Редкие Богослужебные тексты

Служба преподобному Ионе Киевскому
НА ВЕЛИЦЕЙ ВЕЧЕРНИ
На Господи воззвах стихиры, гл. 8
Подобен: Господи, аще и на судищи:
Радуйся и весели=ся, / святая земле= Киевская* /и Церковь Православная,* /новая бо звезда на Небеси= Церков=нем яви=ся,* /преподобный и богоносный отец наш Иона,* /утвержда=я нас в вере отце=в наших,* /ереси и расколы побежда=я* /и указу=я путь/ко спасению душ наших.
Радуйся, Богоспаса=емый гра=де Киеве,* /преподобными бо святыми Киево-Печерскими* /просия=вый во век века,* /се ныне и новый светильник явля=ется,* /богоблаже=нный старец Иона,* /яко слава и украшение твои,* /нетлением мощей от Бога удостоенный;* /сей бо молится/за землю нашу и верныя люди,* да подаст Господь им/ велию милость.
Ра=дуйтеся, торжествуйте /и хвалите Господа,* /Господь бо даде= Церкви Православней* /милость Свою в прославлении* чу=днаго а=ввы Ионы,* /иже, ангельски пожив на земли плотию,* /с Безплотными водвори=ся на Небеси=*, /воспева=я непреста=нно /Троицу Святую*, /и молится о еже из¬ба=витися от бед и напастей* /чту=щим честну=ю память его.
Лику=йте, ве=рнии и и=ноцы,* постом, молитвою и труды= Богу служа=щии,* яко отец наш Иона в Го=рних Оби=телех водвори=ся,* е=же собра=ти всех лю=бящих Бога* и помощи о него просящих,* да и мы Небесных Чертог достигнем.
Слава гл.6
С радостию и тща=нием* иго Христово подъя=в и чистоты сосуд соде=лався,* с преподо=бными преподо=бен явился еси* и кончины честны=я удостоился еси, венец славы от Христа Спасителя восприя=в.
И ныне, глас 2:
Днесь Небесе= и земли= Творец* приходит пло=тию на Иорда=н,* Крещения прося=, Безгрешный,* да очистит мир от лести вражия.* И кре=щается от раба Владыка всяческих* и очищение водою роду человеческому да=рует.* Тому возопии=м:* явле=йся, Боже наш, слава Тебе.
На стиховне
Слава, гл.5.
Отче пресла=вне Ио=но, /Господа всем сердцем возлюби=вый* /и ближним любо=вию послужи=вый,* /сия= доброде=тели Духа Свя=та*/и нам стяжа=ти помози=,* /да и мы в любви к Богу /и ближним пребыва=юще,* /Жизнь Вечную наследуем.
И ныне, глас 4. Космы монаха:
Одеваяйся светом, яко ризою,*/нас ради/по нам быти сподобился есть,*/во струи одевается днесь Иорданския,*/ не Сам сия ко очищению требуя,* /но нам Собою устрояяй порождение.* О, чудесе!*/Без огня изваряет,*/и назидает без сокрушения,*/и спасает в Него просвещаемыя*/Христос Бог и Спас душ наших.
Тропарь, гл. 4, дважды:
Яко лучеза=рное солнце,* /от конец земли возсия=вшее*, /яви=лся еси, тезоиме=нитому пророку подо=бяся,* /во еже воздви=гнути люди к покаянию;* /темже и Сама Пречистая*/с сонмом святых тя мно=гажды посети=,* /Ея=же повелением /создана бысть обитель /во имя Живонача=льныя Троицы,* /к Нейже име=я дерзновение*, /моли=, препо¬до=бне отче наш Ионо,* /пода=ти нам милость /и оставление гре¬хов в День Судный.

НА УТРЕНИ
По 1-й стихологии седален гл. 5
Храм Божий и обитель во имя Святыя Троицы,* отче Ионо, созида=я,* и сам храм украшен в себе= устрои=.* Научи и нас покаянием очи=ститися,* да храмы Духа Святаго нарече=мся* и во Обители Вечныя молитвами твоими все¬ли=мся.
Слава, и ныне, глас 4.
