Редкие Богослужебные тексты

Собор Крымских святых
Вечерня
На Господи, воззвах: стихиры на 8, глас 6-й:
Ра=дуйтеся, Церкви Небе=сная и земная,/ пра=зднующе соборную память/ святых угодников Божиих, / в Та=врии просия=вших. /Днесь да возра=дуются горы и удо=лия,/ да взыграет море, восхваля=юще Господа,/ сих заступников нам дарова=вшаго.
Святых и всехва=льных апостолов Андрея Первозва=ннаго и Си=мона Зилота /в песносло=виих превознесе=м, /я=ко родона¬ча=льники и основатели Це=ркве Таври=ческия,/и=хже Господь в нашу землю посла=,/ я=ко первых Своих благове=стников.
На Бога па=че всего наде=ющеся, да незы=блеми в вере пребу=дете,/ я=ко гора Сио=н, равноапо=стольне Кли=менте со ученики Корни=лием и Фи=вом, / му=жески заточение в Херсоне=се претерпе=сте,/ д=обрии испове=дницы Христовы.
Первопресто=льниче и свети=льниче Всеросси=йский, / мит-рополи=те и чудотво=рче Михаиле,/ приими= наша сыно=вния похвалы=./ Промыслу Божию соде=йствующу, из Византи=и в Херсонес приплыл еси,/во еже князя Владимира Крещением просвети=ти./ Па=ки восхваля=ем чудеса Божии,/я=ко тем вся Русь крести=ся/ и святою во веки наименова=ся.
О, веселие духовное, о, радосте святолепная, /днесь пришедшия в сердца наша, / воструби=м о великих слове=нских учи=телех, /святых бра=тиях Кирилле и Мефодии, / Богомудрых пропове=дницех закона Евангельскаго на брезе=х Таврии/ и насади=телех Православия.

Ины стихиры, глас 2-й:
Бог возведе= в гору святы=ни Своея= вы,/святи=и безсре=бре-ницы Космо= и Дамиане./ От нечести=ваго царя бе=гающе, / привита=сте у горы Чатыр-Даг и та=мо место подвигов ваших/ дивно просла=вися явлением целе=бнаго источника и святы=я обители рождением.
Яко огнезрачнии Херувимы,/предста=сте пред Престо-лом Святы=я Троицы,/триста осмь страстоте=рпец Христо-вых,/ вкупе с царицею Гаафою/ на церковной молитве в Готфии сожже=ннии и в Гурзуфе почив=ающии. Молитеся о пастве, яко хра=мины душ ваших просвети=шася/Божественным сиянием.
Богородичен, глас 2:
Воспои=м велеле=пную похвалу всем пресла=вным апостолом и благове=стником Христовым, / преосвяще=нным архипа=стырем, / победоно=с¬ным му=чеником, преподобным и Богоно=сным отце=м и жена=м,/ и всем пра=ведником Богокра=снаго Собора Таври=ческих свя¬тых, / и=же край наш святынею обогати=ша, / днесь же вку=пе с Царицею Небесною молятся о спасе=нии душ наших.
СОБОРНАГО ПОСЛАНИЯ ПЕТРОВА ЧТЕНИЕ
Благословен Бог и Отец Господа нашего Иисуса Христа, Иже по мнозей Своей милости порождей нас во упование живо воскресением Иисус Христовым от мертвых, в наследие нетленно и нескверно и неувядаемо, соблюдено на небесех вас ради, иже силою Божиею соблюдаеми есте чрез веру, во спасение готовое явитися во время последнее. О немже радуйтеся, мало ныне, аще лепо есть, прискорбни бывше в различных напастех: да искушение вашея веры многочестнейше злата гибнуща, огнем же искушена, обрящется в похвалу и честь и славу, во откровении Иисус Христове, Егоже не видевше любите, и на Негоже ныне не зряще, верующе же, радуетеся радостию неизглаголанною и прославленною, приемлюще кончину вере вашей, спасение душам
ПРЕМУДРОСТИ СОЛОМОНОВЫ ЧТЕНИЕ
Праведницы во веки живут, и в Господе мзда их, и попечение их у Вышняго./ Сего ради приимут Царствие благолепия, и венец доброты от руки Господни,/ зане десницею покрыет я, и мышцею защитит их./ Приимет всеоружие рвение свое, и вооружит тварь в месть врагом./ Облечется в броня правды, и возложит шлем, суд нелицемерен./ Приимет щит непобедимый преподобие./ Поострит же напрасный гнев во оружие;/ споборет же с ним мир на безумныя./ Пойдут праволучныя стрелы молниины,/ и яко от благокругла лука облаков, на намерение полетят./ И от каменометныя ярости исполнь падут грады,/ вознегодует на них вода морская, реки же потопят я нагло./ Сопротив станет им Дух Силы, и яко вихор развеет их,/ и опустошит всю землю беззаконие, и злодейство превратит престолы сильных./ Слышите убо, царие, и разумейте, навыкните, судии концев земли./ Внушите, держащии множества, и гордящиися о народех язык,/ яко дана есть от Господа держава вам, и сила от Вышняго.
