Редкие Богослужебные тексты

перевод с греческого, первая редакция. канон молебный
преподобному и богоносному
отцу нашему
НИКИФОРУ ПРОКАЖЕННОМУ, ЧУДОТВОРЦУ
Творение монахини Исидоры
На велицей вечерне
На Господи, воззвах стихиры, глас 8-й
Подобен: О, преславнаго чудесе:
О, дивное чудо!/ В прокаже=нней пло=ти Никифор всечестны=й/ а=нгельския дости=же/ чистоты= безме=рныя,/ претерпев страдание преболе=зненное,/ в веселии ныне радуется./ Того молитвами священными, Человеко-лю=бче,\ блаженства Небе=снаго Твоего ны сподоби.
Радуйся, Никифоре всече=стне!/ Терпения правило,/ крепкоду=шия о=бразе,/соверше=ннаго подвига начерта=ние богозна=менное,/воздержания дру=же любе=зный,/ нестя-жа=ния вели=кий учи=телю,/ высото=, к неизрече=нному в плоти возвы=шенный!/ Небесе= узрел еси ди=вная,\ я=коже Павел пе=рвее.
Тру=дниче во благоче=стии изя=щный,/ многострада=ль-наго Иова подража=телю усе=рднейший,/ ни=щаго Ла=заря, иже в стру=пех, равностоя=телю,/ в пещи= прокаже=ния/ я=ко пе=рвее о=троцы Боже=ственнии/ ста неуязви=мо,/ ра=дуяся же воспева=ше/ имя Бога нашего,\ Его же выну моли о любящих тя.
Слава, глас 8:
Благочестия ревни=теля,/ добраго подвига тру=дника,/ терпения глави=зну,/ Никифора честна=го прииди=те, согла=сно да почти=м./ Сей бо, проше=д сквозе= огнь и воду/ преболе=зненнаго прокаже=ния,/ изы=де ко упокое=нию ра=дости./ Исплавле=нием же печа=лей окова=нный,/ паче зла=та сия=ет,/ всем душа=м подая\ блаже=нство спасе=ния.
На литии стихира, глас 2:
Подобен: Егда от древа:
Ра=дуйся, терпе=ния страстоте=рпче,/ утеше=ния свети=льниче,/ надежды божественный образе,/ веры напечатле=ние,/ любве= исполне=ние,/ молитвы учи=телю,/ пра=вило воздержания,/ богатство многолюбе=зное чистоты./ Прокаже=ния пе=щию испы=тан,/ сия=еши, Никифоре, ми=рови\ зла=та преди=вно светле=е.
На стиховне, глас 5-й:
Подобен: Радуйся:
Ра=дуйся, служи=телю Христов,/ Сио=на Боже=ственнаго бисере многоце=нный,/ образе воздержа=ния,/ молитвы непреста=нныя сокро=вище ве=лие/ и учи=телю, благодати испо=лненный,/ прозре=ния зерца=ло,/ нестяжа=ния соверше=ннаго зна=мение,/ смире=ния глубо=каго восхожде=ние;/ утеше=ния словесы твоими/ утвержда=яй изнемога=ющия,/ Уте=шителя издая=й благоуха=ние неизрече=нное,/ честны=й Ники=форе, прокаженных благоукраше=ние\ и сия=ние незаходи=мое.
Стих: Честна пред Господем/ смерть преподобных Его.
Прокаже=ние твоея= плоти яко Иов/ доблему=дренне, Никифоре, поне=сл еси,/ сердцем чистейшим благодаря Бога,/ и проходя= стезю спасе=ния/ Ангельскою схи=мою разу=мно оболче=нный,/ внимая Анфи=мовым науче=нием,/ и по=стничества боже=ственный столп соде=лався,/ подви=жниче иску=снейший я=же свыше страда=льчества,/ до=блести кова=льнице,/ терпе=ния напечатле=ние,/ звездо=, блистающая во тьме сидя=щим,\ Божия све=тлосте.
Стих: Блажен муж, бояйся Господа/ в заповедех Его восхощет зело.
