Неотступная молитва по соглашению

Братья и Сестры! Желающие присоединиться к чтению молитвы (об обретении супруга(и); для желающих создать семью, вступить в брак)пишите имена в комментариях в родительном падеже ДО 23.55 по мск. СПИСОК ИМЕН БУДЕМ ОБНОВЛЯТЬ ЕЖЕДНЕВНО. У кого нет возможности читать в указанное, читайте в удобное вам время

ПРЕДНАЧИНАТЕЛЬНЫЕ МОЛИТВЫ

Молитвами святых отец наших, Господи Иисусе Христе Боже наш, помилуй нас. Аминь.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном.)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды).
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

МОЛИТВЫ ПО СОГЛАШЕНИЮ
Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще двое от вас совещаются на земли о всякой вещи, ее же аще просите, будете иметь от Отца Моего, Иже на небесех: где же двое или трое собрались во имя Мое, ту есмь Аз посреде их". Непреложны словеса Твоя, Господи, милосердие твое безприкладно и человеколюбию Твоему несть конца. Сего ради молим Тя: даруй нам, рабам Твоим:

Аллы, Елены, Елены, Дионисия, Петра, Ольги, Анастасии, Лидии, Ольги, Ирины, Елены, Людмилы, Тамары, Елены, Сергия

Согласившимся просить Тя об обретении супруга(и) благочестивого, во спасении души и тела, об устроении души каждого из нас и о даровании полезного к жизни временной и вечной. - Даруй нам, Господи, веру праву, надежду благу, любовь нелицемерну, благочестие непоколебимо, в добрых делех преуспеяние и супружескаго жития устроение; даруй нам разумети волю Твою, во еже разрешитися всякому недоумению, и благопоспешение в житейских делех. Даруй, Господи, исполнения нашего прошения. Но обаче не якоже мы хотим, но якоже Ты. Да будет воля Твоя во веки. Аминь"

Мо­ли́т­ва святым благоверным князю Петру и княгине Февронии, Муромским чудотворцам

О уго́дницы Бо́жии, бла­го­ве́р­нии кня́же Пе́тре и княги́не Февро́ние, к вам при­бе­га́­ем и к вам со упова́нием кре́п­ким мо́­лим­ся: вознеси́те о нас, гре́ш­ных (Аллы, Елены, Елены, Дионисия, Петра, Ольги, Анастасии, Лидии, Ольги, Ирины, Елены, Людмилы, Тамары, Елены, Сергия ), свя­ты́я мо­ли́т­вы ва́ши ко Го́с­по­ду Бо́­гу и испроси́те у бла́­гос­ти Его́ вся бла­го­по­треб­ная ду­ша́м и те­ле­се́м на́­шим: ве́­ру пра́ву, на­де́ж­ду бла́гу, лю­бо́вь нелицеме́рну, бла­го­че́с­тие непоколеби́мо, в до́б­рых де́­лех преуспе́яние. И хода́тайствуйте нам у Ца­ря́ Не­бе́с­на­го жи­тие́ благополу́чное и до́брую хри­сти­а́н­скую кон­чи́­ну. Ей, чудотво́рцы святи́и! Не пре́зрите мо­ли́тв на́­ших, но бу́дите о нас при́снии предста́телие ко Го́с­по­ду, и сподо́бите нас по́­мо­щию ва́шею спа­се́­ние ве́чное получи́ти и Ца́рст­вие Не­бе́с­ное унасле́довати, да славосло́вим не­из­ре­че́н­ное человеколю́бие От­ца́ и Сы́­на и Свя­та́­го Ду́­ха, в Тро́­ице покланя́емаго Бо́­га во ве́­ки ве­ко́в.

Молитва Святой Великомученице Екатерине

О святая Екатерино, дево и мученице, истинная Христова невесто! Молим тя, яко особливую благодать, еюже предвари тя Жених твой, Сладчайший Иисус, приимшую: якоже посрамивши прельщения мучителя мудростию твоею, пятьдесят витий победила еси, и напоивши их небесным учением к свету истинныя веры наставила еси, тако испроси и нам оную Божию мудрость, да и мы, вся козни адскаго мучителя расторгше, мира же и плоти соблазны презревше, достойни явимся Божественныя славы, и к расширению святыя нашея Православныя веры сосуди достойни соделаемся, и с тобою в небесней скинии Господа и Владыку нашего Иисуса Христа со Отцем и Святым Духом восхвалим и прославим во все веки веков. Аминь.

Праведному Филарету Милостивому

Тропарь, глас 4-й:
Аврааму в вере подражая, Иову же в терпении последуя, отче Филарете, благая земли разделял еси неимущим и лишение сих терпел еси мужественне. Сего ради светлым тя венцем увенча Подвигоположник, Христос Бог наш, Егоже моли спастися душам нашим.

Кондак, глас 3-й:
Истинно всеизрядная твоя купля зрится и мудрою быти судится всеми благомудрствующими: отдал бо еси дольняя и кратковременная, взыскуя горних и вечных. Темже и достойно стяжал еси вечную славу, милостиве Филарете.

Стихира, глас 2-й:
Благотворяй от Бога есть, глаголет Богослов, и ты убо от Бога еси, милостиве Филарете. Якоже бо Божие есть, тако и твое бысть дело, еже благодеяти, Того убо по естеству, твое же по причастию.

Достойно есть, яко воистинну блажити Тя Богородицу, Присноблаженную и Пренепорочную и Матерь Бога Нашего. Честнейшую Херувим и Славнейшую без сравнения Серафим, без истления Бога Слова рождшую, сущую Богородицу, Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды).
Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц наших и всех святы́х, поми́луй и спаси́ мя, гре́шнаго, я́ко Благ и Человеколю́бец. Аминь.