, / Агница и Мати Твоя дивляшеся, / и что видение сие взываше, Сыне вожделенне? / Сия Ти неверный собор воздаде беззаконный, / иже многих Твоих чудес насладивыйся? // Но слава неизглаголанному сошествию Твоему, Владыко.
Тропарь, глас 4:
Прише=дшую ко Христу во=лею / и украси=вшую доброде=тельми се=рдце / боголе=пно воспое=м всечу=дную Перпе́тую, / та бо посрами= язы=ческую де=рзость / и приведе= с собою лик му=ченический, / просия=вши яко солнце посреде= беззако=нник, // и по кончи=не яви=ся земны=м утверждение божественное.
НА УТРЕНИ
По стихословии седален, глас 2:
Добре испове=давши Христово имя пред враги= беззако=ннующими, / зако=нно пострада=ла еси Его ради, честна=я Перпе́туе, // и ныне мо=лишися всем дарова=ти велию милость.
Слава, и ныне, глас тойже:
Устами и сердцем величаем Тя, Матерь Божию: // Ты же, ро=ждшая Бога, / не отри=ни ны от Твоего заступле=ния.
Канон святым, глас 2.
Песнь 1
Ирмос: Грядите, людие, / поим песнь Христу Богу, / раздельшему море, / и наставльшему люди, яже изведе из работы египетския, // яко прославися.
Любо=вию Христо=вою распаля=ема, му=ченице Перпе́туе, / мирско=е отве=ргла еси омраче=ние, / Небесному же прибли=зилася еси Свету Невеще=ственному всею душе=ю.
Род презре=вши и ю=же от богатства светлость, Перпе́туе всечестна=я, / вместо всех Христа стяжа=ла еси.
Возложи=вся мученический собор Всеви=дцу Богу / и, Того любо=вию ду́ши привяза=вше, разреши=ша союз злобы / и разреше=ние грехов подава=ют верою тех блажа=щим.
Богородичен: Све=тлыми луча=ми Твоего Сына, Богородице, / просвети= омраче=нную мою душу, / страстей смущение отжени= Твоими, Чистая, хода=тайствы.
Песнь 3
Ирмос: На камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, // и несть праведен паче Тебе, Господи.
Процвела= еси= любовию Христовою и Божественною му=дростию, / терпе=нием же мук, Перпе́туе, безу=мие облича=еши гони=телей.
Любве= ради Зижди=теля, о страстоте=рпицы, / всю мирску=ю лесть истинно презре=вше, / Единаго возжеле=сте Христа, взыва=юще: / несть праведен паче Тебе, Господи.
Просве=щся Тро=ичным сия=нием, му=чениц до=блее сопряже=ние, / и=дольское разруши= омраче=ние, Христу взыва=юще: / несть пра=веден паче Тебе, Господи.
Богородичен: Прогоня=ющее оружие грехи= и стра=сти души= моея= буди, Дево, / и покажи= мя, я=коже други=й рай, / безнаве=тен и соблюде=н Тобою и принося=щий цве́ты Духа.
Седален, глас 3:
Разже=гшеся любовию Божественною, му=ченицы Госпо=дни, / огнь безбо=жия крове=й струя=ми угаси́сте / и, возсия=вше светови=дно, яко зве́зды, // всю подсо=лнечную уясни́сте.
Слава, и ныне, Богородичен:
Пречи=стеи Твои ру́це, Дево Мати, просте=рши, / покры=й упова=ющия на Тя и к Сыну Твоему зову=щия: // всем пода=ждь, Христе, Твоя милости.
Песнь 4
Ирмос: Пришел еси от Девы, / не ходатай, ни Ангел, / но Сам, Господи, воплощся, / и спасл еси всего мя человека. / Тем зову Ти: // слава силе Твоей, Господи.
Благосла=вное и светоно=сное торжество честны=я памяти твоея=, Перпе́туе всехва=льная, / крепко дерзость вра=жию попра=в, яко солнце, возсия=, / в не=мже велегла=сно Христу вопие=м: / слава силе Твоей, Господи.
