ДУХОВНОЕ СОПРОТИВЛЕНИЕ И ПОЛЕМИКА

ЛѢТОПИСЬ ПО ИПАТЬЕВСКОМУ СПИСКУ. СИМЪ ЖЕ. И ХАМЪ. И АФЕТЪ. РАЗДѢЛИВШЕ ЗЕМЛЮ. И ЖРЕБИИ МЕТАВШЕ. НЕ ПЕРЕСТУПАТИ НИКОМУ ЖЕ ВЪ ЖРЕБИИ БРАТЕНЬ. И ЖИВѦХУ КОЖДО ВЪ СВОЄИ ЧАСТИ. И БЫС̑ ӔЗЫКЪ ЄДИНЪ. И ОУМНОЖИВШИМСѦ ЧЛ҃ВКОМ̑ НА ЗЕМЛИ. И ПОМЫСЛИША СОЗДАТИ СТОЛПЪ ДО Н҃БСИ. ВЪ ДН҃И НЕКТАНА. И ФАЛЕКА. И СЪБРАВШЕСѦ НА МѢСТѢ СЕНАРЬПОЛЕ. ЗДАТИ СТИ СТОЛПЪ ДО Н҃БСЕ И ГОРОДЪ ѠКОЛО ЄГО ВАВИЛОНЪ. И ЗДАША СТОЛПЪ. ЗА. М҃ . ЛѢТ̑ . И НЕ СВѢРШЕНЪ БЫС̑ . И СНИДЕ ГС̑Ь БЪ҃ ВИДѢТЬ ГОРОД̑ И СТОЛПА. И РЕЧ̑ ГС̑Ь СЕ РОДЪ ЄДИНЪ. И ӔЗЫКЪ ЄДИНЪ. И СМѢСИ БЪ҃ ӔЗЫКЫ. И РАЗДѢЛИ НА. О҃ . И НА ДВА ӔЗЫКА. И РАССѢӔ ПО ВСЕИ ЗЕМЛИ̑ . ПО РАЗМѢШЕНЬИ ЖЕ ӔЗЫКЪ. БЪ҃ ВѢТРОМЪ ВЕЛИКОМЪ РАЗДРУШИ СТОЛПЪ. И ЄСТЬ ѠСТАНОКЪ ЄГО МЕЖИ АСУРА. И ВАВИЛОНА. И ЄСТЬ ВЪ ВЫСОТУ. И ВЪ ШИРИНЮ. ЛАКОТЪ. ҂Е҃ . У҃ . Л҃ . Г҃ . ЛОКОТЪ. ВЪ ЛѢТА МНОГА ХРАНИМЪ ѠСТАНОКЪ. ПО РАЗДРУШЕНІИ ЖЕ СТОЛПА И ПО РАЗДѢЛЕНИИ ӔЗЫКЪ. ПРИӔША СН҃ВЕ СИМОВЫ ВЪСТОСТОЧНЫӔ СТРАНЫ А ХАМОВЪI ЖЕ СНС̑ВЕ ПОЛОУДЄННЪIӔ СТРАНЪI АФЕТОВИ ЖЕ СН҃ВЕ ЗАПАДЪ ПРИӔША. И ПОЛУНОЩЬНЫӔ СТРАНЫ. Ѿ СИХЪ ЖЄ̑ . О҃ . И ДВУ ӔЗЫКУ. БЫС̑ ӔЗЫКЪ СЛОВЕНЕСКЪ. Ѿ ПЛЕМЕНИ ЖЕ АФЕТОВА. НАРѢЦАЄМѢИ НОРЦИ. ИЖЕ СУТЬ СЛОВЕНѢ. ПО МНОЗѢХЪ ЖЕ ВРЕМЕНѢХЪ. СѢЛѢ СУТЬ СЛОВЕНИ. ПО ДУНАЄВИ. КДЕ ЄСТЬ ННѢ ОУГОРЬСКАӔ ЗЕМЛѦ. И БОЛГАРЬСКАӔ. Ѿ ТѢХЪ СЛОВЕНЪ. РАЗИДОШАШАСѦ ПО ЗЕМЬЛИ. И ПРОЗВАШАСѦ ИМЕНЫ СВОИМИ. КДЕ СѢДШЕ. НА КОТОРОМЪ МѢСТѢ. ӔКО ПРИШЕДШЕ СѢДОША. НА РѢЦѢ ИМЕНЕМЪ МОРА̑ВѢ. И ПРОЗВАШАСѦ МОРАВА. А ДРУЗИИ ЧЕСѢ НАРЕКОШАСѦ А СЕ ТИ ЖЕ СЛОВѢНЕ. ХОРВАТИ БѢЛИИ. СЕРПЬ. И ХУТАНѢ. ВОЛОХОМЪ БО НАШЕДШИМ̑ НА СЛОВЕНЫ. НА ДУНАИСКЫЄ. И СѢДШИМЪ В НИХЪ. И НАСИЛѦЮЩИМЪ ИМЪ. СЛОВѢНЕ ЖЕ ѠВИ ПРИШЄДШЄ И СѢДОША. НА ВИСЛѢ. И ПРОЗВАШАСѦ ЛѦХОВѢ. А Ѿ ТѢХЪ ЛѦХОВЪ ПРОЗВАШАСѦ ПОЛѦНЕ ЛѦХОВѢ. ДРУЗИИ ЛЮТИЦѢ. ИНИИ МАЗОВШАНЕ. А НИИ ПОМОРѦНЕ. ТАКО ЖЕ И ТѢ ЖЕ СЛОВѢНЕ. ПРИШЕДШЕ СѢДОША ПО ДНЕПРУ. И НАРКОШАСѦ ПОЛѦНЕ. А ДРУЗИИ ДЕРЕВЛѦНЕ. ЗАНЕ СѢДОША В ЛѢСѢХЪ. А ДРУЗИИ СѢДОША МЕЖИ ПРИПѢТЬЮ И ДВИНОЮ. И НАРКОШАС̑ ДРЕГОВИЧИ. И ИНИИ СѢДОША НА ДВИНѢ. И НАРЕКОШАСѦ ПОЛОЧАНЕ. РѢЧЬКЫ РАД̑ . ӔЖЕ ВТЕЧЕТЬ ВЪ ДВИНУ. ИМЕНЕМЬ ПОЛОТА. Ѿ СЕӔ ПРОЗВАШАС̑ ПОЛОЧАНѢ. СЛОВѢНЕ ЖЕ СѢДО̑ША ѠКОЛО ѠЗЕРА ИЛМЕРА. И ПРОЗВАШАСѦ СВОИМЪ ИМЕНЕМЪ. И СДѢЛАША ГОРОДЪ. И НАРЕКОША И НОВЪГОРОДЪ. А ДРУЗИИ ЖЕ СѢДОША НА ДЕСНѢ. И ПО СЕМИ И ПО СУЛѢ. И НАРКОШАСѦ СѢВЕРО. И ТАКО РАЗИДЕСѦ СЛОВЕНЕСКЪ ӔЗЫКЪ. ТѢМЬ ЖЕ И ПРОЗВАСѦ СЛОВЕНЬСКАӔ ГРАМОТА: СЮДУ И О СЄБЄ НАПИШЄМЪ. ПО МНОЗѢХЪ ЖЕ ВРЕМЕНѢХЪ СѢЛѢ СУТЬ СЛОВЕНИ НА РѢЦѢ ИМЕНЕМЪ ТОРЪ И ПРОЗВАШАСѦ ТОРѦНЄ. СЛОВѢНЕ ЖЕ СѢДО̑ША НА РѢЦѢ ИМЕНЕМЪ ТОРЪ СДѢЛАША ГОРОДЪ. И НАРЕКОША И СЛОВѦНСЬКЪ.