ЦАРСТВ ТРЕТИИХ ЧТЕНИЕ
Ста Соломон пред лицем жертвенника Господня, пред всем собором Израилевым. И, возвед руце свои на небо, и рече: Господи Боже Израйлев, несть Бог, якоже Ты, на небеси горе и на земли доле. Аще бо и небе и небо небесе не довлеют Тебе, како дом сей, егоже создах имени Твоему? Обаче и призриши на молитву мою, Господи Боже Израилев, услышати моления и молитву, еюже раб Твой молится пред Тобою к Тебе днесь. Да будут очи Твои отверсты на дом сей и нощь, на месте сие, о немже глоголал еси: будет имя Мое тамо, еже услышати молитву, еюже молится раб Твой на месте сем, во дни и нощи. И послушати мольбы раба Твоего и людей Твоих, Израиля. И елика аще помолится к Тебе на месте сем, и Ты услышиши на месте жилища Твоего на небеси, и сотвориши, и милостив будеши им.
СТИХИРЫ на литии, глас 4-й:
Архиерей Великий и Первосвященник Христос/ посла Свет Свой и Истину Свою/ учеником, апостолом и всем избранником, / в Таврии просиявшим, / укрепи их и настави и введе во святой Град Свой.
Радуйтеся, праведнии, о Господе, / правым подобает похвала и венцы нетленныя,/ любосмиреннии отшельницы Тавричестии, ублажаем ваши деннонощныя подвиги,/ по-читаем пресветлое житие ваше,/ похваляем и безмездное врачевство недуг, яже доселе ниспосылаете,/ святии безсребреницы Космо и Дамиане,/ предивнии угодницы Христовы.
Многи скорби праведницы претерпеша, / и от всех их избави Господь, / яко страстотерпцы Его, в Таврии почитаемии, / присно под сень Креста притекаху, / врагом и мучителем противляхуся, / не боящеся тех коварства, ни ловительства.
Слава и ныне: Богородичен, глас 3-й:
Днесь притецем, людие, к тихому и доброму Пристанищу, / Боголюбивей Матери Царя Превечнаго,/ даровавшей земли Тавричестей двадесять чудотворных Ея икон. / Темже благодарим Тя, Дево Всепетая, и паки воспеваем / Твое вседержавное окормление и предстательство.
Тропарь, гл.4-й
Днесь светло красу=ется Церковь Таври=ческая / и правосла=вных мно=жества радостно торжеству=ют, / соверша=юще память всех святых, на земли сей просия=вших,/ от апостолов Христовых до ныне просла=вленных, / с ними же Новому=чеников и Испове=дников, / и=хже предста=тельством и молитвами / да=руй, Господи, всем нам помощь Твою / непоколеби=мы пребы=вати в Православии / и посли= Твою богатую милость, благоде=нствие и спасение душ наших.
Ин тропарь, глас 4-й
Днесь Христоимени=тая ча=да церковная, светло празднуем,/ осеня=емая вашим, святи=и уго=дницы Божии, прише=стви¬ем / и, к вашему взира=юще пречестно=му образу, / воспеваем би=сер многоце=нный, у гор Херсоне=са и Су=рожа, у подножия Мангупа обрете=нный,/ ублажа=ем земных Ангелов и небесных человеков,/ величаем Живонача=льную Троицу и / уми=льно глаго=лем: слава Просла=вльшему вы,/ слава Венча=вшему вы, /слава хода=таи нам вы Показа=вшему.
Слава: и ныне: Богородичен: Еже от века утаенное:

Стихиры на стиховне, глас 4
Вели=кая звездо=, от запада к востоку восте=кшая,/ му=жу апо=стольский, святи=телю Кли=менте,/ первоверхо=внаго Петра= учениче=,/ по кончине дивное чудо показал еси отше=ствия воды= у мы=са Херсоне=сскаго,/ иде=же на дне моря твоя многоцеле=бныя мощи ве=рнии узре=ша. / Яви= нам, свя=тче Божий, милость твою, / да и мы, к ве=ре хла=днии, к Богу прилепи=мся / и волны страстей от нас отступят.
Вои=стинну пути Господни неисповеди=ми суть, / преди=вно и призвание твое, кня=же Владимире, к подвиго=м апостольским: / десни=цею Всевы=шняго укрепле=н,/ идольскую прелесть отри=нул еси=/ и, в Херсонесе Святым Крещением просвети=вся, / светом познания Христова Та=врию и всю Землю Русскую озари=л еси.
Вели=ции испове=дницы Христовы,/ седьмочи=сленнии свя-ти=телие Херсоне=сстии: Василие, Ефреме, Евгение, Елпи=дие, Агафо=доре, Ефе=рие, Капито=не, / вы в кра=и нашем Христа пропове=дасте,/ за Негоже и пострада=сте./ Моли=теся о нас, да вашим заступле=нием/ обря=щем силу и крепость/ и на супоста=ты победу и одоление.
