Елицы

Многомилостиве и Всемилостиве Боже наш, Отче, Сыне и Душе Святый!
Ты обещавый праведному Аврааму помиловати два великих города, согрешивших пред Тобою, аще обрящеши в них десять праведников, помилуй, Боже наш и, Русь православную- Великую, Малую и Белую за молитвы верных Твоих, вопиющих к Тебе день и нощь.
Умири гнев Твой праведный, на ны движимый, и услыши моления всех новомученников и исповедников Российских, живот свой за Церковь Твою святую и веру Православную положивших, Не попусти, Владыко, богомерзкому сборищу сатанинскому погубити страну нашу, Церковь Русскую и народ православный. Даруй нам, Господи, мужей силы, веры и разума, да Твоею помощию сокрушат вся козни слуг антихристовых, молитвами Заступницы земли Российския- Пречистыя Твоея Матери и всех Твоих святых, да прославим милость Твою к нам, во веки веков. Аминь