Редкие Богослужебные тексты

Святым мученикам
Ясеновацким и всем новомученикам,
в Сербии пострадавшим

На Господи, воззвах, глас 6:
Искренним Своим Спаситель предрече=:/ и=мене Моего ради убию=т вы,/ мня=ще службу приноси=ти Богу./ Се, пророчество на вас испо=лнися:/ в муках лютых погуби=ша вы./ Мученицы ди=внии,// молите Господа о нас.
С Небесе= взира=ху святи=телие се=рбстии/ и срета=ху ду=ши новых мученик/ отрасли и у=жики своя,/ ихже людие/ кож свирепо совлека=ху,/ таже во огни= сжига=ху./ Вся сия возгля=давше, взыва=ху:/ о боголюбе=знии страдальцы,/ от печали преста=ните/ и в Небе=снем Царствии\ с нами ликовству=йте.
Священник сербских распина=ху,/ кожи ре=заху и посыпа=ху со=лию,/ брады= рва=ху,/ ли=цы заплева=ша и владыку палками преби=ша, / прежде сме=ртию их лю=тою умори=ти./ Но Писание Священное глаголет:/ аще и стра=ждете правды ради,/ о святи=и Божии,// ныне блаже=нни есте=.
Слава, глас тойже:
О ма=тери сербския,/ имже сосцы отсеко=ша,/ и вы, чада драга=я,/ ножем разсече=нная,/о храбо=рницы ди=внии, во младе=нстве убие=ннии,/ и ты=сящи живопогребе=нных,/ваша кончина/ новое бысть кровию крещение/ и всецелое очище=ние,/ сия бо, за истину излия=нная,/ грехи омыва=ет,/ очесе=м же свет ясне=йший подает./ Преидо=сте вы от мра=ка к сиянию Рая=\ в живот ве=чный, безконечный.

На стиховне стихиры, глас 6:
Христос у=мре за вы,/ вы же за Него умро=сте,/ и от кле=ти земны=я/ к Небесем возлете=сте./ Скорбь мужей пе=рстных вас не ко=снется,\ Ангелом бо ныне на Небесех приусво=истеся.
Стих: Праведник, яко финикс, процветет,/ яко кедр, иже в Ливане, умножится.
Совсе=льницы нечести=вии,/ лука=вии еретицы=,/ всем сердцем ненави=дяще/ веру Православную,/ яко и пра=отцы их,/ нападо=ша на вы,/ и яко гие=ны а=лчныя, устраша=юще,/ ваша телеса= уби=ша,\ вкупе же и ду=ши своя.
Стих: Насажде=ни в дому= Господни/ во дво=рех Бога нашего процветут.
Сро=дницы память вашу творят/ и добродея=ния вас ради,/ вси ро=ди се=рбстии/ ве=дят муки ваша,/ имена сла=вят,\ Вышнему моля=щеся, и вас призывают.
Слава, глас тойже
Радуйтеся ныне, телес совле=кшися,/ ду=ши безсме=ртныя в Царстве Ве=чнем,/ Бог бо праведно воздает/ о соде=янных и не соде=янных;/ земли= возврати=вше пе=рстная,/ Рай и Вечный Живот\ духом насле=дисте.
И ныне, Богородичен воскресен, глас тойже.

Тропарь, глас 8:
Веры ради за Господа и правду Божию/ пло=тию пострада=сте,/ тем земля напита=ся кровьми= вашими,/ Небеса же о спасении душ ваших ра=дуются, / и уме=ршии с вами/ песнею го=рнею / у врат Райских срета=ют вы, лику=юще: / имена ва=ша в Кни=зе Живо=тней суть, / вни=дете в Рай, чада Нетления! / Мы же на земли= величаем вы и зовем: / святи=и новому=ченицы Се=рбстии,\ молите Бога о нас!