Твое заколе=ние и во=льную смерть, Жизнода=вче, / собор возжеле́ страда=лец и, многови=дныя боле=зни претерпе=в, / в неболе=зненное и Божественное пре=йде весе=лие, песнопоя= благода=рственно: / слава силе Твоей, Господи.
Звере=й я=рости не убоя=лися есте=, страстоте=рпцы добропобе=днии, / мудростию же духовною и терпением напастей / обличи=ли есте= мучи=тельское безбожие, пою=ще Христу: / слава силе Твоей, Господи.
Богородичен: Возсия= из утробы Твоея=, Отрокови=це Неискусобра=чная, Отчее Сияние – Христос, / и просвети= вселенную, распина=емь, / и бесовскую тьму потреби=л есть.
Песнь 5
Ирмос: Света Подателю и веков Творче, Господи, / во свете Твоих повелений настави нас; // разве бо Тебе иного бога не знаем.
Законно за Христа пострада=вше, Перпе́туе и Фелицита=то всесла=внии, / обогати=стеся венце=м нетле=нным истинно и Царствие Небесное прия=сте, Спасу пою=ще: / разве бо Тебе иного бога не знаем.
Чу=ден, якоже звезда=, быв Церкви, / посреде= мученик возсия=л еси, Сату=ре сла=вне, / му=ченическими осия́я заря=ми мир паче солнца, поя=: / разве бо Тебе иного бога не знаем.
Терпе=нием ран всякое низло́жше вра=жие шата=ние, Ревока=т и Сатурни=н тве=рдии ору=жницы, / зверьми= терза=еми, победную Спасителю воспева=ху песнь: / разве бо Тебе иного бога не знаем.
Богородичен: Закона Исполне=ние, Вы=сшая Херувим, / родила еси Божия Слова воплоще=нна, Сына Единоро=дна, / Егоже о рабе=х Твоих, Дево Всечи=стая, умоли=.
Песнь 6
Ирмос: В бездне греховней валяяся, / неизследную милосердия Твоего / призываю бездну: // от тли, Боже, мя возведи.
Просла=вися твоими ранами Царь Славы Христос, Секу=ндуле страстоте=рпче, / и Той неизрече=нныя тя до=блести испо=лни, пою=ща Ему: / от тли, Боже, мя возведи=.
Яко досточу=дна мужественная твоя душа, Перпе́туе славная, / ме́чное усече=ние доброво=льне прие=мши, / дух предала= еси в ру́це Владыки всех, ра=дующися и пою=щи: / от тли, Боже, мя возведи.
Материнства радости прикосну=вшися, чадо оставила еси, / да шествие страстьми= сотвори=ши ко Отцу Небесному, Фелицита=то ди=вная, / пою=щи Жизнь Вечную да=рующему Спасу: / от тли, Боже, мя возведи.
Богородичен: Милости Твоея=, Богородице, сподоби мя, / Преми=лостиваго Спаса ро=ждшая, / Своею Кровию от тления человеки изба=вльшаго.
Кондак, глас 4:
В ри=зы, от Вы=шния благодати истка́нныя, / мученицы всечестни=и, ныне оде́ялися есте=, / тли и ме=ртвости риз совле=кшеся, / на смерть и раны дерзну=ли есте крепко / и Христу предста=ли есте=, венцы= нося=ще подвигов своих; / о нас Того, сла=внии, моли=те // дарова=ти нам мир и велию милость.
Песнь 7
Ирмос: Да преславное рождество Твое, Христе, / еже от Девы прообразиши яве, / неопалимы в пещи отроки сохранил еси, / песньми поющыя Тебе: // отцев, Боже, благословен еси.
Яко блаже=нна в непоро=чном пути ходи=вшая, / коле=на благоразу=мно преклонила еси Изба́вителю, / душу же Влады=це в ру=це предала= еси, / яко благово́ннейшую жертву, Перпе́туе богому=драя.
