Редкие Богослужебные тексты

МЕСЯЦА НОЯБРЯ В 19-Й ДЕНЬ
Преподобнаго и богоноснаго отца нашего
Порфирия Кавсокаливи=йскаго
ВЕЧЕР
На Господи, воззвах: стихиры, глас 4.
Подобен: Яко добля в мученицех:
Свяще=нник богодухнове=ннейший,/ избра=н сосуд честны=й,/ уте=шитель велий нарече=ся,/ совершая превысокая и Боже=ственная/любве= Божия Таинства,/ яко Ангелов превы=сший/ послужил еси всех Влады=це по достоянию;/ сего ради вси тя чтим,\ возлю=бленне Порфи=рие.
Уязвлен раче=нием ко Господу, всеблаже=нне,/ яже в мiре вещи презре=л еси,/ богоугодно жи=тельство твое/ пройде, ра=дуяся,/ Божественных же заповедей/ делатель усе=рднейший нарече=ся,/ любя= всякаго человека в мiре,/ сего ради во Приста=нищи Небе=снем\ весели==шися ныне.
Преподобным единонра=вный,/ добродетели вся=цей научи=лся еси,/ изде=тска, свя=те,/ Божественным стопам последова=в,/ бысть яко столп неподви=жим/ и благодатей Троицы содержи==тель Порфирие:/ темже днесь/ святую твою память славосло=вяще,\ Бога в радости благодаря=ще, славим.
Слава, глас 8:
Чистое сердце твое,/ преблаже=нне Порфи=рие,/ дом соде=лася Всесвяты=я Троицы,/ Премудрость бо Божия,/ оскудева=ющая восполня=ющая,/ буйством проповеди/ премудра тя утверди,/ тем и богодухнове=н священник наре=кся,/ и чудотворец челове=ком,/ ихже привлека=ше/ и Божиим глаго=лом наставля=ше/ и доброде=тели прилежа=нию;/ кроток же яви=вся, смире=н и незло=бив,/ искуше=ния вы=ну претерпевая ра=дуяся:/ тем и нас смире=нию научи=/ молитвами твоими/ и миру помысло=в/ яко да улучи=м милость\ и спасение душ наших.
Тропарь, глас 4.
Подобен: Скоро предвари:
Подвигом освяти=л еси/ священную твою душу,/ ю=же в дар прине=сл еси Жениху Христу,/ Порфи=рие преподо=бне:/ сего ради и врачева=ний благодать/ прия=л еси, блаже=нне,/ болезни отгоня=ти и цельбы= подава=ти/ верою приступающим\к иконе твоей, всехва=льне.
Канон, глас 1
Песнь 1
Ирмос: Христос раждается, славите:/ Христос с небес, срящите:/ Христос на земли, возноситеся:/ пойте Господеви вся земля,/ и веселием воспойте людие,\ яко прославися.
Христова друга и=скренняго,/ Христова священноде=йственника тепле=йшаго,/ Христова честна=го послушника,/ вси Порфирия, вернии, Кавсокаливи=йскаго/ радующеся, в пе=снех да восхвалим. áýéúó
Играют мiрсти=и концы,/ людие вселе=нныя радуются,/ ликовствуют небесная,/ сонмы свяще=нников и иноку=ющих/ воспевают согла=сно/ в памяти Порфирия богому=драго.
О чудесе! Како от юности/ ты претерпе= с родительми разлучение,/ не побежде=н естественною любо=вию?/ Возгоре=ся сердце твое рачением еже к Богу/ и яко свет сия=ше уму твоему/ Ку=щника образ.
Божия испроси= благодати/ нам, взыску=ющим помощи,/ и любовию к тебе притекающим,/ Божественным осене=нием и заступле=нием,/ таи=нниче неизреченный, о Порфирие мудре,/ яко да воспеваем тя.
Богородичен: Сосуд благодати сущи,/ сердце мое радования исполни,/ о=блаки страстей расточи,/ Господу и Сыну Твоему усердно, Обрадованная,/ о всех верных выну молися.
Песнь 3
Ирмос: Прежде век:
Твое сердце, блаже=нне,/ еже ко Христу любве огнь воспламени=,/ тем во дни и в нощи= же/препита=яся радостно/ Божественными писа=нии и псалмы,/ яко сла=вий сладкопоя=ше Бо=гови,/ преподобне Порфирие.
Всего небе=сна тя/ богоданная благодать пресве=тла сотвори=,/ ю=же приял еси паче слова,/ в храме святе=м зря пустынника преподобнаго,/ измене=нна в молении ко всяческих Господу.