По 1-й стихологии седален, глас 7:
Мученицы Божии окровавле=ннии,/ яко сы=нове ца=рственнии в порфи=ре,/ Ангели потща=шася душа=м вашим притяжа=ти/ сре=бряна и зла=та украше=ния драга=я.
Слава и ныне, глас тойже:
Звезда утренняя в Тя всели=ся,/ осия= мир светом Небесным,/ Един от Троицы из Тебе яви=ся,/ да от смерти, Дево, избра=нныя свободи=т.
По 2-й стихологии седален, глас 7:
Несть краснейше смерти Истины ради,/ больше сея любве= никтоже и=мать,/ да кто душу свою положи=т за дру=ги своя./ Мучения на земли Сербстей, ветхая и новая,\ в Кни=зе Животней кра=сная суть словеса=.
Слава и ныне, глас тойже:
Вели=ко есть собрание седмисо=т тысящ/ за Сына Твоего, Дево, живот положи=вших,/ яко зве=зды, кровьми= очервле=нныя, би=серие суть,/ причти= я к воином древним сербским,/ за правду бра=вшимся, уме=ршим за Истину,/ аки да=ры, приесе=нным Воскресшему Твоему Сыну.
По полиелеи седален, глас 7:
Воспойте согласно, людие сербстии,/ пречу=дное собрание маргари=т,/ иже оте=чествие с Вышним Чертогом соедини=,/ би=сериев седмь тысящ,/ аки звезды блистающих,/ имиже Христос Небо преукраси,/ и распространи= Царство Свое.
Слава и ныне, глас тойже:
О Милосердая Мати Милостиваго Сына,/ исцели сердца наша от горестей многих,/ умилосе=рдися и щедрот у Спаса испроси,/ помощи Сербии от я=зи своея= очи=ститися, да не взы=щем отмще=ния,/ е=же Богу подобает, а не человеком,/ но да упованием на Вы=шняго души своя освятим/ и да всецело Христовы сотворимся.

Величание
Величаем вас,/ святи=и новому=ченицы се=рбстии,/ и чтим честная страдания ваша,/ я=же за Христа\ претерпели есте=.
По 50-м псалме стихира, глас 6, на Господи, воззвах первая: Искренним Своим Спаситель предрече:

Канон, глас 8
Песнь 1
Ирмос: Се Господь с во=и грядет/ во тьмах святых Ангел Своих,/ сотвори=ти суд и правду/ и нечести=выя изобличи=ти,/ праведным же дарова=ти живот вечный.
Святии новому=ченицы се=рбстии, молите Бога о нас!
Несть изря=днейших во уго=дницех/ в Небесне=м Царствии, паче вас, му=ченицы,/ за любовь Христову и веру пострада=вшии/ и в Рай победою над сме=ртию вше=дшии.
Весели=теся ныне со Ангельскими во=и,/ радуйтеся, бра=тие, с небесною Се=рбиею,/ да никто=же радость вашу отщети=т,/ ниже славу помрачи=ти возможет.
Рукам отсека=емым, и ногам стру=жемым,/ и телу умерщвля=ему,/ вопия=сте дерзнове=нно:/ ныне нам не пользует ничто=же,/ на Небесе=х бо и=мамы одежды све=тлыя,/ Богом в Троице ве=рным дарова=нныя.
Богородичен: Бог на Небеси Отец, Ты же на земли Ма=терь/ Единоро=днаго Сына, Спаса миру./ У Тебе красота, Тобою спасе=ние,/ покаяние грешных, новое рожде=ние./ Слава Ти и хвала, Наде=ждо смертных,/ о Пресвятая Дево, Кре=посте страдальцев.
Песнь 2
Ирмос: Аз есмь Альфа и Омега,/ Нача=ток и Конец, глаголет Господь, Сый, и Иже бе, и Грядый,/ Христос Вседержи=тель.
Христовым Рождеством Небо сни=де,/ славным Вознесением земля взы=де,/ сопроти=вная Бог соедини=,/ кровию и Духом,/ ктому= да не разделя=тся.
Жестосе=рдии уста=ши рука=ми окровавле=нными/ вашим мольбам и плачу руга=хуся,/ ныне же вы, почива=юще в Вы=шнем Черто=зе/зрите безумие их и падение ве=лие.
Правосла=вная Церковь, яко матерь скорбя=щая,/ видит чада своя, посе=ченныя цве=ты,/ и вопие=т: Господи, упокой,/ даруй венцы славы святы=м отроча=там моим.
Богородичен: О Марие Благая, обяжи= раны/ во всяком доме широ=кия земли Се=рбския,/ иде=же кровь новому=ченик пролия=ся,/ новая соста=вися утварь от маргари=т,/ седмисо=т тысящ сербов убие=нных,/ седмери=цею ско=рбию омраче=нных/ вдов, и ма=терей, и младе=нцев:/ просла=ви уме=ршия, уте=ши живы=я,/ правыя благослови, нечести=выя накажи.
Песнь 3
Ирмос: Побежда=яй облечется в ризы бе=лыя,/ и не изглажу его из книг живо=тных,/ и исповем имя его пред Отцем Моим/ и пред Ангелы Его.
За единое убийство Каин проклят бысть./ О, коли=кий гнев на ся навлеко=ша людие,/ седмь сот тысящ се=рбов уби=вшии,/ и=хже до=мы, Боже, обрати=.
Вознесе= Господь досто=инство челове=ча живота/ паче всех достоинств сего ми=ра,/ но сие служи=телие Рима попра=ша,/ ни=зше бла=та и пе=рсти вмени=ша.
Злы=я и святы=я та же смерть приемлет;/ по отше=ствии на сопроти=вныя разделя=ются:/ дела явля=ются, истина изрека=ется,/ и Суда сего никто=же избежит.
Егда Христос Всемилостивый на Страшнем Суде воста=нет,/ громо=вным гласом оным рече=т:/ отыди=те, про=клятии, во е=зеро огненное,/ вы же, благослове=ннии, прииди=те во Дво=ры угото=ванныя,/ и кийждо та=мо свое место обря=щет,/ злыя же не у=зрят блага=го во веки.
Богородичен: Демонов Прогони=тель, идолов Низложи=тель/ Тобою к нам прии=де, Марие Дево,/ потреби=ти те=рние и насади=ти цве=ты:/ о Немже истину, путь и живот позна=хом,/ Ему же покланя=ющеся, Тя воспева=ем.
Песнь 4
Ирмос: Аз, ихже аще люблю,/ облича=ю и наказу=ю,/ и наставля=ю страда=нием мно=гим,/ сего ради поревну=йте, лю=дие, и пока=йтеся.
В смерть Адам введе=, Христос же в живо=т:/ стезя= греховная упра=вит к преиспо=дним, путь же веры к Вышним./ Мученицы се=рбстии, вы себе не пощади=сте,/ и мук ради за Христа Небо вы прия=т.
Во угаре ды=мнем и пия=нстве/ бра=тню кровь проли=ти призыва=ху/ и=скреннии, и=же с вами ядя=ху,/ мученицы се=рбстии, во главы вас усеко=ша.
Что суть дни=е наши? Что суть радости земны=я?/ Пара над водо=ю, ю=же волны сно=сят,/ расточа=яся о ка=мни бре=га:/ тако время разбива=ется о ве=чность.
Троичен: Троица во Еди=нице, и Един в Троице,/ та=ко Бог яви=ся во Своем Сы=не/ в ра=бем образе, да Его возлю=бите,/ яко Бог за вы у=мре, вы же за Него умро=сте.
Богородичен: Обрета=ется и=стина во святе=й любве=./ Ты еси Любы= святая, Ма=ти Истины,/ Ты еси наде=емый Восход Иа=ковли звезды=,/ любве= ради ве=чныя Истина яви=ся,/ из Тебе Господь роди=ся свы=ше,/ Един от Еди=наго, Сын и Христос/ лю=ди Тобою свет осия=.
Песнь 5
Ирмос: Побежда=ющему дам се=сти со Мною/ на Престо=ле Моем,/ я=коже и Аз победи=х/ и седо=х со Отцем Моим на Престоле Его.
Вера правосла=вная яко совесть многотру=дна,/ никому=же две=ри Рая= скоро отворя=ет,/ ниже= ко святым ле=гце причисля=ет,/ ни Царствия обещава=ет/ кроме= плача, и крове, и страха мно=гаго.
Ерети=ческое злове=рие испещре=но и прия=тно,/ за вели=кия грехи скорую цельбу= измышля=ет,/ наказания за мзду, лука=вствуя, свобожда=ет.
В тя=жбе веры ло=жныя проти=ву истинныя/ вы подъя=сте муки безме=рныя,/ то=кмо терно=в вене=ц диади=му славы покрыва=ет,/ о страдальцы, за Православие живо=т положи=вшии.
Демон лжи усла=дами уловля=ет/ в вечную тьму и скрежет зубо=вный;/ в мире ско=рбни будете, Христос Своим рече=,/ по боле=знех многих обетова= им Живот Вечный.
Мученик Гео=ргий сербский во огне, святы=й же Авваку=м на колу=/ победы взя=ша на магоме=товы спосле=дники./ Вы, страстоте=рпцы но=вии, у вла=жнаго холма/ лжехристиа=нство отреби=сте.
Богородичен: Вся кра=сная весны= и ле=та, плодов есе=нных, поднебе=сна све=та/ в Тебе духо=внии певцы= узре=ша,/ о Богоизбра=нная Пречи=стая Дево./ Мы словеса их кровию напечатле=хом/ и маргари=т собра=ние к Небеси =простро=хом,/ о Тебе и Сыне Твоем кро=вию свиде=тельствовахом,/ му=ченицы реко=ша, и=хже песнь и кровь в Вы=шних дивны.
Песнь 6
Ирмос: Иоанн тайнозри=тель ви=де звери мно=ги,/ со Агнцем брань творя=щия,/ и Агнец победит я/ и ввергнет во огнь вечный,/ есть бо Господь госпо=дствующих/ и Царь царе=м, Христос Всеси=льный.
Бе=дствие и благоде=нствие конец прие=млют,/ к нощи сме=ртней обоя= преста=нут,/ оба=че до=брых бедствие благо по кончине есть,/ благоде=нствие же злым уготовля=ет бе=дствие.
Юность и старость манове=нием ока разделя=ются,/ гроб не вопроша=ет, чесого= душа просит,/ ниже= душа близ гроба чесого= жела=ет,/ от хра=мины теле=сныя к Небесным прелета=ющи.
Распростре= на Кресте Иисус ру=це,/ да изгонит из человек ли=си и волцы=;/ потрясе=ся земля, ка=мение распаде=ся,/ в тру=се страшнем слепи=и прозре=ша.
У=мре и воста=, восше=д и пребысть/ Христос Богочеловек, вождя= и моста не требуя,/ и пребывая, взы=де угото=вати ра=дование /всем любящим святое Ева=нгелие.
О зва=ннии пира небе=снаго,/ мученицы се=рбстии, духом пламене=юще,/ наве=ты от человек презре=вше и мучения,/ неко=сненно к пиру райскому прелете=сте.
Богородичен: В роде безславнем обре=теся славна,/ о Пречистая Дево, Славо правосла=вная:/ Тобою к нам сни=де надо=лзе ча=емый Христос,/ Небо к земли= приклони= и зе=млю к Небеси= возвы=си,/ сербския же новому=ченицы к Вы=шним возведе=:/ ма=тери и старицы, и доброде=вы./ О, Марие Дево, божественному лику причти=/ в Раи= но=выя мученики.
Кондак, глас 8:
Да испове=дятся Господеви/ се=ла, удо=лия и горы зла=чныя,/ де=бри до=брыя,/ во=ды, ре=цы и верте=пы,/ кровию невинных ороше=ннии,/ сонма святых се=рбских мученик:/ земледе=льник трудолю=бных, до=блих воинов,/ юнош, де=тищ незло=бивых и чистых дев./ Всякое дыхание да хвалит Господа,\ яко миром Влады=чествующа.