Подобен: Вознесыйся:
Щедротами Твоими, Боже, умолен,* заблуждшее и погибшее взыскал еси за милосердие милости Твоей, Человеколюбче.* Темже пришел еси на Иордан,* сказав таинство Святыя Троицы.* И, воспевающе, зовем верно:* пришел еси и явился еси, Свет Неприступный.
По 2-й стихологии, седален гл. 4
По=двиги жития= пра=веднаго пред Богом благоуха=я,* отче наш Ионо,* и образ святости и наследие нескве=рное нам оставля=я,* в радость Господа своего вше=л еси;* таковы=я радости и нас не лише=ны сотвори=ти Того умоли=,* священную твою память празднующих.
Слава, и ныне: глас 8.
Подобен: Свирелей пастырских:
Явися нам всех Владыка во струях таинственно Иорданских* очистити всяк грех, яко Милостив и Преблаг.* Вся тварь да играет, яко крещается Христос Господь,* благоволивый спасти яко Бог род человеческий.
По полиелеи, седален, гл.1
Благодать Божия косну=ся сердца твоего,* добродетели бо мно=гия стяжа=в, храм Святы=я Троицы прече=стен в души= твоей устро=и, заповеди Христовы храня и воздержанием, постом и молитвами плоть и страсти умерщвля=я; помози= и нам, отче Ионо,* покаянием очи=ститися и спасти=ся душа=м нашим.
Канон, глас 8
Песнь 1
Колесницегонителя фараоня погрузи / чудотворяй иногда / Моисейский жезл, крестообразно поразив, / и разделив море, / Израиля же беглеца, пешеходца спасе, / песнь Богови воспевающа.
Христа Бога от юности возлюби=л еси, святе Ионо, в молитве серде=чней утеше=ние обрета=я, пе=нием церковным, слу¬же=нием бли=жним и житием нескверным Го=сподеви угождая, Тому достойно порабо=тал еси.
Жития ангельскаго возжеле=в, мир и отечество свое оста=ви и во обитель Саровскую всели=ся, иде=же в послуша=нии старцу Серафиму поживе= и молитвою страх Божий стяжа=.
Столп жизни духо=вныя, преподобный Серафим, при кончине своей подви=жника ве=лия в тебе прозре=в, благослови= тя в пустынь Белобере=жскую стопы= напра=вити, да послу=жиши та=мо в Духе и Истине Господу нашему Иисусу Христу.
В тойже пустыни богомудро пребывая, блаженне Ионо, трикра=ты в та=инственном виде=нии повеление получи=, да +++ во святы=й град Киев и=деши, волю Божию исполня=я.
Песнь 3
Небеснаго круга Верхотворче Господи, и Церкве Зиждетелю, Ты мене утверди в любви Твоей, желаний краю, верных утверждение, едине Человеколюбче.
Молитве и посту от юности навы=кнув, вра=жия козни победил еси=, святче Божий, в по=двизех ве=лиих утвержда=яся и образ праведнаго жития нам показу=я, да, тому научи=вшеся, поми=ловани будем.
Велию благодать житием праведным и служением Бо=гови обретя=, радостию и любовию к ближним просия=л еси; и нас сердца= нескве=рны стяжа=ти научи=.
Помощь от святых угодник Киево-Печерских прия=л еси, пречудне Ионо, благодатию от них укрепля=емь, науча=еши и нас тем поклонятся, да не посра=млени будем во всяком де=ле бла=зе.
Богородичен: Путь узкий и иго Христово благо=е избра=в, скорби претерпева=я, на Владычицу мира и Матерь Света все упование возложи=л еси=, под покровом милосердия Ея= спаса=яся.
Седален, гл.2
Во оби=телех Киевских пребывая, на брезе=х Днепра, Иордана русскаго, молитвы ко Господу возносил еси и помощию Его обитель новую основал еси=, постами, молитвами и слезами о ча=дех Це=ркве Всевы=шняго умилостивляя.
Слава, и ныне. Ипакои, глас 5:
Егда явлением Твоим просветил еси всяческая, тогда сла=ное неверия море побеже= и Иордан, до=ле теки=й, возвратис=я, к Небеси= возвышая нас. Но высотою Божественных заповедей Твоих соблюди=, Христе Боже, молитвами Богородицы и помилуй нас.
