Редкие Богослужебные тексты

Канон моле́бный, глас 8.
Творе́ние Афана́сиево, его́же краегране́сие:
Покая́ние, Ни́фонте, пода́ждь нам моли́твами твои́ми.

Песнь 1
Ирмос: Во́ду проше́д, я́ко су́шу,/ и еги́петскаго зла́ избежа́в,/ изра́ильтянин вопия́ше:// Изба́вителю и Бо́гу на́шему пои́м.
Покая́ние пода́ждь, Ни́фонте, нам моли́твами твои́ми святы́ми/ и при́сное возвраще́ние к Боже́ственному Влады́ке и Отцу́,/ я́коже и ты вседу́шно возврати́лся еси́.
Враг вселука́вый прило́ги при́сно се́рдце мое́, о́тче Боже́ственный, тре́бует,/ те́мже к тебе́ прибега́я, вопию́:/ моли́твами твои́ми того́ потреби́.
Слава: Бога́тство расточи́х небрежли́во души́ моея́, о о́тче,/ и ни́щенствую от доброде́телей,/ те́мже покая́нием обрати́ти к Влады́ке мя па́ки сподо́би.
И ныне: Чистото́ю души́ Твоея́, Ма́ти Чи́стая, была́ еси́ прия́телище Божества́,/ и Сы́на родила́ еси́, чистоты́ предста́теля,/ Ему́же да предста́виши чи́стаго мя моли́твами Твои́ми.

Песнь 3
Ирмос: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ Еди́не Человеколю́бче.
Победи́тель показа́лся еси́ на стра́сти че́стен, Ни́фонте,/ с по́диги мно́гими стяжа́в безстра́стие,/ моли́тве же и трезве́нию обучи́вся, о́тче, люботру́дно,/ те́мже молю́ тя: от страсте́й мя возвы́си.
Егда́ дух стра́ха объя́т ду́шу твою́,/ тогда́ Свята́я Де́ва, Ни́фонте, утверди́ ра́достным виде́нием,/ и́мже да мя уви́дит, моли́, да пожене́т страх мой малоду́шный.
Слава: Пе́рвый свяще́нному́ченик со тща́нием обличи́ тя,/ егда́ преда́лся еси́ досажде́нию, Ни́фонте преподо́бне,/ те́мже молю́ тя досажде́ния вся́каго очи́стити по́мысл и уста́ моя́ к Бо́жией похвале́.
И ныне: Невмести́маго Вмести́лище, вместе́нный сотвори́ то́кмо Сы́на Твоего́, Де́во, ум мой несостоя́тельный,/ огоня́ющая мы́сленныя движе́ния,/ гра́бящих вся́ моя́ име́ния.
Спаси́ от бед рабы́ твоя́, о́тче Боже́ственный,/ и моли́твенник бу́ди о душа́х на́ших,/ безстра́стие да́руя моли́твами твои́ми.
При́зри благосе́рдием, Всепе́тая Богоро́дице,/ на мое́ лю́тое телесе́ озлобле́ние,/ и исцели́ души́ моея́ боле́знь.

Тропарь, глас 2:
Искуше́нием позна́л еси́ прегреше́ний го́ресть, и Боже́ственнаго живота́ сла́дость,/ у́бо пе́рвых сохрани́, о́тче Ни́фонте, моли́твами твои́ми,/ вторы́я нас ско́ро бы́ти сподо́би.

Песнь 4
Ирмос: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.
Тре́звенным де́ланием твои́м, о́тче,/ глубо́кая позна́л еси́ Христа́, е́же трезви́тися,/ те́мже сподо́би всех моля́щихся моле́нием твои́м.
Назоре́а си́ла стра́шная е́сть, Ни́фонте, де́моном,/ ю́же ми борю́щемуся ору́жие непобеди́мое да́руй, треблаже́нне.
Сла́ва: Моты́ла отложе́ние тебе́, о́тче, бысть пло́ти поко́й,/ А́нгелом мне яви́ся во вре́мя бра́ни, Бесстра́стнейший.
И ны́не: Светле́йшее утеше́ние родило́ есть зва́ние твое́, Пренепоро́чная, духо́вно борю́щимся/ любо́вию Бо́жьего Ча́да Твоего́.