Крит ныне ра=достию игра=ет,/ яко светоно=сна тя сына показу=я,/ и но=ваго страда=льца увенча=нна,/ о Ники=форе прокаже=нне,/ сне=га всяко чисте=йший,/ с ним же вку=пе/ Александри=я хва=лится/ и добросла=вный веселится оток Хио=сский,/ его=же благослови=л еси по=ты твоими./ Сто=льный же имени=тый/ Афинский град сликовству=ет,/ в нем бо веры путь/ в терпении сконча=л еси,/ Едем же сра=дуется,/ в его=же лоне дух твой\ выну водворя=ется.
Слава, глас 8:
На небовосхо=дную ле=ствицу добродете=лей вшел еси,/ Никифоре небому=дре,/ уче=ньми вели=каго наста=вника Анфима путеводи=мь./ Сей в Хио=се преподо=бно освяти=ся/ и Церковь всю преди=вно осия=./ С ни=мже Бога моли,/ освяти=тися и нам/ Божественною све=тлостию в Царствии Его,\ яко Отец есть неизче=тно благоутро=бный.
На Бог Господь:
Тропарь, глас 4:
Подобен: Вознесыйся на Крест:
Пло=ти твоея= прокаже=ние/ мужему=дренно, яко Иов,/ претерпел еси Ники=форе,/ ризу же души твоея=/ светле очи=стил еси,/ соверше=нне же на ле=ствицу доброде=телей восше=д,/ подвиги твоими/ жи=тельства Ангельскаго дости=же,/ непреста=нно Богу поя=:/ Тебе слава подоба=ет,\ Тро=ице Единосу=щная.
Ин, глас 1:
Подобен: Пусты=нный жи=тель:
Ники=фора преподо=бнаго прокаже=наго боре=нием/ и е=же в по=двизех му=жеству/ удиви=шася Ангели,/ яко други=й бо Иов/ боле=знная претерпе=, славя Бога,/ ныне же сла=вою увенчава=ется от Него,/ чудес раздая=нием./ Радуйся, монахов наста=вниче,/ радуйся, челове=ком укрепле=ние,/ радуйся, благоухания обра=дование\ излива=яй от мощей твоих.
По первом стихологии седален, глас 4-й:
Яко да тя блаженства на Небесе=х/ причастника тя сотворит,/ Владыка раны и печали прокаже=ния/ в земне=й юдо=ли ти даде=, Ники=форе,/ яко Отец благоутро=бный.
По втором стихологии седален, глас 4-й:
Пра=вило тя лучшее смиренному=дрия позна=ли есмы,/ терпения зерца=ло,/ бдения столп, терпения де=лателя,/ молитвы же, Никифоре, вели=каго учителя.
Величание:
Ублажаем тя,/ преподобне отче Ники=форе,/ и чтим святую память твою,/ наста=вниче монахов/ и собесе=дниче Ангелов.
По полиелеи седален, глас 4-й:
Всю=ду христолю=бцев божественное множество,/ Христова люби=мца Ники=фора ныне прокаже=ннаго,/ пе=сньми хвалебными да украси=м достойно,/ яко небе=снаго терпения борца превосхо=днейшаго.
Прокимен, глас 4-й: Честна пред Господем смерть преподобных Его.
Стих: Терпя потерпех Господ и внят ми:
От Матфея святаго Евангелия чтение.
Рече= Господь Своим учеником: вся Мне предана= суть Отцем Моим: и никто=же знает Сы=н, токмо Отец: ни Отца кто знает, то=кмо Сын, и ему=же аще во=лит Сын откры=ти. Приидите ко Мне, вси тружда=ющиися и обремене=ннии, и Аз упоко=ю вы: возми=те иго мое на себе= и научи=теся от Мене=, яко кроток есмь и смире=н сердцем, и обря=щете покой душа=м вашим, иго бо Мое благо и бре=мя Мое легко= есть.
Слава Отцу и Сыну и Святому Духу.
Молитвами преподобнаго Твоего Никифора,/ Ми=лостиве, очисти/ множество согрешений наших.
И ныне и присно и во веки веков. Аминь.
Молитвами Богородицы,/ Ми=лостиве, очисти/ множество согрешений наших.
Помилуй мя, Боже,/ по велицей милости Твоей и по множеству щедрот Твоих/ очисти беззаконие мое.