Победоно=сица к Небесному Царствию востекла= еси, Фелицита=то чу=дная, / по искуше=нии бо мук от ди=виих звере=й, Христа Бога испове=дающи, / сконча=лася еси за Него, во главу усече=на.
Му=дрии страдальцы, веры ору=жницы, / му=ки врагов пребеззако=нных до=блественне победи=вше, / ку=пно венцы нетле=нныя прия=ша.
Богородичен: Святы=х Святы=й, в Тебе свято всели=вся, Чистая Богородице Дево, / воплощен, из Тебе ражда=ется, за еже спасти= верою зову=щия: / отцев, Боже, благословен еси.
Песнь 8
Ирмос: Пещь иногда огненная в Вавилоне действа разделяше, / Божиим велением халдеи опаляющая, / верныя же орошающая, поющия: // благословите, вся дела Господня, Господа.
Ни ласка=ние, ни лесть, / ниже= слава земны=х возмо=же отсещи= ве=ры ва=шея тече=ние, страда=льцы Христовы, / те=мже и ра=дуетеся ныне.
Единаго Благоутро=бнаго Царя Славы испове=дающе, / му=дрии страда=льцы прия=ша по=чести победы, вопию=ще благодерзнове=нно: / благословите, вся дела Господня, Господа.
Конец мучения прия=сте ку=пно, страстоте=рпцы Господни сла=внии, / зверьми= и мече=м умерщвля=еми, Христу вопию=ще: / благословите, вся дела Господня, Господа.
Троичен: Яко Еди=ницу Естество=м, Тя пою, Божество Всесвятое, / в Трие=х Ипоста=сех Еди=наго Создателя, ра=дуяся зову: / благословите, вся дела Господня, Господа.
Богородичен: Слово Отца Небеснаго Единосу=щное, / Адамово Избавле=ние от крове=й Твоих де=вственных воплоти=ся, Дево Марие Чистая, / Емуже благода=рственне зовем: / благословите, вся дела Господня, Господа.
Песнь 9
Ирмос: Безначальна Родителя Сын, Бог и Господь, / воплощься от Девы нам явися, / омраченная просветити, / собрати расточенная: // тем Всепетую Богородицу величаем.
Царское украше=ние Це=ркве Христовы, / страстей Спа=совых изображе=ние мученица твердая, верных утверждение / песньми да восхва=лится Перпе́туя всеславная.
Песньми восхва=лим боже=ственныя му=ченицы, / Перпе=тую и Фелицита=ту, вку=пе Ревока=та и Сату=ра, / славных Сатурни=на и Секу=ндула. / Ти=и бо ра=довахуся, зря=ще себе мечи= скончава=емыя, / Христу же победную песнь пою=щия.
Страстоте=рпцы, му=жески вооружи=вшеся верою, / Господним крестом ополче=ния низложи=ша вра=жия / и венцы нетле=нныя прия=ша.
Яви=стеся посреде= мучи=телей, а=ки а=гнцы нескве=рныя посреде= волков суровых, / сих зверови=дное побежда=юще, / и Христу, яко жертва благоприя=тна, принесо=стеся.
Богородичен: Глас Тебе Ангелов, Пречистая, вопие=м: / радуйся, Спасение всех челове=ков / и славных мучеников божественное Венчание.
Светилен:
Предстоя=ще ныне Трисия=нному Великому Свету / и пребыва=юще в Неизрече=нней Све=тлости со всеми святыми, / богосия=нии му=ченицы, помяни=те всех нас, / память вашу светоно=сно соверша=ющих.
Слава, и ныне, Богородичен:
Света Преве=чнаго родила еси нам, Христа Бога нашего, Пречистая Дево, / изба=вльшаго весь мир от лести диа=воли. / Те=мже молим Тя: не преста=й Его молити, / да подаст нам милость Свою.
На стиховне, Слава святым, глас 1:
Мече=м скончава=еми, / посеко=сте и=дольское неи=стовство / и, свещу= неуга=сшу душе=вную соблю=дше, / внидо=сте со Христом в Чертог Небесный, / страстоно=сицы честны=я Перпе=туе и Фелицита=то, / демонов же полки страда=льчески победи=сте // и ныне мо=литеся о душа=х наших.