Песнь 7
Ирмос: Даниила Бог спасе от львов,/ трие= отроки от пламене о=гненнаго,/ Ноя от потопа, Иону из чрева китова,/ яко очи Господни на пра=ведныя/ и уши Его на моли=тву их,/ лице= же Господне на творя=щия злая,/ еже потреби=ти от земли память их.
Фарисе=и в лице= Христово плева=ша,/оплеваны сами во веки оста=шася.
Пила=ту обре=кшу Христа на муче=ние,/ римскому царствию поги=бели бысть обруче=ние.
Пра=ведныя ради кро=ве и Крест освяти=ся,/ зна=мение соде=лася Христианства кра=сное.
Богородичен: Уве=нчана славою, о Преблагая Мати,/ Твое дивное благоутро=бие от нас не удали=,/ умилосе=рдися к ча=дом новому=ченик сербских,/ пощади на земли= в заточе=нии су=щих./ Проще=ния грехов испроси= у Твоего Сына,/ о Святая, Пренепоро=чная, сне=га чисте=йшая!
Песнь 8
Ирмос: Последнее Царство прови=де Давид/ превыше ны=рищ безбожных царств,/ прови=де и Духом Божиим прорече=:/святии Вышнего царство земное презре=ша/ и дастся им Царство во век и во век века.
Очей лиши=вшеся, отыдо=сте,/ яко слепцы= Божии,/ во свиде=тельство же мук ваших/ ножи= крова=ви оста=шася.
Душа=м отлете=вшим,/ мо=щи, всему миру веща=юще, глаго=лют:/мученически закла=ни бы=хом.
День возвеща=ет, я=же нощь темная покрыва=ет,/ и во мра=це бо греху свиде=тели бывают,/ си=и на Суде Стра=шнем, мертвым воскре=сшим,/ седмь сот ты=сящ явя=тся.
Богородичен: Кровию Сына Твоего всяк освяща=ется,/ и=же любо=вию ея= причаща=ется./ Причасти=вшиися се=рби и кровь пролия=ша,/отечество сугу=бо освяща=юще./ Да сы=нове и вну=цы ве=дят,/ и землю свою яко святыню да почита=ют, /яко да не отвратя=тся, и память да торжествуют,/и Сербию грехом да не оскверня=т./О Богородице, драга=я наша Ма=ти,/ под крыло=ма Твои=ма гряду=щия ро=ды храни=.
Песнь 9
Ирмос: Ангельская воинства на Небеси=/ и со=нмы праведных на земли/ поют Ти похвалы:/ радуйся, Дево Пречистая,/ Божия мудрости Доме,/ Ты бо нам Спаса Христа родила еси,/ Ему же покланя=ющеся, Тя велича=ем.
В не=дрех гли=няных зде в яму вве=ржени бы=ша,/ ю=же сами себе ископа=ша,/ и еще= жи=вы под земле=ю Богу вы я=ве моли=стеся.
Обагри=ся вода=, снег багря=н бысть/ преобильною кровию мученик се=рбских:/ се ли=ца и спекула=тором их е=ю очервле=ны.
О Христе воскре=сший, Царю царей!/ Осуши= слезы наша, приими= жертвы сербския,/ иде=же Жизнь Вечная и пение непреста=нное.
Богородичен: Родила еси нам Агнца крепча=йша,/ Егоже видела еси на Кресте окровавле=нна,/ с Нимже, Воскресшим от гроба глаго=лавши,/ ныне зри=ши на Престоле Небе=снем,/ с мученики сербскими, Пресвятая Де=во./ Того за мир весь и Се=рбию умоли.
Светилен, глас 8:
Му=цы прехо=дят, ве=чнует мзда,/ краток злых век, вечна есть истина,/ никто=же причастен радости вне Христа,/ никтоже лишен радости, за Христа пострада=в./ Вы, горькую чашу до дна испи=вше,/ мученицы се=рбстии, радости ве=чныя ныне причаща=етеся.
Слава и ныне, глас тойже:
Сын Божий, Дево, от Тебе роди=ся,/ да чудеса милости сотвори=т, да мир обнови=т, и вся к добру приведе=т,/ и безчи=сленныя люди всынови=т./ Мно=зи бо в дще=рех человеческих сла=вни бы=ша,/ славою же Тебе равная ни едина обре=теся.

