1 апреля (по старому стилю 19 марта)
Память святых угодников Божиих:
преподобной Вассы Псково-Печерской (XV в.); преподобного Иннокентия Комельского, Вологодского (XV–XVI вв.); святого Иоанна (Блинова) исповедника (XX в.); преподобномученицы Матроны (Алексеевой) (XX в.); мученика Панхария Римского (III–IV вв.); преподобного Симеона (Желнина) Псково-Печерского (XX в.); преподобного Симеона (Поповича) Дайбабского (Сербского) (XX в.); праведной Софии (Олельковны), княжны Слуцкой (XVI–XVII вв.); мучеников Хрисанфа и Дарии и с ними мучеников Клавдия трибуна, Иларии, жены его, Иасона (Ясона) и Мавра, сыновей их, Диодора пресвитера и Мариана диакона (III в.).
Поздравляем именинников!
Тропарь, глас 4 (преподобной Вассе Псково-Печерской):
Днесь, вернии, преславно ликовствуем, память преподобныя Вассы совершающе, и раце мощей ея умильно покланяющеся, со слезами и любовию вопием ей: буди ходатаица наша пред Богом, огради молитвами твоими обитель и град наш, в скорбех и печалех нам буди утешительница, ты бо еси крепость верным и обители Псково-Печерския украшение.
Кондак, глас 4 (преподобной Вассе Псково-Печерской):
Память преподобныя Вассы днесь светло совершающе, благодарственне воспоминаем многотрудныя подвиги, естество бо женское отвергши, со супружником твоим устремися к монашескому житию, да нетленными венцы венчает тя Христос.
Тропарь, глас 4 (преподобному Иннокентию Комельскому, Вологодскому):
От юности своея весь Богови поработился еси, блаженне, и Того ради любве отечество и род оставил еси и, в пустыню вселився, в ней жестоко житие показал еси, и чудес дарования от Бога приял еси, преподобне Иннокентие, моли Христа Бога спастися душам нашим.
Кондак, глас 4 (преподобному Иннокентию Комельскому, Вологодскому):
Отечества, преподобне, удалився и вселився в пустыню, тамо жестоко житие показал еси и многих людей житием своим удивил еси. Поминай нас, чтущих память твою, да зовем ти: радуйся, преподобне Иннокентие, отче наш.
О преподобном Иннокентии Комельском, Вологодском читайте в книге: Жития всех святых / Сост. Иоанн Бухарев.
Тропарь, глас 1 (преподобному Симеону (Желнину) Псково-Печерскому):
Любовию Христовою сердце твое уязвивый, евангельски Тому последовал еси: яко древний подвижник преподобием украсивыйся, славный насельник обители Богоматери у пещер Богом зданных явился еси, и, благодать духовную свыше приемый, подаеши верным исцеления, Симеоне богоблаженне, не престай молитися о чтущих тя.
Кондак, глас 6 (преподобному Симеону (Желнину) Псково-Печерскому):
Яко Божия любве зерцало, во обители Печерстей благодатно просветился еси, образ иноческаго жития показуя, трудолюбием и послушанием на высоту добродетелей востекл еси, темже, дары Духа Святаго от Господа почтенный, чудеса многа щедро источаеши, преподобне отче наш Симеоне, помози спастися душам нашим.
Тропарь, глас 5 (праведной Софии, княжне Слуцкой):
Блаженная мати Софие, нетлением мощей и чудес сиянием почти тя Бог; поминающе твое праведное житие, тя молим испросити телесем нашим здравие и душам спасение.
Тропарь, глас 1 (мученикам Хрисанфу и Дарии Римским и иже с ними):
Болезньми святых, имиже о Тебе пострадаша, умолен буди, Господи, и вся наша болезни исцели, Человеколюбче, молимся.
Кондак, глас 8 (мученикам Хрисанфу и Дарии Римским и иже с ними):
Светильницы светлии явьшеся, божественнии мученицы, тварь всю светлостию чудес озаряете, недуги разрешающе и глубокую тьму всегда отгоняюще, Христу Богу молящеся непрестанно о всех нас.
Православная литература www.pravmolitva.ru/catalog/pravoslavnaya-literatura.html