Редкие Богослужебные тексты

стихиры, глас. 2, подобен Киими похвальными..
Киими похвальными песньми/ воспоим священномученики/ Феодора смиреннаго/ и Гавриила ангелонравнаго?/ В разных святех храмех/ от безбожник ятыя/ и во узилища вверженныя,/ и паки в местех мученическаго страдания/ Промыслом Господним сретшияся,/ и совершати службы Божия дерзнувшия?/ Сих бо воистину достойно/ светлыми славы венцы/ венчает Христос Бог наш// имеяй велию милость.
Киими песненными похвалы/ венчаим двоицу честную,/ священномученики Феодора и Гавриила,/ Духа Святаго причастники,/ Божией Матери достойне послужившия,/ и праведным Лазарем благословенныя,/ древних мученик силу приявшия,/ в годину лютую/ прещений мучительских не убоявшияся,/ и Христа со дерзновением исповедавшия,/ Сей же нетленною славою/ во Царствии венчает рабы Своя,// имеяй велию милость.