Паче песка морска=го и звезд небесных мно=жае/ бысть ваши труды и доброде=тели,/ отцы пустыннолю=бцы, прехва=льнии чернори=зцы;/ вы, молвы житейския бе=гающе,/ крест Христов на ра=мена возложи=сте и бла=га вечная унасле=довасте./ Моли=теся, богоно=сцы пресла=внии, о Це=ркви Таври=честей.
Слава: и ныне: Богородичен: глас 8-й:
Яко Ле=ствицу Высокую, Небесе= досяза=ющую, / и яко Го=ру Ту=чную, Е=юже к Богу восхо=дим,/ име=ша Тя, Царице Небесная,/ вси святи=и земли Таври=ческия./ О Де=во Преблаже=нная, моли=ся со всем освяще=нным собором,/ да подаст нам Всеми=лостивый Спас/ Свою велию милость.

На утрени
По первом стихословии седален, глас 1-й:
От гор и пещер Таври=ческих в Го=рний Сион взыдосте,/ достоблаже=ннии уго=дницы Христовы,/ сего ради праздне=ство собо=рныя в=ашея памяти соверш=ающе,/ вку=пе с вами преисполня=емся неземна=го торжества / и Боже=ственнаго хваления.
Слава:
Свяще=ннейшую вашу память благоче=стно творя=ще, Христолюби=вии подви=жницы и Райских Черто=г насе=льницы, молим вы: у Бога нам испроси=те мир и тишину, отечеству благоде=нствие, лю=дем же всем велию милость.
И ныне: Богородичен:
Небе=сной Госпоже= и Де=ве Марии/ днесь принесе=м преиспещре=нную песнь, /ю=же моли=твенно возно=сим Ей, / вку=пе с великоимени=тым Собором пра=ведников/ и сыно=в Отца Небеснаго.
По втором стихословии седален, глас 7-й:
Ра=зум прии=мше от Бога превы=спренный, / преподо=бнии отцы Та=врии, / ея= пла=меннии испове=дницы и презе=льнии по=стницы,/ неуста=ннии моле=бницы о душа=х наших, / вы красная мира сего во уме=ты вмени=сте, / миром душевным на веки обогати=стеся.
Слава:
Благи=х и ве=рных рабов Своих, страстоте=рпцев, / в краю= нашем просла=вленных,/ чрез лю=тая страдания к житию= ве=чному Господь призва=;/ велича=юще подвиги их, /па=ки под кров моли=тв их притекаем.
И ныне: Богородичен; глас тойже:
Госпоже= мира Го=рняго и земна=го, Де=во Всепе=тая, / днесь вся чада Твоя возвесели=шася и возра=довашася, / зря=ще сие= торжество Небе=сныя и до=льния Церквей. / Па=ки яви= нам Твое заступле=ние и утеше=ние.
Полиелей. Таже величание:
Величаем вас, святии вси, в Таври=и просиявшия, и чтим святую память вашу, вы бо молите о нас Христа Бога нашего.
Псалом избранный: Услышите сия вси языцы:
По полиелеи седальны: глас 5-й:
Яко солнце полу=денное, / пресве=тло нам возсия= Богокра=сный Собор угодников и чудотворцев Христовых, / в Та=врии просла=вленных,/ сии нас ради яви=шася всенаде=жным ветри=лом веры,/ во е=же от обурева=ния грехо=в спасти=ся.
Слава:
Церко=внаго небесе= есте= зве=зды присносия=ющия и Богосве=тлыя,/ озаряющия нам путь в нощи= неведения и маловерия, преподобнии отцы и достохва=льнии пусты=нницы, / в Та=врии от века просла=вленнии,/ ве=домии и сокрове=ннии,/ озарите ду=ши наши светом любве= и Богове=дения.
И ныне: Богородичен: глас тойже:
Смиренному=дрием осия=нных,/ долготерпе=нием испо=лненных,/ любовию просвеще=нных и согре=янных,/ святителей Христовых воспои=м,/ ублажи=м и полцы= муч=еников,/ почтим и лик преподо=бнический,/ сии угодницы возлюби=ша Господа и Его Пречистую Матерь,/ Ейже хвалы и благодарения по силе приносим.
Прокимен, глас 4-й: Во всю землю изыде вещание их, и в концы вселенныя глаголы их.
Стих: Небеса поведают славу Божию:
Евангелие: От Луки, зачало 24-е.
По 50 псалме стихира, глас 6-й:
Единое на потребу иму==ще попече=ние,/ апо=столи и святи=телие, ца=рие и царицы, кня=зие и княгини, му=ченицы и преподо=бнии,/ в доброде=телех преуспе=сте, молитвами окрыли=стеся, терпением украси=стеся, в земли= Таври=честей просия=сте/ и отто=ле к Горним Селе=нием удобь востеко=сте,/ иде=же с Небожи=тели и Безплотными утеша=етеся,/ наши духо=внии стра=жие и покрови=телие.
