Елицы

Служба всем святым, на островах Вританийских и Ирландии просиявшим
На вечерне
На Господи воззвах:
Глас 1: Прииди=те, вси ве=рнии, восхва=лим святых, / ото=к Вритани=йский осия=вших: / иноков честны=х, святителей богомудрых, / правителей благоверных, всех мученик и жен, Богу благоуди=вших, сонм, / ихже имена ве=мы и не ве=мы, / я=же словесы= своими и дея=ньми / во многоразли=чных стезя=х / да=ры Божии и вселе=ние Небесное стяжа=вших, / ихже гро=бы Господь просла=ви / многими преди=вными чудесы=. / И ныне сии=, предстоя=ще воздви=гшему их Христу, / усердно молятся за нас, // празднующих торжество памяти их любовию.
Глас 2: Ко=ею красотою пе=сненною / превознесе=м Вритани=йских ото=к Божие благослове=ние, / велеле=пое Церкве Христовы удобрение, / священства венец, благочестия правило, / неиссяка=ющая источники исцелений и чудес, / яже возра=доваша страну сию= / и всех, Бога взыску=ющих.
Глас 8: Да веселя=тся Небеса, да радуется земля, / во хвале=нии трудов ваших и ревнова=ния богоуго=днаго, / мужества же духа и ума чистоты, о преподо=бнии, / вас бо законы естества не одоле=ша./ О святы=й соборе и божественный со=нме, // воистинну вы ото=к Вритани=йских сокро=вище есте=.
Слава, глас 5:
Радуйся, верная Це=рковь Вритани=йская! / Радуйтеся, первому=ченицы ея= Алба=не, Иу=лие и Ааро=не! / Радуйся, Ниниа=не, апостоле севера. / Радуйся, Кола=мбо, земли ско=ттов неопали=мая свеще=! / Радуйся, божественный Па=триче, со Евангелием Христовым / к брего=м и=рским прише=дый! / Радуйся, Давиде, запада просветителю! / Радуйся, Григорие, со учеником твоим Августином / не а=нглов, но Ангелы ви=девый! / Радуйтеся, от вся=каго гра=да и ма=лыя ве=си избра=ннии/, ныне живу=щии на Небесе=х! / Хода=таи наши пе=рвии / пред Создателем всяческих яви=стеся, / веры правосла=вныя правило / и к Свету Истинному води=телие, / Егоже бо облиста=ете душа=м нашим / зна=меньми дел и молитв ваших,/ возсия=вающе та=инственнейше всем концем земли, // и мо=литеся о чтущих честну=ю память вашу.
И ныне, догматик гласа.
На стиховне стихиры воскресныя гласа.
Слава, глас 4:
Время наста= пра=зднества / памяти сродник святых наших, / благослови=м ты=я по долгу, / вои=стинну бо о=бщницы блаже=нством Христовым яви=шася: / вольно обнища=вше, духовне обогати=шася; / кро=тции соде=лавшеся, Царство кро=тких насле=диша; / возрыда=вше, уте=шишася; возжада=вше правды, насы=тишася; / иных ми=ловавше, милости себе стяжа=ша; / сердца= очи=стивше, Бога узре=ша, я=коже можа=ху; / твори=вше мир, всыновле=ния от Господа сподо=бишася; / гони=ми бы=вше и му=чими за благоче=стие и пра=ведность, / ра=дуются и веселя=тся на Небесе=х, / приле=жно Богу моля=щеся // дарова=ти ото=цем Вритани=йским и ми=рови велию милость.
И ныне, Богородичен, глас 5:
Да взы=дут хвалы= наша ку=пно к Небесе=м, / прославля=ющия Цари=цу Небесную, Жизнода=вца и Бога нашего Матерь: / радуйся, от лет древних благостию Твоею и благодатию ны увенчавшая! / Сего ради Церковь Вритани=йская велеле=пно празднует / всепочита=емый покров Твой и память чудес Твоих. / Не отыми= милости Твоея= от нас, на скорби же и тесноту наша при=зри и па=ки возста=ви ны, // претворя=ющи в достояние Твое, яко же дре=вле.