Стихира, глас 6-й:
На ле=ствицу небесную доброде=телей, Ники=форе,/ по=мыслом богому=дрым/ и душе=вною тве=рдостию возше=л еси,/ яко Иов бо ноша=ше/ плоти прокаже=ние и очес слепоту=,/ язвы и стру=пы, и вся=каго у=да озлобле=ние,/ к Вышним же вознесе=н,/ вся Небесных узре=л еси,/ добро=ту и сла=ву,/ ю=же Господь уго=това Бог/ сотворя=ющим вы=ну Его запове=дания.
Та=же иерей: Спаси, Боже, люди Твоя:
Лик: Господи, помилуй: 12 раз.
Псалом 50: Помилуй мя, Боже:
И начина=ем канон, глас 1-й, егоже краегране=сие:
Радуйся, Никифоре, прокаже=нных новая сла=ва.
Песнь 1
Ирмос: Воду проше=д, яко су=шу,/ и еги=петскаго зла избежа=в,/ израильтя=нин вопия=ше:/ Изба=вителю и Богу нашему пои=м.
Преподобне отче Никифоре, моли Бога о нас!
Благода=ти чистый сосу=д,/ паче снега убеле=нна душе=ю,/ прокаже=ннаго Ники=фора/ прииди=те вси чисте=йшими пе=сньми да возвели=чим.
Преподобне отче Никифоре, моли Бога о нас!
Любве= напечатле=ние свяще=ннейшее,/ ве=ры путь сконча=вшаго му=жески,/ наде=ждею вы=шняго Ца=рствия,/ ны=не Ники=фора прокаже=ннаго да ублажи=м.
Слава Отцу и Сыну и Святому Духу.
По=ты преподо=бнаго твоего боре=ния/ ду==шу боже=ственну, Никифоре, и=стинно сотвори=в,/ зла=та светле=йшу,/ к Богу ру=це воздева=л еси.
И ныне и присно и во веки веков. Аминь.
Глаго=лы неизрече=нныя Гаврии==ловы слы=шавши,/ Отрокови=це Пресвята=я,/ благопослу=шно ми=рови Бога родила еси,/ клятву же Евину упраздни=ла еси.
Песнь 3
Ирмос: Небеснаго круга Верхотво=рче, Господи,/ и Це=ркве Зижди=телю,/ Ты мене= утверди в любви Твоей,/ желаний Кра=ю, верных Утвержде=ние,/ Едине Человеколю=бче.
Преподобне отче Никифоре, моли Бога о нас!
От Крита возше=л еси,/ я=коже новосия=нное солнце,/ всю же землю заря=ми жительства твоего/ благоле=пно обнови=л еси,/ сыне све=та, Ники=форе,/ и помраче=ния стра=стнаго вся=каго разреша=еши.
Преподобне отче Никифоре, моли Бога о нас!
Смы=сленно мона=шескую стезю у=зкую совершил еси,/ во вся=ческом воздержа=нии жи=тельствуя, всеблаже=нне,/ и беспло=тных лико=в/ во плоти дости=г, Ники=форе,/ вои=стинну возвеличил еси=/ схиму, образ равноа=нгельный.
Слава Отцу и Сыну и Святому Духу.
Исцеле=ний Имеяй безме=рную бе=здну,/ и в неду=зе Наказуяй ихже яко непоро=чная ча=да приемлет,/ Христо=с плоти твоея прокаже=ние, Ники=форе,/ дарова= любве= во утвержде=ние.
И ныне и присно и во веки веков. Аминь.
Господоимени=тая Отрокови=це,/ мира всего Влады=чице,/ душу мою прегреше=ньми порабоще=нную/ матерними Твоими мольбами/ покажи= страстей превы=шшу,/ к пе=рвой сла=ве моей па=ки возве=дши.
Уврачу=й наша страсти молитвами твоими, Ники=форе,/ поне=сший му=жески/ пло=ти прокаже=ние,/ к соверше=нному испыта=нию терпе=ния.
При=зри благосе=рдием, Всепетая Богородице,/ на мое лютое телесе= озлобление/ и исцели= души= моея= болезнь.
Седален, глас 2:
Подобен: Моление теплое:
Муку ве=лию прокаже=ния претерпе=л еси/ великодушно и сильною волею,/ Бога прославляя, Никифоре,/ пе=сне ра=дованная,/ и величая устна=ми непорочными,\ божественную непреста=нно чистоту.