Канон на 8, глас 6-й, егоже краегранесие:
ВСЕМ УГОДНИКАМ БОЖИИМ ЗЕМЛИ ТАВРИЧЕСКИЯ БЛАГОДАРСТВЕННОЕ ПРИНОСИМ ПЕНИЕ
Песнь 1
Волною морскою Скрывшаго древле гоните¬ля мучителя под землею скрыша спасенных отроцы: но мы, яко отроковицы, Господеви поим, славно бо прославися.
Припев: Вси святи=и земли Таври=ческия, молите Бога о нас.
Всехва=льнии апо=столи Андрее Первозванный и Си=моне Зило=те,/ благове=стницы Та=врии, святи=телю отче Аполлина=рие Равеннский, Ски=фии пропове=дниче,/ труда=ми вашими мрак удо=лий просвети=ся, тьма язы=чества отгна=ся,/ Православие насади=ся и утверди=ся.
Сеть апо=стольския твоея= лови=твы вои=стинну креп¬ка= бысть, преслав=не и Богоглаго=ливе святителю Кли=менте со учени¬ки твоими Корни=лием и Фи=вом./ Ты от нечестивых в Риме пострада= и в Инкерма=нстии каменоло=мни со=слан бысть, / иде=же многи пеще=рныя храмы устро=и/ и правую веру утверди=.
Духа Свята=го со апостолы с Небесе= прия=вше, к лику их Церковию причте=ны бы=сте, / святы=й царю Константине и царице Елено./ Благодатию чудоде=йствующе дивно, ка=пища в Та=врии разори=сте,/ Крест Христов та=мо водрузи=сте и утверди=сте же=ртвенники Ве=домому Богу. Благослови=те сие =пес¬нопение, /прехва=льнии уго=дницы Спа=совы.
Мы=сленных волко=в от па=ствы дале=че отгна=сте, равноапо=стольнии святи=телие Асхо=лие Солу=нский и Ники=то Ромесиа=нский, первоучи=телие Го=тфии и Ски=фии. / Моли=теся прилежно о просвещении па=ствы ва=шея и спасении душ наших.
Уго=дницы Христовы, святи=и равноапосто=льнии бра=тие Кирилле и Мефодие,/ вы Закон Божий возвести=сте в Хаза=рии и Та=врии,/ в Фу=льстем язы=це/вами поклонение ду=бу пресече=ся,/ в Херсоне=се же мощи святаго Кли=мента обрето=сте, / дивнаго угодника Божия.
Го=рняя ты нача= му=дрствовати, а не земная, / святая равноапостольная княги=не Ольго, / егда= чрез Та=врию притече= в Царьгра=д,/ иде=же крести=ся,/ защи=тительнице и покрови=тельнице Земли= Ру=сския/ и ея= велегла=сная благове=стнице.
Огласи=ся помо=рие Таври=ческое священным пением и молитвословием,/ егда= Великий князь Владимир соде=лался есть избра=н сосуд Святаго Духа/ и, Святы=м Крещением просвети=вся, многую прия= святыню во граде Херсоне=се/ и к гор=ам Киева притече=.
Богородичен: Дево Безневестная,/ всех Цари=це и Богородице, /Ты благоволи= яви=ти/ первописанный образ Свой Иерусалимский новопросвеще=нней Та=врии. Сия икона пречу=дно исцеле=ньми просия= не то=чию та=мо, но и в вели=цем граде Киеве, по=следже и в Новегра=де.
Песнь 3.
Прежде век от Отца Рожденному нетленно Сыну и в последняя от Девы, воплощенного безсеменно, Христу Богу возопиим: вознесый рог наш, Свят еси, Господи.
Небеснаго Града прилежно взыску=юще, словесное стадо Христово до=бре упасли= есте=/, иера=рси Господни, Ева=нгеличе и неведомый святителю, Томита=нстии и Ски=фстии, /До=мне и Ка=дме Босфоро-Киммери=йстии,/ пречестни=и отцы Перваго Вселенскаго Собора, / в кра=и нашем догма=ты веры утверди=вшии.
Изря=днии и предо=брии архипа=стырие Христовы, / не-
уста=ннии сеятели Слова Божия на нивах сердечных,/ святителие Фео=филе Босфо=рский, Вретанио=не Ски=фский, Ефе=рие Херсоне=сский, Генфо=лие Го=тфский, бо=дреннии Евангелия пропове==дницы,/ достохва=льнии просвети=телие,/ молитеся о пастве,/ да не оскудеет в ней дух кротости и братолюбия.
Ка=меньми веры тверде=йшими вои=стинну яви=стеся,/ святи=телие Спасовы Геро=нтие и Феотиме Скифстии, Иоанне
Златоусте со учеником Унилою Скифским,/ Це=ркве пред-
ста=телие, ея= неусы=пнии учи=телие, догма=тов церковных храни=телие/ и ерети=ческих пле=вел искорени=телие.