По благословении хлебов поем Богородице Дево, радуйся: дважды и

тропарь святым, глас 8:
Яко плод праведный спаси=тельныя Твоея= славы /от конец земли= ото=цы Вритани=йстии /приносят Ти, Господи,/вся святы=я, в них возсия=вшия. / Тех молитвами Церковь Твою и сии= ото=цы /в мире глубо=це / Богородицею храни, Многомилостиве.
На утрени
Седален по полиелее, глас 1:
Подобен: Гроб Твой, Спасе:
Днесь возсия= всечестно=е пра=зднество святых, / во ото=цех Вритани=йских просия=вших. / Уподо=бившеся солнца лучам и светлости денни=цы, / просвещают умы и возбуждают сердца на=ша / подража=ти их житию= и благочестию, // и по вере ревнова=нию.
Слава, глас 8:
Небеса да веселятся, и концы земли с морями да радуются, / Церковь верных бо, Господи, днесь / Вритани=йских святых Твоих память празднует. / Тех предста=тельством благоволи=, // пода=ти душа=м нашим велию милость.
И ныне, глас той же:
При=зри с высоты, Милосердне Господи, / посети ны, прегреше=ньми страждущих, / приими ны / и молитвами Богородицы и всех угодник Твоих, / во ото=цех сих просиявших, // пода=ждь душа=м нашим велию милость.
Канон всех святых, на островах Вританийских и Ирских просиявших, глас 8
Песнь 1
Ирмос: Песнь возслем, людие, чудному Богу нашему, свободившему Израиля от работы, песнь победную поюще и вопиюще: поим Тебе, Единому Владыце.
Припев: Вси святии Вританийстии, молите Бога о нас.
Пе=сньми духовными воспои=м вся отцы и матери наша, во ото=цех Вритани=йских благоче=стием просия=вшия, и=хже Церковь Православная возрасти=.
Радуйтеся, святи=и апостоли и вси Божии челове=цы, Церкве= древния строи=телие, зе=млю нашу освяти=вшии; радуйтеся, пе=рвии ученицы= Христовы, мудрость прине=сшии и николи=же престаю=щии хода=тайствовати за ны пред Христом Богом нашим.
Прииди=те, мучениколю=бцы, пе=сньми почтим первомученик Вритани=йских, Алб=а=на, Иу=лия и Ааро=на и весь их собор святы=й, ти=и бо и=долом не поклони=шася и пострада=ша за Христа даже до крове=.
Богородичен: С во=и ангельскими, Державная Владычице, с честны=ми славными пророки, и апостолы, и мученики, я=же во ото=цех Вритини=йских просла=виша Тя, помолися о нас, грешных, Сыну Твоему.
Песнь 3
Ирмос: Несть свят, яко Господь, и несть праведен, яко Бог наш, Его же поет вся тварь: несть праведен паче Тебе, Господи.
Рай есте= духовный, ото=цы Вритани=йстии, цве=ты боже=ственныя ро=ждший, блаженныя отцы= и ма=тери наша, и=мже несть числа; сего ради поем и хвалим Господа Единаго.
Радуйся и весели=ся, ра=бе Христов Палла=дие, посланный пе=рвее возвести=ти Слово Божие душа=м уничиже=нных, а=лчущих мудрости и Истины Боже=ственныя; радуйся, предивный Па=триче, в землю И=рскую стезе=ю апостольства прише=дый, и Воскресение Спа=сово пропове=давый, и та=ко плене=нных бесовскою хитростию свободи=вый. Молите ныне, да па=ки обратя=тся ко Истине су=щии в земли= сей и о=крест тоя=.