На Хвалитех стихиры, глас 6:
Бога да хвалим,/ си=льнаго в милости,/ Бога да хва=лим,/ ми=лостиваго в силе./ Похвалите Его все се=рби,/ ста=рцы с ю=нотами./ Бо==жиею бо силою показа=стеся кре=пцы,/ Божиею милостию просла=вистеся,/хвалите Его, вси серби, малии с великими,/ зря=ще Его, пути не заблуди=сте./ Хвалите Его, лю=дие,/ уме=ршии и живи=и,/Господь бо есть ми=рови,\ и=же есть селение Его.
Восхва=лим Бога, Свята=го во святых,/ хвалите Его, святи=телие се=рбстии,/ восхвалим Бога блага=го во благи=х,/хвалите Его согласно, добротво=рцы сербстии,/да хвалим Бога, стра=шнаго в правде,/хвалите Его, сонмы сербских мученик./ Хва=лящаго бо Господа, Сей молитвы слы=шит, и живот, и здра=вие,\ и мир ему да=рует.
Слава, глас 6:
Прииди=те, вси вернии,/ Творцу поклони=теся,/ Отцу Преве=чному, и Сыну, и Ду=ху,/ приступи=те благогове=йно и согласно воспо=йте,/ во славу Тро=ицы, в честь мученик/ седмисо=т тысящ за Христа убие=нных./ О Небесный Отче,/ Ты Сына Своего/ на Кресте не пощади=,/ вечныя ради славы,/ му=ченицы же за Тя и и=стину Твою/ дража=йшии суть Тебе/ пред Престолом Небе=сным:/ ти=и бо сме=ртию Тя просла=виша,/ Ты же сих просла=ви живото=м/ в Царстве ве=чнаго ра=дования,/ якова=го земля не позна=\ от создания своего.
И ныне, глас 6:
Богородице, Ты еси Лоза Истинная: