Неотступная молитва по соглашению

Братья и сестры, после каждого Акафиста Вы можете обратиться с молитвой и к Божией Матери "СКОРОПОСЛУШНИЦА"

По указанию Божией Матери, по молитве перед Её иконой "СКОРОПОСЛУШНИЦА" "скорую всем, притекающим к ней, буду являть милость и исполнение прошений".
Чудотворная икона Божией Матери "Скоропослушница" народом любима за скорое исполнение прошений, помощь в делах, освобождение от бед, исцеление.
Люди говорят о ней, как о живой.
Светел и прекрасен лик "Скоропослушницы". Слышит Спасительница наши молитвы. И помогает каждому.

Тропарь:
К Богородице притецем, сущии в бедах,/ и святей иконе Ея ныне припадем,/ с верою зовуще из глубины души:/ скоро наше услыши моление, Дево,/ яко Скоропослушница нарекшаяся./ Тебе бо раби Твои в нуждах/ готовую Помощницу имамы.

Кондак:
В мори житейстем обуреваемии,/ треволнению подпадаем страстей и искушений. / Подаждь убо нам, Госпоже, руку помощи, якоже Петрови Сын Твой,/ и ускори от бед избавити ны, да зовем Ти:/ радуйся, всеблагая Скоропослушнице.

Молитва "Скоропослушнице":
Преблагословенная Владычице, Приснодево Богородице, Бога Слова паче всякаго слова на спасение наше рождшая, и благодать Его преизобильно паче всех приявшая, море явльшаяся Божественных дарований и чудес приснотекущая река, изливающая благость всем, с верою к Тебе прибегающим! Чудотворному Твоему образу припадающе, молимся Тебе, всещедрей Матери человеколюбиваго Владыки: удиви на нас пребогатыя милости Твоя и прошения наша, приносимая Тебе, Скоропослушнице, ускори исполнити все, яже на пользу во утешение и спасение коемуждо устрояющи. Посети, Преблагая, рабы Твоя благодатию Твоей, подаждь недугующим цельбу и совершенное здравие, обуреваемым тишину, плененным свободу, и различными образы страждущих утеши. Избави, Всемилостивая Госпоже, всяк град и страну от глада, язвы, труса, потопа, огня, меча и иныя казни временныя и вечныя, Матерним Твоим дерзновением отвращающи гнев Божий; и душевнаго разслабления, обуревания страстей и грехопадений свободи рабы Твоя, яко да непреткновенно во всяком благочестии поживше в сем веце, и в будущем вечных благ сподобимся благодатию и человеколюбием Сына Твоего и Бога, Емуже подобает всякая слава, честь и поклонение со Безначальным Его Отцем и Пресвятым Духом, ныне и присно и во веки веков. Аминь.