Песнь 4
Ирмос: Услы=шах, Господи,/ смотре=ния Твоего таинство,/ разуме=х дела Твоя/ и просла=вих Твое Божество.
Преподобне отче Никифоре, моли Бога о нас!
Наслажде=ния плоти,/ во всяческом воздержании жи=тельствуя, умертвил еси,/ дух же Божественно оживил еси.
Преподобне отче Никифоре, моли Бога о нас!
Тезоиме=н зва=нию небе=сному, блаженне,/ соде=лався, Ники=форе,/ одолел еси полцы= вси чужда=го.
Слава Отцу и Сыну и Святому Духу.
Очес ослепле=ние терпя=, отче Никифоре,/ внутрь себе зряше/ блистания Божия Духа,/ и сияющих лучей свет неприступный.
И ныне и присно и во веки веков. Аминь.
Речения исполня=ются пророческая/ на Тебе, Всепе=тая,/неискусому=жно бо во чреве понесла= еси/ Егоже дре=вле си=и предвозвести=ша.
Песнь 5
Ирмос: Просвети= нас повелении Твоими, Господи,/ и мышцею Твоею высокою/ Твой мир пода=ждь нам, Человеколю=бче.
Преподобне отче Никифоре, моли Бога о нас!
Утверди=л еси ум/ на ка=мени Господа твоего, Ники=форе,/ тем пребыл еси тверд, я=коже адама=нт,/ боле=зни не ужаса=яся.
Преподобне отче Никифоре, моли Бога о нас!
Прокаже=ние пло=ти яко Иов/ прене=сл еси терпели=вно,/ тем сия=еши, Ники=форе, душе=ю/ паче зла=та и сребра= многоце=ннаго.
Слава Отцу и Сыну и Святому Духу.
Возложи=л еси, Ники=форе,/ на Бога наде=жду свою,/ сиро=т и вдов Засту=пника/ отеческаго ради ми=лования,/ от Негоже обрета=ше вспоможе=ние.
И ныне и присно и во веки веков. Аминь.
Столп непристу=пен на враги еси, Влады=чице,/ устремля=ющися на того ухищре=ния,/ яко Рождшая Имущаго силу неисче=тную.
Песнь 6
Ирмос: Молитву пролию= ко Господу/ и Тому возвещу= печа=ли моя=,/ яко зол душа моя испо=лнися/ и живот мой аду прибли=жися,/и молю=ся, яко Иона:/ от тли, Боже, возведи мя.
Преподобне отче Никифоре, моли Бога о нас!
Укрепи=вся Божиею благода=тию/ на стра=сти до=льния, Никифоре,/ не=мощь плоти твоея= прия=л еси,/ яко дарование милости от Господа,/Иже человеком жа=ждет спасения/ ради щедро=т неизче=тных.
Преподобне отче Никифоре, моли Бога о нас!
Яко свети=льника тя Троицы позна=хом, Ники=форе,/ на горе утвержде=нна,/ и всем ра=достно разлива=юща,/ сия=ние и блеща=ние Духа,/ мглу страсте=й расточа=ющее,/ и веселя=щее земли= вси концы.
Слава Отцу и Сыну и Святому Духу.
Победил еси вра=жия возноше=ния, Ники=форе,/ смире=нием твоим Боже=ственным,/ яко душе=ю благоразу=мие пря=л еси,/ те=лом же му=ки и я=звы,/ и соде=лался еси всеи=стинно/ снега безме=рно беле=е.
И ныне и присно и во веки веков. Аминь.
Утроба твоя святая/ соде=лася, Марие, небес ши=рши,/ яко Бог в ню всели=ся,/ Егоже небесная не вмести=ша преде=лы,/ Сего ма=терски моли / стра=стныя мя разреши=ти печа=ли.
Кондак, глас 2:
Подобен: Предстательство христиан:
Неду=га узкий путь проше=л еси, Ники=форе,/и всячески последовал еси Влады=це,/ яко послушли=вый и достойный сын,/ и=го же Того благо=е и бремя ле=гкое/ на ра=мех поне=сл еси,/ те=мже лику=я возше=л еси/ к славы ве=чныя покою красному,\ радостно веселя=ся.