И ныне, Богородичен, глас тойже
Радуйся, Богородице Дево, / радуйся, Похвало= всея= вселе=нныя, // радуйся, Пречистая Мати Божия, Благословенная.
Или Крестобогородичен, глас тойже:
У Креста Твоего предстоящи, Слове Божий, / Агница и Непорочная Мати Твоя, / рыдающи вопияше: / увы Мне, Сыне, како умираеши на Кресте́? / Увы Мне, Свете Мой сладкий, / где Твоея добро́ты ныне за́йде зрак, // красне́йший паче всех человек?

НА ЛИТУРГИИ
Прокимен, глас 4: Святым, иже суть на земли Его, / удиви Господь вся хотения своя в них. Стих: Презрех Господа предо мною выну, / яко одесную мене есть, да не подвижуся. Апостол к Галатом, зачало 214. Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и от всех их избавит их Господь. Евангелие от Иоанна, зачало 51. Причастен: Радуйтеся, праведнии, о Господе, правым подобает похвала.
С Л У Ж Б А
святым мученицам Перпе́туи и Фелицита́те Карфагенским,
и с ними мученикам Сату́ру, Ревока́ту, Сатурни́ну и Секу́ндулу
НА ВЕЧЕРНИ
На Господи, воззвах: стихиры, глас 1:
Глаго=лом внима=ющи сладким / Боже=ственнаго и Всесвята=го Духа, / достосла=вная матро=но Перпе́туе, / горесть вся=ку земны=я жизни оста=вила еси / и смертию к безсме=ртней славе премину=ла еси, / идеже Христа мо=лиши // дарова=ти нам велию милость.
Христа Спаса всем сердцем возлюби=вше / и свещу= свою светло украси́вше, / доброде=тельми просия=ли есте=, / Перпе́туе богомудрая и Фелицитато всечестна=я,/ и взошли= есте= в Небесный Чертог, / венцы= страдания прие=мше; /темже молитвами своими от бед изба=вите нас,// пра=зднующих любовию святую память вашу.
Богомудрая Перпе́туя и Фелицитата всечестна=я, / двоица преди=вная, / возсия=вше, яко зве=зды многосве=тлыя, / по=двиг блиста=ньми и чудес светлостьми́, / озаряют сердца верных; / и, сих днесь память соверша=юще, / молим просла=вльшаго их Христа //дарова==ти нам велию милость.
Воспева=юще Спаса Христа, / восхва=лим Перпе́тую терпеливоду=шную / и с нею пяточи́сленный лик святых просла=вим: / Фелицита=ту твердую страстоте=рпицу, / Сату=ра ди=внаго и Ревока́та, / Сатурни=на и Секу=ндула: / сии бо, по вере пострада=вше, / треволне=ния попра=ша вра=жия / и Го=сподеви мо=лятся очищение и оставление грехов дарова=ти // чту=щим всесвяще=нную память их.
Слава, мучениц, глас 4:
Дво=ицу му=чениц, ве́рнии, днесь в пе=снех свяще=нных восхва=лим, / Перпе́тую славную с честно=ю Фелицита=тою, / яко лесть и=дольскую низложи=ша, / многобо=жия огнь испепели=ша и демоны посрами=ша, / мучителей же ярости не устраши=шася, / пло=ти терза=ний и меча= не убоя=шася // и яви=шася мучеников слава, ку́пно и похвала.
И ныне, Богородичен, глас тойже:
Иже Тебе ради Богоотец пророк Давид / песненно о Тебе провозгласи / величия Тебе Сотворшему, / предста Царица одесну́ю Тебе, / Тя бо Матерь, Хода́таицу Живота показа, / без отца из Тебе вочеловечитися благоволивый Бог, / да Свой паки обновит образ, истлевший страстьми, / и заблуждшее горохищное обрет овча, / на ра́мо восприим, ко Отцу принесет / и Своему хотению / с Небесными совокупи́т Сила ми, / и спасет, Богородице, мир / Христос, имеяй велию и богатую милость.