Ангелы во пло=ти и челове=цы Небеснии вы есте=,/ архипа=¬стырие Богоразу=мнии Тимофее, Павли=не,/ Ски=фския Це=ркве предстоя=телие,/ и Анатолие, Патриа=рше Царегра=дский,/ с кро=тостию бо окормля=сте паству, от волко=в мысленных ю= соблюда=юще, сего ради не то=кмо духо=внии стражи показа=стеся, / но и всея= Та=врии сокро=вище/ и нетленное украшение.
Бе=ды многи и злострада=ния от неверных подъя=сте,/
архипа=стырие Стефа=не Херсонесский, Ма=ртине Исповедниче, Инкерма=нский чудотворче, / неве=домый затво=рниче Сосфе=нский, подви=жниче Херсонесский и Хазарский,/ Стефане Исповедниче Су=рожский. / Моли=теся о нас, да скорбей и напастей избегнем.
Отцы чадолюби=вии и сиро=т ми=лостивнии пита=телие,/ не=-мощей ско=рии и безме=зднии врачева=телие / и вселе=нстии учи=телие и святи=телие/ Стефа=не Новый Су=рожский, Ники=то Готфский и Андрее Босфо=рский,/ Седьма=го Вселенскаго Собора предста=телие, / и Филаре=те Су=рожский,/ вы злато-слове=сными уче=ньми люди зело= просвети=сте и обогати=сте.
Богородичен: Живоносный Источник бла¬годати Ты еси, Дево, / во всяком роде и роде то=ки исцелений источа=ющая, / дарова=вшая великомученику Никите, Готфскому и Таврическому,/ Свой образ, Новоники=тский имену=емый,/ его=же то=й на пе=рсех с любовию нося=ше./ Научи и нас Боголю=бию таковому, о Де=во Всепетая.

Ин кондак, глас 3-й:
Стезя=ми терни=стыми и Го=рними ше=ствующе, от земли к Небесе=м взыдо=сте, святи=и апо=столие, иера=рси, ца=рие и кня=зие, де=вственницы и пра=ведницы земли Таврическия, / в по=двизех па=стырства, испове=дничества и му=ченичества /просия=вшии, / ве=домии и сокрове=ннии, / благочестно Небесных верши=н и врат Райских дости=гшии, моли=теся о пастве, / во е=же и нам горе= име=ти сердца / и вни=ти в радость со всеми вами.
Седален, глас 3-й:
Заповеди Господни свя=то соблю=дше и богомы=слием про-свети=вшеся,/вси уго=дницы и чудотво=рцы земли= Таври=ческия, / душевре=дныя ле=ности избе=гли есте=, я=ко сете=й велиа=ровых,/ на врагов невидимых силою Креста ополча=ющеся,/ и за сие= возвесели=стеся пред лице=м Ангелов радостию безконечною.
Богородичен:
Царице Небесной славословие прис=но во дни и в нощи= возсыла=юще, / святи=и возде=ржницы и пусты=нницы кра=я Таври=ческаго, / велию благодать от Нея= прия=сте,/ моля=щеся пред созвездием чудотво=рных Ея=икон,/ и жа=ло смерти вас не одоле=, возра=довася же дух ваш, зря Селения Вечная.
Песнь 4.
На Кресте Твое Божественное истощание прови¬дя, Аввакум, ужасся, вопияше: Ты сильных пресекл еси державу, Блаже, приобщаяся сущим во аде, яко всесилен.
Избра=нницы Божии, велегла=снии благове=стницы и служи=телие Святы=я Троицы,/ Богоблаже=ннии святителие Иоанне Исповедниче Готский,/ Георгие Исповедниче Митиле=нский и Херсонесский,/ Георгие Херсонесский,/ Фо=тие Патри¬арше Цареградский и Таврический, /па=ки велича=ти не преста¬=нем вы,/ яко память ваша незабве=нна пред Богом.
Изря=дных иера=рхов днесь воспои=м: / святителя Полие=вкта Цареградскаго, / крестителя святы=я Ольги, / первосвятителя Михаила Киевскаго, Иоакима Корсу=нянина, благовестника Новогра=дскаго, Николая Тмутарака=нскаго, / великих просветителей и Це=ркве Таври=ческия похвалу и добро=ту.
Моисею подо=бящеся,/ святителие и архиереи Божии, Савво Сурожский, Леонтие Цареградский и Таврический, Василие Сурожский, / вы, на го=ру чистоты и безстра=стия возше=дше,/ преоби=льныя благодатныя да=ры стяжа=сте, / весь край наш светом Хри¬стовым просвети=вше.
Зря=ще ангельския светлости, апостолов велеле=пие,/ лик патриа=рхов и со=нмы мученик,/ преосвяще=ннии святителие Варсонофие Тверски=й, Амвросие и Никифоре, Таврическия, Григорие, Патриа=рше Цареградский, / моли=те Человеколю=бца Христа отпуще=ние грехов дарова=ти нам.