Икос:
Ангельскую души чистоту и к вышним стремление издетска явил еси, преподобне, темже мира Зиждитель лише=ньми тя в часть Себе отдели и в чадо возлюбленное восприя=. Ты же, детище благоуго=дливое быв, от земных родителей сиро=тное, оба=че Бога отца неразлучно имевшее, ныне от нас приими славословия сицевая:
Радуйся, и=мже утешатся скорбная сердца,
радуйся, и=мже стра=ждущии прославят Творца;
Радуйся, кро=тостию от юности преудобре=нный,
радуйся, послушанием преукраше=нный;
Радуйся, к житию крестному от юности предызбра=нный,
радуйся, к подвигу доблему=дренному призва=нный;
Радуйся, ти=хостное и незлобивое отроча=,
радуйся, на па=житех смиренномудрия упасенное овча=;
Радуйся, яко в скорбех и болезнех руце о нас воздева=еши,
радуйся, яко крестоноше=нию ве=рныя науча=еши;
Радуйся, кри=тяном теплое заступле=ние,
радуйся, малодушным нам в беда=х укрепление.
Радуйся, многотерпели=вне отче Ники=форе, недужным скорый помощниче.
Песнь 7
Ирмос: От Иудеи доше=дше, о=троцы/ в Вавилоне иногда=/ верою Тро=ическою пламень пе=щный попра=ша, пою=ще:/ отцев Боже, благословен еси.
Преподобне отче Никифоре, моли Бога о нас!
Непреста=нную стяжал еси молитву,/ яко делание в житии превосхо=днейшее,/ е=юже с Богом бесе=дуеши,/ ангельскому жительству подража=я,/ отцев Боже, вопия, благословен еси.
Преподобне отче Никифоре, моли Бога о нас!
Упра=влен, блаженне, от свята=го Анфи=ма,/ прекра=сно на Хио=се соверши=л еси подви=жнический путь,/ и того= победы ве=лия, Ники=форе, описа=л еси,/ тем венцы от живоно=сныя десни=цы восприя=л еси.
Слава Отцу и Сыну и Святому Духу.
Возсылая Боже=ственныя/ молитвы твоя, Ники=форе, ко Го=споду,/ полу=нощи на возду=х возше=л еси,/ изумле=ния ученика= испо=лнив,/ тя узре=вшаго Евме=ния,/ с ни=мже пе=ние Богу прино=сиши во ве=ки.
И ныне и присно и во веки веков. Аминь.
Ма=нны тя ста=мна вои=стинну предъявля=ше,/ Дево Мати Чистая,/ во чре=ве бо Твоем сохрани=ла еси Хлеб жизни Небесный, Христа,/ души верных препита=ющий неизрече=нно.
Песнь 8
Ирмос: Царя Небеснаго,/ Егоже поют во=и Ангельстии,/ хвалите и превозноси=те во вся веки.
Преподобне отче Никифоре, моли Бога о нас!
Словесы= твоими Боже=ственными/ и поуче=нии му=дрыми/ душа=м скорбящих сладкое утеше=ние/ предлага=еши, Никифоре.
Преподобне отче Никифоре, моли Бога о нас!
Нестяжа=ния тя сокро=вище, Никифоре,/ ве=рное и велие стяжа=хом,/ яко сердцем нищ соде=лался еси, блаже=нне.
Слава Отцу и Сыну и Святому Духу.
Дале=че сущая/ аки бли=жняя зря=ше,/ душе=вныма очи=ма, Никифоре,/ яко Божественным прозрением украси=лся еси.
И ныне и присно и во веки веков. Аминь.
Преиспещре=на Боже=ственню сла=вою, Де=во,/ Царю Небе=сному одесну=ю предста=ла еси/ яко Влады=чица мира.
Песнь 9
Ирмос: Воистинну Богородицу,/ Тя испове=дуем,/ спасеннии Тобою, Дево Чи=стая,/ с Безплотными лики Тя величающе.
Преподобне отче Никифоре, моли Бога о нас!
Легце и=го прокаже=ния тягча=йшаго/ о Никифоре, поне=с,/ во град Божий иже свобо=дь есть, преше=л еси,/ ле=гце воскриля=емь.
Преподобне отче Никифоре, моли Бога о нас!
