14 марта (по старому стилю 1 марта)
Память святых угодников Божиих:
священномученика Александра (Ильенкова) пресвитера (XX в.); мученицы Антонины Никейской (III–IV вв.); преподобномученика Антония (Коржа) иеродиакона (1888–1938); священномученика Василия (Константинова-Гришина) пресвитера (XX в.); священномучеников Василия (Никитского), Петра (Любимова), Иоанна (Стрельцова), Вениамина (Фаминцева), Михаила (Букринского) пресвитеров, преподобномучениц Анны (Макандиной), Дарии (Зайцевой), Евдокии (Архиповой), Ольги (Жильцовой), Александры (Дьячковой), Матроны (Макандиной), мученика Василия (Архипова), мученицы Надежды (Аббакумовой) (XX в.); преподобной Домнины (Домникии) девы, Сирийской (V в.); преподобномученицы Евдокии Илиопольской (II в.); мучеников Маркелла и Антония; преподобного Мартирия Зеленецкого (XVI–XVII вв.); мучеников Нестора и Тривимия Пергийских (Памфилийских) (III в.).
Поздравляем именинников!
Тропарь, глас 5 (преподобномученицам Анне и Матроне (Макандиным) Алексиевским):
Христа Господа Иисуса верныя ученицы, Церкве Русския избранныя агницы, обители Алексиевския славо и украшение, преподобныя страстотерпицы Анно и Матроно, легкое иго и язвы Его любовию носяща, лествицею мучений к Нему, яко Небесному Жениху, востекли есте, Егоже молите сохранити в благочестии люди земли Русския и спасти души наша.
Кондак, глас 4 (преподобномученицам Анне и Матроне (Макандиным) Алексиевским):
Яко крини багряновиднии, посреде терний безбожия в земнем отечестве вашем процвели есте, преподобномученицы Анно и Матроно честныя, подвиги воздержания страданием украсивша, востекли есте к Небесному Жениху Христу, Иже увенча вы красотою славы нетленныя.
На заседании Священного Синода РПЦ 28.12.2019 г. утверждена для общецерковного богослужебного употребления служба преподобномученицам Анне и Матроне (Макандиным) Алексиевским.
Тропарь, глас 4 (преподобномученице Дарии (Зайцевой):
Агница Твоя, Иисусе, и кроткая голубица Дария, яко заколение непорочно и приношение чисто, любовию принесшися в жертву Тебе, сочетася преподобных светлейшему лику и мучеников доблестному полку. Тоя молитвами, Христе Боже, яко Милостив, спаси души наша.
Кондак, глас 8 (преподобномученице Дарии (Зайцевой):
Добродетели иноческия стяжавши, благочестием и любовию себе украсила еси, мук же и смерти не убоявшися, тело свое не пощадила еси. Темже, верою тьму безбожия посрамивши, наследница Царствия Христова явилася еси. Сего ради с любовию зовем ти: радуйся, Дарие преподобномученице, в духовней брани нас укрепляющая.
Тропарь и кондак преподобномученице Дарии Зайцевой утверждены для общецерковного богослужебного употребления на заседании Священного Синода РПЦ 11.03.2020 г.
Тропарь, глас 8 (преподобномученице Евдокии Илиопольской):
Правостию умною душу твою привязавши в любовь Христову, тленных и красных, и временных забытием претекла еси, яко Слова ученица, пощением страсти первее умертвивши, страдальчески второе врага посрамила еси. Тем Христос сугубых венцев сподоби тя, славная Евдокие, преподобная страстотерпице, моли Христа Бога спастися душам нашим.
Кондак, глас 4 (преподобномученице Евдокии Илиопольской):
Во страдании твоем добре подвизавшися, и по смерти нас освещаеши чудес излиянии, всехвальная, верою прибегающия в Божественную церковь твою, и, торжествующе, молим тя, преподобная мученице Евдокие, да избавимся недуг душевных и чудес благодать почерпем.
О преподобномученице Евдокии Илиопольской в книге: Жития всех святых / Сост. священник и законоучитель Иоанн Бухарев.
Тропарь, глас 2 (преподобному Мартирию Зеленецкому):
От юности, богоблаженне, Христа возлюбив, отечество оставил еси и, всех мирских мятежей уклонився, в тихое пристанище пречестныя обители Богоматерни достигл еси; отонудуже уведев непроходную пустыню, крестовидною зарею показанную, желательне ю обрел еси и, в ней вселився, иночествующих собрал еси, и сих ученьми своими, яко лествицею восходною на Небо, трудолюбно тщался еси возводити к Богу. Емуже молися, богомудре Мартирие, даровати душам нашим велию милость.
Кондак, глас 8 (преподобному Мартирию Зеленецкому):
Отечества, преподобне, и всего мирскаго мятежа, уклонитися возжелел еси, и, в пустыню вселився, тамо во блаженнем безмолвии жестокое житие показал еси, и чада послушания и смирения в нем возрастил еси. Сего ради дерзновение стяжав ко Святей Троице, еже молитися, богоблаженне, о нас, чадех своих, ихже собрал еси, и о всех правоверных, да зовем ти: радуйся, отче Мартирие, безмолвия пустыннаго любителю.
Православная литература www.pravmolitva.ru/catalog/pravoslavnaya-literatura.html