Или Крестобогородичен, глас тойже:
Не рыдай Мене, Мати, / зрящи на Древе повешена Твоего Сына и Бога, / на водах Повесившаго всю землю неодержимо / и всякое творение Создавшаго; / ибо воскресну́ и прославлюся, / и а́дова царствия сокрушу́ крепостию, и погублю того силу, / и связанныя избавлю от злодейства его, яко Благоутробен, // и Отцу Моему приведу, яко Человеколюбец.
На стиховне стихиры, глас 4:
Заре=ю просвеща=ема Трисо=лнечнаго Божества, / Перпе́туе преблаже=нная, / веру Христову дерзнове=нно исповедала еси / и, страда=льческим венце=м украси́вшися, / с сонмом мученик на Небесе=х лику=еши, // с нимиже моли спасти=ся нам.
Стих: Святым, иже суть на земли Его, / удиви Господь вся хотения Своя в них.
До=бре подвиза=вшися ева=нгельския веры ради, / себе саму предала= еси на во=льное мучение и ну=ждную смерть, / приводя=щи с собою лик мученик, Перпе́туе блаженная, / с ни=миже венцы побе=ды прия=ла еси; // темже моли=ся о нас, всесла=вная.
Стих: Многи скорби праведным, / и от всех их избавит я Господь.
Богомудрая Перпе́туя, / всесла=вная Фелицита=та, / Сату́р чу=дный и Ревока́т блаженный, / Секу́ндул терпеливоду=шный со ди=вным Сатурни=ном / Спаса ради Христа пострада=ша, / враги= победи=вше и возсия=вше я=ве, яко многосве=тлыя зве=зды, / уясни=ша ве=рных сердца= // и пре=лести отгна=ша тьму светозаре=нием Духа Святаго.
Слава, глас 4:
Сия=ет яко солнце / память страстоте=рпицы Твоея=, Господи, Перпе́туи, / и све=тлостию своею прогоняет демонскую тьму, / упразня=ему верою и кре=постию ди=вныя жены́, / и пять сострада=лец с собою на похвале=ние приво=дит, / и=хже молитвами да=руй нам, Христе Боже, // мир и ве=лию милость.
И ныне, Богородичен, глас тойже:
Призри на моления Твоих раб, Всенепорочная, / утоляющи лютая на ны востания, / всякия скорби нас изменяющи. / Тя бо Едину, твердое и известное Утверждение имамы, / и Твое предстательство стяжахом, / да не постыдимся, Владычице, Тя призывающии, / потщися на умоление Тебе верно вопиющих: / радуйся, Владычице, всех Помоще, // Радосте и Покрове, и Спасение душ наших.

Или Крестобогородичен, глас тойже:
На Кресте́ Тя яко узре́ пригвождена, Господи, / Агница и Мати Твоя дивляшеся, / и что видение сие взываше, Сыне вожделенне? / Сия Ти неверный собор воздаде беззаконный, / иже многих Твоих чудес насладивыйся? // Но слава неизглаголанному сошествию Твоему, Владыко.
Тропарь, глас 4:
Прише=дшую ко Христу во=лею / и украси=вшую доброде=тельми се=рдце / боголе=пно воспое=м всечу=дную Перпе́тую, / та бо посрами= язы=ческую де=рзость / и приведе= с собою лик му=ченический, / просия=вши яко солнце посреде= беззако=нник, // и по кончи=не яви=ся земны=м утверждение божественное.
НА УТРЕНИ
По стихословии седален, глас 2:
Добре испове=давши Христово имя пред враги= беззако=ннующими, / зако=нно пострада=ла еси Его ради, честна=я Перпе́туе, // и ныне мо=лишися всем дарова=ти велию милость.
Слава, и ныне, глас тойже:
Устами и сердцем величаем Тя, Матерь Божию: // Ты же, ро=ждшая Бога, / не отри=ни ны от Твоего заступле=ния.