Песнь 5
Ирмос: Просвети́ на́с повеле́нии Твои́ми, Го́споди,/ и мы́шцею Твое́ю высо́кою// Тво́й ми́р пода́ждь на́м, Человеколю́бче.
Погуби́л еси́ врага́ подса́ды, преблаже́нне, посто́м же и жа́ждею,/ зову́ сугу́бо,/ о да вооружи́ши ничто́жество мое́.
Ум чи́ст сатана́ возмути́ти хотя́ твой неве́рием, о́тче, устреми́ся,/ его́же бра́ни не попусти́ искуше́ние мне.
Сла́ва: Cи́лу стяжа́в Госпо́дню, тобо́ю соблю́дшуся, ра́дости испо́лнился еси́, святе́йший,/ ю́же да́руй ми, я́ко напу́тие при́сноживо́тное.
И ны́не: Упра́ви, Чи́стая, ше́ствия моя́ ко Го́споду,/ я́ко дви́жуся, я́ко младе́нец, и беды́ прие́млю, е́же впа́сти во а́да стро́пы.

Песнь 6
Ирмос: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися,/ и живо́т мой а́ду прибли́жися,/ и молю́ся, я́ко Ио́на:// от тли, Бо́же, возведи́ мя.
Неудо́бь столбопрохо́дим, свя́те, ка́ко яви́ся ти явле́ние стра́шное,/ но Христа́ укрепля́ющаго се́рдце и да́рующаго ве́рным разсужде́ние, простре́м, я́ко о́рли,/ с ни́миже и мя учини́, стра́стнаго.
Го́ре мне, смире́нно взыва́л еси́ и прия́л еси́ си́лу от Го́спода, Ни́фонте му́дре,/ смиря́яся вельми́ и влача́ Его́ назира́ния,/ сподо́би и мя, вопию́, смири́тися от всего́ се́рдца моего́.
Сла́ва: Пресве́тлая привлекла́ благода́ть тя, я́ко блу́днаго оте́ц призва́,/ и умозри́тельным Бо́жий А́нгел ми́ром испраздня́я фиа́л пома́за,/ каплю пода́й у́бо его́ и нам, Ни́фонте, су́щим в страсте́х.
И ны́не: Согреши́х Бо́гу моему́, Влады́чице, и не престаю́ Ему согреша́ти,/ Тя молю́ Могу́щую вся:/ свяжи́ но́ги души́ окая́нней моея́ и упра́ви мя от и́га ко изможде́нию веду́щаго, Пречи́стая.
Спаси́ от бед рабы́ твоя́, о́тче Боже́ственный,/ и моли́твенник бу́ди о душа́х на́ших,/ безстра́стие да́руя моли́твами твои́ми.
Чи́стая, Я́же сло́вом Сло́во неизрече́нно в после́дняя дни ро́ждшая,/ моли́, я́ко иму́щая Ма́тернее дерзнове́ние.

Кондак, глас 2:
Я́ко от искуше́ния пострада́в,/ позна́л еси́, о́тче Ни́фонте,/ ка́ко подоба́ет жи́ти / жела́ющим обрести́ ве́чную жизнь,/ те́мже научи́ нас, трезве́ния/ и моли́твы путя́м, святе́йший,/ я́ко примеси́выйся Ду́ху Свято́му,// да яви́мся до́мы Бо́гу благово́ния и благода́ти.