Оболче=нна тя во одеяние Божества, по=лна света,/ и на Афоне потае=нна,/ Христос ныне мiрови показу=ет/ и не хотя=щу ти,/ яко да жа=ждущия ороси=т/ сладкою водою Духа.
Все житие мое/ из лютых совокупи=х и всяческих злых,/ к твоему заступле=нию с проше=нием прибегаю, Богомудре: Порфирие, избави скоро/ к тебе молитвами вопию=ща тепле: согреши=х, помилуй.
Богородичен: Благоутро=бная Дево,/ Спаса рождшая, Христа Бога,/ ко пристанищу спасения/ сущих в пре=лести призывающая,/ помози= нам скоро,/ яко да предста=тельствы Твоими/ в радости прии=мем избавление.
Песнь 4
Ирмос: Жезл из корене:
Цвет Эвбе=и Божественный,/ из корене благочести=ва, мудре,/ в последних прозябл еси,/ и ле=тами отроча= сый,/ ко Афону взы=де, идеже постничества стезю про=йде ангельски/ Божиим мановением, Порфирие.
Всем притекающим ти показался еси/ чистый источник радости,/ надежды и исцелений присноструйный поток,/ благодати крин,/ ро=сою живото=чных вод окропля=яй душу,/ дух же веселя=й, преподобне.
Свет, живот, мир и радость/ яко благовествуяй приступающим тебе, Порфирие,/ любовь же Божию пламенно изъясни,/ словесную сеть простирая,/ яко искусный рыбарь, многия уловил еси.
Одушевленный храм светови=дный сый Божия Духа,/ вселенную озарил еси мудрыми словесы твоими/ в последняя времена=,/ показуя ясно сущим во мра=це/ пресия=нную небесную славу/ и светлое радование.
Богородичен: Землю Небеси совокупила еси,/ зане= совершенно исполнила еси волю Господню;/ ныне чудоточный просия Порфирий, себе сама=го верою Богу возложив.

Песнь 5
Ирмос: Бог сый мира:
Препоясався силою,/ прошением крепким Божия духновения и благодати,/ соделася ново селение Троицы Пречестныя,/ сего ради, боговедением исполнився неизреченныя славы,/ воли Божия возвеститель бе/ и откровений истолкова=тель.
Печальным пристанище,/ радости раздаятель,/ монахом светильник предобрый,/ родителем мудрый советник,/ пастырь и путево=ждь всем заблу=ждшим,/ Порфирие, ты пребывая,/ и нас от печалей твоими мольба=ми избави.
Не видя очи=ма теле=сныма, в глуби=ны души взира=ше/ и тайная всяко познава=ше,/ чудес действо расточа=ше я=ве,/ недуги отгоняя и демоны уязвля=я,/ Христовою же силою чудотворя=, отче богоприя=тне.
Благий рабе Господень, верный и добрый,/ Христос тя призывает, отче преподо=бне, пастыря овца=м,/ испо=лнь Божественныя светлости;/ вводя=ше ты=я внутрь церковныя ограды/ и му=дре сохраняше отеческими поучении твоими.
Богородичен: Стена еси девствующим, Дево Чистая,/ немощству=ющим скорое Заступле=ние,/ мира приснотекущая и Божественная река,/ сего ради прошу Тя,/ подай ми капли к душевному покою и к вечныя радости соприча=стию.
Песнь 6
Ирмос: Из утробы Иону:
Разреши от страстей, преподобне Порфирие,/ пресильною Божественною молитвою твоею,/ тя бо имамы заступление истинное и твердый покров,/ яко стяжавшаго Троицы благоволение,/ егоже и предстательствы о нас твоими/ безме=здно подаеши страждущим.
Колесница Божия показался еси, Порфирие,/ воскрили=л бо еси себе зарею Духа,/ наставляше и верных лики к познанию Вышняго,/ поучая любви совершенней, в нейже истово поживе=/ и во мнозей простоте, преподобне.
Весь срастворен любовию к Зиждителю твоему,/ вся яже Его/ яко изображения помышля=ше,/ провозвещающая добро=ту и славу Божию/ и кропящая любовь неизреченную,/ еяже плоды вкусив,/ в Селениих Небесных ныне радуешися.
Слава Тебе, Христе, Премудрым Промыслом Твоим/ показавшему яве чрез раба Твоего,/ яко мощно есть в после=дняя времена/ непорочно хранити заповеди Евангелия Твоего,/ и=миже упраздняется мудрование мiра немудраго.
Богородичен: Виждь мое, Владычице, обстояние/ и потщися скоро,/ даждь ми помощь, поющему Ти, разве бо Тебе инаго покрова не имам воистинну,/ тем ускори, якоже и прежде, всегда мя избавляти.