Канон святым, глас 2.
Песнь 1
Ирмос: Грядите, людие, / поим песнь Христу Богу, / раздельшему море, / и наставльшему люди, яже изведе из работы египетския, // яко прославися.
Любо=вию Христо=вою распаля=ема, му=ченице Перпе́туе, / мирско=е отве=ргла еси омраче=ние, / Небесному же прибли=зилася еси Свету Невеще=ственному всею душе=ю.
Род презре=вши и ю=же от богатства светлость, Перпе́туе всечестна=я, / вместо всех Христа стяжа=ла еси.
Возложи=вся мученический собор Всеви=дцу Богу / и, Того любо=вию ду́ши привяза=вше, разреши=ша союз злобы / и разреше=ние грехов подава=ют верою тех блажа=щим.
Богородичен: Све=тлыми луча=ми Твоего Сына, Богородице, / просвети= омраче=нную мою душу, / страстей смущение отжени= Твоими, Чистая, хода=тайствы.
Песнь 3
Ирмос: На камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, // и несть праведен паче Тебе, Господи.
Процвела= еси= любовию Христовою и Божественною му=дростию, / терпе=нием же мук, Перпе́туе, безу=мие облича=еши гони=телей.
Любве= ради Зижди=теля, о страстоте=рпицы, / всю мирску=ю лесть истинно презре=вше, / Единаго возжеле=сте Христа, взыва=юще: / несть праведен паче Тебе, Господи.
Просве=щся Тро=ичным сия=нием, му=чениц до=блее сопряже=ние, / и=дольское разруши= омраче=ние, Христу взыва=юще: / несть пра=веден паче Тебе, Господи.
Богородичен: Прогоня=ющее оружие грехи= и стра=сти души= моея= буди, Дево, / и покажи= мя, я=коже други=й рай, / безнаве=тен и соблюде=н Тобою и принося=щий цве́ты Духа.
Седален, глас 3:
Разже=гшеся любовию Божественною, му=ченицы Госпо=дни, / огнь безбо=жия крове=й струя=ми угаси́сте / и, возсия=вше светови=дно, яко зве́зды, // всю подсо=лнечную уясни́сте.
Слава, и ныне, Богородичен:
Пречи=стеи Твои ру́це, Дево Мати, просте=рши, / покры=й упова=ющия на Тя и к Сыну Твоему зову=щия: // всем пода=ждь, Христе, Твоя милости.
Песнь 4
Ирмос: Пришел еси от Девы, / не ходатай, ни Ангел, / но Сам, Господи, воплощся, / и спасл еси всего мя человека. / Тем зову Ти: // слава силе Твоей, Господи.
Благосла=вное и светоно=сное торжество честны=я памяти твоея=, Перпе́туе всехва=льная, / крепко дерзость вра=жию попра=в, яко солнце, возсия=, / в не=мже велегла=сно Христу вопие=м: / слава силе Твоей, Господи.
Твое заколе=ние и во=льную смерть, Жизнода=вче, / собор возжеле́ страда=лец и, многови=дныя боле=зни претерпе=в, / в неболе=зненное и Божественное пре=йде весе=лие, песнопоя= благода=рственно: / слава силе Твоей, Господи.
Звере=й я=рости не убоя=лися есте=, страстоте=рпцы добропобе=днии, / мудростию же духовною и терпением напастей / обличи=ли есте= мучи=тельское безбожие, пою=ще Христу: / слава силе Твоей, Господи.
Богородичен: Возсия= из утробы Твоея=, Отрокови=це Неискусобра=чная, Отчее Сияние – Христос, / и просвети= вселенную, распина=емь, / и бесовскую тьму потреби=л есть.
Песнь 5
Ирмос: Света Подателю и веков Творче, Господи, / во свете Твоих повелений настави нас; // разве бо Тебе иного бога не знаем.
Законно за Христа пострада=вше, Перпе́туе и Фелицита=то всесла=внии, / обогати=стеся венце=м нетле=нным истинно и Царствие Небесное прия=сте, Спасу пою=ще: / разве бо Тебе иного бога не знаем.