Многосве=тлыя зве=зды на небе церковнем вы есте=,/ святи¬телие Божии Димитрие и Никаноре Тавричестии, Иосифе Владикавказский, Ермогене Таврический, моли=теся, да, вашим молитвенным покро=вом соблюда=еми,/ прича=стницы Жизни Ве=чныя будем.
Лозы= добропло=дныя в Вертогра=де Христовом яви=стеся, /иера=рси Госпо=дни Борисе и Флавиане, сподви=жницы святаго равноапо=стольнаго Николая Японскаго, Иустине Уфимский, величаем вас, яко пречестны=я о=трасли есте= Це=ркве Таврическия, ея= моли=твенницы и покрови=телие.
Богородичен: Икона Твоя, Госпоже Пречистая, / Панаги=я-Бахчисара=йская именуемая, / издре=вле просия=, яко цельбоно=сная святыня, на вели=цей скале=, / иде=же источник яви=ся и обитель основа=ся. Ко образу сему прите=кше, уповаем на Твоя неоску=дныя и бога=тыя ми=лости.

Песнь 5.
Союзом любве связуеми, апостоли, Владычествующему всеми себе Христу возложше, красны ноги очищаху, благовествующе всем мир.
Таин Божественных благове=стницы есте=, / правове=рнии ца=рие Иустиниа=не и Феодо=ро, Царегра=дския и Ски=фския, Ири=но Хаза=рская, / Святую Церковь в кра=и нашем укрепи=вшии, силою веры богому=дрие стяжа=вшии,/ сего ради просвети=шася ду=ши ваша.
Ве=рнии и блази=и рабы=, вше=дшии в радость с Господом, вы есте=, / благове=рнии кня=зие Фео=доре Трапезу=ндский, Мстис¬ла=ве Киевский, Фео=доре Ярославский вку=пе с Мариею,/ на земли Тавричестей зело= потруди=вшиися, / сего ради и предстои=те днесь в сонме избра=нников Божиих.
Равноа=нгельное житие ваше похваля=ем,/ и пра¬ведное служение ближним ублажаем,/ сим предстоя=ния пред Богом удосто=илися есте=,/ правове=рнии Стефа=не Феодоси=йский, Григорие Мангу=пский, Иоанне Остро=жский и Таврический, Иса=йе, воево=до Мангу=пский.
Иноческих полко=в пречестно=е украшение есте=,/ благо¬ве=рнии кня=зие Фео=доре Острожский и Константине Мангуп¬ский, Константине Острожский и Переко=пский, Василие Ост-рожский, Феодо=ро, царице-и=нокине Су=рожская,/ пресве=тлии сосу=ди, елеем молитвы испо=лненнии/ и в наших душах негаси=мый свети=льник веры возжига=ющии.
Богородичен: Святая икона Твоя, Бо¬городице Дево, / по воле Твоей апостолом Христовым Луко=ю пи=санная / и Корсу=нскою наименова=нная,/ из Царягра=да в Херсонес/ при Крещении святаго Владимира прибы=сть,/ и помо=рие Таври=ды освяти=, и паству возвесели=.
Песнь 6.
Зверю бездны предается пророк Иона, глубине
морской, прообразуя Твое, Слове, тридневное востание. Тем
и взываше: из глубины преисподния возведи живот мой,
Благоутробне.
Крестным путем ше=ствующе,/ молитвами удо=лия Та=врии облагоуха=ли есте=,/ по=двиги жития вашего па=ству укрепи=сте / и ду=ши своя, яко жертву чи=сту,/ Бо=гови принесо=сте,/ преподо=бнии отцы Лампа=де Отшельниче, Никоне Тмутараканский, Никоне Сухи=й, Таврический, Несторе
Печерский, Павмво Боголюбивый, Евстафие старший, Ев-
сти=гние Младший, Херсоне=сстии подви=жницы Божии.
Истину Христову житием непорочным и ангелоподобным пропове=дующе, / в ско=рбех с Божиим Сыном сораспина=ющеся, /Богоно=снии отцы,/ Иоанне ста=рче Балакла=вский и Оптинский,/ Андрее исповедниче Каирский и Таврический, / Лаврентие Прозорливый, Антоние Постниче Феодоси=йс¬кий, неве=домый отче, в Инкермане чудотворе=ньми просия=вый, / научите нас Господу благоугожда=ти.
Яко неме=ркнущии свети=льницы, / десни=цею Божиею на тве=рди небесней возже=ннии, / яви=стеся, преподо=бнии отцы,/ ду=ши за ближних полага=вшии,/ Вонифа=тие, Макарие Алу=штинский,/ Иоанне Керче=нский, Павле Симферопольский, Стефане и Исаакие Таври=честии.