Стихира, глас 6:
Подобен: Все отло́жше.
Вся си́лы души́ твоея́/ поработи́л еси́, о́тче, Христу́,/ я́ко пе́рвее сия́ поноси́л еси́ во страсте́х,/ и́хже и просвети́л еси́ слеза́ми и боле́зньми доброво́льными,/ треблаже́нне,/ те́мже сподо́бился еси́/ Боже́ственных даро́в па́че ума́,/ быв согреша́ющим, я́ко и мне благонаде́жное утвержде́ние,/ Ни́фонте свяще́нниче,/ покая́ние и нрав ско́рбный// пода́й чту́щим па́мять твою́ в жизнь ве́чную.
Песнь 7

Ирмос: От Иуде́и доше́дше о́троцы,/ в Вавило́не иногда́,/ ве́рою Тро́ическою пла́мень пе́щный попра́ша, пою́ще:// отце́в Бо́же, благослове́н еси́.
До а́да ум твой низри́нул еси́, о́тче, укоряя себе́,/ умилосе́рдися надо мною, глаго́ля Влады́це, я́ко мыта́рь, и отсека́я надме́нность,/ его́же главу́ от мене́ сокруши́ти молю́.
Свяще́нно предстоя́ти в це́ркви Госпо́дни при́сно учи́л еси́,/ и Боже́ственным умиле́нием моли́твы соверша́ти, ве́рным, Ни́фонте, глаго́лал еси́,/ те́мже благослови́ нас моли́тися та́ко.
Сла́ва: У́мно ви́дел еси́, о́тче, всеми́рный су́д/ и зело́ вострепета́л еси́, те́мже зову́ тя:/ па́мять сего́ име́ти оча́м мои́м да́руй,/ да избе́гну о́гнь гее́ны неугаса́ющей.
И ны́не: Еле́й Твой, Ни́фонт, я́ко спасе́ние, Ма́ти, от де́монов обре́те,/ те́мже зове́м: еле́ем моли́тв Твои́х ду́ши ума́сти всегда́ чести́вых, Чи́стая,/ Боже́ственным Твои́м Рождество́м.

Песнь 8
Ирмос: Царя́ Небе́снаго,/ Его́же пою́т во́и а́нгельстии,// хвали́те и превозноси́те во вся́ ве́ки.
Под но́ги бра́тий име́ти, о́тче, себе́ сподо́би моли́твами твои́ми,/ я́ко да всели́тся в мя́ Дух Госпо́день.
Христо́во зна́мение непобори́мое име́я на враги́, и́мже, Ни́фонте, победи́л еси́,/ и́мже да зна́менуеши мя во всем житии́.
Слава: Неосяза́емо Иису́са осяза́л еси́ вели́кими твои́ми, о Ни́фонте, виде́нии,/ и́хже да сподо́биши нас оча́ми боле́знующих.
И ныне: Свяще́ннейшей и мироспаси́тельной Же́ртве прибли́житися мя сподо́би, Де́во, чи́стым се́рдцем,/ я́ко ви́де Боже́ственный Ни́фонт.

Песнь 9
Ирмос: Вои́стинну Богоро́дицу/ Тя́ испове́дуем,/ спасе́ннии Тобо́ю, Де́во Чи́стая,// с безпло́тными ли́ки Тя́ велича́юще.
Ко Кресту́ Тя всегда́, Влады́ко Христе́ мой, грехми́ пригвожда́ю, неблагода́рный,/ те́мже Ни́фонта моли́твами не отве́ржи мя.
Наста́ви мя, о́тче, и сподо́би мя крилы́ обновле́ния жития́ мо́ре прейти́/ и возврати́тися во град непоколеби́мый.
Никто́же скры твоя́, и́хже, Боже́ственный Ни́фонте, Иису́с досто́йно угото́ва во Ца́рствии го́рнем,/ Его́же мя сподо́би.
Слава:Возврати́ся, душе́ моя́, покая́нием к до́брому твоему́ Отцу́,/ я́ко скоре́йшаго и́маши бо Бо́же́ственнаго предста́теля, вели́каго Ни́фонта.
И ныне: Сподо́би, Де́во, в после́дний час сме́рти ви́дети Твое́ лице́/ и причасти́тися Ца́рствия с Боже́ственным Ни́фонтом.