Да взы=щем спасе=ния душ наших, многоты=сящная Фиваида И=рская рече=т, свет бо божественныя ревности преподобных ея== даже за край моря, от запада до востока просия=.
Богородичен: О предста=тельстве Твоем молим Тя, Богородице, искуше=ния бо умно=жишася вельми=, не оста=ви людей Твоих.
Седален, глас 4:
Испусти= вы, яко лучи=, Солнце Праведное, Христос, просвети=ти ото=цы Вритани=йския, избра=ннии Божии. Темже молитвами вашими богоблагода=тными сия=ющ соделайте помраче=нный ум мой.
Слава, и ныне, глас той же:
Притеце=м, вернии, к ризе Христа, Бога нашего, благоизволи=вшаго Плоть восприя=ти и Кровь Свою на Кресте проли=ти, от рабо=ты вра=жия свобожда=я нас. Темже и мы благода=рственно Тому вопием: спаси мир Твой и ото=цы Вритани=йския, и под се=нию многоце=нныя ризы Твоея= сохрани= вся люди Твоя, и спаси= души наша, яко Един еси Человеколюбец.
Песнь 4
Ирмос: Из горы приосененныя, Слове, пророк, единыя Богородицы, хотяща воплотитися, боговидно усмотри, и со страхом славословяше силу Твою.
Возра=дуйтеся днесь, святи=и Ко=рнстии, и=ноцы со и=нокиньми, епи=скопи и вси ве=рнии, вы бо иная Фиваида славы Божия яви=лися есте=! Святы=й Пе=тре, ка=меню веры, вку=пе с Константи=ном и Пи=раном, О=стеллем, Будо=ком и святою Морве=нною девою, молитеся приле=жно о спасении душ наших.
Царскую славу дома отца твоего, Некта=не, пренебрег, взыскал еси жизни и=ноческия в Дево=не, богому=дре му=чениче Христов. Чистое исповедание веры вку=пе со святыми сродники твоими преподав нам, хода=тайствуй за ны ко Господу.
Прине=сл еси Свет Христов и Евангелие во Армори=ку, Сампсо=не могу=тниче, море преплы=в, иде=же се=яше се=мена Духа во множестве сердец, и бесы изгоня=шася пред лице=м твоим.
Богородичен: Богородице, Упование христиа=ном, проба=ви милости Твоя на ны, яже показала еси дре=вле отце=м нашим, покры=й и соблюди= ны от всякаго зла.
Песнь 5
Ирмос: Страстей мя мглы яко от глубокия нощи века сего избавляяй, утренневати сподоби дух мой, молюся, во свете заповедей Твоих, Христе.
Слетел еси, яко голубь кро=ток, Кола=мбо пресл=авне, к ско=ттов земли=, и та=я утверди=ся уче=нии твоими и множества учени=к твоих, от святы=я обители Айо=нския исше=дшими, и просвети=ся твоими чудесы.
Благодать Слова Божия прине=сл еси, свя=те Ке=ннете, зе=млям западным с Кентиге=рном возлюбленным, освящая их и богат плод сердец стяжа=в.
Устреми=стеся, Колумба=не со пра=ведники единомы=сленными, во страны= ины=я, и светом жития== вашего во Христе научи=сте люди сле=довати за=поведем Его, Единаго Человеколюбца.
Богородичен: Помощнице теплая к Тебе прибегающих, Надеждо безнадежных, при=зри с высоты на скорбь людей Твоих и яви= нам милости Твоя, Пречистая.
Песнь 6
Ирмос. Содержима мя, приими, Человеколюбче, грехи многими, и припадающа щедротам Твоим, и яко пророка, Господи, и спаси мя.
Отвергла еси жениха сме=ртнаго, святая Енсви=то, за любовь к Безсмертному Жениху, первую обитель жена=м устрои=вши. И ныне молися ко Господу за ны со святыми братиями твоими.