Богодарова=нныя уго=дницы Божии, / жены=-праведницы, Феодо=ро Цареградская, Анфу=са Хазарская и Параске=во, отшельнице Су=рожская,/ Ангелом в житии поревнова=ли есте=, /от Бога венцы нетле=нныя восприя=вшия,/сего ради вас в со=нме Таврических святых ублажаем.
Ла=стовица сладкогла=сная, в пустыне Инкерма=нстей восх-валя=вшая Творца, / святая мученице Фла=вие, / учени=це свята=го Кли=мента, / до=блии страда=льцы И=нно, Пи=нно, Ри=ммо,/сподви=жницы апостола Андрея,/ нетленное града Алу=шты богатство, / обогати=те ду=ши наша / со¬кро=вищем веры и благочестия.
Богородичен: Образу Твоему многоцеле=б¬ному,/ Госпоже и Дево,/ издре=вле в Херсоне=се явле=нному, / кня=зем Ольгердом в Вильно принесенному, / вси вернии поклоня=ются/ и мольбы пред ним приносят. Приими= и ныне прошения наша,/ Вседержа=вная Царице,/ яко Тя воспеваем.
Кондак глас 3:
Яко жертву непорочну и благоуго=дну Христу принося=щи, / Церковь Таврическая светло празднует, / соверша=ющи соборную память святых угодник своих, / от земли на=шея восте=кших / и насе=льники Райских Селений яви=вшихся. / И мы вси, под кров их молений притека=юще, / избавля=емся от належа=щих бед и зол, / воспева=юще ку=пно с ними Святую Троицу, / да=рующую нам спасение и ве=лию милость.
Икос
Днесь Церковь Таврическая вку=пе с Небесною/ прослав¬ляет всечестну=ю память Богосве=тлаго Собора, в кра=и нашем прославленных угодников Господних./ Труды апостол Анд¬рея и Симона насажде=нная,/усердием святаго Кли=мента и его ученик утвержденная, / подвиги прочих иерархов и отшельников преудобре=нная, / кровьми= муче¬ник преукраше=нная,/ яко крин процвете=, породи= водою и Духом святаго Владимира Великаго/ и сонмы угодник Божиих. Сего ради со всеми Небесными Силами воспеваем песнь хвалебную:/ радуй¬ся, Боговенча=нный Соборе святых Та=врии;/ радуйся, предивный цве=тниче Иисусов;/радуйтеся, вси святи=и, до=брии де=лателие вертогра=да Христова, / на земли Тавричестей и на Небесе=х просиявшии.
Песнь 7.
Неизреченное чудо: в пещи Избавивый отроци из
пламене во гробе мертв, бездыханен полагается во спасение
нас, поющих: Избавителю Боже, благословен еси.
До=блии му=ченицы Христовы,/Орентие, Фарнакие, Еросе, Фирмосе, Фирмине, Кириаче и Лонгине Скифстии, /Онисифо=ре и Порфирие Инкерма=нстии,/мучителей не убоя=вшеся, друг ко другу реко=ша: /злодеев не убоимся,/не уны=ем и временных мук. /Се бо отве=рзеся Рай, и Ангелы им венцы простро=ша, воспева=юще:/Изба=вителю Боже, благословен еси.
А=ще и обагри=шася кровьми= страда=ний ри=зы и телеса=
ва=ша, святи=и великому=ченицы Георгие Победоно=сче и Ни-
кито Го=тфский, / вели=ции покрови=телие Та=врии, / но огнь
мучений росо=ю благодати ороси=ся и, я=ко ратобо=рцы
Господни, венцы от Него восприя=сте, со Безплотными
вку=пе в веселии глаго=люще:/Изба=вителю Боже, благословен
еси.
Река пла=мене и огня не смути=/ святых мученик, в Готфии на церковней молитве пострадавших, вси триста осмь страстотерпец к Богу возопи=ша, и Той восприя=л их в кро=вы света и прохлады,/ телеса же их в Гурзуф принесены бы=ша, / иде=же ве=рнии, к ним притека=юще, исцеления при¬емлют и ко Врачу Небесному вопию=т: Изба=вителю Боже, благословен еси.
Свирепства гонителей не убоя=вшеся, в пламени мучений не сгоре=сте, /святы=й страстоте=рпче Ермининге=льде Го=тфский/ и два неведомая мученика-воина Эски-Керменския, ду=ши своя в Пренебесный Жертвенник прине=сше, иде=же Подвигополо=жнику Христу возгласи=сте:/Избавителю Боже, благословен еси.
Богородичен: Пресвятая Дево, Невесто Неневестная, икона Твоя, Минская нарица=емая,/ святы=м Владими¬ром от Херсонеса в Киев принесе=на бысть / и та=мо просия=, / по ага=рянском же разоре=нии преди=вно по Днепру = в Минск приплы=,/ иде=же па=ки то=ки чудес и исцелений просла=вися,/ ве=рнии же славосло=виша Господа:/Изба=вителю Боже, благословен еси.
