Православная молитва - Православная книга

Один из величайших ветхозаветных пророков Илия (имя переводится как «Бог мой Господь») родился в Заиорданье в г. Фесва в первой половине IX в. до Рождества Христова. Его пророческое служение происходило в Израильском царстве в правление царей Ахава (874–853 гг. до Р.Х.) и Охозии (853–852 гг. до Р.Х.) в период, когда в Северном царстве широко распространился культ Ваала. Пророк ревностно боролся за поклонение Единому Богу и своими делами прославлял Его могущество. Основные сведения о житии и чудесных делах пророка Илии содержатся в 3-й и 4-й книгах Царств.
Пророка Илию специально просят о даровании дождя во время засухи, защите людей и жилища от грозы, града и других неблагоприятных погодных явлений. Ему молятся об оставлении грехов, о даровании покаяния, смирения, кротости, терпения и целомудрия, о помощи в добрых делах и борьбе со страстями, об избавлении от засухи и голода, землетрясений, неизлечимых и других болезней, нашествия врагов и междоусобной брани. Пророка молят также испросить у Господа укрепление государственной власти, помощь православным воинам и победу над врагами, церковным пастырям – заботу о спасении пасомых, мудрость, благочестие и крепость в искушениях, судьям – нелицеприятие и бескорыстие, начальникам – милосердие и справедливость, а подчиненным – покорность и усердие.

Молитва пророку Илии

О прехвальный и пречудный пророче Божий Илие, равноангельным житием твоим на земли просиявый, пламенеющею же ревностию по Господе Бозе Вседержителе, таже и знаменьми и чудесы преславными прославивыйся, и в конец жития твоего на огненней колеснице с плотию твоею на небо преестественно восхищенный, в новейшая же лета с преобразившимся на Фаворе Спасителем мира беседовати сподобивыйся, и ныне в райских селениих всегда пребываяй и предстояй Престолу Небеснаго Царя! Услыши нас, грешных и непотребных, пред святою твоею иконою предстоящих и усердно к ходатайству твоему прибегающих. Моли о нас Человеколюбца Бога, да подаст нам дух покаяния и сокрушения о гресех наших и всесильною Своею благодатию да поможет нам пути нечестия оставити, преспевати же во всяком деле блазе, и в борьбе со страстьми и похотьми нашими да укрепит нас; да всадит в сердца наша дух смирения и кротости, дух братолюбия и незлобия, дух терпения и целомудрия, дух ревности ко славе Божией и о спасении своем и ближних доброе попечение. Упраздни молитвами твоими, пророче, злыя обычаи мира, паче же погибельный и тлетворный дух века сего, род христианский от Божественныя веры и уставов Святыя Церкве отвращающий и к родителем и властем предержащим непочитанием прельщающий, и тако вся люди в бездну нечестия и погибели повергающий. Отврати от нас предстательством твоим праведный гнев Божий и избави вся грады и веси страны нашея от бездождия и глада, от труса же и смертоносных язв и болезней, от нашествия врагов и междоусобныя брани. Укрепи твоими молитвами, преславне, предержащия власти наша. Пособствуй всероссий-скому христолюбивому воинству во бранех со враги нашими. Испроси, пророче Божий, от Господа пастырем нашим святую ревность по Бозе, о спасении пасомых попечение, во учении и управлении мудрость, благочестие и во искушениих крепость, судиям нелицеприятие и безкорыстие испроси, всем же начальствующим милость и правосудие, подчиненным же покорность и усердное о послушании своем рачение; да тако в мире и благочестии поживше в сем веце, сподобимся причастия вечных благ во Царствии Господа и Спаса нашего Иисуса Христа, Емуже подобает честь и поклонение со Безначальным Его Отцем и Пресвятым Духом во веки веков. Аминь.

Михаил Тихомиров
Цитируется в сокращении по кн.: МОЛИТВЫ СВЯТЫМ БОЖИИМ С КРАТКИМИ СВЕДЕНИЯМИ О ЖИТИЯХ И ПОМОЩИ В РАЗНЫХ НУЖДАХ. – М.: Изд. Тихомирова М.Ю., 2018.

Православная книга почтой pravmolitva.ru