Силою Креста вооружи=выйся, победил еси враги Христовы, кня=же О=свальде благове=рне, и венец мученичества стяжал еси.
От ото=ка Айо=нскаго исше=л еси, Айда=не нестяжа=телю, све=те севера, насы=тити Словом а=нглов сердца. И ныне с чудотворцем и добрым пастырем стада Христова Ку=тбертом и святыми игумены Линдисфа=рном, Фи=наном, Ко=лманом, Е=дбертом, Е=дфритом и Етильва=льдом, мо=лишися о чтущих вас.
Богородичен: От дний древних множество чудес яви Тобою =, Дево, Творец всяческих и спасе= ны от наве=т вра=жиих. Темже, и ныне ото=цем Вританийским бу=ди Помощь, Госпоже и Царице, и всем нам, избавля=ющи от напастей и бед.
Кондак, глас 3.
Подобен: Дева днесь:
Днесь лик святых, во ото=цех Вритани=йских Богу угоди=вших, предстоит в Церкви и неви=димо за ны мо=лится Богу, Ангели с ним славосло=вят, и вси святи=и Це=ркве Христовы ему спра=зднуют, о нас бо мо=лят вси ку=пно Превечнаго Бога.
Икос:
Яко цве=ти пра=веднии сада Едемскаго показа=шася, святи=и, некта=ра доброде=лания и сла=дости правых учений испо=лненнии, и=миже ду=ши наша питаются и жажда духовная престае=т. Сего ради тецы=те, вернии, ускори=м под сень их и благослови=м их яко ото=к Вритани=йских удобрение, увязо=шася бо венцы славы неувяда=емыя и ку=пно молят о нас Превечнаго Бога.

Песнь 7
Ирмос: На поле Деире, иногда мучитель пещь постави, на мучение богоносных; в ней же три отроки песнословяху Единого Бога, глаголюще: отцев наших Боже, благословен еси!
О=дри крестив пречу=дную и весь дом ея=, научил еси вере Христовой, святителю Фе=ликсе, зе=мли восто=чныя ото=к Вритани=йских, и нас, грешных, молитвами твоими заступи=.
Милостию Господнею укрепле=н, свя=те Фео=доре, я=ко дар Божий ото=ком Вритани=йским, от Та=рса притекл еси, я=коже Павел вторы=й, благовестие Христово язы=ком неся=. И ныне со блаженным спутником твоим, игуменом Адрианом, ко благочестию ны наставля=еши.
Плод принесо=ша сле=зы твоя в пусты=ни, преподобне отче Гу=тлаче; ору=жием бо молитв твоих бе=сы победив, получил еси с Небес благодать цели=ти болезни чту=щих тя.
Богородичен: Тяготы= и беды достиго=ша ны, Владычице, и печали умно=жишася, врази= наша ополчи=шася на ны. Но низложи= воста=ния их, да постыдя=тся делающии зла=я рабом Твоим.
Песнь 8.
Ирмос: Победители мучителя и пламене благодатию Твоею бывше, заповедем Твоим зело прилежаще, отроцы вопияху: благословите, вся дела Господня, Господа.
Глаго=лом честны=м укра=шен, Достопочте=нный Бедо, Писания тайны изъясни= и просла=ви святы=я земли твоея=. С преподобными отцы, Венедиктом, Зи=гфридом и Сеольфри=дом, смирения испо=лненным, моли о спасении душ наших.
Внегда= приидо=ша врази, ве=лий сонм мученик воздви=жеся во множестве земель Вритани=йских, и ты, княже Е=дмунде, не отре=клся еси Сладчайшаго Иисуса, имя Его прославляя; сего ради, страстоте=рпче, язык твой провещава=ше словеса= даже по смерти, мощи же твоя благодатию нетления просия=ша.