Песнь 4.
Услышах, Господи, смотрения Твоего таинство, разумех дела Твоя, и прославих Твое Божество.
Обитель Святыя Троицы устроя=я, богомудре Ионо, чад верных та=мо собра, образ чистоты и кротости в себе являя и во смирении сердце свое храня=.
Науча=ше, отче, чад твоих, иноческому житию, да прославят Сотво=ршаго храмы душ человеческих, Егоже моли, не оскверни=тися душа=м нашим и насле=довати Обители Райския.
Живот свой Бо=гови преда=в, Агнца Божия, распята за нас, возлюби=в зело, к жизни нестаре=емей Им пресели=ся, темже моли=ся, да и вси возра=дуемся с тобою выну.
Богородичен: Призри на нас, грешных, Владычице Богородице, спаси и защити нас, яко да величаем Тя, возвеличившую все человечество.
Песнь 5.
Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.
Церкви Христовой со страхом Божиим и любовию послужил еси, отче Ионо, священнодействия совершая и мы=сленнаго Амали=ка побеждая.
Ангельское житие показал еси, елей в сосуде светильника тво¬его сохраняя, сего ради с мудрыми девами Жениха Христа сре=сти сподобился еси; и о нас молитву Царю царей и Спасителю мира принеси=.
Мудрость духовную обрел еси и мир душевный, отче Ионо, наставниче Богомудрый, и даром чудес и терпения просла=вился еси.
Богородичен: Пресла=вная Царице Неба и земли, скорая По¬мощнице всем человеком, Мати Божия, помози= нам, душа бо наша грешная того восхоте=.
Песнь 6.
Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.
В ско=рбех житейских к тебе прибегаем, яко ко врачу душ и теле=с, свя=те, ты бо в беде= су=щих утеша=ше и помо¬га=ше им, и по смерти не оставля=еши нас, грешных молитвенною помощию твоею пред Господем, Иже прошения блага=я наша исполняет.
Предста=телю за нас, грешных, добрый де=лателю винограда Христова, обитель во славу Святы=я Троицы во граде Киеве основал еси и в радость Господа твоего вшел еси.
Любовию и ревностию ко служению Церкви пламене=я, многим преподобным отце=м печерским подражал еси, да всесвятое имя Святыя Троицы достойно прославляется.
Богородичен: Радуйся, Благодатная Богородице Дево, Архангел Гавриил радость Тебе принесе,= и сия= бысть радость всему миру, во гресе=х пребыва=ющу. Молитвами же старца Ионы спаси и нас, Пресвятая Владычице, да, спасении Тобою, радуемся во веки.
Кондак гл.2:
Чистотою душевною /божественно вооружи=вся /и непре¬ста=нную молитву, яко копие,== крепко держа=,/ поборол еси бесовская ополчения, /Ионо отче наш, моли прилежно о всех нас.
Песнь 7
От Иудеи дошедше отроцы, в Вавилоне иногда верою Троическою пламень пещный попраша, поюще: отцев Боже, благословен еси.
Обитель на земли= созидая, Го=сподеви порабо=тал еси, с Безплотными Силами всепетое имя Святыя Троицы достойно славосло=вя: отце=в Боже, благословен еси.
В труде=х духовных житие= твое про=йде, яко корабль в мо=ри житейском, темже молися за землю нашу, да вси в мире живя=ще, превоз¬но=сят отцев Бога Благослове=ннаго.
Чудесы= ди=вными, еще на земли= сый, просия=, пречу=дне Ионо, и ныне помогай нам, тебе во¬пиющим: святы=й отче, не забу=ди и нас, грехми= отягче=нных, да покаемся пред Господем.
Богородичен: Истинно Богоро=дице послужи=, блаженне, наставля=я верных всегда чти=ти Ю=, яко Царицу Неба и земли; Тойже, ста=рче, моли=ся не отри=нути нас.
Песнь 8.
Царя Небеснаго, Егоже поют вои ангельстии, хвалите и превозносите во вся веки.