Песнь 8
За законы отеческия / блаженнии в Вавилоне юноши, предбедствующе, / царюющаго оплеваша повеление безумное, / и совокуплени, имже не сваришася огнем, / Державствующему достойную воспеваху песнь: / Господа пойте, дела, / и превозносите во вся веки.
Небе=снаго Воево=ды предо=блий ра=тниче,/ священному=чениче Фи=лие, святи=телю Томита=нский и Ски=фский,/ всего себе Влады=це преда=л еси и сего ради проти=ву тьмы де=монския исше=л еси / и долготерпе=нием препобеди=л еси= ю=./ Темже, на Небеси=, яко победоносец предстоя, вопиеши:/ Господа пойте, дела, и превозносите во вся веки.
Ежеле=тнюю твою память соверша=юще,/ священному=чениче Никифоре Феодосийский, / с любовию похваляем по¬двиг твой,/ яко, Божественному Крестоно=сцу подражая, /на дре=ве за Него от ага=рян пове=шен бысть. Уповаем, яко молитвами твоими/ ду=ши наши убеля=тся и просветя=тся, да с тобою не преста=нем воспева=ти Бо=гови: Господа, пойте, дела и превозносите во вся веки.
Подви=жницы Христовы многострада=льныя, / священно-му=ченицы Давиде и Данииле Феодосийстии,/ вы страда=ньми неверных просвети=сте,/ правове=рие утверди=сте,/ да паства, молитвами вашими ограждаемая от напастей и прилогов вражиих,/ Всемилостивому Спасу вопиет:/Господа пойте, дела, и превозносите во вся веки.
О просвеще=нии и спасе=нии Таври=ческия паствы ревнуя, святителю Моисее Феодоси=йский,/ древнему Моисею уподобился еси, / и, яко до=брый архипа=стырь, душу за пасо=мых положил еси, / веры ради пострада=в. / Молися Пастыреначальнику Христу,/ да и мы вечных мук избавимся,/ с тобою возглаша=юще: / Господа, пойте, дела, и превозносите во вся веки.
Богородичен: Образ Твой, Владычице, Софиею, Премудростию Божиею именуемый,/ издревле в Херсонесе просия=, врагов уловляя и верных от клятвы свобождая. Моли=ся, Де=во, яко Милосе=рдая Царица, невреди=мы сохрани=ти ны, имя Твое боголепно сла=вящия и вопию=щия:/ Господа пойте, дела, и превозносите во вся веки.
Песнь 9
Странствия Владычня, / и безсмертныя Трапезы / на горнем месте высокими умы, / вернии, приидите, насладимся, / возшедша Слова, / от Слова научившеся, Егоже величаем.
Святых четы=редесять дев-по=стниц со учителем их, диаконом Аммуном, ублажи=м,/ яко сия= преподобномученицы за Христа до=бльственно в Скифии пострада=ша,/Ан¬гелов преудиви=вше, верных укрепи=вше,/ Церковь возвесели=вше и благоукраси=вше.
Иже Крестом ограждаемы, врагу противля=стеся,/ святи=и мученицы Сапсале пресвитере и Савво Благоговейный,/ идольское приношение отве=ргше,/ земная бла=га во уме=ты вмени=вше./Сам Жизнода=вец исцели= ваша язвы и раны,/ темже у Того испроси=те исцеление недугов память вашу празднующим.
Му=жески за Христа пострада=,/ преподобному=чениче Евстратие Киево-Печерский, / от ага=рян в Херсонесе на кресте ра=спят быв,/ на подвиг исповедничества пятьдесят сподвижников и соплеменников возпламени=, /с ними же и мзду вечную восприя.
Постническим житием, яко златотка=нною ри=зою укра-ше=нный, чашу страданий от неверных испи=в, / образ Спасова па=стыря ми=рови явил еси/ и всякия добродетели испра=вил еси, / неве=домый пресви=тере Сурожский, / темже дарова= Господь нетленным мощем твоим то=ки чудес и исцелений.
Богородичен: Единороднаго Сына Преблагослове=нная Ма=ти,/ дарова=вшая граду Херсонесу чудотвор¬ную икону Свою,/ ю=же святы=й Владимир в Киев принесе,/ отоню=дуже сия= святыня в западней стране яви=ся и Холмскою наименова=ся. / Паки уповающе на Твоя милости, / веруем, яко вы=ну соблюде=ши ны/ и да=руеши нам спасение.
Светилен, глас 2-й:
На криле=х Богоразумия, яко орли= небопа=рнии возлета=юще горе=, / чудотворцы и угодницы Спасовы,/ помыслы к Небесе=м вперя=сте, / пустыннолю=бно в верте=пех Таврических,/ яко в светли=цах, пожи=сте и яви=стеся ми=рови столпы и утверждение Истины./ Сего ради Солнце Правды — Христос Бог просвети и просла=ви вас,/ яко достойных насадителей и благи=х делателей винограда Своего.