Се=мя, Никифоре, ева=нгельское,/ в добраго и благаго сердца твоего земле возде=ланное,/ многопло=ден кла=с сотвори=.
Преподобне отче Никифоре, моли Бога о нас!
Свети=льнику души твоея= испо=лнену, Никифоре,/ терпения еле=ем,/ Жених Христос, тя ли=ку мудрых дев сопричте=.
Слава Отцу и Сыну и Святому Духу.
Ра=ка моще=й твоих точит, Ники=форе,/ Уте=шителя благода=ть и благоуха=ние жизни/ благогове=йно приходя=щим к ней всегда.
И ныне и присно и во веки веков. Аминь.
Яко луна, Богородице, ярча=йшая/ прозяба=еши ми=рови свяще=нный свет,/ яко ро=ждшая славы вели=кое Солнце.
Светилен:
Укрепився пе=рвее, яко Иов,/ в терпении, Никифоре, болезней,/ сего ради ныне с ним весели=шися вечно/ неизрече=нным богозре=нием, величаемый.
Слава:
Яко спелое виноградное гроздие,/ в точи=ле прокаже=ния, Никифоре,/ исцежа=еши вино доброде=телей боже=ственное,/ веселя=щее сердца= восхваля=ющих тя.
На хвалитех, глас 1-й:
Подобен: Небесных чинов:
Якоже Иов, Никифоре,/ до=блественно ноша=ше,/ изде=тска сиро=тен и стра=нен, печа=ли/и прокажения болезнь,/ и помраче=ние очес твоих теле=сных,/ оба=че небе=сныя добро=ты новообра=зно\ зря=ше в сердце твоем.
Терпе=ния, Никифоре, уста=в соде=лася,/ крепкоду=шия ме=ра, воздержа=ния пра=вило,/ све=точ зарено=сный послуша=ния,/ молитвы же учитель,/ смире=ния степе=нь высокотво=рная\ и кро=тости сокро=вище.
Греческие величания:
Жезл силы Божия, Никифоре, имея, яко посох кре=пок,/ мимоходя=ше твердо тесноту житейскую/ гряды=й к Божественных Черто=гов широте= простра=нней.
Яко наковальня пребывая терпе=ния,/ непрекло=нен показался еси, Никифоре, во озлобле=ниих,/ и в ку=знице испы=тан боле=зней,/ злата блиста=еши вся=чески светлее.
Днесь силы Ангельстии/ радуются зре=ти/ Никифора Боже=ственную душу,/ Престолу Влады=чню с ними предстоя=щую/ и сла=вою осия=нную чистоты=.
Молитва
О благодарный страда=льче, молитвы таи=нниче, милостивый чудотво=рче, преподобне отче Никифоре!
Кто убо терпению, смирению, трезве=нию, благоуве=тливости, доблести и кро=тостной прему=дрости твоим не подиви=тся?
Веруем, яко по преселе=нии твоем ко Господу ве=лию мзду улучи=л еси и многою благода=тию обле=клся еси, многоболе=зненныя бо, стра=ждущия, нича=щия ни=зу, разсла=бленныя, ни=щия и убо=гия заступле=нием и попечением своим не оставля=еши и многая и дивная чудеса на них излива=еши.
Те=мже, сам искушен быв, помози= и нам, страстьми=, и похотьми=, и своеволием искуша=емым. Ве=мы, яко вся находящая на ны грех ради наших восприя=хом. Оба=че дерзновенным заступле=нием твоим пред Человеколюбцем воздви=гни ны, в пучине не=мощей обдержи=мыя, возста=ви на одре озлобления су=щия, облегчи= недуги, здравия испроси=, боле=зни укроти=, утешение божественное даруй.
Припади= в Небесных Чертогах к подножию ногу нашего Искупи=теля, не преста=й воздева=ти ру=це твои о нас, недостойных и окая=нных, по вся дни падающих и возстаю=щих, оба=че надежды на Его милосердие не оставля=ющих, яко да твоими хода=тайствы укрепля=еми и исцеления душ восприе=мше, грехов прощение улучи=м и Царство Его вечное насле=дим и с тобою ку=пно да воспое=м благода=рственная в Троице слави=мому Богу нашему, Отцу, и Сыну, и Святому Духу, ныне, и присно, и во веки веков. Аминь.