Чу=ден, якоже звезда=, быв Церкви, / посреде= мученик возсия=л еси, Сату=ре сла=вне, / му=ченическими осия́я заря=ми мир паче солнца, поя=: / разве бо Тебе иного бога не знаем.
Терпе=нием ран всякое низло́жше вра=жие шата=ние, Ревока=т и Сатурни=н тве=рдии ору=жницы, / зверьми= терза=еми, победную Спасителю воспева=ху песнь: / разве бо Тебе иного бога не знаем.
Богородичен: Закона Исполне=ние, Вы=сшая Херувим, / родила еси Божия Слова воплоще=нна, Сына Единоро=дна, / Егоже о рабе=х Твоих, Дево Всечи=стая, умоли=.
Песнь 6
Ирмос: В бездне греховней валяяся, / неизследную милосердия Твоего / призываю бездну: // от тли, Боже, мя возведи.
Просла=вися твоими ранами Царь Славы Христос, Секу=ндуле страстоте=рпче, / и Той неизрече=нныя тя до=блести испо=лни, пою=ща Ему: / от тли, Боже, мя возведи=.
Яко досточу=дна мужественная твоя душа, Перпе́туе славная, / ме́чное усече=ние доброво=льне прие=мши, / дух предала= еси в ру́це Владыки всех, ра=дующися и пою=щи: / от тли, Боже, мя возведи.
Материнства радости прикосну=вшися, чадо оставила еси, / да шествие страстьми= сотвори=ши ко Отцу Небесному, Фелицита=то ди=вная, / пою=щи Жизнь Вечную да=рующему Спасу: / от тли, Боже, мя возведи.
Богородичен: Милости Твоея=, Богородице, сподоби мя, / Преми=лостиваго Спаса ро=ждшая, / Своею Кровию от тления человеки изба=вльшаго.
Кондак, глас 4:
В ри=зы, от Вы=шния благодати истка́нныя, / мученицы всечестни=и, ныне оде́ялися есте=, / тли и ме=ртвости риз совле=кшеся, / на смерть и раны дерзну=ли есте крепко / и Христу предста=ли есте=, венцы= нося=ще подвигов своих; / о нас Того, сла=внии, моли=те // дарова=ти нам мир и велию милость.
Песнь 7
Ирмос: Да преславное рождество Твое, Христе, / еже от Девы прообразиши яве, / неопалимы в пещи отроки сохранил еси, / песньми поющыя Тебе: // отцев, Боже, благословен еси.
Яко блаже=нна в непоро=чном пути ходи=вшая, / коле=на благоразу=мно преклонила еси Изба́вителю, / душу же Влады=це в ру=це предала= еси, / яко благово́ннейшую жертву, Перпе́туе богому=драя.
Победоно=сица к Небесному Царствию востекла= еси, Фелицита=то чу=дная, / по искуше=нии бо мук от ди=виих звере=й, Христа Бога испове=дающи, / сконча=лася еси за Него, во главу усече=на.
Му=дрии страдальцы, веры ору=жницы, / му=ки врагов пребеззако=нных до=блественне победи=вше, / ку=пно венцы нетле=нныя прия=ша.
Богородичен: Святы=х Святы=й, в Тебе свято всели=вся, Чистая Богородице Дево, / воплощен, из Тебе ражда=ется, за еже спасти= верою зову=щия: / отцев, Боже, благословен еси.
Песнь 8
Ирмос: Пещь иногда огненная в Вавилоне действа разделяше, / Божиим велением халдеи опаляющая, / верныя же орошающая, поющия: // благословите, вся дела Господня, Господа.
Ни ласка=ние, ни лесть, / ниже= слава земны=х возмо=же отсещи= ве=ры ва=шея тече=ние, страда=льцы Христовы, / те=мже и ра=дуетеся ныне.
Единаго Благоутро=бнаго Царя Славы испове=дающе, / му=дрии страда=льцы прия=ша по=чести победы, вопию=ще благодерзнове=нно: / благословите, вся дела Господня, Господа.
