Редкие Богослужебные тексты

Мц. Фотины Самряныни

На «Господи, воззвах», глас 4.
Подобен: «Яко добля..»

Яко светопод+ательная свеща явися днесь/ в божественней памяти твоей,/ Фотино, мученице славная,/ невечернего бо света/ свет почерпнувши,/ освещаеши люди, во тьме сущия,/ и, проповедавши Бога, Божия Слова,/ по достоянию// Небесного Царствия сподобилася ес+и, честн+ая.
Кож совлечения мука/ всех лютейша бысть,/ страстотерпицы достославнии,/ юже крепце претерпесте вси:/ Фот+ино честная с Фот+ином сыном,/ и Иос+иею Богоносным,/ и дивною пятер+ицею с+естр твоих,/ и Д+уком божественным и великоим+енным,// тем и благославие улучисте.
С Фот+иною Фот+у/ и Фот+иду вкупе,/ Кириак+ию честн+ую и Параскеву, и Фот+ина, света исполнена, сродника их,/ купно и Севастиана,/ яко славных непорочных, тех потщимся умол+ити,/ стяжав+ающе у Господа предстательство// о нас, верно их почитающих.
Тропарь, глас 3.
Под.: Божественныя веры:
Божиим Духом озарена/ и струями орошена/ от Христа Спаса, всехвальная,/ спасения водою напояшеся/ и ту жаждущим нетленно предала еси,/ великомученице и равноапостольная Фотино,/ Христа Бога моли// спастися душам нашим.

Ин, глас и подобен той же.
Вся соделалася еси света сосуд,/ и ученица Бога Слова,/ яко Тем научена, всехвальная,/ исцелений благодатию обогатившися,/ немощствующим здравие дарующи,/ великомученице Фотино,/ Христа Бога моли// даровати нам велию милость.

Ин, глас той же.
Юже от Самарии невесту Христову/ и сподобльшуюся беседы Его,/ Фотину Божественную да почтим достойно,/ яко Господню мученицу и равноапостольную.

Кондак, глас 3.
Под.: Дева днесь:
Мученик днесь венец и слава,/ Фотина хвальная,/ к небесным возшедши,/ вся приглашает к песнопению,/ тоя даров наслаждающияся,/ тем от всех честными хвалы// прославляется верно.