Кондак, глас 4.
Подобен: Взбранной:
В после=дняя времена богодухнове=нно пожи=вша/ и испо=лненна дарова=ний Божия Духа,/ да воспои=м Порфирия достойно,/ яко по премно=гу уте=шителен показу=ется,/ и потре=бная к целе=нию нам подае=т,\ к нему же взываем: радуйся, отче премiрне.
Песнь 7
Ирмос: Из утробы Иону:
Мудростию вышнею/ очистив телесная и душевная чувства, премудре,/ возжег сердце Божественным рачением,/ со Ангелы Богу усердно поеши ныне:/ Отцев Боже, благословен еси.
В болезнех горьких взываше, радуяся, Порфирие,/мне еже жити Христос/ и еже умрети приобре=тение многое,/ не преста=ну, воспевая милость Его и вопия: Боже, благословен еси.
Радость небесную даруй и сладкое орошение,/ славне Порфирие,/ свыше бо приял еси благодать/ еже естества выну изобличати/ и прозревая имущая свершитися.
Слово твое, мудростию срастворенное/ и Божиею благодатию преудобренное,/ радостию насыщает и веселием верных сердца,/ иже поют любовию:/ Отцев Боже, благословен еси.
Богородичен: Сердце мое, Дево Мати,/ в безместных деяниих яко окалях,/ надежды твердыя разве Тебе не познах./ Темже скоро мя страстнаго тления исхити=/ и даруй ми ныне время на покаяние.
Песнь 8
Ирмос: Чудо преестественное:
Направил еси челове=ков разум/ к па=житем благодати святым,/ не забыл бо еси пою=щия ти,/ но пресели=вся, в бранех помога=еши одолева=ти враги./ Сего ради тя воспеваем, Порфирие,/ неизреченных хранителю, сосу=де даров,/ и вкупе песносло=вим Христа во веки.
Пламене=ющей Божиею любовию души твоей,/ неизглаголанных соделался еси таинник:/ Егоже бо изде=тска возлюбил еси,/ Тому присно прилепился еси, свяще=ннейше,/ твердо плоть поработив духу, и воспева=ше:/ да благословит тварь вся Господа/ и превозносит во вся веки.
Вси, учения Порфирия прие=мше,/ прииди=те с любовию,/ ныне время наста= делания, празднования час,/ зане= той ны созывает:/ поработаем убо, яко безсме=ртнии,/ нерадение и косне=ние прочь отмета=юще,/ и яко умре=ти иму=щии/ в мiре паки да поживем.
Притяжа=л еси Богом окормля=емое сердце,/ зане художество обрел еси святое,/ егда= искушения зело обыдо=ша,/ обращая ум и помышле=ния ко Господу любовию теплою,/ мудре преоби=дел еси всякую кознь,/ да благословит, вопия, тварь Господа/ и превозносит во вся веки.
Богородичен: Явилася еси чистейший сосуд, Дево,/ Всех Зиждителя приемши разумение,/ сего ради и Чертог показалася еси всех Творца/ и огнеобразный Божий Престол;/ тем Твоя рабы управи, вопиющия:/ да благословит тварь вся Господа/ и превозносит во вся веки.
Песнь 9
Ирмос: Таинство странное вижду:
Воспои=м вси честными Божественными пе=сньми/ Порфирия сла=внаго,/ иже в Бозе зна=мении испо=лнь,/ в мiре жи=тельствуя,/ мiра кроме= пребысть яко безпло=тен,/ премно=га вои=стинну Божия зна=мения яви=.
Таинство странное ви=жду и преславное:/ яко луча=ми свет испуща=яй/ лик твой сия=яй/ и всего тя во славе,/ носящаго ризу све=тлу, Порфирие, и венец златы=й,/ имже тя Христос преукраси=.
Удобри=, отче, и испроси= умиле=ние,/ сокрушение и милость,/ бдение же и ко благим взира=ние,/ и просвещение Божественное,/ и=мже богоуго=ден да соде=лаюся\ Христу и Богу со Отцем же и Духом.
Людие, радостно да стеце=мся днесь,/ единому=дренно вси воспева=юще/ Порфирия память,/ иже совершенно во славе/ Престолу Божию ныне предстоит,/ Сего и молит о всех, да будут едино.
Богородичен: Спаса ро=ждши неизреченно Господа,/ небо сотворила еси вся су=щия на земли, Богородице:/ те=мже молим Тя,/ вкупе с Порфирием богомудрым/жизнь мою Божественными молитвами онебеси=те.