Редкие Богослужебные тексты

Святой великомученик Полидор Кипрский, Ново-Ефесский (+ 3 сентября 1794)
Память 3 сентября

Тропарь, глас 5. Подобен: Собезначальное Слово:
Покаяния слезами себе предочи́стил еси,/ по́слежде, блаже́нне, ра́нами му́ченичества/ яко лучами блиста́ющими просвети́лся еси./ Сего ради яко мученика тве́рдаго/ и страсте́м Христа Бога о́бщника,/ в пе́снех, Полидо́ре страстоно́сче,// восхваля́юще, тя величаем.
Ин, глас 3.
Велия похвала Левкоси́и,/ велие утверждение Ефе́са еси,/ велия же слава обои́х градо́в:/ о́ваго убо прозябе́ние честно́е яви́лся еси,/ ов же кровьми́ твои́ми очервлени́л еси;/ но моли́ся Христу Богу, Полидо́ре,/ да изба́вимся бед и печалей.
Кондак, глас 8. Подобен: Взбранной:
Дне́шняго ро́да верх,/ прииди́те, согла́сно ве́рнии восхва́лим/ пресла́внаго Полидо́ра Ки́прскаго,/ в но́вем Ефе́се пострада́вшаго/ и ага́рянския вну́ки посрами́вшаго,/ и просла́вльшаго Христо́во Боже́ственное имя.