В час наитемне=йший дарова=л еси покой праведному А=льфреду советом му=дрым, преподо=бне Нео=те, и молитва верных вознесе=ся, да вера православная возроди=тся труды угодник Божиих Гримба=льда, Плегму=нда и бра=тии их, вопиющих: благословен еси, Господи Боже отец наших.
Богородичен: Похвала христиан еси, Владычице, Оружие на враги и прибегающих к Тебе Утверждение, и ныне взываем: победи враги и спаси души наша.
Песнь 9.
Ирмос: О девства краю, Богородице, праздник возвышающая благодатей таинственного Твоего присутствия, приводиши ко спасению величающих пречистую память Слова Твоего.
Апостол подража=телие в труде=х яви=лися есте=, святителие О=до, Дунста=не, пастырю душ, отче иноков Етельво=льде, О=свальде, кротости зерца=ло, Церковь соблю=дшии; темже ублажаем вас.
Повину=яся отцу твоему во Христе Дунстану, в мученичестве стяжал еси послушания награду, святый Едуа=рде; сего ради и рака твоя дре=вле чудеса исцеле=ний источа=ше. И ныне, внегд=а обрето=шася мощи твоя, явля=еши паки целебную помощь твою.
Святи=и вси ото=к Вритани=йских, ихже имена ве=мы и не ве=мы, явле=нныя и сокры=тыя, Небеснаго дости=гшии, молитеся ко Господу, да уте=шит ны и укрепит, возведи=те земли наша, от Православия отпадшия, к чистоте веры Православныя и соберите прежде конца во Святую Церковь люди расточе=нныя.
Богородичен: Богородице, благодати Исполнение, е=юже дре=вле уще=дри гра=ды и ве=си удела Твоего, морем опоя=саннаго, благода=рственная наша приими= и всякия печали изба=ви люди Твоя.
Ексапостиларий воскресный.
Слава, святых:
Пе=сньми восхва=лим ныне немерца=ющий свет святых, во ото=цех Вритани=йских просиявших, имже тайны неизрече=нныя откры=шася, сла=вящим Христа, просвети=вшаго их и возлю=бльшаго, и в помощь нам дарова=вшаго.
И ныне, Богородичен воскресный.
На хвалитех стихиры воскресные 4 и святых 4:
Глас 1: Духа Твоего, Господи, послал еси нам / даже до конце=в земли, / да знают язы=цы, та=мо сидя=щии, / Тебе, Бога, в Троице Единаго. / Сего ради, избра=нных Твоих просвети=в, / собра=л еси их в Церковь Твою верою пети Тебе: // Изба=вителю наш, слава Тебе!
Глас 2: Благословим, сте=кшеся вкупе днесь, / свети=льники ото=к Вритани=йских, / похваля=юще честны=я мученики, святы=я епископы, / просвети=тели и веры на=шея основание, / преподобныя отцы и матери, / и вся благочестия учи=тели / и возопии=м к ним: / молите Христа Бога // дарова=ти нам велию милость.
Стих: Воззваша праведнии, и Господь услыша их.
Преподо=бнии отцы и матери, / цве=ти духо=внии ото=к Вритани=йских, / ихже смирение и крепость похвала наша суть, /обрето=хом вы яко сокровище неиждива=емое. / И ныне источа=ете чудеса, / Господом просла=вленнии. / Сего ради молите Его, да да=рует // душа=м нашим велию милость.
Стих: Блаженни вси, боящиися Господа, ходящии в путех Его.
Глас 4: Глас Евангельский услы=шавше / и ревностию апостольскою возгоре=вшеся, / святи=и Вритани=йстии, / ко просвещению ото=к сих устреми=лися есте=. / И ныне со апостолом Андреем Первозванным и всеми всехвальными апостолы / моли=теся о нас/, да возроди=тся Церковь истинная во ото=цех сих/ и плод спасения принесет.
Слава: стихира евангельская.
И ныне: Преблагословенна еси, Богородице Дево...
Великое славословие. По Трисвятом: тропарь воскресный.