Конец мучения прия=сте ку=пно, страстоте=рпцы Господни сла=внии, / зверьми= и мече=м умерщвля=еми, Христу вопию=ще: / благословите, вся дела Господня, Господа.
Троичен: Яко Еди=ницу Естество=м, Тя пою, Божество Всесвятое, / в Трие=х Ипоста=сех Еди=наго Создателя, ра=дуяся зову: / благословите, вся дела Господня, Господа.
Богородичен: Слово Отца Небеснаго Единосу=щное, / Адамово Избавле=ние от крове=й Твоих де=вственных воплоти=ся, Дево Марие Чистая, / Емуже благода=рственне зовем: / благословите, вся дела Господня, Господа.
Песнь 9
Ирмос: Безначальна Родителя Сын, Бог и Господь, / воплощься от Девы нам явися, / омраченная просветити, / собрати расточенная: // тем Всепетую Богородицу величаем.
Царское украше=ние Це=ркве Христовы, / страстей Спа=совых изображе=ние мученица твердая, верных утверждение / песньми да восхва=лится Перпе́туя всеславная.
Песньми восхва=лим боже=ственныя му=ченицы, / Перпе=тую и Фелицита=ту, вку=пе Ревока=та и Сату=ра, / славных Сатурни=на и Секу=ндула. / Ти=и бо ра=довахуся, зря=ще себе мечи= скончава=емыя, / Христу же победную песнь пою=щия.
Страстоте=рпцы, му=жески вооружи=вшеся верою, / Господним крестом ополче=ния низложи=ша вра=жия / и венцы нетле=нныя прия=ша.
Яви=стеся посреде= мучи=телей, а=ки а=гнцы нескве=рныя посреде= волков суровых, / сих зверови=дное побежда=юще, / и Христу, яко жертва благоприя=тна, принесо=стеся.
Богородичен: Глас Тебе Ангелов, Пречистая, вопие=м: / радуйся, Спасение всех челове=ков / и славных мучеников божественное Венчание.
Светилен:
Предстоя=ще ныне Трисия=нному Великому Свету / и пребыва=юще в Неизрече=нней Све=тлости со всеми святыми, / богосия=нии му=ченицы, помяни=те всех нас, / память вашу светоно=сно соверша=ющих.
Слава, и ныне, Богородичен:
Света Преве=чнаго родила еси нам, Христа Бога нашего, Пречистая Дево, / изба=вльшаго весь мир от лести диа=воли. / Те=мже молим Тя: не преста=й Его молити, / да подаст нам милость Свою.
На стиховне, Слава святым, глас 1:
Мече=м скончава=еми, / посеко=сте и=дольское неи=стовство / и, свещу= неуга=сшу душе=вную соблю=дше, / внидо=сте со Христом в Чертог Небесный, / страстоно=сицы честны=я Перпе=туе и Фелицита=то, / демонов же полки страда=льчески победи=сте // и ныне мо=литеся о душа=х наших.
И ныне, Богородичен, глас тойже
Радуйся, Богородице Дево, / радуйся, Похвало= всея= вселе=нныя, // радуйся, Пречистая Мати Божия, Благословенная.
Или Крестобогородичен, глас тойже:
У Креста Твоего предстоящи, Слове Божий, / Агница и Непорочная Мати Твоя, / рыдающи вопияше: / увы Мне, Сыне, како умираеши на Кресте́? / Увы Мне, Свете Мой сладкий, / где Твоея добро́ты ныне за́йде зрак, // красне́йший паче всех человек?

НА ЛИТУРГИИ
Прокимен, глас 4: Святым, иже суть на земли Его, / удиви Господь вся хотения своя в них. Стих: Презрех Господа предо мною выну, / яко одесную мене есть, да не подвижуся. Апостол к Галатом, зачало 214. Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и от всех их избавит их Господь. Евангелие от Иоанна, зачало 51. Причастен: Радуйтеся, праведнии, о Господе, правым подобает похвала.