К покаянию призывая, в правде вразумляя братию и ближняя твоя, старче, послушанию и молитве тех науча=ше и преда=нию живота= своего в ру=це во=ли Бо=жия.
Чад твоих наставля=ше и ободря=ше, богому=дре отче Ионо, да не унывают и в молитве не ослабевают, Господь бо не оставит воспе¬вающих Его во веки.
Пото=цы страстей бо=рют нас, отче Ионо, но ты моли= Бога изъя=ти нас от руки вра=жия, в надежде спасения малоду=шныя укрепляя и к покаянию воздвиза=я.
Богородичен: Мати Света, Царице Благая, во испыта=ниих не оста=вившая нас, в вере нас укрепи= и защити, в последний же День Сына Твоего умоли, да поми=ловани будем.
Песнь 9
Воистину Богородицу Тя исповедуем, спасеннии Тобою, Дево Чистая, с безплотными лики Тя величающе.
Скверны греховныя, Господи, изба=ви нас молитвами служителя Твоего, иже с Тобою пребыв=ати желая, в Небесное Отечество всели=ся, и сподоби Тя сла=вити и велича=ти во веки.
Велия радость братии и верных бысть возвращение мощей твоих, двакра=ты погребе=нных, во обитель Святы=я Троицы, да не будут под спудом безбожными скрыва=емы, но ча=ды верными просла=вятся.
Яко светильник Земли Ру=сския, яко цвет благоуха=нный и яко миро честно=е иму=ще тя, ста=рче Ио=но, предстательством твоим всяких зол и дел смрадных избавляемся, притека=юще к покрову твоему.
Богородичен: Богородице Преблага=я, Влады=чице мира и Ма=ти наша, помози= нам покаянием очи=ститися и от жизни временней во Отечество радости пресели=тися, иде=же и отец наш Иона пребывает.
Светилен:
Светильник веры неугаси=м во тьме су=щим явился еси, от Света Невеще=ственнаго — Солнца Правды Христа Бога облистава=емь, вразумляя и наставляя всех ко спасению; сего ради от дел твоих, отче Ионо, прославляется Троица Святая, Е=юже и ты прославля=ешися.
Слава, и ныне: праздника:
В рабии образе пришел еси, Слове,* и Крещения, Безлетный, яко Человек просиши.* Ужасе=ся земля и небо, и Ангельстии чини, и водное естество.* Предтеча же, убоявся, страхом и радостию служение совершаше.

На хвалитех, стихиры глас 3:
Блажен еси, отче Ионо, яко смирение и житие ду-ховное возлюби=в, пламень страстей и искушений постом и молитвою угаша=я и о гресе=х сокруша=яся, молитвенник велий явился еси; и ныне в Жизни Вечней молися о всех чтущих память твою, да Христом Богом и мы поми=ловани будем.
Ничто не разлучи= тя, блаженне, от любве= Бо=жия, и нас молитвами твоими укрепи= в правде стоя=ти и святыню Церкве= Правосла=вныя сохраня=ти, яже есть столп и утверждение Истины, да предста=тельством твоим сподо=бимся насле=дия Жизни Ве=чныя.
Радуйся, и веселися, пресла=вне Ионо, доброде=тельми и свя=тостию жития= украше=нный, яко мзда твоя мно=га на Небесе=х: подвигом бо добрым подвиза=ся и веру соблюде=, за то и венец правды в Царствии Божии стяжа=. Мы же, земнии, уб¬лажаем тя и молим: моли=ся Господеви дарова=ти нам мир и велию милость.
Слава, гл. 8
Отче преподобне Ионо, заповеди Христовы исполняя, благодать Духа Святаго стяжал еси, сего ради преподобным нарица=ешися, молитва твоя много может пред Вла=дыкою Христом: темже молися, преблаже=нне, да и мы причастницы Жизни Вечныя будем.
И ныне, гл.6.
Подобен: Ангельския:
Яко вредящих земных отведшеся,* приидите мысленно, очистим чувства* и, Христа видевше,* плотию крещаема от Иоанна Предтечи,* вси с ним, песнословяще верно, возопиём:* благословен, явлейся Боже наш, слава Тебё.