Редкие Богослужебные тексты

На хвалитех, глас 8.
Подо́бен: О, пресла́внаго чудесе́:

О́тче му́дре Варсонуфие, яже в ми́ре кра́сная яко преходя́щая презре́в, все стремле́ние свое к Небесному напра́вил еси и, житие́ равноа́нгельное пожи́в, Паракли́та яви́лся еси сокро́вище. О, подвиго́в твои́х и па́че помышле́ния от Бо́га дарова́ний, свя́те, имиже просла́вился еси!

О́тче Иоа́нне преподо́бне, ду́шу облагодати=вый богоугодным по́двигом твои́м, сосу́д многоце́нен благода́ти яви́лся еси и сподо́бился еси зре́ти гряду́щая и хотя́щая сбы́тися провещава́ти. Те́мже проро́ка тя друга́го имену́ем, яко Христо́ва служи́теля вернаго и дру́га и́скренняго.

Уста́ свяще́нная стяжа́вше, по́стническаго жи́тельства провозве́стницы богому́дрии, и нра́вов чистоты́, и делания заповедей Христовых наста́вницы яви́стеся, о Варсонуфие, мона́хов учи́телю, и свя́те Иоа́нне преподо́бне, во пло́ти а́нгели.

Дщи́цу воистинну богопи́́санную, кни́гу ва́шу, му́дрии, глаго́лы живота́ иму́щую и словеса́ богодохнове́нная, стяжа́вше, святи́и, благода́ть от нея= и вся́ку по́льзу всегда́ почерпа́ем, ве́рою к той приника́юще, те́мже почита́ем вас, пречу=дне Варсонуфие со сла́вным Иоа́нном, воспева́юще по́двиги ва́ша.
Сла́ва, глас 6.
Дво́ица преподо́бных яко зве=зды светоно́сныя сия́ют вселе́нней, Варсонуфий вели́кий и Иоа́нн богодохнове́нный, Све́та бо Невече́рняго облиста́ния улучи́вше, страсте́й мглу разоря́ют, де́лом и сло́вом уча́ще во све́те Госпо́дни жи́тельствовати непреле́стно и рабо́тати Христу́ в преподо́бии и пра́вде, и мо́лятся непреста́нно о душа́х на́ших.

Вели́кое славосло́вие и отпу́ст.
Мегалина́рий.
Ра́дуйся, Варсонуфие свяще́нне, жития́ преподо́бнаго богоно́сный наста́вниче: ра́дуйся, Иоа́нне, благода́ти вмести́лище, путевожди́ боже́ственнии на́ши и назира́телие.